Chimee
ᠭᠠᠷ ᠤᠲᠠᠰᠤᠨ ᠤ Chimee ᠬᠡᠷᠡᠭᠯᠡᠭᠦᠷ
Chimee ᠢᠨᠦ ᠭᠠᠷ ᠤᠲᠠᠰᠤ ᠳᠡᠭᠡᠷ ᠡ᠋ ᠮᠣᠩᠭᠤᠯ ᠪᠢᠴᠢᠭ ᠢᠢᠡᠷ ᠰᠢᠪᠡᠬᠦ ᠬᠡᠷᠡᠭᠯᠡᠭᠦᠷ (app) ᠶᠤᠮ᠃
ᠡᠨᠡ ᠬᠦ ᠬᠡᠷᠡᠭᠯᠠᠭᠥᠷ ᠢ Suragch Development ᠬᠥᠭᠵᠢᠭᠦᠯᠦᠭᠰᠡᠨ ᠠᠭᠠᠳ ᠬᠠᠮᠤᠭ ᠤᠨ ᠰᠢᠨ᠌ᠡ᠋ ᠬᠤᠪᠢᠯᠪᠣᠷᠢ ᠨᠢ Chimee 3.1.1 ᠪᠢᠯᠡ᠃[1]
ᠮᠣᠩᠭᠤᠯ ᠤᠯᠤᠰ ᠤᠨ ᠮᠣᠩᠭᠤᠯ ᠪᠢᠴᠢᠭᠲᠡᠨ ᠨᠤᠭᠦᠳ ᠦᠨ ᠬᠠᠮᠤᠭ ᠤᠨ ᠰᠠᠢᠢᠨ ᠮᠡᠳᠡᠳᠡᠭ᠂ ᠬᠠᠮᠤᠭ ᠤᠨ ᠳᠤᠷᠠᠲᠠᠢ᠂ ᠬᠠᠮᠤᠭ ᠤᠨ ᠶᠡᠬᠡ ᠠᠰᠢᠭᠯᠠᠳᠠᠭ ᠬᠡᠷᠡᠭᠯᠡᠭᠦᠷ ᠦᠨ ᠨᠢᠭᠡ᠃
ᠠᠰᠢᠭᠯᠠᠬᠤ
Chimee ᠬᠡᠷᠡᠭᠯᠡᠭᠦᠷ ᠢ Playstore ᠪᠣᠯᠤᠨ Appstore ᠰᠠᠩ ᠤᠳ ᠡᠴᠡ ᠲᠠᠲᠤᠨ ᠠᠪᠴᠤ ᠭᠠᠷ ᠤᠲᠠᠰᠤᠨ ᠳ᠋ᠤ ᠰᠠᠭᠤᠯᠭᠠᠵᠤ ᠪᠣᠯᠤᠨᠠ᠃
ᠡᠨᠡ ᠬᠡᠷᠡᠭᠯᠡᠭᠦᠷ ᠭᠠᠷ ᠤᠲᠠᠰᠤᠨ ᠤ Android᠂ iOS ᠦᠢᠯᠡᠳᠦᠯ ᠦᠨ ᠰᠢᠰᠲᠧᠮ ᠦᠳ ᠳᠡᠭᠡᠷ ᠡ᠋ ᠠᠵᠢᠯᠯᠠᠳᠠᠭ᠃
Chimee ᠢᠢᠨ ᠭᠠᠷ ᠠᠨᠤ ᠴᠠᠭᠠᠨ ᠲᠣᠯᠠᠭᠠᠢ ᠢᠢᠨ ᠳᠠᠷᠠᠭᠠᠯᠠᠯ ᠪᠣᠯᠤᠨ ᠴᠠᠬᠢᠮ ᠲᠣᠭᠠᠴᠠᠭᠠᠯᠠᠭᠤᠷ ᠳᠡᠭᠡᠷᠡᠬᠢ ᠭᠠᠷ ᠤᠨ ᠦᠰᠦᠭ ᠦᠨ ᠳᠠᠷᠠᠭᠠᠯᠠᠯ ᠭᠡᠰᠡᠨ ᠬᠣᠶᠠᠷ ᠶᠠᠩᠵᠤ ᠢᠢᠨ ᠪᠠᠢᠢᠷᠢᠰᠢᠯ ᠲᠠᠢ᠃
ᠲᠡᠢᠢᠮᠦ ᠡᠴᠡ ᠬᠡᠷᠡᠭᠯᠡᠭᠴᠢ ᠠᠯᠢ ᠥᠪᠡᠷ ᠲᠦ ᠪᠡᠨ ᠡᠪᠲᠡᠢ ᠢᠢ ᠰᠣᠩᠭᠤᠨ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠃
 |
| ᠴᠠᠭᠠᠨ ᠲᠣᠯᠠᠭᠠᠢ ᠢᠢᠨ ᠪᠠᠢᠢᠷᠢᠯᠠᠯ ᠲᠠᠢ Chimee ᠮᠣᠩᠭᠣᠯ ᠭᠠᠷ |
ᠤᠷᠢᠳᠤ ᠨᠢ ᠪᠢᠴᠢᠵᠦ ᠪᠠᠶ᠋ᠢᠭᠰᠠᠨ ᠦᠭᠡ ᠨᠤᠭᠦᠳ ᠢ ᠬᠠᠳᠠᠭᠠᠯᠠᠵᠤ ᠰᠣᠩᠭᠣᠯᠲᠠ ᠮᠠᠶᠢᠭ ᠢᠶ᠋ᠠᠷ ᠭᠠᠷᠭᠠᠵᠤ ᠢᠷᠡᠳᠡᠭ᠃
ᠪᠢᠴᠢᠪᠦᠷᠢ ᠳᠡᠭᠡᠷ ᠡ᠋ ᠪᠡᠨ ᠤᠳᠠᠭᠠᠨ ᠳᠷᠤᠪᠠᠰᠤ ᠬᠠᠭᠤᠯᠠᠬᠤ (copy)᠂ ᠬᠠᠢᠢᠴᠢᠯᠠᠬᠤ (cut)᠂ ᠨᠠᠭᠠᠬᠤ (paste) ᠭᠡᠬᠦᠴᠢᠯᠡᠨ ᠪᠢᠴᠢᠪᠦᠷᠢ ᠪᠡᠨ ᠨᠠᠢᠢᠷᠠᠭᠤᠯᠬᠤ (edit) ᠰᠣᠩᠭᠤᠯᠲᠠ ᠨᠤᠭᠤᠳ ᠭᠠᠷᠴᠤ ᠢᠷᠡᠮᠦᠢ᠃ ᠲᠡᠭᠦᠨᠴᠢᠯᠡᠨ ᠪᠢᠴᠢᠪᠦᠲᠢ ᠢᠢᠨ ᠥᠩᠭᠡ ᠬᠢᠭᠡᠳ ᠲᠢᠭ᠌ (font) ᠢ ᠥᠭᠡᠷᠡᠴᠢᠯᠡᠨ ᠰᠣᠯᠢᠬᠤ ᠰᠣᠩᠭᠤᠯᠲᠠ ᠨᠤᠭᠤᠳ ᠬᠠᠮᠲᠤ ᠭᠠᠷᠴᠤ ᠢᠷᠡᠨᠡ᠃
 |
| ᠪᠢᠴᠢᠪᠦᠷᠢ ᠢᠢ ᠨᠠᠢᠢᠷᠠᠭᠤᠯᠬᠤ ᠰᠣᠩᠭᠤᠯᠲᠠ ᠨᠤᠭᠤᠳ |
ᠣᠨᠴᠠᠯᠢᠭ
ᠮᠣᠩᠭᠤᠯ ᠪᠢᠴᠢᠭ ᠦᠨ ᠪᠤᠰᠤᠳ ᠬᠡᠷᠡᠭᠯᠡᠭᠦᠷ ᠲᠡᠢ ᠬᠠᠷᠢᠴᠠᠭᠤᠯᠬᠤ ᠳᠤ ᠭᠠᠷ ᠳᠡᠭᠡᠷᠡᠬᠢ ᠦᠰᠦᠭ ᠦᠨ ᠳᠦᠷᠰᠦᠯᠡᠯ ᠪᠣᠰᠤᠭᠠ ᠬᠠᠷᠠᠭᠳᠤᠴᠠ ᠲᠠᠢ ᠲᠤᠯᠠ ᠬᠡᠷᠡᠭᠯᠡᠭᠴᠢᠳ ᠳᠦ ᠲᠠᠭᠠᠲᠠᠢ᠂ ᠡᠪᠲᠡᠢ ᠪᠠᠶ᠋ᠢᠳᠠᠭ᠃
Chimee ᠬᠡᠷᠡᠭᠯᠡᠭᠦᠷ ᠢ ᠰᠠᠭᠤᠯᠭᠠᠭᠰᠠᠨ ᠢᠶ᠋ᠠᠷ ᠨᠢᠭᠡ ᠬᠡᠷᠡᠭᠯᠡᠭᠦᠷ ᠪᠤᠶᠤ ᠭᠠᠷ ᠳᠡᠭᠡᠷᠡ ᠭᠤᠷᠪᠠᠨ ᠥᠭᠡᠷᠡ ᠴᠠᠭᠠᠨ ᠲᠣᠯᠣᠭᠠᠢ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠳᠠᠪᠠᠭᠤ ᠲᠠᠯᠠ ᠲᠠᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠻᠢᠷᠢᠯ᠂ ᠯᠠᠲ᠋ᠢᠨ᠂ ᠮᠣᠩᠭᠣᠯ ᠪᠢᠴᠢᠭ ᠭᠡᠰᠡᠨ ᠦᠭᠡ ᠶᠤᠮ᠃
ᠡᠭᠦᠪᠡᠷ ᠢᠶ᠋ᠡᠨ ᠣᠯᠠᠨ ᠬᠡᠷᠡᠭᠯᠡᠭᠦᠷ ᠲᠠᠲᠠᠬᠤ ᠱᠠᠭᠠᠷᠳᠠᠯᠭᠠ ᠦᠭᠡᠢ ᠪᠣᠯᠭᠠᠵᠤ ᠪᠠᠢᠢᠨᠠ᠃
ᠮᠣᠩᠭᠣᠯ ᠪᠢᠴᠢᠭ ᠦᠨ ᠹᠣᠨ᠍ᠲ ᠳᠡᠮᠵᠢᠬᠦ ᠦᠭᠡᠢ ᠤᠷᠴᠢᠨ ᠳᠤ᠂ ᠡᠰᠡᠪᠡᠯ ᠬᠦᠯᠢᠶᠡᠨ ᠠᠪᠤᠭᠴᠢ ᠢᠢᠨ ᠲᠥᠬᠥᠭᠡᠷᠦᠮᠵᠢ ᠮᠣᠩᠭᠣᠯ ᠪᠢᠴᠢᠭ ᠢᠶ᠋ᠡᠷ ᠪᠢᠴᠢᠭᠰᠡᠨ ᠵᠦᠢᠯ ᠢ ᠲᠠᠨᠢᠬᠤ ᠦᠭᠡᠢ ᠨᠥᠬᠥᠴᠡᠯ ᠳᠦ Chimee ᠳᠡᠭᠡᠷᠡ ᠡᠴᠡ ᠪᠢᠴᠢᠭᠰᠡᠨ ᠪᠢᠴᠢᠪᠦᠷᠢ ᠰᠢᠭᠤᠳ ᠵᠢᠷᠤᠭ ᠬᠡᠯᠪᠡᠷᠢ ᠳᠦ ᠰᠢᠯᠵᠢᠵᠦ ᠬᠦᠷᠡᠳᠡᠭ᠃
ᠮᠥᠨ ᠵᠢᠵᠢᠭ ᠵᠢᠷᠤᠭ ᠲᠤ ᠮᠣᠩᠭᠣᠯ ᠪᠢᠴᠢᠭ ᠦᠨ ᠵᠢᠵᠢᠭ ᠪᠢᠴᠢᠪᠦᠷᠢ ᠲᠠᠶ᠋ᠢᠯᠪᠤᠷᠢ ᠣᠷᠣᠭᠤᠯᠬᠤ ᠵᠡᠷᠭᠡ ᠳᠦ ᠠᠰᠢᠭᠯᠠᠨᠠ᠃
ᠪᠠᠰᠠ ᠮᠣᠩᠭᠤᠯ ᠪᠢᠴᠢᠭ ᠦᠨ Menksoft ᠰᠲ᠋ᠠᠨ᠍ᠳᠠᠷᠳ᠋ ᠢᠢᠠᠷ ᠪᠢᠴᠢᠭᠰᠡᠨ ᠪᠢᠴᠢᠪᠦᠷᠢ ᠢᠢ Unicode ᠰᠲ᠋ᠠᠨ᠍ᠳᠠᠷᠳ᠋ ᠳᠤ ᠬᠥᠷᠪᠦᠭᠦᠯᠦᠨ ᠤᠩᠰᠢᠬᠤ᠂ ᠡᠰᠡᠪᠡᠯ Unicode ᠡᠴᠡ Menksoft ᠤᠷᠤᠭᠤ ᠬᠥᠷᠪᠠᠭᠦᠯᠬᠦ ᠪᠣᠯᠤᠮᠵᠢ ᠲᠠᠢ᠃
ᠬᠥᠭᠵᠢᠭᠦᠯᠦᠭᠴᠢ ᠨᠢ Chimee ᠬᠡᠷᠡᠭᠯᠡᠭᠦᠷ ᠢ ᠤᠯᠠᠮ ᠤᠯᠠᠮ ᠢᠢᠠᠷ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠭᠠᠵᠤ᠂ ᠰᠢᠨᠡ᠋ ᠬᠤᠪᠢᠯᠪᠤᠷᠢ ᠨᠤᠭᠤᠳ ᠢ ᠭᠠᠷᠭᠠᠭᠰᠠᠭᠠᠷ ᠪᠠᠢᠢᠳᠠᠭ ᠪᠢᠯᠡ᠃
ᠬᠡᠷᠡᠭᠯᠡᠭᠴᠢᠳ Chimee ᠬᠡᠷᠡᠭᠯᠡᠭᠦᠷ ᠢ ᠬᠡᠷᠡᠭᠯᠡᠬᠦ ᠶᠠᠪᠤᠴᠠ ᠳᠤ ᠲᠣᠬᠢᠶᠠᠯᠳᠤᠭᠰᠠᠨ ᠪᠡᠷᠬᠡᠰᠢᠶᠡᠯ ᠢᠢᠡᠨ ᠬᠥᠭᠵᠢᠭᠦᠯᠦᠭᠴᠢ ᠨᠠᠷ ᠲᠤ ᠤᠯᠠᠮᠵᠢᠵᠤ ᠪᠣᠯᠳᠠᠭ (ᠵᠢᠱᠢᠶᠡᠯᠡᠪᠡᠯ ᠡᠨᠡ ᠨᠡᠢᠢᠲᠡᠯᠡᠯ ᠦᠨ Хэлэлцүүлэг ᠭᠡᠰᠡᠨ ᠰᠣᠩᠭᠤᠯᠲᠠ ᠢᠢ ᠳᠠᠷᠤᠵᠤ ᠣᠷᠤᠭᠠᠳ ᠰᠠᠨᠠᠯ ᠢᠢᠠᠨ ᠪᠢᠴᠢᠵᠦ ᠪᠣᠯᠤᠨᠠ)᠃
ᠡᠭᠦᠪᠡᠷ ᠢᠢᠡᠨ Chimee ᠬᠡᠷᠡᠭᠯᠡᠭᠦᠷ ᠢ ᠬᠥᠭᠵᠢᠭᠦᠯᠬᠦ ᠳ᠋ᠦ ᠦᠨᠠ ᠲᠡᠢ ᠬᠤᠪᠢ ᠨᠡᠮᠡᠷᠢ ᠪᠣᠯᠳᠠᠭ ᠶᠤᠮ᠃
| ᠮᠦᠯᠲ᠋ᠢᠯᠢᠩ 0 ᠭᠠᠷ ᠳᠡᠭᠡᠷ ᠠ᠋ ᠲᠣᠬᠢᠷᠠᠭᠠ ᠬᠢᠬᠦ ᠵᠢᠭᠠᠪᠤᠷᠢ᠃ |