Нүүрс хийжүүлэх технологи
Монгол бичгийн том харагдацтай тигийг (фонт) энэ холбоосоос татаж авна уу
ᠨᠡᠭᠦᠷᠡᠰᠦ ᠬᠡᠶᠢᠵᠢᠭᠦᠯᠬᠦ ᠲᠧᠭᠨᠣᠯᠣᠭᠢ ᠭᠡᠵᠦ ᠨᠡᠭᠦᠷᠡᠰᠦ ᠶᠢ ᠠᠭᠠᠷ ᠤᠨ ᠪᠣᠬᠢᠷᠳᠠᠯ ᠪᠠᠭᠠᠲᠠᠢ ᠬᠡᠢ ᠶᠢᠨ ᠲᠦᠯᠡᠰᠢ ᠪᠣᠯᠭᠠᠵᠤ ᠦᠷᠡ ᠳ᠋ᠦᠩ ᠰᠠᠶᠢᠲᠠᠢ ᠠᠰᠢᠭᠯᠠᠬᠤ ᠠᠷᠭᠠ ᠪᠠᠷᠢᠯ ᠶᠤᠮ᠃ ᠬᠦᠴᠢᠯᠲᠦᠶᠢᠷᠦᠭᠴᠢ (ᠠᠭᠠᠷ)᠂ ᠤᠰᠤᠨ ᠤ ᠤᠤᠷ᠂ ᠤᠰᠤᠲᠥᠶᠢᠷᠦᠭᠴᠢ᠂ ᠬᠣᠣᠰ ᠢᠰᠦᠯ ᠳᠦ ᠨᠡᠭᠦᠷᠡᠰᠦᠲᠥ᠋ᠷᠥᠭᠴᠢ ᠵᠡᠷᠭᠡ ᠶᠢ ᠬᠠᠯᠠᠭᠤᠨ ᠨᠥᠬᠥᠴᠡᠯ ᠢᠶᠡᠷ ᠨᠡᠭᠦᠷᠡᠰᠦ ᠲᠡᠢ ᠬᠣᠯᠢᠵᠤ ᠤᠷᠪᠠᠯ ᠶᠠᠪᠤᠭᠤᠯᠬᠤ ᠳᠤ ᠨᠡᠭᠦᠷᠡᠰᠦ ᠬᠡᠶᠢᠵᠢᠭᠦᠯᠵᠦ ᠴᠢᠳᠠᠨᠠ᠃ ᠬᠠᠷᠢᠨ ᠲᠤᠰ ᠲᠧᠭᠨᠣᠯᠣᠭᠢ ᠶᠢ ᠠᠰᠢᠭᠯᠠᠬᠤ ᠶᠢᠨ ᠲᠤᠯᠠᠳᠠ ᠬᠡᠶᠢᠵᠢᠭᠦᠯᠬᠦ ᠫᠷᠣᠼᠧᠰᠰ ᠪᠣᠯᠤᠨ ᠬᠡᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠫᠷᠣᠼᠧᠰᠰ ᠬᠣᠶᠠᠷ ᠢ ᠬᠣᠣᠰᠯᠠᠭᠤᠯᠵᠤ ᠪᠠᠶᠢᠬᠤ ᠵᠠᠶᠢᠯᠠᠰᠢ ᠦᠭᠡᠢ ᠬᠡᠷᠡᠭᠲᠡᠢ᠃ ᠨᠡᠭᠦᠷᠡᠰᠦ ᠬᠡᠶᠢᠵᠢᠭᠦᠯᠬᠦ ᠫᠷᠣᠰᠰᠡᠼ ᠶᠢᠨ ᠬᠤᠪᠢ ᠳᠤ ᠤᠷᠢᠲᠤᠵᠤ ᠨᠡᠭᠦᠷᠡᠰᠦ ᠪᠡᠨ ᠬᠡᠰᠡᠭᠴᠢᠯᠡᠨ ᠰᠢᠲᠠᠭᠠᠵᠤ ᠬᠠᠯᠠᠭᠤᠨ ᠬᠢ ᠶᠢ ᠡᠭᠦᠰᠬᠡᠨᠡ᠃ ᠦᠯᠡᠳᠡᠭᠰᠡᠨ ᠨᠡᠭᠦᠷᠡᠰᠦ ᠨᠢ ᠪᠤᠢ ᠪᠣᠯᠤᠨ ᠬᠦᠢᠨᠡᠢ ᠤᠯᠠᠮ ᠠᠴᠠ ᠤᠷᠪᠠᠯ ᠶᠠᠪᠤᠭᠳᠠᠵᠤ ᠭᠣᠣᠯᠴᠢᠯᠠᠨ ᠳᠠᠩ ᠢᠰᠦᠯ ᠳᠦ ᠨᠡᠭᠦᠷᠡᠰᠦᠲᠥ᠋ᠷᠥᠭᠴᠢ᠂ ᠤᠰᠤᠲᠥᠶᠢᠷᠦᠭᠴᠢ ᠡᠴᠡ ᠪᠦᠲᠦᠭᠰᠡᠨ ᠬᠡᠢ ᠪᠣᠯᠤᠨᠠ᠃ ᠨᠡᠭᠦᠷᠡᠰᠦᠨ ᠳᠦ ᠠᠭᠤᠯᠤᠭᠳᠠᠭᠰᠠᠨ ᠦᠨᠡᠰᠦᠯᠢᠭ (ᠡᠷᠦᠳᠡᠰᠦ) ᠪᠣᠯ ᠬᠠᠶᠢᠯᠠᠵᠤ ᠵᠤᠤᠬᠠ ᠠᠴᠠ ᠢᠯᠭᠠᠭᠳᠠᠨᠠ᠃
ᠬᠡᠶᠢᠵᠢᠭᠦᠯᠦᠭᠰᠡᠨ ᠨᠡᠭᠦᠷᠡᠰᠦᠨ ᠳᠦ ᠭᠦᠢᠴᠡᠳ ᠰᠢᠲᠠᠭᠠ ᠦᠭᠡᠢ ᠻᠠᠷᠪᠣᠨ᠂ ᠦᠨᠡᠰᠦᠯᠢᠭ ᠦᠨ ᠲᠣᠭᠤᠰᠤᠨᠴᠢᠷ᠂ ᠬᠦᠬᠦᠷᠲᠦ ᠤᠰᠤᠲᠥᠶᠢᠷᠦᠭᠴᠢ (H₂S)᠂ ᠾᠯᠣᠷᠲᠤ ᠤᠰᠤᠲᠥᠶᠢᠷᠦᠭᠴᠢ (HCI)᠂ ᠮᠮᠢᠶᠠᠻ (NH₃) ᠵᠡᠷᠭᠡ ᠢᠯᠡᠭᠦᠳᠡᠯ ᠪᠣᠳᠠᠰ ᠦᠯᠡᠳᠡᠭᠰᠡᠨ ᠪᠠᠢᠪᠠᠯ ᠲᠤᠬᠠᠢ ᠶᠢᠨ ᠬᠢ ᠶᠢ ᠠᠰᠢᠭᠯᠠᠬᠤ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠦᠷᠦᠬᠦ᠂ ᠵᠢᠪᠡᠷᠡᠬᠦ᠂ ᠴᠢᠳᠠᠮᠵᠢ ᠪᠠᠭᠤᠷᠠᠬᠤ᠂ ᠤᠷᠴᠢᠨ ᠳᠤ ᠰᠥᠷᠭᠦ ᠨᠥᠯᠥᠭᠡ ᠦᠵᠡᠭᠦᠯᠬᠦ ᠭᠡᠬᠢ ᠮᠡᠲᠦ ᠶᠢ ᠠᠰᠠᠭᠤᠳᠠᠯ ᠡᠭᠦᠰᠦᠨᠡ᠃ ᠲᠡᠶᠢᠮᠦ ᠤᠴᠢᠷ ᠠᠴᠠ ᠡᠳᠡᠭᠡᠷ ᠪᠣᠳᠠᠰ ᠢ ᠠᠷᠢᠯᠭᠠᠵᠤ ᠴᠡᠪᠡᠷᠰᠢᠭᠦᠯᠬᠦ ᠬᠡᠷᠡᠭᠲᠡᠢ᠃ ᠬᠡᠶᠢᠵᠢᠭᠦᠯᠦᠭᠰᠡᠨ ᠨᠡᠭᠦᠷᠡᠰᠦ ᠶᠢ ᠴᠡᠪᠡᠷᠰᠢᠭᠦᠯᠬᠦ ᠠᠷᠭᠠ ᠶᠢ ᠰᠢᠩᠭᠡᠨ ᠳᠦ ᠰᠢᠩᠭᠡᠭᠡᠬᠦ ᠨᠣᠶᠢᠲᠠᠨ ᠠᠷᠭᠠ ᠪᠣᠯᠤᠨ ᠬᠠᠲᠠᠭᠤ ᠲᠥᠯᠥᠪᠲᠡᠢ ᠻᠠᠲ᠋ᠠᠯᠢᠽᠠᠲᠣᠷ᠂ ᠰᠢᠩᠭᠡᠭᠡᠭᠴᠢ ᠪᠣᠳᠠᠰ ᠢ ᠠᠰᠢᠭᠯᠠᠬᠤ ᠬᠠᠤᠷᠠᠢ ᠠᠷᠭᠠ ᠭᠡᠵᠦ ᠬᠣᠶᠠᠷ ᠬᠤᠪᠢᠶᠠᠳᠠᠭ᠃ ᠨᠣᠶᠢᠲᠠᠨ ᠠᠷᠭᠠ ᠪᠣᠯ ᠳᠡᠭᠡᠷᠡ ᠦᠶᠡᠰ ᠪᠠᠢᠳᠠᠭ ᠭᠡᠳᠡᠭ ᠤᠳᠬᠠ ᠪᠠᠷ ᠪᠠᠲᠤᠯᠠᠭᠠ ᠲᠠᠢ ᠪᠥᠭᠡᠳ ᠠᠷᠢᠯᠭᠠᠬᠤ ᠴᠢᠳᠠᠪᠤᠷᠢ ᠬᠠᠩᠭᠠᠯᠲᠠᠲᠠᠢ ᠬᠡᠳᠦᠢ ᠴᠤ ᠬᠡᠢ ᠶᠢᠨ ᠲᠡᠮᠫᠡᠷᠠᠲᠦᠷ ᠶᠢ ᠨᠠᠮ ᠪᠣᠯᠭᠠᠭᠰᠠᠨ ᠦᠨᠳᠦᠰᠦᠨ ᠳᠡᠭᠡᠷᠡ ᠠᠵᠢᠯᠯᠠᠭᠤᠯᠳᠠᠭ ᠲᠤᠯᠠ ᠰᠢᠰᠲ᠋ᠧᠮ ᠦᠨ ᠬᠢᠴᠡ ᠠᠷᠠᠢ ᠲᠥᠪᠡᠭᠲᠡᠢ ᠪᠣᠯᠳᠠᠭ᠃ ᠴᠠᠬᠢᠯᠭᠠᠨ ᠰᠲ᠋ᠠᠨᠼ ᠲᠤ ᠠᠰᠢᠭᠯᠠᠬᠤ ᠳᠤ ᠡᠷᠴᠢᠮ ᠬᠦᠴᠦ ᠦᠢᠯᠡᠳᠪᠦᠷᠢᠯᠡᠯ ᠦᠨ ᠦᠷᠡ ᠳ᠋ᠦᠩ ᠮᠠᠭᠤ ᠲᠠᠢ ᠭᠡᠳᠡᠭ ᠳᠤᠲᠠᠭᠳᠠᠯ ᠲᠠᠢ᠃ ᠨᠥᠭᠦᠭᠡᠳᠡᠬᠢ ᠬᠠᠤᠷᠠᠢ ᠠᠷᠭᠠ ᠪᠣᠯ ᠦᠷᠡ ᠳᠦᠩᠭᠡ ᠶᠢᠨ ᠠᠰᠠᠭᠤᠳᠠᠯ ᠡᠭᠦᠰᠬᠦ ᠦᠭᠡᠢ ᠴᠤ ᠰᠢᠩᠭᠡᠭᠡᠬᠦ ᠭᠡᠵᠦ ᠪᠤᠢ ᠪᠣᠳᠠᠰ ᠲᠤᠰ ᠪᠦᠷᠢ ᠳᠦ ᠲᠠᠭᠠᠷᠠᠭᠤᠯᠤᠭᠰᠠᠨ ᠠᠳᠠᠯᠢ ᠦᠭᠡᠢ ᠻᠠᠲ᠋ᠠᠯᠢᠽᠠᠲᠣᠷ ᠱᠠᠭᠠᠷᠳᠠᠳᠠᠭ᠃ ᠠᠯᠢ ᠴᠤ ᠲᠥᠷᠥᠯ ᠦᠨ ᠰᠢᠩᠭᠡᠭᠡᠭᠴᠢ ᠪᠣᠳᠠᠰ᠂ ᠻᠠᠲ᠋ᠠᠯᠢᠽᠠᠲᠣᠷ ᠣᠳᠣᠬᠤᠨᠳᠤᠠ ᠰᠤᠳᠤᠯᠭᠠᠨ ᠤ ᠲᠥᠪᠰᠢᠨ ᠳᠦ ᠶᠠᠪᠤᠵᠤ ᠪᠠᠶᠢᠨᠠ᠃ ᠴᠢᠨᠠᠷ ᠤᠨ ᠬᠤᠪᠢ ᠳᠤ ᠭᠠᠶᠢᠭᠤᠢ ᠭᠡᠳᠡᠭ ᠨᠢ ᠰᠤᠳᠤᠯᠤᠭᠳᠠᠭᠰᠠᠨ ᠬᠡᠳᠦᠢ ᠴᠤ ᠦᠢᠯᠡᠳᠪᠦᠷᠢ ᠶᠢᠨ ᠬᠡᠮᠵᠢᠶᠡ ᠶᠢ ᠲᠡᠯᠡᠬᠦ᠂ ᠤᠷᠲᠤ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠠᠰᠢᠭᠯᠠᠬᠤ ᠳᠤ ᠲᠡᠰᠪᠦᠷᠢᠲᠡᠢ ᠡᠰᠡᠬᠦ ᠲᠠᠯᠠ ᠪᠠᠷ ᠪᠠᠲᠤᠯᠠᠭᠠ ᠦᠭᠡᠢ ᠶᠤᠮ᠃ ᠭᠡᠰᠡᠨ ᠬᠡᠳᠦᠢ ᠴᠤ ᠬᠡᠶᠢᠵᠢᠭᠦᠯᠬᠦ ᠠᠵᠢᠯ ᠢ ᠤᠯᠠᠮ ᠦᠷᠡ ᠠᠰᠢᠭᠲᠠᠢ ᠪᠣᠯᠭᠠᠬᠤ ᠶᠢᠨ ᠲᠤᠯᠠᠳᠠ ᠴᠢᠨᠠᠭᠰᠢᠳᠠ ᠪᠠᠨ ᠬᠡᠢ ᠴᠡᠪᠡᠷᠰᠢᠭᠦᠯᠬᠦ ᠬᠠᠤᠷᠠᠢ ᠠᠷᠭᠠ ᠶᠢ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠭᠠᠬᠤ ᠨᠢ ᠵᠦᠢᠲᠡᠢ᠃
ᠨᠡᠭᠦᠷᠡᠰᠦ ᠪᠡᠷ ᠭᠠᠯᠯᠠᠳᠠᠭ ДЦС ᠍ ᠤᠨ ᠬᠤᠪᠢ ᠳᠤ ᠥᠨᠥᠳᠥᠷ ᠬᠠᠮᠤᠭ ᠤᠨ ᠣᠷᠴᠢᠨ ᠦᠶᠡ ᠶᠢᠨ ᠲᠧᠭᠨᠣᠯᠣᠭᠢ ᠪᠣᠯᠬᠤ IGCC ᠪᠤᠶᠤ ᠬᠡᠶᠢᠵᠢᠭᠦᠯᠦᠭᠰᠡᠨ ᠨᠡᠭᠦᠷᠢ ᠠᠰᠢᠭᠯᠠᠬᠤ ᠬᠣᠯᠢᠮᠠᠭ ᠲᠦᠷᠪᠢᠨ ᠳᠦ ᠭᠣᠷᠢᠮ ᠤᠨ ᠲᠤᠬᠠᠢ ᠳᠤᠷᠠᠳᠤᠶᠠ᠃ ᠲᠤᠰ IGCC ᠍ ᠢ ᠠᠰᠢᠭᠯᠠᠭᠰᠠᠨ ᠢᠶᠠᠷ ᠨᠡᠭᠦᠷᠡᠰᠦ ᠪᠡᠷ ᠭᠠᠯᠯᠠᠳᠠᠭ ᠡᠩ ᠦᠨ ДЦС ᠍ ᠠᠴᠠ ᠦᠷᠡ ᠳ᠋ᠦᠩ ᠰᠠᠶᠢᠵᠢᠷᠠᠬᠤ ᠪᠠᠷ ᠲᠣᠭᠲᠠᠬᠤ ᠦᠭᠡᠢ᠂ SC᠂ USC ᠵᠡᠷᠭᠡ ᠳᠡᠪᠰᠢᠯᠲᠡᠲᠦ ᠲᠧᠭᠨᠣᠯᠣᠭᠢ ᠣᠷᠣᠭᠤᠯᠤᠭᠰᠠᠨ ᠵᠦᠢᠯ ᠡᠴᠡ ᠴᠤ ᠢᠯᠡᠭᠦᠦ ᠦᠷᠡ ᠳ᠋ᠦᠩ ᠰᠠᠶᠢᠲᠠᠢ᠂ ᠲᠤᠬᠠᠶᠢᠯᠠᠪᠠᠯ 48-50% ᠍ ᠦᠨ ᠪᠦᠲᠦᠭᠡᠮᠵᠢ ᠪᠡᠷ ᠡᠷᠴᠢᠮ ᠬᠦᠴᠦ ᠦᠢᠯᠡᠳᠪᠦᠷᠢᠯᠡᠵᠦ ᠴᠢᠳᠠᠳᠠᠭ᠃ ᠨᠡᠭᠦᠷᠡᠰᠦ ᠪᠣᠯ ᠨᠧᠹᠲ ᠲᠡᠢ ᠬᠠᠷᠢᠴᠠᠭᠤᠯᠬᠤ ᠳᠤ ᠮᠠᠰᠢ ᠬᠢᠮᠳᠠ ᠮᠥᠷᠲᠡᠯᠡ ᠠᠭᠠᠷ ᠢ ᠶᠡᠬᠡ ᠪᠣᠬᠢᠷᠳᠠᠭᠤᠯᠤᠨᠠ ᠭᠡᠳᠡᠭ ᠳᠤᠲᠠᠭᠳᠠᠯ ᠲᠠᠢ ᠬᠡᠮᠡᠨ ᠦᠵᠡᠭᠳᠡᠵᠦ ᠢᠷᠡᠪᠡ᠃ ᠬᠠᠷᠢᠨ ᠬᠡᠳᠦᠢ ᠪᠡᠷ ᠨᠡᠭᠦᠷᠡᠰᠦ ᠪᠡᠷ ᠭᠠᠯᠯᠠᠳᠠᠭ ᠴᠤ ᠭᠡᠰᠡᠨ IGCC ᠲᠧᠭᠨᠣᠯᠣᠭᠢ ᠨᠡᠭᠦᠷᠡᠰᠦ ᠬᠦᠴᠢᠯ ᠦᠨ ᠬᠡᠢ ᠶᠢᠨ ᠬᠡᠮᠵᠢᠶᠡ ᠶᠢ 20% ᠍ ᠢᠶᠠᠷ ᠪᠠᠭᠤᠷᠠᠭᠤᠯᠵᠤ᠂ ᠨᠧᠹᠲ ᠲᠡᠢ ᠪᠠᠷᠤᠭ ᠢᠵᠢᠯ ᠲᠥᠪᠰᠢᠨ ᠳᠦ ᠬᠦᠷᠭᠡᠵᠦ ᠴᠢᠳᠠᠨᠠ. SOx᠂ NOx ᠵᠡᠷᠭᠡ ᠪᠣᠳᠠᠰ ᠢᠯᠭᠠᠷᠠᠭᠤᠯᠬᠤ ᠬᠡᠮᠵᠢᠶᠡ ᠶᠢ ᠪᠠᠰᠠ ᠶᠡᠬᠡ ᠪᠠᠭᠠᠰᠬᠠᠨᠠ᠃ ᠲᠡᠭᠦᠪᠡᠷ ᠦᠯᠦ ᠪᠠᠷᠠᠮ ᠪᠤᠰᠤᠳ ᠲᠥᠷᠥᠯ ᠦᠨ ᠰᠲ᠋ᠠᠨᠼ ᠤᠳ ᠲᠤ ᠠᠰᠢᠭᠯᠠᠬᠤ ᠪᠣᠯᠤᠮᠵᠢ ᠦᠭᠡᠢ ᠪᠠᠢᠭᠰᠠᠨ ᠵᠡᠷᠭᠡᠯᠡᠯ ᠪᠠᠭᠠᠲᠠᠢ ᠨᠡᠭᠦᠷᠡᠰᠦ ᠶᠢ ᠬᠦᠷᠲᠡᠯᠡ ᠲᠦᠯᠡᠰᠢᠨ ᠳᠦ ᠠᠰᠢᠭᠯᠠᠵᠤ ᠪᠣᠯᠳᠠᠭ ᠲᠤᠯᠠ ᠡᠳ᠋ ᠍ ᠦᠨ ᠵᠠᠰᠠᠭ ᠤᠨ ᠬᠤᠪᠢ ᠳᠤ ᠴᠤ ᠠᠰᠢᠭᠲᠠᠢ᠃ ᠶᠠᠫᠣᠨ ᠤᠯᠤᠰ ᠲᠤ ᠡᠳ᠋ ᠍ ᠦᠨ ᠵᠠᠰᠠᠭ ᠠᠵᠤ ᠦᠢᠯᠡᠳᠪᠦᠷᠢ ᠶᠢᠨ ᠶᠠᠮᠤᠨ ᠤ ᠳᠡᠮᠵᠢᠯᠭᠡ ᠶᠢᠨ ᠳᠠᠭᠠᠤ ᠡᠷᠴᠢᠮ ᠬᠦᠴᠦᠨ ᠦ ᠰᠠᠯᠪᠤᠷᠢ ᠶᠢᠨ ᠨᠡᠶᠢᠲᠡ 11 ᠠᠵᠤ ᠠᠬᠤᠶᠢ ᠶᠢᠨ ᠨᠢᠭᠡᠴᠡ ᠨᠦᠭᠦᠳ ᠬᠠᠮᠲᠤᠷᠠᠨ ᠡᠨᠡ ᠲᠤᠬᠠᠢ ᠰᠤᠳᠤᠯᠭᠠ ᠶᠠᠪᠤᠭᠤᠯᠤᠭᠰᠠᠭᠠᠷ ᠢᠷᠡᠵᠡᠢ᠃ 1986-1996 ᠣᠨ ᠳᠤ ᠲᠤᠷᠰᠢᠯᠲᠠ ᠶᠢᠨ ᠪᠠᠶᠢᠭᠤᠯᠤᠮᠵᠢ ᠠᠵᠢᠯᠯᠠᠭᠤᠯᠵᠤ᠂ 1997-2001 ᠣᠨ ᠳᠤ ᠬᠢᠴᠡ ᠵᠠᠭᠪᠤᠷ ᠤᠨ ᠨᠠᠷᠢᠪᠴᠢᠯᠠᠭᠰᠠᠨ ᠰᠤᠳᠤᠯᠭᠠ ᠬᠢᠵᠦ᠂ 2001 - 2012 ᠣᠨ ᠳᠤ ᠨᠻᠣᠰᠣᠭ ᠤᠨ ᠴᠠᠬᠢᠯᠭᠠᠨ ᠰᠲ᠋ᠠᠨᠼ ᠤᠨ ᠲᠠᠯᠠᠪᠠᠢ ᠳᠡᠭᠡᠷᠡ ᠪᠣᠳᠠᠲᠤ ᠬᠡᠮᠵᠢᠶᠡᠨᠡᠢ ᠬᠣᠶᠠᠷ ᠤᠨ ᠨᠢᠭᠡ ᠪᠡᠷ ᠬᠢᠭᠳᠡᠭᠰᠡᠨ ᠵᠠᠭᠪᠤᠷ ᠪᠠᠶᠢᠭᠤᠯᠤᠮᠵᠢ ᠶᠢ ᠪᠠᠷᠢᠵᠤ ᠪᠠᠲᠤᠯᠠᠭᠠᠵᠢᠭᠤᠯᠬᠤ ᠠᠵᠢᠯ ᠢᠶᠠᠨ ᠬᠢᠵᠦ ᠭᠦᠢᠴᠡᠳᠭᠡᠵᠡᠢ᠃ ᠪᠤᠰᠤᠳ ᠣᠷᠣᠨ ᠨᠤᠭᠤᠳ ᠴᠤ IGCC ᠲ᠋ᠡᠻᠨᠣᠯᠣᠭ ᠤᠨ ᠲᠤᠬᠠᠢ ᠰᠤᠳᠤᠯᠭᠠ ᠶᠢ ᠪᠠᠨ ᠨᠡᠯᠢᠶᠡᠳ ᠳᠡᠭᠡᠷᠡ ᠦᠶᠡᠰ ᠡᠬᠢᠯᠡᠭᠰᠡᠨ ᠪᠣᠯᠪᠠᠴᠤ ᠶᠡᠬᠡᠩᠬᠢ ᠣᠷᠣᠨ ᠨᠤᠭᠤᠳ ᠬᠦᠴᠢᠯᠲᠦᠶᠢᠷᠦᠭᠴᠢ ᠶᠢ ᠠᠰᠢᠭᠯᠠᠵᠤ ᠨᠡᠭᠦᠷᠡᠰᠦ ᠶᠢ ᠬᠡᠶᠢᠵᠢᠭᠦᠯᠬᠦ ᠠᠷᠭᠠ ᠶᠢ ᠰᠤᠳᠤᠯᠵᠤ ᠪᠠᠢᠭᠰᠠᠨ ᠪᠥᠭᠡᠳ ᠣᠨᠣᠯ ᠤᠨ ᠬᠤᠪᠢ ᠳᠤ ᠠᠭᠠᠷ ᠢ ᠱᠤ ᠳᠤ ᠠᠰᠢᠭᠯᠠᠬᠤ ᠪᠣᠯᠤᠮᠵᠢ ᠦᠭᠡᠢ ᠬᠡᠮᠡᠨ ᠦᠵᠡᠵᠦ ᠪᠠᠶᠢᠪᠠ᠃ ᠬᠠᠷᠢᠨ ᠶᠠᠫᠣᠨ ᠤ 《ᠮᠢᠼᠴᠪᠢᠰᠢᠷᠡᠵ ᠵᠶᠦᠻᠠᠣ᠋》 ХК ᠳᠡᠯᠡᠬᠡᠢ ᠳᠦ ᠠᠩᠬᠠ ᠠᠭᠠᠷ ᠢ ᠠᠰᠢᠭᠯᠠᠨ ᠨᠡᠭᠦᠷᠡᠰᠦ ᠶᠢᠨ ᠬᠡᠶᠢᠵᠢᠭᠦᠯᠬᠦ IGCC ᠲᠧᠭᠨᠣᠯᠣᠭᠢ ᠶᠢ ᠪᠣᠯᠪᠠᠰᠤᠷᠠᠭᠤᠯᠤᠨ ᠭᠠᠷᠭᠠᠵᠤ ᠠᠮᠵᠢᠵᠠᠢ᠃ ᠨᠻᠣᠰᠣᠭ ᠤᠨ ᠴᠠᠬᠢᠯᠭᠠᠨ ᠰᠲ᠋ᠠᠨᠼ ᠲᠤ ᠪᠠᠲᠤᠯᠠᠭᠠᠵᠢᠭᠤᠯᠤᠯᠲᠠ ᠶᠢᠨ ᠠᠵᠢᠯ ᠳᠤ ᠠᠰᠢᠭᠯᠠᠵᠤ ᠪᠠᠢᠭᠰᠠᠨ ᠵᠠᠭᠪᠤᠷ ᠪᠠᠶᠢᠭᠤᠯᠤᠮᠵᠢ ᠶᠢ 2013 ᠣᠨ ᠤ 4 ᠰᠠᠷᠠ ᠠᠴᠠ ᠬᠣᠶᠢᠰᠢ ᠪᠣᠳᠠᠲᠤ ᠠᠰᠢᠭᠯᠠᠯᠲᠠ ᠳᠤ ᠣᠷᠣᠭᠤᠯᠵᠤ ᠡᠷᠴᠢᠮ ᠬᠦᠴᠦ ᠦᠢᠯᠡᠳᠪᠦᠷᠢᠯᠡᠯ ᠶᠠᠪᠤᠭᠤᠯᠵᠤ ᠪᠠᠶᠢᠨᠠ᠃
ᠡᠬᠢ
ᠰᠤᠷᠪᠤᠯᠵᠢ
藤田和男 監修, トコトンやさしい石炭の本, 日刊工業, 2009.
http://www.nedo.go.jp/hyoukabu/articles/201306igcc/index.html
ᠰᠡᠳᠬᠢᠭᠳᠡᠯ
<Comments/>
ᠲᠦᠯᠬᠢᠭᠦᠷ
ᠦᠭᠡᠰ
нүүрс хийжүүлэх технологи