ᠡᠨ᠍ᠽᠢᠮ
ᠪᠢᠣᠯᠣᠬᠢ ᠶ᠋ᠢᠨ ᠬᠤᠷᠳᠤᠰᠬᠠᠭᠤᠷ ᠤᠨ ᠪᠣᠯᠳᠠᠭ ᠤᠭᠤᠷᠠᠭ ᠢ᠋ ᠡᠨ᠍ᠽᠢᠮ ᠭᠡᠨᠡ᠃ ᠬᠤᠷᠳᠤᠰᠬᠠᠭᠤᠷ ᠤᠳ ᠪᠣᠯᠪᠠᠰᠤ ᠬᠢᠮᠢ ᠶ᠋ᠢᠨ ᠤᠷᠪᠠᠯ ᠢ᠋ ᠵᠢᠯᠤᠭᠠᠳᠳᠠᠭ ᠪᠢᠯᠡ᠃ ᠡᠨ᠍ᠽᠢᠮ ᠲᠡᠢ ᠬᠠᠷᠢᠯᠴᠠᠳᠠᠭ ᠮᠣᠯᠧᠻᠦ᠋ᠯ ᠢ᠋ ᠰᠤᠪᠰᠲ᠋ᠷᠠᠲ ᠭᠡᠮᠦᠢ᠃ ᠡᠨ᠍ᠽᠢᠮ ᠦᠳ ᠰᠤᠪᠰᠲ᠋ᠷᠠᠲ ᠢ᠋ ᠥᠭᠡᠷᠡ ᠨᠢᠭᠡᠨ ᠪᠣᠳᠢᠰ ᠤᠷᠤᠭᠤ ᠬᠤᠪᠢᠷᠭᠠᠬᠤ ᠪᠥᠭᠡᠳ ᠡᠭᠦᠨ ᠢ᠋ ᠪᠦᠲᠦᠭᠡᠭᠳᠡᠬᠦᠨ ᠭᠡᠮᠦᠢ᠃ ᠡᠰ ᠲᠦ ᠶᠠᠪᠤᠭᠳᠠᠬᠤ ᠪᠦᠬᠦᠢ ᠯᠡ ᠪᠣᠳᠢᠰ ᠤᠨ ᠰᠣᠯᠢᠴᠠᠭᠠᠨ ᠤ ᠤᠷᠪᠠᠯ ᠳ᠋ᠤ ᠡᠨ᠍ᠽᠢᠮ ᠬᠡᠷᠡᠭᠲᠡᠢ᠃ ᠡᠨ᠍ᠽᠢᠮ ᠢ ᠰᠤᠳᠤᠯᠳᠠᠭ ᠤᠬᠠᠭᠠᠨ ᠢ ᠡᠨ᠍ᠽᠢᠮ ᠰᠤᠳᠤᠯᠤᠯ (ᠡᠨ᠍ᠽᠢᠮᠣᠯᠣᠬᠢ) ᠬᠡᠮᠡᠮᠦᠢ᠃ ᠡᠳᠦᠭᠡ ᠬᠠᠭᠤᠷᠮᠠᠭ ᠡᠨ᠍ᠽᠢᠮ ᠦᠨ ᠰᠢᠨᠵᠢᠯᠡᠭᠡ ᠭᠡᠭᠴᠢ ᠰᠢᠨᠡ ᠰᠠᠯᠪᠤᠷᠢ ᠢᠳᠡ ᠡᠷᠴᠢᠮᠵᠢᠭᠰᠡᠭᠡᠷ ᠪᠠᠢᠢᠨᠠ᠃
ᠡᠨ᠍ᠽᠢᠮ ᠦᠳ ᠣᠢᠢᠷᠠᠯᠴᠠᠭᠠ ᠪᠠᠷ 5000 ᠭᠠᠷᠤᠢ ᠪᠢᠣᠬᠢᠮᠢ ᠶᠢᠨ ᠤᠷᠪᠠᠯ ᠢ ᠬᠤᠷᠳᠤᠰᠬᠠᠮᠤᠢ᠃ ᠪᠤᠰᠤᠳ ᠪᠢᠣ᠊ᠬᠤᠷᠳᠤᠰᠬᠠᠭᠤᠷ ᠪᠣᠯᠪᠠᠰᠤ ᠷᠢᠪᠣᠽᠢᠮᠡ ᠭᠡᠭᠴᠡ RNA ᠮᠣᠯᠧᠻᠦ᠋ᠯ ᠦᠳ ᠪᠥᠯᠦᠭᠡ᠃ ᠲᠡᠳᠡᠨ ᠦ ᠭᠤᠷᠪᠠᠨ ᠬᠡᠮᠵᠢᠶᠡᠰᠤᠲᠦ ᠪᠦᠲᠦᠴᠡ ᠡᠴᠡ ᠪᠣᠯᠤᠭᠠᠳ 《ᠡᠨ᠍ᠽᠢᠮ ᠦᠨ ᠰᠣᠩᠭᠤᠬᠤ ᠴᠢᠨᠠᠷ》 ᠭᠡᠭᠴᠢ ᠶᠤᠮ ᠪᠤᠢ᠃
ᠶᠡᠬᠡᠩᠬᠢ ᠬᠤᠷᠳᠤᠰᠬᠠᠭᠤᠷ ᠤᠨ ᠠᠳᠠᠯᠢ᠂ ᠡᠨ᠍ᠽᠢᠮ ᠦᠳ ᠤᠷᠪᠠᠯ ᠤᠨ ᠢᠳᠡᠪᠬᠢᠵᠢᠯ ᠤᠨ ᠡᠨᠧᠷᠬᠢ ᠶᠢ ᠪᠠᠭᠤᠷᠤᠭᠤᠯᠤᠨ᠂ ᠲᠤᠬᠠᠢ ᠶᠢᠨ ᠤᠷᠪᠠᠯ ᠢ ᠬᠤᠷᠳᠤᠰᠬᠠᠶᠤ᠃ ᠤᠷᠪᠠᠯ ᠢ ᠰᠠᠶᠠ ᠳᠠᠬᠢᠨ ᠬᠤᠷᠳᠤᠰᠬᠠᠳᠠᠭ ᠡᠨ᠍ᠽᠢᠮ ᠴᠦ ᠪᠤᠢ᠃ ᠡᠭᠦᠨ ᠦ ᠨᠢᠭᠡᠨ ᠵᠢᠱᠢᠶᠡ᠄ ᠣᠷᠣᠲ᠋ᠢᠳᠢᠨᠡ 5'-ᠹᠣᠰᠹᠠᠲ ᠳ᠋ᠧᠻᠠᠷᠪᠣᠻᠰᠢᠯᠠᠽᠠ ᠭᠡᠳᠡᠭ ᠡᠨ᠍ᠽᠢᠮ ᠬᠡᠳᠦᠨ ᠰᠠᠶᠠ ᠵᠢᠯ ᠶᠠᠪᠤᠭᠳᠠᠬᠤ ᠤᠷᠪᠠᠯ ᠢ ᠬᠡᠳᠦᠬᠡᠨ ᠮᠢᠯᠯᠢᠰᠧᠻᠦ᠋ᠨ᠍ᠳ᠋ ᠲᠦ ᠶᠠᠪᠤᠭᠤᠯᠲᠠᠯᠠ ᠬᠤᠷᠳᠤᠰᠬᠠᠳᠠᠭ ᠠᠵᠡᠢ᠃ ᠬᠢᠮᠢ ᠶᠢᠨ ᠬᠤᠪᠢ ᠳᠠ᠄ ᠡᠨ᠍ᠽᠢᠮ ᠦᠳ ᠤᠷᠪᠠᠯ ᠳᠤ ᠣᠷᠤᠵᠤ ᠬᠡᠷᠡᠭᠯᠡᠭᠳᠡᠳᠡᠭ ᠦᠭᠡᠢ᠂ ᠤᠷᠪᠠᠯ ᠤᠨ ᠲᠡᠨᠴᠡᠪᠦᠷᠢ ᠶᠢ ᠥᠭᠡᠷᠡᠴᠢᠯᠡᠳᠡᠭ ᠦᠭᠡᠢ ᠪᠢᠯᠡ᠃ ᠡᠨ᠍ᠽᠢᠮ ᠦᠨ ᠢᠳᠡᠪᠬᠢ ᠪᠤᠰᠤᠳ ᠮᠣᠯᠧᠻᠦᠯ ᠢᠢᠠᠷ ᠥᠭᠡᠷᠡᠴᠢᠯᠡᠭᠳᠡᠵᠦ ᠪᠣᠯᠳᠠᠭ᠄ ᠢᠳᠡᠪᠬᠢᠭᠦᠢᠢᠵᠢᠭᠦᠯᠦᠭᠴᠢ (ᠡᠩᠬᠢᠪᠢᠲ᠋ᠣᠷ) ᠪᠣᠯ ᠡᠨ᠍ᠽᠢᠮ ᠦᠨ ᠢᠳᠡᠪᠬᠢ ᠶᠢ ᠪᠠᠭᠤᠷᠠᠭᠤᠯᠳᠠᠭ ᠪᠣᠳᠢᠰ ᠪᠠᠢᠢᠳᠠᠭ ᠪᠠ ᠢᠳᠡᠪᠬᠢᠵᠢᠭᠦᠯᠦᠭᠴᠢ (ᠠᠻᠲ᠋ᠢᠸᠠᠲ᠋ᠣᠷ) ᠬᠡᠮᠡᠭᠴᠢ ᠨᠢ ᠢᠳᠡᠪᠬᠢ ᠶᠢ ᠨᠡᠮᠡᠭᠳᠡᠭᠦᠯᠳᠡᠭ ᠪᠣᠯᠠᠢ᠃ ᠶᠡᠬᠡᠩᠬᠢ ᠡᠮ᠂ ᠬᠣᠣᠷ ᠤᠳ ᠡᠨ᠍ᠽᠢᠮ ᠦᠨ ᠢᠳᠡᠪᠬᠢᠭᠦᠢᠢᠵᠢᠭᠦᠯᠦᠭᠴᠢ ᠪᠣᠳᠢᠰ ᠮᠥᠨ᠃ ᠡᠨ᠍ᠽᠢᠮ ᠮᠥᠨ ᠲᠣᠬᠢᠷᠠᠮᠵᠢᠲᠠᠢ ᠲᠧᠮᠫᠧᠷᠠᠲ᠋᠋ᠦ᠋ᠷᠲᠠᠢ᠂ pH ᠦ᠋ᠨ ᠪᠦᠰᠡ ᠡᠴᠡ ᠭᠠᠳᠠᠭᠤᠷ ᠪᠠᠢᠢᠪᠠᠯ ᠠᠵᠢᠯᠯᠠᠳᠠᠭ ᠦᠭᠡᠢ᠃ ᠲᠡᠭᠦᠨᠴᠢᠯᠡᠨ ᠥᠨᠳᠦᠷ ᠲᠧᠮᠫᠧᠷᠠᠲ᠋ᠦ᠋ᠷ ᠲᠤ ᠭᠠᠯᠠᠭᠠᠪᠠᠰᠤ ᠪᠦᠲᠦᠴᠡ ᠨᠢ ᠡᠪᠳᠡᠷᠡᠵᠦ᠂ ᠬᠤᠷᠳᠠᠰᠬᠠᠬᠤ ᠴᠢᠨᠠᠷ ᠢᠢᠠᠨ ᠠᠯᠳᠠᠮᠤᠢ᠃
ᠭᠠᠷᠪᠠᠯᠢ ᠪᠠ ᠲᠡᠦᠬᠡ
ᠠᠨ᠍ᠰᠡᠯᠮᠡ ᠫᠠᠶᠧᠨ ᠨᠡᠷᠡᠲᠦ ᠹᠷᠠᠨ᠍ᠼ ᠤᠨ ᠬᠢᠮᠢᠴᠢ 1833 ᠣᠨ ᠳᠤ ᠠᠩᠬᠠ ᠳ᠋ᠢᠠᠰᠲᠠᠰᠠ(diastase) ᠡᠨ᠍ᠽᠢᠮ ᠢ ᠨᠡᠭᠡᠭᠡᠵᠦᠬᠦᠢ᠃ ᠬᠡᠳᠦᠨ ᠠᠷᠪᠠᠨ ᠵᠢᠯ ᠦᠨ ᠳᠠᠷᠠᠭᠠ ᠯᠦᠢ ᠫᠠᠰᠲᠦ᠋ (Louis Pasteur) ᠬᠥᠷᠦᠩᠭᠡ ᠮᠦᠭᠦ ᠶᠢᠨ ᠣᠷᠤᠯᠴᠠᠭᠠᠲᠠᠢ ᠪᠡᠷ ᠰᠢᠬᠢᠷ ᠢᠰᠦᠯᠳᠦᠨ ᠰᠫᠢᠷᠲ ᠪᠣᠯᠬᠤ ᠶᠢ (ᠹᠧᠷᠮᠧᠨ᠍ᠲ᠋ᠠᠼ) ᠬᠠᠷᠠᠭᠠᠳ ᠪᠣᠳᠤᠷᠤᠨ᠄ ᠡᠨᠡᠬᠦ ᠦᠵᠡᠭᠳᠡᠯ ᠹᠧᠷᠮᠧᠨ᠍ᠲ ᠭᠡᠭᠴᠢ ᠴᠢᠬᠤᠯᠠ ᠠᠮᠢᠨ ᠬᠦᠴᠦ ᠶᠢᠨ ᠣᠷᠤᠯᠴᠠᠭᠠᠲᠠᠢ ᠶᠠᠪᠤᠭᠳᠠᠳᠠᠭ ᠃
1877 ᠣᠨ ᠳᠤ ᠭᠧᠷᠮᠠᠨ ᠤ ᠹᠢᠽᠢᠶᠣᠯᠣᠭᠢᠴᠢ ᠸᠢᠯᠾᠧᠯᠮ ᠻᠦᠨᠡ () ᠠᠩᠬᠠ ᠭᠷᠧᠭ ᠦᠨ ἔνζυμον ᠭᠡᠭᠰᠡᠨ ᠦᠭᠡ ᠡᠴᠡ ᠭᠠᠷᠤᠯᠲᠠᠢ 《ᠡᠨ᠍ᠽᠢᠮ》 ᠭᠡᠳᠡᠭ ᠨᠡᠷᠡ ᠶᠢ ᠠᠰᠢᠭᠯᠠᠵᠡᠢ᠃
ᠠᠩᠭᠢᠯᠠᠯ ᠪᠠ ᠨᠡᠷᠡᠰᠢᠯ
ᠡᠨ᠍ᠽᠢᠮ ᠢ ᠬᠣᠶᠠᠷ ᠰᠢᠨᠵᠢ ᠳᠦᠨᠢ ᠦᠨᠳᠦᠰᠦᠯᠡᠨ ᠬᠤᠪᠢᠶᠠᠵᠤ ᠪᠣᠯᠤᠮᠠᠷ᠄ ᠠᠮᠢᠨ ᠬᠦᠴᠢᠯ ᠦᠨ ᠳᠠᠷᠠᠭᠠᠯᠠᠯ ᠪᠤᠶᠤ ᠡᠨ᠍ᠽᠢᠮ ᠦᠨ ᠢᠳᠡᠪᠬᠢ ᠪᠡᠷ ᠨᠢ᠃
ᠡᠨ᠍ᠽᠢᠮ ᠦᠨ ᠢᠳᠡᠪᠬᠢ᠃ ᠡᠨ᠍ᠽᠢᠮ ᠦᠨ ᠨᠡᠷᠡ ᠶᠡᠬᠡᠪᠴᠢᠯᠡᠨ ᠲᠡᠭᠦᠨ ᠦ ᠰᠤᠪᠰᠲ᠋ᠷᠠᠲ ᠠᠴᠠ ᠨᠢ ᠪᠤᠶᠤ ᠶᠠᠪᠤᠭᠤᠯᠳᠠᠭ ᠤᠷᠪᠠᠯ ᠠᠴᠠ ᠨᠢ ᠭᠠᠷᠤᠯᠲᠠᠢ ᠪᠠᠢᠢᠬᠤ ᠪᠠ ᠳᠡᠭᠡᠷᠡᠬᠢ ᠵᠦᠢᠯ ᠦᠨ ᠠᠷᠤ ᠳᠤᠨᠢ -᠊ᠠᠰᠠ ᠳᠠᠭᠠᠪᠤᠷᠢ ᠵᠠᠯᠭᠠᠵᠤ ᠡᠨ᠍ᠽᠢᠮ ᠦᠩ ᠨᠡᠷᠡ ᠡᠭᠦᠰᠬᠡᠮᠦᠢ᠃ ᠵᠢᠱᠢᠶᠡᠯᠡᠪᠡᠯ᠄ ᠯᠠᠻᠲ᠌᠋ᠠᠰᠠ᠂ ᠰᠫᠢᠷᠲ ᠳ᠋ᠧ᠊ᠬᠢᠳᠷᠣᠭᠧᠨᠠᠰᠠ᠂ DNA ᠫᠣᠯᠢᠮᠧᠷᠠᠰᠠ ᠭᠡᠬᠦ ᠮᠡᠲᠦ᠃ ᠢᠵᠢᠯ ᠤᠷᠪᠠᠯ ᠢ ᠬᠤᠷᠳᠤᠰᠬᠤᠳᠠᠭ ᠮᠥᠷᠲᠡᠭᠡᠨ᠂ ᠥᠭᠡᠷᠡ ᠡᠨ᠍ᠽᠢᠮ ᠢ ᠢᠵᠢᠯᠲᠦ ᠡᠨ᠍ᠽᠢᠮ(ᠢᠰᠣ᠊ᠡᠨ᠍ᠽᠢᠮ᠂ isozyme) ᠭᠡᠨᠡ᠃
ᠡᠨ᠍ᠽᠢᠮ ᠦᠨ ᠳᠡᠭᠡᠳᠦ ᠲᠦᠪᠰᠢᠨ ᠤ ᠠᠩᠭᠢᠯᠠᠯ᠄
- EC 1ᠡᠭᠦᠨ ᠳᠦ ᠣᠻᠰᠢᠳᠣ᠊ᠷᠧᠳᠦ᠋ᠻᠲ᠋ᠠᠰᠠ ᠪᠠᠭᠲᠠᠨᠠ
- EC 2ᠡᠭᠦᠨ ᠳᠦ ᠲᠷᠠᠨ᠍ᠰᠹᠧᠷᠠᠰᠠ ᠤᠳ ᠪᠠᠭᠲᠠᠨᠠ
- EC 3ᠡᠭᠦᠨ ᠳᠦ ᠬᠢᠳ᠌ᠷᠣᠯᠠᠰᠠ ᠡᠨ᠍ᠽᠢᠮ ᠪᠠᠭᠲᠠᠨᠠ
- EC 4ᠡᠭᠦᠨ ᠳᠦ ᠯᠢᠶᠠᠰᠠ ᠤᠳ ᠪᠠᠭᠲᠠᠨᠠ
- EC 5ᠡᠭᠦᠨ ᠳᠦ ᠢᠰᠣᠮᠧᠷᠠᠰᠠ ᠤᠳ ᠪᠠᠭᠲᠠᠨᠠ
- EC 6ᠡᠭᠦᠨ ᠳᠦ ᠯᠢᠬᠠᠰᠠ ᠤᠳ ᠪᠠᠭᠲᠠᠨᠠ