ᠥᠭᠡᠯᠦᠨ ᠬᠠᠲᠤᠨ
ᠦᠭᠡᠯᠦᠨ ᠬᠠᠲᠤᠨ ᠡᠬᠡ
ᠦᠭᠡᠯᠦᠨ ᠬᠠᠲᠤᠨ ᠡᠬᠡ ᠪᠤᠯᠪᠠᠰᠤ ᠡᠵᠡᠨ ᠪᠤᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠤ ᠡᠬᠡ᠂ ᠬᠢᠶᠠᠳ ᠠᠢᠢᠮᠠᠭ ᠤᠨ ᠶᠡᠬᠡ ᠪᠠᠭᠠᠲᠤᠷ ᠶᠢᠰᠦᠬᠡᠢ ᠶᠢᠨ ᠭᠡᠷᠭᠡᠢ ᠪᠦᠭᠡᠳ ᠣᠯᠬᠣᠨᠣᠳ ᠤᠪᠤᠭ ᠡᠴᠡ ᠢᠵᠠᠭᠤᠷ ᠲᠠᠢ ᠪᠦᠯᠦᠭᠡ᠃ ᠦᠭᠡᠯᠦᠨ ᠬᠠᠲᠤᠨ ᠡᠬᠡ ᠤᠨ ᠲᠠᠯᠠ ᠪᠡᠷ ︿ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ﹀ ᠳᠤ ᠦᠭᠦᠯᠦᠳᠡᠭ᠃
ᠵᠠᠯᠠᠭᠤ ᠨᠠᠰᠤ
ᠦᠭᠡᠯᠦᠨ ᠡᠬᠡ ᠣᠯᠬᠣᠨᠣᠳ ᠤᠪᠤᠭ ᠲᠤ ᠲᠦᠷᠦᠵᠦ ᠦᠰᠦᠭᠰᠡᠨ ᠪᠦᠭᠡᠳ ᠭᠡᠷᠯᠡᠬᠦ ᠨᠠᠰᠤᠨ ᠳᠤ ᠬᠦᠷᠬᠦ ᠦᠶᠡ ᠳᠡᠭᠡᠨ ᠮᠡᠷᠭᠡᠳ ᠠᠶᠢᠮᠠᠭ ᠤᠨ ᠴᠢᠯᠡᠳᠦ ᠳᠤ ᠭᠡᠷᠭᠡᠢ ᠪᠤᠯᠬᠤ ᠪᠡᠷ ᠶᠠᠪᠤᠵᠦ ᠪᠠᠢᠢᠬᠤ ᠳᠠᠭᠠᠨ ᠬᠢᠶᠠᠳ ᠠᠶᠢᠮᠠᠭ ᠤᠨ ᠪᠠᠭᠠᠳᠤᠷ ᠶᠢᠰᠦᠬᠡᠢ ᠳᠤ ᠪᠤᠯᠢᠶᠠᠭᠳᠤᠨ ᠬᠢᠶᠠᠳ ᠠᠶᠢᠮᠠᠭ ᠤᠨ ᠲᠡᠷᠭᠢᠭᠦᠯᠡᠭᠴᠢ ᠶᠢᠨ ᠶᠡᠬᠡ ᠬᠠᠲᠤᠨ ᠪᠤᠯᠵᠡᠢ᠃ ᠨᠢᠭᠤᠴᠠ ᠲᠤᠪᠴᠢᠶᠠᠨ ᠳᠤ ᠲᠡᠭᠦᠨ ᠢ ᠶᠡᠬᠡᠳᠡ ᠦᠵᠡᠰᠭᠦᠯᠡᠩᠳᠡᠢ᠂ ᠭᠤᠦᠠ ᠰᠠᠶᠢᠬᠠᠨ ᠲᠦᠷᠦᠭᠰᠡᠨ ᠬᠡᠮᠡᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠦᠭᠡᠯᠦᠨ ᠬᠠᠲᠤᠨ ᠡᠬᠡ ᠲᠠᠪᠤᠨ ᠬᠡᠦᠬᠡᠳ ᠲᠦᠷᠦᠭᠦᠯᠡᠭᠰᠡᠨ ᠪᠦᠭᠡᠳ ᠤᠤᠭᠠᠨ ᠨᠢ ᠲᠡᠮᠦᠵᠢᠨ ︵ᠡᠵᠡᠨ ᠪᠤᠭᠳᠠ︶᠂ ᠬᠠᠰᠠᠷ᠂ ᠬᠠᠴᠢᠤᠨ᠂ ᠲᠡᠮᠦᠭᠡ ᠭᠡᠰᠡᠨ ᠳᠦᠷᠪᠡᠨ ᠬᠦᠪᠡᠭᠦᠨ᠂ ᠲᠡᠮᠦᠯᠦᠨ ᠬᠡᠮᠡᠬᠦ ᠭᠠᠭᠴᠠ ᠦᠬᠢᠨ ᠲᠦᠷᠦᠭᠦᠯᠡᠵᠡᠢ᠃
ᠭᠠᠭᠴᠠ ᠪᠡᠶᠡ ᠪᠡᠷ ᠦᠷᠡ ᠬᠡᠦᠬᠡᠳ ᠦᠳ ᠶᠢᠡᠨ ᠦᠰᠦᠭᠰᠡᠨ ᠨᠢ
ᠶᠢᠰᠦᠬᠡᠢ ᠪᠠᠭᠠᠲᠤᠷ ᠲᠠᠲᠠᠷ ᠤᠳ ᠳᠤ ᠬᠤᠤᠷᠯᠠᠭᠳᠠᠭᠰᠠᠨ ᠤ ᠬᠤᠢᠢᠨᠠ ᠦᠭᠡᠯᠦᠨ ᠬᠠᠲᠤᠨ ᠡᠬᠡ ᠪᠠᠭᠠ ᠬᠠᠲᠤᠨ ᠰᠤᠴᠢᠭᠡᠯ ᠤᠨ ᠬᠠᠮᠲᠤ ᠪᠡᠷ ᠲᠤᠯᠤᠭᠠᠨ ᠬᠡᠦᠬᠡᠳ ᠶᠢᠡᠨ ᠦᠰᠦᠭᠰᠡᠨ ᠠᠵᠡᠢ᠃
ᠶᠡᠬᠡ ᠮᠣᠩᠭᠤᠯ ᠤᠯᠤᠰ ᠤᠨ ᠬᠠᠲᠤᠨ ᠡᠬᠡ
ᠤᠤᠭᠠᠨ ᠬᠦᠪᠡᠭᠦᠨ ᠲᠡᠮᠦᠵᠢᠨ ᠤᠯᠤᠰ ᠶᠢᠡᠨ ᠬᠤᠷᠢᠶᠠᠨ ᠨᠢᠭᠡᠳᠬᠡᠵᠦ ︿ᠶᠡᠬᠡ ᠮᠤᠩᠭᠤᠯ ᠤᠯᠤᠰ﹀ ᠢ ᠲᠤᠩᠬᠠᠭᠯᠠᠨ ᠦᠪᠡᠷ ᠤᠨ ᠡᠬᠡ ᠶᠢᠡᠨ ︿ᠤᠯᠤᠰ ᠤᠨ ᠡᠬᠡ ᠬᠠᠲᠤᠨ﹀ᠬᠡᠮᠡᠨ ᠡᠷᠭᠦᠮᠵᠢᠯᠦᠭᠰᠡᠨ ᠪᠢᠯᠡ᠃ ᠦᠭᠡᠯᠦᠨ ᠬᠠᠲᠤᠨ ᠡᠬᠡ ᠪᠤᠯᠪᠠᠰᠤ ᠴᠢᠩᠭᠢᠰ ᠬᠠᠭᠠᠨ ᠤ ᠮᠡᠷᠭᠡᠨ ᠵᠦᠪᠯᠦᠭᠴᠢ᠂ ᠡᠨᠡᠷᠡᠩᠭᠦᠢ ᠰᠠᠶᠢᠬᠠᠨ ᠰᠡᠳᠬᠢᠯᠲᠡᠨ ᠪᠠᠶᠢᠭᠰᠠᠨ ᠪᠢᠯᠡ᠃