Засварлах: ᠻᠸᠠᠨ᠍ᠲ ᠰᠦᠯᠡᠯᠳᠦᠭᠡᠨ (хэсэгчилэн)

= ᠲᠤᠷᠰᠢᠯᠲᠠ ᠰᠤᠳᠤᠯᠭᠠᠨ ᠡᠴᠡ =
<br>
{| class="wikitable"
|+
|[[File:Alain Aspect experiment 1981 diagram.svg|thumb]]
|style = "height: 250px;"|ᠠᠯᠶ᠋᠋ᠢᠨ ᠠᠰᠫᠢᠻᠲ<sup>Alain Aspect</sup> ᠍ ᠦᠨ 1981 ᠣᠨ ᠤ ᠲᠤᠷᠰᠢᠯᠲᠠ ᠶᠢᠨ ᠪᠦᠳᠦᠭᠦᠪᠴᠢ᠃<br>
ᠺᠸᠠᠨᠲ ᠰᠦᠯᠡᠯᠳᠦᠭᠡᠨ ᠳᠦ ᠤᠷᠤᠰᠢᠬᠤ ᠹᠣᠲ᠋ᠣᠨ ᠨᠤᠭᠤᠳ ᠳᠡᠭᠡᠷ᠎ᠡ ᠬᠢᠭᠰᠡᠨ ᠲᠤᠷᠰᠢᠯᠲᠠ᠃<br>
S - ᠹᠣᠲ᠋ᠣᠨ ᠨᠤᠭᠤᠳ ᠤᠨ ᠡᠬᠢ ᠡᠭᠦᠰᠪᠦᠷᠢ ᠂ ᠲᠡᠭᠦᠨ ᠦ ᠨᠡᠶᠢᠲᠡ ᠰᠫᠢᠨ ᠨᠢ ᠲᠡᠭ ᠲᠡᠢ ᠲᠡᠩᠴᠡᠭᠦᠦ<br>
a ᠪᠠ b - ᠨᠢᠻᠣᠯᠢ ᠢᠢᠨ ᠢᠷᠮᠡᠭᠲᠦ ᠲᠣᠯᠢ (prism)<br>
D+ ᠪᠠ D - ᠲᠤᠶᠢᠯᠰᠢᠷᠠᠯ ᠢᠯᠡᠷᠡᠭᠦᠯᠬᠦ ᠲᠥᠬᠥᠭᠡᠷᠦᠮᠵᠢ<br>
R - ᠪᠢᠴᠢᠯᠭᠡ ᠬᠢᠬᠦ ᠲᠥᠬᠥᠭᠡᠷᠦᠮᠵᠢ
|}
<br>
ᠠᠯᠶ᠋᠋ᠢᠨ ᠠᠰᠫᠢᠻᠲ<sup>Alain Aspect</sup>᠂ ᠵᠣᠾᠨ ᠻᠯᠠᠦᠰᠢᠷ<sup>John Clauser</sup>᠂ ᠠᠨ᠍ᠲ᠋ᠣᠨ ᠽᠠᠶ᠋᠋ᠢᠯᠢᠨᠭᠡᠷ<sup>Anton Zeilinger</sup> ᠨᠠᠷ ᠻᠸᠠᠨ᠍ᠲ ᠰᠦᠯᠡᠯᠳᠦᠭᠡᠨ ᠦ ᠴᠢᠭᠯᠡᠯ ᠢᠢᠡᠷ ᠬᠢᠭᠰᠡᠨ ᠠᠵᠢᠯ ᠢᠢᠠᠷ ᠢᠢᠠᠨ 2022 ᠣᠨ ᠤ ᠨᠣᠪᠧᠯ ᠤᠨ ᠱᠠᠩᠨᠠᠯ ᠬᠦᠷᠲᠡᠭᠰᠡᠨ ᠪᠢᠯᠡ᠃ ᠡᠳᠡᠭᠡᠷ ᠡᠷᠳᠡᠮᠲᠡᠨ ᠦ ᠲᠤᠷᠰᠢᠯᠲᠠ ᠰᠤᠳᠤᠯᠭ᠎ᠠ ᠨᠢ ᠻᠸᠠᠨ᠍ᠲ ᠲᠦᠪᠰᠢᠨ ᠳᠦ ᠡᠭᠡᠯ ᠪᠥᠭᠡᠮᠰ ᠦᠨ ᠵᠠᠩ ᠴᠢᠨᠠᠷ ᠢ ᠲᠠᠨᠢᠨ ᠮᠡᠳᠡᠬᠦ ᠳᠦ ᠴᠢᠬᠤᠯᠠ ᠬᠤᠪᠢ ᠨᠡᠮᠡᠷᠢ ᠪᠣᠯᠤᠭᠰᠠᠨ ᠲᠡᠳᠦᠢ ᠦᠭᠡᠢ [[ᠻᠸᠠᠨ᠍ᠲ ᠲᠣᠭᠠᠴᠠᠯᠠᠯ|ᠻᠸᠠᠨ᠍ᠲ ᠲᠣᠭᠠᠴᠠᠭᠠᠯᠠᠯ]]᠂ ᠨᠢᠭᠤᠴᠠ ᠪᠢᠴᠢᠭᠯᠡᠯ ᠳᠦ (cryptography) ᠳᠣᠷᠪᠢᠲᠠᠢ ᠨᠦᠯᠦᠭᠡᠯᠡᠬᠦ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠠᠵᠢᠯ ᠪᠣᠯᠤᠭᠰᠠᠨ᠃ ᠡᠨᠡ ᠭᠤᠷᠪᠠᠨ ᠡᠷᠳᠡᠮᠲᠡᠨ ᠦ ᠰᠤᠳᠤᠯᠭ᠎ᠠ ᠻᠸᠠᠨ᠍ᠲ ᠮᠧᠬᠠᠨᠢᠭ ᠤᠨ ᠬᠠᠴᠢᠷᠬᠠᠯᠲᠠᠢ [[ᠻᠸᠠᠨ᠍ᠲ ᠮᠧᠻᠠᠨᠢᠭ ᠊ᠤᠨ ᠦᠨᠳᠦᠰᠦᠨ ᠵᠠᠷᠴᠢᠮ ᠊ᠤᠳ|ᠣᠨᠣᠯ ᠤᠨ ᠮᠥᠷᠳᠡᠯᠭᠡ ᠨᠦᠭᠦᠳ ᠢ]] ᠪᠠᠲᠤᠯᠠᠭᠰᠠᠨ ᠤ ᠳᠡᠭᠡᠷ᠎ᠡ ᠪᠠᠶ᠋ᠢᠭᠠᠯ ᠤᠨ ᠰᠠᠭᠤᠷᠢ ᠦᠨᠡᠨ ᠢ ᠻᠸᠠᠨ᠍ᠲ ᠲᠦᠪᠰᠢᠨ ᠳᠦ ᠰᠤᠳᠤᠯᠵᠤ ᠰᠢᠨᠵᠢᠯᠡᠬᠦ ᠰᠢᠨ᠎ᠡ ᠴᠢᠭᠯᠡᠯ ᠦᠳ ᠢ ᠨᠡᠭᠡᠭᠡᠵᠦ ᠥᠭᠭᠦᠭᠰᠡᠨ ᠪᠠᠶ᠋ᠢᠨ᠎ᠠ᠃

ᠡᠳᠡᠭᠡᠷ ᠡᠴᠡ ᠵᠣᠾᠨ ᠻᠯᠠᠦᠰᠢᠷ<sup>John Clauser</sup> ᠍ ᠤᠨ ᠰᠤᠳᠤᠯᠭ᠎ᠠ ᠪᠧᠯᠯ ᠦᠨ ᠲᠡᠩᠴᠡᠳᠬᠡᠯ ᠪᠢᠰᠢ ᠶᠢ (Bell᠋'s inequalities) ᠲᠤᠷᠰᠢᠯᠲᠠ ᠪᠠᠷ ᠰᠢᠯᠭᠠᠬᠤ ᠰᠠᠭᠤᠷᠢ ᠶᠢ ᠲᠠᠯᠪᠢᠭᠰᠠᠨ᠃ ᠪᠧᠯᠯ ᠦᠨ ᠲᠡᠩᠴᠡᠳᠬᠡᠯ ᠪᠢᠰᠢ ᠨᠢ ᠰᠦᠯᠡᠯᠳᠦᠭᠰᠡᠨ ᠪᠥᠭᠡᠮᠰ ᠦᠨ ᠬᠡᠮᠵᠢᠯᠲᠡ ᠶᠢᠨ ᠤᠶᠠᠯᠳᠤᠭ᠎ᠠ ᠻᠣᠷᠷᠧᠯᠠᠼ ᠢ ᠳᠦᠷᠰᠦᠯᠡᠭᠰᠡᠨ ᠮᠠᠲ᠋ᠧᠮᠠᠲ᠋ᠢᠻ ᠢᠯᠡᠷᠬᠡᠶ᠋ᠢᠯᠡᠯ ᠪᠢᠯᠡ᠃<ref>Whitney Clavin. Proving that Quantum Entanglement is Real. ''Caltech''  2022/09/20 https://www.caltech.edu/about/news/proving-that-quantum-entanglement-is-real</ref> ᠲᠡᠭᠦᠨ ᠦ ᠲᠤᠷᠰᠢᠯᠲᠠ ᠨᠤᠭᠤᠳ ᠨᠢ ᠻᠸᠠᠨ᠍ᠲ ᠮᠧᠬᠠᠨᠢᠭ ᠤᠨ ᠪᠠᠶ᠋᠋ᠢᠷᠢᠨ ᠪᠤᠰᠤ (non-local) ᠴᠢᠨᠠᠷ ᠢ ᠪᠠᠲᠤᠯᠠᠬᠤ ᠳᠤ ᠰᠢᠢᠳᠪᠦᠷᠢᠯᠡᠬᠦ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ᠃ ᠡᠨᠡ ᠨᠢ ᠪᠥᠭᠡᠮᠰ ᠰᠣᠩᠭᠣᠳᠠᠭ ᠹᠢᠽᠢᠻ ᠦᠨ ᠡᠭᠦᠳᠡᠨ ᠡᠴᠡ ᠲᠠᠶ᠋ᠢᠯᠪᠤᠷᠢᠯᠠᠬᠤ ᠪᠣᠯᠤᠮᠵᠢ ᠦᠭᠡᠢ ᠠᠷᠭ᠎ᠠ ᠵᠠᠮ ᠢᠢᠠᠷ ᠬᠠᠷᠢᠯᠴᠠᠨ ᠬᠣᠯᠪᠣᠭᠳᠠᠭᠰᠠᠨ ᠪᠠᠶ᠋ᠢᠵᠤ ᠪᠣᠯᠤᠨ᠎ᠠ ᠭᠡᠰᠡᠨ ᠦᠭᠡ᠃

ᠠᠯᠶ᠋᠋ᠢᠨ ᠠᠰᠫᠢᠻᠲ<sup>Alain Aspect</sup> ᠍ ᠤᠨ 1980 ᠍ ᠊ᠭᠠᠳ ᠣᠨ ᠤ ᠦᠶ᠎ᠡ ᠶᠢᠨ ᠲᠤᠷᠰᠢᠯᠲᠠ ᠻᠸᠠᠨ᠍ᠲ ᠰᠦᠯᠡᠯᠳᠦᠭᠡᠨ ᠦ ᠬᠠᠮᠤᠭ ᠤᠨ ᠲᠣᠳᠣᠷᠬᠠᠢ ᠨᠣᠲᠠᠯᠠᠭ᠎ᠠ ᠪᠣᠯᠤᠭᠰᠠᠨ᠃ ᠡᠨᠡ ᠡᠷᠳᠡᠮᠲᠡᠨ ᠻᠯᠠᠦᠰᠢᠷ ᠦᠨ<sup>Clauser</sup> ᠰᠠᠨᠠᠭᠠᠨ ᠨᠤᠭᠤᠳ ᠲᠤ ᠲᠤᠯᠭᠠᠭᠤᠷᠢᠯᠠᠨ ᠲᠤᠷᠰᠢᠯᠲᠠ ᠬᠢᠬᠦ ᠳᠦ ᠪᠡᠨ ᠲᠤᠷᠰᠢᠯᠲᠠ ᠶᠢᠨ ᠢᠯᠡᠭᠦᠦ ᠪᠣᠯᠪᠠᠰᠤᠷᠠᠩᠭᠤᠢ ᠠᠷᠭ᠎ᠠ ᠪᠠᠷᠢᠯ ᠢᠢᠠᠷ᠂ ᠪᠣᠯᠵᠣᠰᠢ ᠦᠭᠡᠢ ᠠᠯᠳᠠᠭ᠎ᠠ ᠶᠢ ᠬᠠᠰᠤᠬᠤ ᠪᠠᠶ᠋ᠢᠳᠠᠯ ᠢᠢᠠᠷ ᠬᠢᠵᠦ᠂ ᠻᠸᠠᠨ᠍ᠲ ᠮᠧᠻᠠᠨᠢᠭ ᠤᠨ ᠮᠥᠷᠳᠡᠯᠭᠡ ᠨᠦᠭᠦᠳ ᠢ ᠪᠠᠲᠤᠯᠠᠭᠰᠠᠨ ᠪᠢᠯᠡ᠃ ᠠᠯᠶ᠋᠋ᠢᠨ ᠠᠰᠫᠢᠻᠲ<sup>Alain Aspect</sup> ᠍ ᠤᠨ ᠪᠠᠭ ᠪᠧᠯᠯ ᠦᠨ ᠲᠡᠩᠴᠡᠳᠬᠡᠯ ᠪᠢᠰᠢ ᠶᠢ ᠲᠤᠷᠰᠢᠯᠲᠠ ᠶᠢᠨ ᠠᠷᠭ᠎ᠠ ᠪᠠᠷ ᠰᠢᠯᠭᠠᠭᠰᠠᠨ ᠪᠠ ᠰᠦᠯᠡᠯᠳᠦᠭᠡᠨ ᠳᠦ ᠤᠷᠤᠰᠢᠬᠤ ᠪᠥᠭᠡᠮᠰ ᠦᠨ ᠬᠠᠷᠢᠯᠴᠠᠨ ᠤᠶᠠᠯᠳᠤᠭ᠎ᠠ ᠨᠢ ᠰᠣᠩᠭᠣᠳᠠᠭ ᠹᠢᠽᠢᠻ ᠦᠨ ᠬᠦᠷᠢᠶᠡᠨ ᠦ ᠲᠥᠰᠥᠭᠡᠯᠡᠯ ᠡᠴᠡ ᠬᠦᠴᠦᠲᠡᠢ ᠤᠶᠠᠯᠳᠤᠭ᠎ᠠ ᠪᠠᠶ᠋ᠢᠳᠠᠭ ᠢ ᠪᠠᠲᠤᠯᠠᠭᠰᠠᠨ᠃

ᠠᠯᠶ᠋᠋ᠢᠨ ᠠᠰᠫᠢᠻᠲ<sup>Alain Aspect</sup> ᠲᠤᠷᠰᠢᠯᠲᠠ ᠪᠠᠷ ᠢᠢᠠᠨ ᠫᠾᠣᠲᠣᠨ ᠭᠡᠬᠦ ᠮᠡᠲᠦ ᠪᠥᠭᠡᠮᠰ ᠢ ᠰᠦᠯᠡᠯᠳᠦᠭᠦᠯᠦᠭᠡᠳ᠂ ᠲᠡᠳᠡᠭᠡᠷ ᠦᠨ ᠲᠤᠶ᠋ᠢᠯᠰᠢᠷᠠᠯ ᠭᠡᠬᠦ ᠮᠡᠲᠦ ᠲᠣᠳᠣᠷᠬᠠᠢ ᠦᠵᠡᠭᠦᠯᠦᠯᠲᠡ ᠨᠦᠭᠦᠳ ᠢ ᠬᠡᠮᠵᠢᠵᠡᠢ᠃<ref>Aspect experiment. Oxford Reference. ᠬᠠᠨᠳᠤᠭᠰᠠᠨ 2024/09/02<nowiki/>https://www.oxfordreference.com/display/10.1093/oi/authority.20110803095429178</ref> ᠰᠦᠯᠡᠯᠳᠦᠭᠰᠡᠨ ᠪᠥᠭᠡᠮᠰ ᠦᠨ ᠬᠡᠮᠵᠢᠯᠲᠡ ᠨᠦᠭᠦᠳ ᠢ ᠬᠠᠷᠢᠴᠠᠭᠤᠯᠵᠤ ᠦᠵᠡᠭᠡᠳ᠂ ᠪᠧᠯᠯ ᠦᠨ ᠲᠡᠩᠴᠡᠳᠬᠡᠯ ᠪᠢᠰᠢ ᠪᠡᠷ ᠲᠣᠭᠲᠠᠭᠰᠠᠨ ᠬᠢᠵᠠᠭᠠᠷ ᠢ ᠵᠥᠷᠢᠴᠡᠭᠰᠡᠨ ᠬᠠᠷᠢᠯᠴᠠᠨ ᠤᠶᠠᠯᠳᠤᠭ᠎ᠠ ᠠᠵᠢᠭᠯᠠᠯᠳᠤᠵᠤ ᠪᠠᠶ᠋ᠢᠭ᠎ᠠ ᠶᠢ ᠦᠵᠡᠭᠦᠯᠦᠭᠰᠡᠨ᠃ ᠡᠭᠦᠪᠡᠷ᠂ ᠰᠦᠯᠡᠯᠳᠦᠭᠰᠡᠨ ᠪᠥᠭᠡᠮᠰ ᠦᠨ ᠦᠵᠡᠭᠳᠡᠯ ᠢ ᠳᠠᠩ ᠰᠣᠩᠭᠣᠳᠠᠭ ᠹᠢᠽᠢᠻ ᠦᠨ ᠡᠭᠦᠳᠡᠨ ᠡᠴᠡ ᠲᠠᠶ᠋ᠢᠯᠪᠤᠷᠢᠯᠠᠬᠤ ᠪᠣᠯᠤᠮᠵᠢ ᠦᠭᠡᠢ ᠶᠢ ᠬᠠᠷᠠᠭᠤᠯᠵᠤ᠂ ᠻᠸᠠᠨ᠍ᠲ ᠮᠧᠬᠠᠨᠢᠭ ᠤᠨ ᠮᠥᠷᠳᠡᠯᠭᠡ ᠨᠦᠭᠦᠳ ᠢ ᠪᠠᠲᠤᠯᠠᠭᠰᠠᠨ ᠪᠠᠶ᠋ᠢᠨ᠎ᠠ᠃

ᠠᠨ᠍ᠲ᠋ᠣᠨ ᠽᠠᠶ᠋᠋ᠢᠯᠢᠨᠭᠡᠷ<sup>Anton Zeilinger</sup> ᠳᠡᠭᠡᠷᠡᠬᠢ ᠠᠵᠢᠯ ᠤᠨ ᠣᠯᠤᠯᠲᠠ ᠳᠤ ᠰᠠᠭᠤᠷᠢᠯᠠᠵᠤ᠂ ᠲᠤᠷᠰᠢᠯᠲᠠ ᠶᠢᠨ ᠬᠦᠷᠢᠢ᠎ᠡ ᠶᠢ ᠲᠡᠯᠡᠵᠦ᠂ ᠻᠸᠠᠨ᠍ᠲ ᠰᠦᠯᠡᠯᠳᠦᠭᠡᠨ ᠦ ᠬᠢᠯᠢ ᠬᠢᠵᠠᠭᠠᠷ ᠢ ᠥᠷᠭᠡᠳᠬᠡᠭᠰᠡᠨ ᠪᠠᠶ᠋ᠢᠨ᠎ᠠ. ᠻᠸᠠᠨ᠍ᠲ ᠰᠦᠯᠡᠯᠳᠦᠭᠡᠨ ᠢ ᠢᠯᠡᠭᠦᠦ ᠬᠣᠯᠠ ᠵᠠᠢ ᠳᠤ ᠲᠤᠷᠰᠢᠵᠤ᠂ ᠲᠤᠷᠰᠢᠯᠲᠠᠨ ᠳᠤ ᠪᠠᠨ ᠭᠡᠷᠡᠯ ᠦᠨ ᠪᠥᠭᠡᠮᠰ ᠪᠣᠯᠬᠤ ᠫᠾᠣᠲ᠋ᠣᠨ᠂ ᠲᠡᠷᠡ ᠪᠠᠶ᠋ᠢᠲᠤᠭᠠᠢ ᠮᠣᠯᠧᠻᠤᠯ ᠵᠡᠷᠭᠡ ᠨᠡᠶ᠋ᠢᠯᠡᠮᠡᠯ ᠪᠥᠭᠡᠮᠰ ᠢ ᠬᠠᠮᠤᠷᠤᠭᠤᠯᠵᠠᠢ᠃

ᠽᠠᠶ᠋᠋ᠢᠯᠢᠨᠭᠡᠷ<sup>Zeilinger</sup> ᠍ ᠤᠨ ᠰᠤᠳᠤᠯᠭᠠᠨ ᠤ ᠨᠢᠭᠡᠨ ᠣᠨᠴᠠᠭᠤᠢ ᠣᠯᠤᠯᠲᠠ ᠨᠢ ᠻᠸᠠᠨ᠍ᠲ ᠲᠧᠯᠧᠫᠣᠷᠲ᠋ᠠᠼ<sup>teleportation</sup> ᠍ ᠦᠨ ᠲᠤᠷᠰᠢᠯᠲᠠ ᠪᠣᠯᠤᠨ᠎ᠠ᠃<ref>Anton Zeilinger. Quantum Teleportation. Österreichische Akademie der Wissenschaften 2007

https://www.oeaw.ac.at/fileadmin/Institute/IQOQI-Vienna/PDF/publications-zeilinger/2007_Quantum_teleportation.pdf</ref> ᠡᠨᠡ ᠨᠢ ᠪᠥᠭᠡᠮ ᠢ ᠥᠪᠡᠷ ᠢ ᠨᠢ ᠵᠥᠭᠡᠬᠦ ᠱᠠᠭᠠᠷᠳᠠᠯᠭ᠎ᠠ ᠦᠭᠡᠢ ᠪᠡᠷ ᠵᠥᠪᠬᠡᠨ ᠲᠡᠭᠦᠨ ᠦ ᠻᠸᠠᠨ᠍ᠲ ᠲᠥᠯᠥᠪ ᠢ ᠠᠯᠤᠰᠯᠠᠭᠳᠠᠭᠰᠠᠨ ᠥᠭᠡᠷ᠎ᠡ ᠪᠥᠭᠡᠮ ᠳᠦ ᠰᠢᠯᠵᠢᠭᠦᠯᠵᠦ ᠪᠠᠶ᠋ᠢᠭ᠎ᠠ ᠬᠡᠷᠡᠭ᠃ ᠡᠨᠡ ᠪᠣᠯ ᠻᠸᠠᠨ᠍ᠲ ᠮᠡᠳᠡᠭᠡᠯᠡᠯ ᠵᠦᠢ ᠶᠢ ᠰᠢᠨ᠎ᠡ ᠱᠠᠲᠤᠨ ᠳᠤ ᠭᠠᠷᠭᠠᠵᠤ᠂ ᠻᠸᠠᠨ᠍ᠲ ᠬᠣᠯᠪᠣᠭ᠎ᠠ᠂ ᠻᠸᠠᠨ᠍ᠲ ᠲᠣᠭᠠᠴᠠᠭᠠᠯᠠᠯ ᠤᠨ ᠰᠠᠯᠪᠤᠷᠢ ᠳᠤ ᠻᠸᠠᠨ᠍ᠲ ᠰᠦᠯᠡᠯᠳᠦᠭᠡᠨ ᠢ ᠠᠰᠢᠭᠯᠠᠬᠤ ᠴᠢᠨᠠᠭᠰᠢᠳᠠ ᠶᠢᠨ ᠪᠣᠯᠤᠮᠵᠢ ᠶᠢ ᠭᠡᠷᠡᠯᠲᠦᠭᠦᠯᠵᠦ ᠥᠭᠭᠦᠭᠰᠡᠨ ᠰᠤᠳᠤᠯᠭ᠎ᠠ ᠪᠣᠯᠵᠠᠢ᠃<br><br>