Засварлах: Монголын газрын гадаргын геологийн түүх (хэсэгчилэн)

==ᠳᠤᠮᠳᠠᠳᠤ ᠲᠥᠷᠦᠮᠡᠯ ᠊ᠦᠨ ᠡᠷᠢᠨ ᠪᠠ ᠭᠤᠷᠪᠠᠳᠠᠭᠴᠢ ᠭᠠᠯᠪᠠ ᠊ᠢᠢᠨ ᠦᠶ᠎ᠡ ᠱᠠᠲᠤ==
<span style="writing-mode: horizontal-tb; ">[[Файл:Геологическая карта мира.png|thumb|<center><span style="writing-mode: vertical-lr; "><div style="text-align:left">ᠳᠡᠯᠡᠬᠡᠢ ᠊ᠢᠢᠨ<br>ᠲᠧᠻᠲ᠋ᠣᠨᠢᠻ ᠊ᠤᠨ<br>ᠵᠢᠷᠤᠭ</div>]]</span>
ᠡᠨᠡ ᠡᠷᠡᠨ ᠡᠬᠢᠯᠡᠬᠦ ᠊ᠳᠦ ᠮᠣᠩᠭᠣᠯ ᠣᠷᠣᠨ ᠊ᠤ ᠠᠭᠤᠯᠠ ᠥᠨᠳᠥᠷᠯᠢᠭ ᠊ᠦᠨ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠭᠰᠠᠨ ᠲᠤᠯᠠ ᠭᠠᠳᠠᠭᠠᠳᠤ ᠬᠦᠴᠦᠨ ᠊ᠳᠤ ᠡᠯᠢᠭᠡᠳᠡᠨ ᠡᠪᠳᠡᠷᠡᠬᠦ ᠦᠢᠯᠡ ᠶᠠᠪᠤᠴᠠ ᠵᠣᠩᠬᠢᠯᠠᠵᠤ ᠡᠯᠡᠭᠳᠡᠯ ᠊ᠦᠨ ᠮᠠᠲ᠋ᠧᠷᠢᠶᠠᠯ ᠪᠠᠶᠢᠭᠠᠯᠢ ᠨᠠᠭᠤᠷ ᠣᠷᠴᠢᠮ ᠪᠣᠯᠤᠨ ᠬᠢᠲᠠᠳ ᠊ᠤᠨ ᠨᠤᠲᠤᠭ ᠲᠤ ᠤᠷᠤᠰᠢᠬᠤ ᠤᠰᠤᠨ ᠰᠠᠩ ᠊ᠳᠤ ᠬᠤᠷᠠᠮᠲᠤᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠪᠣᠯᠤᠯᠲᠠᠢ᠃ ᠲᠡᠶᠢᠮᠦ ᠤᠴᠢᠷ ᠳᠤᠮᠳᠠ ᠲᠥᠷᠥᠮᠡᠯ ᠊ᠦᠨ ᠡᠬᠢᠨ ᠊ᠦ ᠭᠠᠯᠪᠠ ᠲᠷᠶᠠᠰ ᠊ᠤᠨ ᠬᠤᠷᠠᠳᠠᠰᠤ ᠵᠥᠪᠬᠡᠨ ᠣᠷᠬᠣᠨ᠂ ᠰᠡᠯᠡᠩᠭᠡ ᠊ᠢᠢᠨ ᠰᠠᠪᠠ᠂ ᠬᠡᠨᠲᠡᠢ ᠊ᠢᠢᠨ ᠵᠠᠷᠢᠮ ᠷᠠᠶᠣᠨ ᠊ᠳᠤ ᠣᠯᠳᠠᠵᠤ ᠪᠤᠰᠤᠳ ᠨᠤᠲᠤᠭ ᠲᠤ ᠳᠠᠭᠠᠷᠢᠯᠳᠤᠭᠠᠳᠤᠢ ᠪᠠᠶᠢᠨ᠎ᠠ᠃ ᠡᠨᠡ ᠠᠭᠤᠯᠠ ᠊ᠳᠤ ᠥᠨᠳᠥᠷᠯᠢᠭ ᠨᠢᠭᠡᠨᠲᠡ ᠬᠠᠲᠠᠭᠤᠵᠢᠨ ᠪᠡᠬᠢᠵᠢᠭᠰᠡᠨ ᠤᠴᠢᠷ ᠲᠧᠻᠲ᠋ᠣᠨᠢᠻ ᠬᠠᠭᠠᠷᠠᠯ ᠪᠣᠯᠵᠤ ᠭᠠᠯᠲᠤ ᠠᠭᠤᠯᠠ ᠊ᠢᠢᠨ ᠠᠵᠢᠯᠯᠠᠭ᠎ᠠ ᠢᠳᠡᠪᠬᠢᠵᠢᠵᠦ ᠪᠢᠯᠬᠠᠮᠠᠯ ᠴᠢᠯᠠᠭᠤᠯᠢᠭ ᠤᠨᠳᠤᠷᠤᠨ ᠭᠠᠷᠴᠤ ᠢᠷᠡᠬᠦ ᠶᠠᠪᠤᠳᠠᠯ ᠲᠦᠭᠡᠭᠡᠮᠡᠯ ᠪᠠᠶᠢᠵᠠᠢ᠃ ᠡᠶᠢᠮᠦ ᠊ᠳᠦ ᠰᠡᠯᠡᠩᠭᠡ ᠊ᠢᠢᠨ ᠰᠠᠪᠠ ᠭᠠᠵᠠᠷ ᠮᠡᠲᠦ ᠴᠥᠭᠡᠬᠡᠨ ᠬᠣᠲᠣᠭᠣᠷ ᠲᠤ ᠲᠤᠨᠤᠭᠰᠠᠨ ᠬᠤᠷᠠᠳᠠᠰᠤ ᠳᠣᠲᠣᠷ᠎ᠠ ᠪᠢᠶᠠᠪᠠᠽ᠂ ᠫᠤᠹᠢᠷᠢᠲ᠂ ᠠᠨ᠍ᠳᠧᠽᠢᠲ᠂ ᠫᠤᠹᠢᠷ ᠭᠡᠬᠦ ᠮᠡᠲᠦ ᠪᠢᠯᠬᠠᠮᠠᠯ ᠴᠢᠯᠠᠭᠤᠯᠢᠭ ᠲᠤᠨᠤᠮᠠᠯ ᠴᠢᠯᠠᠭᠤᠯᠢᠭ ᠲᠠᠢ ᠦᠶᠡᠯᠡᠭᠰᠡᠨ ᠳᠠᠪᠬᠤᠷ᠎ᠠ ᠲᠣᠭᠲᠠᠵᠤ ᠨᠡᠯᠢᠶᠡᠳ ᠵᠤᠵᠠᠭᠠᠨ ᠪᠢᠯᠬᠠᠮᠠᠯ ᠲᠤᠨᠤᠮᠠᠯ ᠬᠤᠷᠠᠳᠠᠰᠤ ᠊ᠢᠢ ᠡᠭᠦᠰᠬᠡᠵᠦ ᠪᠠᠶᠢᠳᠠᠭ᠃ ᠶᠦᠷ᠂ ᠴᠡᠷᠡᠳ ᠊ᠦᠨ ᠭᠠᠯᠪᠠ᠂ ᠭᠤᠷᠪᠠᠳᠠᠭᠴᠢ ᠭᠠᠯᠪᠠ ᠊ᠢᠢᠨ ᠬᠤᠷᠠᠳᠠᠰᠤ ᠨᠤᠭᠤᠳ ᠭᠣᠣᠯᠴᠢᠯᠠᠨ ᠲᠤᠰ ᠣᠷᠣᠨ ᠊ᠤ ᠵᠡᠭᠦᠨ ᠪᠠ ᠡᠮᠦᠨ᠎ᠡ ᠬᠠᠭᠠᠰ ᠲᠤ ᠲᠠᠷᠬᠠᠭᠰᠠᠨ ᠊ᠢ ᠦᠵᠡᠬᠦ ᠊ᠳᠦ ᠲᠡᠷᠡ ᠭᠠᠯᠪᠠ ᠨᠤᠭᠤᠳ ᠊ᠲᠤ ᠮᠣᠩᠭᠣᠯ ᠊ᠤᠨ ᠬᠣᠶᠢᠳᠤ ᠪᠠ ᠪᠠᠷᠠᠭᠤᠨ ᠬᠡᠰᠡᠭ ᠲᠦ ᠠᠭᠤᠯᠠ ᠊ᠢᠢᠨ ᠪᠠᠶᠢᠳᠠᠯ ᠲᠠᠢ ᠬᠡᠪ ᠊ᠢᠶᠡᠷ᠂ ᠬᠠᠷᠢᠨ ᠤᠷᠳᠤ᠂ ᠵᠡᠭᠦᠨ ᠵᠠᠬ᠎ᠠ ᠪᠠᠷ ᠬᠣᠲᠣᠶᠢᠯᠲᠠ ᠶᠠᠪᠤᠭᠳᠠᠵᠤ ᠬᠤᠷᠠᠳᠠᠰᠤ ᠲᠤᠩᠬᠤ ᠨᠥᠬᠥᠴᠡᠯ ᠪᠦᠷᠢᠯᠳᠦᠭᠰᠡᠨ ᠠᠵᠡᠢ᠃ ᠡᠨᠡ ᠭᠠᠯᠪᠠ ᠊ᠢᠢᠨ ᠡᠬᠢᠨ ᠪᠠ ᠳᠤᠮᠳᠠ ᠦᠶ᠎ᠡ ᠊ᠳᠦ ᠳᠣᠷᠣᠨᠠᠭᠣᠪᠢ᠂ ᠠᠯᠲᠠᠢ ᠊ᠢᠢᠨ ᠥᠪᠥᠷ ᠭᠣᠪᠢ ᠪᠣᠯᠤᠨ ᠮᠣᠩᠭᠣᠯ ᠠᠯᠲᠠᠢ᠂ ᠬᠠᠩᠭᠠᠢ᠂ ᠬᠥᠪᠰᠥᠭᠥᠯ ᠊ᠦᠨ ᠷᠠᠶᠣᠨ ᠊ᠳᠤ ᠊ᠬᠢ ᠬᠣᠲᠣᠭᠣᠷ ᠊ᠤᠳ ᠊ᠲᠤ ᠲᠤᠨᠤᠮᠠᠯ ᠬᠤᠷᠠᠳᠠᠰᠤ ᠬᠤᠷᠠᠮᠲᠤᠯᠠᠭᠳᠠᠬᠤ ᠊ᠢᠢᠨ ᠬᠠᠮᠲᠤ ᠭᠠᠯᠲᠤ ᠠᠭᠤᠯᠠ ᠊ᠢᠢᠨ ᠠᠵᠢᠯᠯᠠᠭ᠎ᠠ ᠪᠠᠷ ᠪᠢᠯᠬᠠᠮᠬᠢᠯ ᠴᠢᠯᠠᠭᠤᠯᠢᠭ ᠪᠠᠰᠠ ᠭᠠᠷᠴᠤ᠂ ᠬᠤᠷᠳᠤᠰᠤᠨ ᠊ᠤ ᠪᠦᠷᠢᠯᠳᠦᠬᠦᠨ ᠊ᠳᠦ ᠶᠡᠬᠡᠬᠡᠨ ᠣᠷᠣᠯᠴᠠᠵᠠᠢ᠃ ᠠᠩᠬᠠᠨ ᠊ᠳᠤ ᠪᠠᠨ ᠬᠠᠭᠤᠷᠠᠢ ᠭᠠᠵᠠᠷ ᠪᠣᠯᠤᠨ ᠤᠰᠤᠨ ᠊ᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠬᠦᠴᠦᠲᠡᠢ ᠶᠠᠪᠤᠭᠳᠠᠨ᠂ ᠬᠣᠲᠣᠭᠣᠷ ᠊ᠤᠳ ᠳᠠᠬᠢ ᠣᠯᠠᠨ ᠨᠠᠭᠤᠷ ᠲᠤ ᠪᠦᠳᠦᠭᠦᠨ ᠮᠥᠬᠥᠯᠢᠭᠲᠦ ᠬᠤᠷᠠᠳᠠᠰᠤ ᠲᠤᠩᠵᠤ᠂ ᠡᠯᠡᠰᠦᠨ ᠴᠢᠯᠠᠭᠤ᠂ ᠮᠥᠯᠢᠭᠡᠷ ᠬᠥᠷᠵᠡᠩ ᠳᠠᠪᠷᠬᠤᠷ ᠡᠴᠠ ᠲᠣᠭᠲᠠᠭᠰᠠᠨ ᠪᠣᠯ᠂ ᠳᠠᠷᠠᠭ᠎ᠠ ᠨᠢ ᠡᠯᠡᠭᠳᠡᠯ ᠊ᠦᠨ ᠬᠦᠴᠦ ᠰᠤᠯᠠᠷᠠᠵᠤ᠂ ᠨᠠᠭᠤᠷ ᠊ᠤᠨ ᠬᠣᠲᠣᠭᠣᠷ ᠊ᠤᠨ ᠢᠷᠤᠭᠠᠷ ᠲᠤ ᠨᠠᠷᠢᠨ ᠮᠥᠬᠥᠯᠢᠭᠲᠦ ᠡᠯᠡᠰᠦ᠂ ᠨᠠᠩᠭᠢ ᠲᠤᠨᠤᠳᠠᠰᠤ ᠲᠤᠨᠵᠠᠢ᠃ ᠶᠦᠷ ᠊ᠦᠨ ᠭᠠᠯᠪᠠ ᠊ᠢᠢᠨ ᠳᠤᠮᠳᠠ ᠦᠶ᠎ᠡ ᠊ᠢᠢᠨ ᠰᠡᠭᠦᠯᠴᠢ ᠪᠡᠷ ᠠᠭᠤᠯᠠ ᠲᠣᠭᠲᠠᠬᠤ ᠬᠥᠳᠡᠯᠭᠡᠭᠡᠨ ᠶᠠᠪᠤᠭᠳᠠᠵᠤ᠂ ᠰᠢᠷᠭᠤᠮᠠᠯ ᠴᠢᠯᠠᠭᠤᠯᠢᠭ ᠥᠷᠭᠡᠨ ᠊ᠢᠢᠡᠷ ᠨᠡᠪᠲᠡᠷᠡᠨ ᠣᠷᠣᠵᠤ ᠢᠷᠡᠭᠰᠡᠨ ᠪᠥᠭᠡᠳ᠂ ᠲᠡᠳᠡᠭᠡᠷ ᠊ᠦᠨ ᠪᠦᠷᠢᠯᠳᠦᠬᠦᠨ ᠊ᠳᠦ ᠪᠣᠯᠣᠷᠲᠤ ᠫᠤᠷᠹᠢᠷ᠂ ᠪᠣᠷᠵᠢᠨ ᠪᠣᠯᠤᠨ ᠭᠷᠨᠣᠳᠢᠶᠠᠷᠢᠲ ᠭᠣᠣᠯ ᠰᠠᠭᠤᠷᠢ ᠊ᠢᠢ ᠡᠵᠡᠯᠡᠨ᠎ᠡ᠃ ᠶᠦᠷ ᠊ᠦᠨ ᠰᠡᠭᠦᠯ ᠊ᠦᠨ ᠦᠶ᠎ᠡ ᠊ᠢᠢᠨ ᠬᠤᠷᠠᠳᠠᠰᠤ ᠲᠤᠰ ᠣᠷᠣᠨ ᠊ᠤ ᠵᠥᠪᠬᠡᠨ ᠵᠡᠭᠦᠨ ᠬᠡᠰᠡᠭ ᠲᠦ ᠲᠦᠭᠡᠭᠡᠮᠡᠯ ᠲᠠᠷᠬᠠᠭᠰᠠᠨ ᠪᠥᠭᠡᠳ᠂ ᠲᠡᠭᠦᠨ ᠊ᠦ ᠪᠦᠷᠢᠯᠳᠦᠬᠦᠨ ᠊ᠳᠦ ᠪᠢᠯᠬᠠᠮᠠᠯ ᠴᠢᠯᠠᠭᠤᠯᠢᠭ ᠵᠣᠩᠬᠢᠶᠠᠯᠠᠬᠤ ᠲᠤᠯᠠ ᠡᠨᠡ ᠦᠶ᠎ᠡ ᠊ᠳᠦ ᠭᠠᠯᠲᠤ ᠠᠭᠤᠯᠠ ᠊ᠢᠢᠨ ᠠᠵᠢᠯᠯᠠᠭ᠎ᠠ ᠬᠦᠴᠦᠲᠡᠢ ᠶᠠᠪᠤᠭᠳᠠᠵᠤ ᠪᠠᠶᠢᠵᠠᠢ᠃ ᠳᠡᠭᠡᠳᠦ ᠶᠦᠷ ᠊ᠦᠨ ᠡᠴᠦᠰ ᠊ᠢᠢᠡᠷ ᠠᠭᠤᠯᠠ ᠲᠣᠭᠲᠠᠬᠤ ᠬᠥᠳᠡᠯᠭᠡᠭᠡᠨ ᠳᠠᠬᠢᠨ ᠢᠳᠡᠪᠬᠢᠵᠢᠵᠦ ᠪᠣᠷᠵᠢᠨ ᠴᠢᠯᠠᠭᠤ᠂ ᠰᠢᠷᠭᠤᠮᠠᠯ ᠬᠤᠷᠠᠳᠠᠰᠤ ᠴᠢᠯᠠᠭᠤᠯᠢᠭ ᠲᠤ ᠨᠡᠪᠴᠢᠬᠦ ᠶᠠᠪᠤᠳᠠᠯ ᠥᠷᠭᠡᠨ ᠳᠡᠯᠭᠡᠷ ᠪᠣᠯᠵᠠᠢ᠃ ᠴᠡᠷᠡᠳ ᠊ᠦᠨ ᠭᠠᠯᠪᠠ ᠊ᠢᠢᠨ ᠬᠤᠷᠠᠳᠠᠰᠤ ᠮᠣᠩᠭᠣᠯ ᠊ᠤᠨ ᠵᠡᠭᠦᠨ ᠪᠠ ᠡᠮᠦᠨ᠎ᠡ ᠬᠡᠰᠡᠭ ᠊ᠦᠨ ᠣᠷᠴᠢᠨ ᠦᠶ᠎ᠡ ᠊ᠢᠢᠨ ᠬᠣᠲᠣᠭᠣᠷ ᠊ᠢᠶᠠᠷ ᠶᠡᠬᠡ ᠲᠦᠭᠡᠭᠡᠮᠡᠯ᠃ ᠤᠷᠢᠳᠤᠬᠢ ᠭᠠᠯᠪᠠ ᠊ᠳᠤ ᠪᠤᠢ ᠪᠣᠯᠤᠭᠰᠠᠨ ᠬᠣᠲᠣᠰ ᠊ᠤᠳ ᠡᠨᠡ ᠭᠠᠯᠪᠠ ᠊ᠳᠤ ᠥᠷᠭᠡᠵᠢᠵᠦ᠂ ᠳᠤᠮᠳᠠ ᠪᠠᠨ ᠣᠯᠠᠨ ᠠᠷᠠᠯ ᠊ᠤᠳ ᠲᠠᠢ ᠳᠣᠲᠣᠭᠠᠳᠤ ᠊ᠢᠢᠨ ᠲᠡᠩᠭᠢᠰ ᠮᠠᠶ᠋ᠢᠭ ᠊ᠤᠨ ᠲᠣᠮᠣᠬᠠᠨ ᠤᠰᠤᠨ ᠰᠠᠩ ᠬᠥᠭᠵᠢᠵᠦ᠂ ᠥᠭᠡᠷᠡᠴᠢᠯᠡᠭᠳᠡᠭᠰᠡᠭᠡᠷ ᠶᠠᠪᠤᠭᠠᠨ ᠊ᠳᠠᠭᠠᠨ ᠪᠠᠭᠠᠰᠴᠤ ᠢᠷᠡᠵᠡᠢ᠃ ᠬᠠᠭᠤᠷᠠᠢ ᠭᠠᠵᠠᠷ ᠲᠤ ᠳᠣᠣᠷᠠᠳᠤ ᠴᠡᠷᠡᠳ ᠊ᠦᠨ ᠳᠤᠮᠳᠠ ᠦᠶ᠎ᠡ ᠪᠡᠷ ᠤᠷᠭᠤᠮᠠᠯ ᠡᠯᠪᠡᠭ ᠪᠠᠶᠢᠭᠰᠠᠨ ᠲᠤᠯᠠ ᠵᠢᠵᠢᠭᠡᠪᠲᠦᠷ ᠪᠥᠭᠯᠡᠭᠦᠦ ᠨᠠᠭᠤᠷ ᠲᠤ ᠨᠡᠭᠦᠷᠡᠰᠦ ᠬᠤᠷᠠᠮᠲᠤᠯᠠᠭᠳᠠᠬᠤ ᠊ᠢᠢᠨ ᠬᠠᠮᠲᠤ ᠬᠠᠭᠤᠷᠠᠢ ᠭᠠᠵᠠᠷ ᠲᠤ ᠬᠣᠯᠪᠣᠭ᠎ᠠ ᠲᠠᠢ ᠠᠳᠤᠭᠤᠰᠤᠨ ᠠᠮᠢᠲᠠᠳ ᠡᠯᠪᠡᠭᠰᠢᠵᠦ᠂ ᠰᠢᠪᠠᠭᠤ ᠠᠭᠠᠷᠴᠠᠭ ᠲᠤ ᠳ᠋ᠢᠨᠦᠽᠠᠸᠷ ᠮᠡᠲᠦ ᠬᠡᠪᠡᠯᠢ ᠪᠡᠷ ᠶᠠᠪᠤᠭᠴᠢᠳ ᠠᠮᠢᠳᠤᠷᠠᠬᠤ ᠪᠣᠯᠤᠭᠰᠠᠨ᠃ ᠳᠣᠣᠷᠠᠳᠤ ᠴᠡᠷᠡᠳ ᠊ᠦᠨ ᠡᠴᠦᠰ ᠊ᠢᠢᠡᠷ ᠨᠠᠭᠤᠷ ᠊ᠤᠳ ᠪᠠᠭᠠᠰᠤᠨ᠂ ᠬᠠᠭᠤᠷᠠᠢ ᠭᠠᠵᠠᠷ ᠊ᠤᠨ ᠬᠡᠮᠵᠢᠶ᠎ᠡ ᠨᠡᠮᠡᠭᠳᠡᠵᠦ ᠢᠷᠡᠭᠡᠳ ᠠᠭᠤᠯᠠ ᠲᠣᠭᠲᠠᠬᠤ ᠬᠥᠳᠡᠯᠭᠡᠭᠡᠨ ᠪᠣᠯᠵᠤ᠂ ᠡᠨᠡ ᠬᠥᠳᠡᠯᠭᠡᠭᠡᠨ ᠊ᠢᠢᠡᠷ ᠠᠲᠤᠷᠢᠶᠠᠲᠤ ᠴᠤᠯᠳᠠᠨ ᠠᠭᠤᠯᠠᠰ ᠲᠣᠭᠲᠠᠨ᠂ ᠰᠠᠭᠤᠷᠢᠯᠢᠭ ᠯᠠᠪᠠ ᠪᠢᠯᠬᠠᠨ ᠨᠠᠭᠤᠷ ᠊ᠤᠨ ᠢᠷᠤᠭᠠᠷ ᠠᠭᠤᠯᠠ ᠊ᠢᠢᠨ ᠬᠣᠭᠣᠷᠣᠨᠳᠣᠬᠢ ᠨᠠᠮ ᠭᠠᠵᠠᠷ ᠊ᠢ ᠬᠤᠴᠢᠬᠤ ᠊ᠢᠢᠨ ᠬᠠᠮᠲᠤ ᠪᠣᠷᠵᠢᠨ ᠫᠤᠷᠹᠢᠷ ᠊ᠤᠨ ᠨᠡᠪᠴᠢᠬᠦ ᠶᠠᠪᠤᠴᠠ ᠬᠦᠴᠦᠲᠡᠢ ᠪᠣᠯᠤᠭᠰᠠᠨ᠃ ᠳᠡᠭᠡᠳᠦ ᠴᠡᠷᠡᠳ ᠲᠦ ᠳᠤᠷᠢᠳᠠᠭᠰᠠᠨ ᠠᠲᠤᠷᠢᠶᠠᠲᠤ ᠴᠤᠯᠳᠠᠨ ᠠᠭᠤᠯᠠ ᠡᠯᠢᠭᠡᠳᠡᠨ ᠡᠪᠳᠡᠷᠡᠵᠦ᠂ ᠡᠯᠡᠭᠳᠡᠯ ᠊ᠦᠨ ᠬᠡᠮᠬᠡᠳᠡᠰᠦ ᠡᠳ᠋ ᠬᠣᠷᠣᠭᠳᠠᠵᠤ ᠪᠠᠭᠠᠰᠤᠭᠰᠠᠨ ᠨᠠᠭᠤᠷ ᠊ᠤᠳ ᠊ᠲᠤ ᠮᠥᠨ ᠬᠤᠷᠠᠮᠲᠤᠯᠠᠭᠳᠠᠭᠰᠠᠭᠠᠷ ᠪᠠᠶᠢᠵᠠᠢ᠃ ᠨᠠᠭᠤᠷ ᠲᠤ ᠲᠤᠨᠤᠭᠰᠠᠨ ᠬᠤᠷᠠᠳᠠᠰᠤ ᠊ᠢᠢᠨ ᠪᠦᠷᠢᠯᠳᠦᠬᠦᠨ ᠊ᠳᠦ ᠶᠠᠩᠵᠤ ᠪᠦᠷᠢ ᠊ᠢᠢᠨ ᠥᠩᠭᠡ ᠊ᠢᠢᠨ ᠨᠠᠩᠭᠢ᠂ ᠪᠦᠳᠦᠭᠦᠨ ᠮᠥᠬᠥᠯᠢᠭᠲᠦ ᠡᠯᠡᠰᠦᠨ ᠴᠢᠯᠠᠭᠤ᠂ ᠱᠣᠬᠣᠢ ᠊ᠢᠢᠨ ᠴᠢᠯᠠᠭᠤ᠂ ᠨᠠᠩᠭᠢᠯᠢᠭ ᠵᠠᠨᠠᠷ᠂ ᠮᠥᠯᠢᠭᠡᠷ ᠬᠥᠷᠵᠡᠩ ᠭᠣᠣᠯᠯᠠᠨ᠎ᠠ᠃ ᠡᠨᠡ ᠭᠠᠯᠪᠠ ᠊ᠢᠢᠨ ᠡᠴᠦᠰ ᠊ᠢᠢᠡᠷ ᠪᠣᠯᠤᠭᠰᠠᠨ ᠲᠧᠻᠲ᠋ᠣᠨᠢᠻ ᠬᠥᠳᠡᠯᠭᠡᠭᠡᠨ ᠬᠦᠴᠦ ᠪᠠᠭᠠ ᠲᠠᠢ ᠲᠤᠯᠠ ᠰᠢᠨᠡᠬᠡᠨ ᠬᠤᠷᠠᠳᠠᠰᠤ ᠊ᠢᠢ ᠨᠠᠯᠠᠭᠤ ᠠᠲᠤᠷᠢᠶᠠᠨ ᠊ᠳᠤ ᠣᠷᠣᠭᠤᠯᠵᠤ᠂ ᠭᠠᠳᠠᠷᠭᠤ ᠶᠠᠯᠢᠬᠤ ᠦᠭᠡᠢ ᠡᠷᠭᠦᠭᠳᠡᠵᠡᠢ᠃ ᠶᠦᠷ ᠊ᠦᠨ ᠭᠠᠯᠪᠠ ᠊ᠳᠤ ᠲᠧᠻᠲ᠋ᠣᠨᠢᠻ ᠬᠥᠳᠡᠯᠭᠡᠭᠡᠨ ᠨᠡᠯᠢᠶᠡᠳ ᠬᠦᠴᠦᠲᠡᠢ ᠶᠠᠪᠤᠭᠳᠠᠵᠤ᠂ ᠳᠣᠲᠣᠭᠠᠳᠤ ᠊ᠢᠢᠨ ᠲᠣᠮᠣ ᠲᠣᠮᠣ ᠬᠣᠲᠠᠰ ᠬᠣᠩᠬᠣᠷ ᠲᠤᠰ ᠣᠷᠣᠨ ᠊ᠤ ᠵᠡᠭᠦᠨ ᠪᠠ ᠡᠮᠦᠨ᠎ᠡ ᠬᠠᠭᠠᠰ ᠲᠤ ᠭᠣᠣᠯᠴᠢᠯᠠᠨ ᠡᠭᠦᠰᠴᠦ᠂ ᠴᠢᠨᠠᠭᠰᠢᠳᠠ ᠪᠠᠨ ᠪᠠᠭᠠᠰᠴᠤ ᠶᠡᠬᠡᠰᠬᠦ ᠵᠡᠷᠭᠡ ᠪᠡᠷ ᠬᠤᠪᠢᠷᠠᠵᠤ ᠪᠠᠶᠢᠭᠰᠠᠨ ᠡᠴᠠ ᠪᠢᠰᠢ ᠣᠭᠲᠣ ᠦᠭᠡᠢ ᠪᠣᠯᠵᠤ᠂ ᠦᠨᠳᠦᠰᠦ ᠪᠡᠷ ᠊ᠢᠶᠡᠨ ᠥᠭᠡᠷᠡᠴᠢᠯᠡᠭᠳᠡᠭᠡᠳᠦᠢ ᠲᠤᠯᠠ ᠣᠷᠴᠢᠨ ᠦᠶ᠎ᠡ ᠊ᠢᠢᠨ ᠨᠠᠮ ᠭᠠᠵᠠᠷ ᠊ᠤᠳ ᠊ᠤᠨ ᠡᠬᠢ ᠡᠭᠦᠰᠪᠦᠷᠢ ᠲᠡᠷᠡ ᠦᠶ᠎ᠡ ᠊ᠳᠦ ᠬᠡᠯᠪᠡᠷᠢᠵᠢᠨ ᠲᠣᠭᠲᠠᠭᠰᠠᠨ ᠭᠡᠵᠦ ᠦᠵᠡᠳᠡᠭ᠃ ᠬᠣᠲᠣᠭᠣᠷ ᠊ᠤᠳ ᠠᠩᠬ᠎ᠠ ᠭᠧᠷᠼᠢᠨ ᠊ᠤ ᠠᠭᠤᠯᠠ ᠲᠣᠭᠲᠠᠬᠤ ᠬᠥᠳᠡᠯᠭᠡᠭᠡᠨ ᠊ᠢᠢᠡᠷ ᠠᠩᠬ᠎ᠠ ᠪᠦᠷᠢᠯᠳᠦᠭᠰᠡᠨ᠃ ᠠᠯᠲᠠᠢ᠂ ᠬᠠᠩᠭᠠᠢ᠂ ᠬᠡᠨᠲᠡᠢ ᠊ᠢᠢᠨ ᠠᠭᠤᠯᠠᠲᠤ ᠥᠨᠳᠥᠷᠯᠢᠭ ᠊ᠢ ᠬᠠᠶᠠᠭᠠᠯᠠᠨ ᠬᠦᠷᠢᠶᠡᠯᠡᠵᠦ ᠲᠣᠭᠲᠠᠭᠰᠠᠨ ᠪᠣᠯᠬᠣᠷ ᠠᠭᠤᠯᠠ ᠵᠦᠢ ᠊ᠢᠢᠨ ᠶᠡᠷᠦᠩᠬᠡᠢ ᠬᠡᠪ ᠡᠪᠳᠡᠭᠳᠡᠭᠡᠳᠦᠢ᠂ ᠬᠠᠷᠢᠨ ᠡᠷᠲᠡ ᠲᠥᠷᠥᠮᠡᠯ ᠊ᠦᠨ ᠡᠷᠢᠨ ᠊ᠦ ᠰᠡᠭᠦᠯ ᠦᠶ᠎ᠡ ᠊ᠢᠢᠨ ᠊ᠬᠢ ᠊ᠢᠢ ᠤᠯᠠᠮᠵᠢᠯᠠᠨ ᠳᠠᠭᠠᠭᠰᠠᠨ ᠪᠠᠶᠢᠨ᠎ᠠ᠃ ᠳᠤᠮᠳᠠ ᠲᠥᠷᠥᠮᠡᠯ ᠊ᠦᠨ ᠡᠷᠢᠨ ᠊ᠦ ᠲᠤᠷᠰᠢᠳᠠ ᠮᠣᠩᠭᠣᠯ ᠣᠷᠣᠨ ᠨᠡᠶᠢᠲᠡ ᠊ᠳᠦ ᠊ᠪᠡᠨ ᠪᠤᠶᠤ ᠶᠠᠭᠤ ᠴᠤ ᠭᠡᠰᠡᠨ ᠲᠡᠭᠦᠨ ᠊ᠦ ᠪᠠᠷᠠᠭᠤᠨ ᠪᠠ ᠬᠣᠶᠢᠳᠤ ᠬᠠᠭᠠᠰ ᠊ᠤᠨ ᠨᠤᠲᠤᠭ ᠡᠯᠡᠭᠳᠡᠯ ᠊ᠦᠨ ᠠᠰᠤᠷᠤ ᠲᠣᠮᠣ ᠭᠠᠳᠠᠷᠭᠤ ᠰᠢᠨᠵᠢ ᠲᠡᠢ ᠪᠣᠯᠤᠭᠰᠠᠨ᠃ ᠡᠭᠦᠨ ᠊ᠢ ᠢ.ᠫ᠂ ᠭᠧᠷᠰᠢᠮᠣᠸ᠂ ᠶᠧ.ᠮ᠃ ᠯᠠᠪᠷᠢᠨ᠍ᠻᠣᠸ ᠨᠠᠷ ᠮᠣᠩᠭᠣᠯ ᠊ᠤᠨ ᠳᠤᠮᠳᠠ ᠲᠥᠷᠥᠮᠡᠯ ᠊ᠦᠨ ᠡᠯᠡᠭᠳᠡᠯ ᠊ᠦᠨ ᠭᠠᠳᠠᠷᠭᠤ ᠭᠡᠵᠦ ᠨᠡᠷᠡᠯᠡᠵᠡᠢ᠃ ᠭᠤᠷᠪᠠᠳᠠᠭᠴᠢ ᠭᠠᠯᠪᠠ ᠊ᠢᠢᠨ ᠬᠣᠶᠠᠷ ᠊ᠳᠠᠬᠢ ᠬᠠᠭᠠᠰ ᠡᠴᠠ ᠮᠣᠩᠭᠣᠯ ᠊ᠤᠨ ᠪᠠᠷᠠᠭᠤᠨ ᠬᠣᠶᠢᠳᠤ ᠨᠠᠭᠤᠷ ᠊ᠤᠳ ᠡᠷᠡᠰ ᠬᠣᠷᠣᠭᠳᠠᠵᠤ᠂ ᠬᠠᠭᠤᠴᠢᠨ ᠨᠠᠭᠤᠷ ᠊ᠤᠨ ᠰᠠᠪᠠ ᠭᠠᠵᠠᠷ ᠭᠣᠣᠯ ᠊ᠤᠨ ᠭᠣᠯᠢᠳᠡᠷᠠᠯ ᠪᠣᠯᠵᠤ ᠬᠤᠪᠢᠷᠠᠬᠤ ᠶᠠᠪᠤᠳᠠᠯ ᠴᠥᠭᠡᠨ ᠦᠭᠡᠢ ᠪᠠᠶᠢᠪᠠ᠃ ᠡᠨᠡ ᠭᠠᠯᠪᠠ ᠊ᠢᠢᠨ ᠰᠡᠭᠦᠯᠴᠢ ᠫᠯᠢᠶᠣᠼᠧᠨ ᠊ᠦ ᠦᠶ᠎ᠡ ᠊ᠳᠦ ᠨᠠᠭᠤᠷ ᠳᠠᠬᠢᠨ ᠣᠯᠠᠰᠢᠷᠠᠵᠤ ᠲᠤᠰ ᠣᠷᠣᠨ ᠊ᠤ ᠵᠡᠭᠦᠨ ᠬᠡᠰᠡᠭ ᠣᠯᠠᠨ ᠨᠠᠭᠤᠷ ᠲᠠᠢ ᠪᠣᠯᠤᠭᠰᠠᠨ᠃ ᠫᠯᠢᠶᠣᠼᠧᠨ ᠊ᠦ ᠡᠴᠦᠰ ᠊ᠢᠢᠡᠷ ᠠᠭᠤᠯᠠ ᠲᠣᠭᠲᠠᠬᠤ ᠠᠯᠫ ᠊ᠦᠨ ᠬᠦᠴᠦᠲᠡᠢ ᠬᠥᠳᠡᠯᠭᠡᠭᠡᠨ ᠊ᠦ ᠨᠥᠯᠥᠭᠡ ᠪᠡᠷ ᠮᠣᠩᠭᠣᠯ ᠊ᠤᠨ ᠳᠤᠮᠳᠠ ᠲᠥᠷᠥᠮᠡᠯ ᠊ᠦᠨ ᠡᠯᠡᠭᠳᠡᠯ ᠊ᠦᠨ ᠭᠠᠳᠠᠷᠭᠤ ᠊ᠳᠤ ᠡᠷᠡᠰ ᠥᠭᠡᠷᠡᠴᠢᠯᠡᠯᠲᠡ ᠣᠷᠣᠵᠤ᠂ ᠡᠯᠡᠭᠳᠡᠵᠦ ᠬᠠᠪᠲᠠᠶᠢᠭᠰᠠᠨ ᠠᠭᠤᠯᠠᠳᠤ ᠥᠨᠳᠥᠷᠯᠢᠭ ᠊ᠦᠳ ᠰᠡᠷᠭᠦᠭᠡᠭᠳᠡᠨ᠂ ᠳᠠᠬᠢᠨ ᠰᠦᠨᠳᠡᠷᠯᠡᠨ ᠲᠤᠰ ᠣᠷᠣᠨ ᠊ᠤ ᠨᠡᠶᠢᠲᠡ ᠭᠠᠳᠠᠷᠭᠤ ᠊ᠢᠢᠨ ᠲᠥᠷᠬᠥ ᠣᠨᠳᠣᠣ ᠪᠣᠯᠵᠠᠢ᠃ <br><br>