ᠻᠸᠠᠨ᠍ᠲ ᠮᠧᠻᠠᠨᠢᠭ ᠊ᠤᠨ ᠦᠨᠳᠦᠰᠦᠨ ᠵᠠᠷᠴᠢᠮ ᠊ᠤᠳ
ᠻᠸᠠᠨᠲ ᠮᠧᠬᠠᠨᠢᠭ ᠨᠢ ᠻᠸᠠᠨᠲ ᠲᠦᠪᠰᠢᠨ ᠳᠦ ᠪᠣᠳᠠᠰ ᠪᠠ ᠡᠨᠧᠷᠭᠢ ᠶᠢᠨ ᠵᠦᠢ ᠲᠣᠭᠲᠠᠯ ᠢ ᠰᠤᠳᠤᠯᠳᠠᠭ ᠹᠢᠽᠢᠻ ᠦᠨ ᠦᠨᠳᠦᠰᠦᠨ ᠣᠨᠣᠯ ᠶᠤᠮ. ᠻᠸᠠᠨᠲ ᠲᠦᠪᠰᠢᠨ ᠭᠡᠳᠡᠭ ᠠᠲ᠋ᠣᠮ ᠪᠣᠯᠤᠨ ᠠᠲ᠋ᠣᠮ ᠠᠴᠠ ᠳᠣᠭᠣᠭᠰᠢᠬᠢ ᠡᠷᠢᠮᠪᠡ ᠶᠢᠨ ᠪᠥᠭᠡᠮᠡᠰ᠂ ᠡᠭᠡᠯ ᠪᠥᠭᠡᠮᠡᠰ ᠢ ᠣᠶᠢᠯᠠᠭᠠᠨᠠ᠃
ᠦᠨᠳᠦᠰᠦᠨ ᠵᠠᠷᠴᠢᠮ ᠤᠳ
 |
ᠬᠣᠣᠰ ᠵᠠᠪᠰᠠᠷ ᠢᠶᠠᠷ ᠡᠯᠧᠺᠲ᠋ᠷᠣᠨ ᠤ ᠤᠷᠤᠰᠬᠠᠯ ᠢ ᠨᠡᠪᠲᠡᠷᠡᠭᠦᠯᠦᠭᠰᠡᠨ ᠲᠤᠷᠰᠢᠯᠲᠠ᠃
ᠬᠣᠣᠰ ᠵᠠᠪᠰᠠᠷ ᠢᠶᠠᠷ ᠭᠠᠷᠤᠭᠰᠠᠨ ᠡᠯᠧᠺᠲ᠋ᠷᠣᠨ ᠨᠤᠭᠤᠳ ᠢᠯᠡᠷᠡᠭᠦᠯᠬᠦ ᠳᠡᠯᠭᠡᠴᠡ ᠳᠦ ᠲᠤᠰᠠᠭᠰᠠᠨ ᠨᠢᠭᠲᠠᠰᠢᠯ ᠨᠢ ᠳᠣᠯᠭᠢᠶᠠᠯᠢᠭ ᠴᠢᠨᠠᠷ ᠢ ᠢᠯᠡᠳᠬᠡᠨᠡ᠃ |
ᠻᠸᠠᠨᠲ ᠮᠧᠬᠠᠨᠢᠭ ᠨᠢ ᠳᠠᠷᠠᠭᠠᠬᠢ ᠦᠨᠳᠦᠰᠦᠨ ᠪᠠᠷᠢᠮᠲᠠᠯᠠᠯ ᠤᠳ ᠢ ᠠᠭᠤᠯᠠᠳᠠᠭ᠄
1᠃ ᠡᠭᠡᠯ ᠪᠥᠭᠡᠮᠡᠰ ᠦᠨ ᠳᠣᠯᠭᠢᠶᠠᠯᠢᠭ ᠴᠢᠨᠠᠷ᠄ ᠡᠯᠧᠻᠲ᠋ᠷᠣᠨ᠂ ᠹᠣᠲ᠋ᠣᠨ ᠭᠡᠬᠦ ᠵᠡᠷᠭᠡ ᠪᠥᠭᠡᠮᠡᠰ ᠲᠦ ᠳᠣᠯᠭᠢᠶᠠᠨ ᠤ ᠪᠣᠯᠤᠨ ᠪᠥᠭᠡᠮᠡᠰ ᠦᠨ ᠰᠢᠨᠵᠢ ᠴᠢᠨᠠᠷ ᠢ ᠬᠣᠶᠠᠭᠤᠯᠠ ᠠᠵᠢᠭᠯᠠᠭᠳᠠᠳᠠᠭ᠃ ᠪᠥᠭᠡᠮᠡᠰ ᠢ ᠳᠣᠯᠭᠢᠶᠠᠨ ᠤ ᠹᠦᠨᠻᠼ ᠢᠶᠡᠷ ᠳᠦᠷᠰᠦᠯᠡᠵᠦ ᠪᠣᠯᠬᠤ ᠡᠨᠡᠬᠦ ᠹᠦᠨᠻᠼ ᠨᠢ ᠲᠤᠬᠠᠢ ᠶᠢᠨ ᠪᠥᠭᠡᠮ ᠲᠣᠳᠣᠷᠬᠠᠢ ᠪᠠᠶᠢᠷᠢᠰᠢᠯ ᠳᠤ ᠣᠯᠳᠠᠬᠤ ᠮᠠᠭᠠᠳᠯᠠᠯ ᠢ ᠲᠣᠳᠣᠷᠬᠠᠶᠢᠯᠠᠳᠠᠭ᠃[1]
2᠃ ᠲᠣᠳᠣᠷᠬᠠᠢ ᠦᠭᠡᠢ ᠶᠢᠨ ᠵᠠᠷᠴᠢᠮ᠄ ᠪᠥᠭᠡᠮ ᠦᠨ ᠪᠠᠶᠢᠷᠢᠯᠠᠯ ᠪᠠ ᠢᠮᠫᠦ᠋ᠯᠰ ᠢ ᠨᠢᠭᠡᠨ ᠵᠡᠷᠭᠡ ᠨᠠᠷᠢᠨ ᠲᠣᠳᠣᠷᠬᠠᠶᠢᠯᠠᠬᠤ ᠪᠣᠯᠤᠮᠵᠢ ᠦᠭᠡᠢ᠃ ᠤᠴᠢᠷ ᠨᠢ ᠪᠥᠭᠡᠮ ᠦᠨ ᠪᠠᠶᠢᠷᠢᠯᠠᠯ ᠢ ᠬᠡᠮᠵᠢᠬᠦ ᠨᠢ ᠲᠡᠭᠦᠨ ᠦ ᠢᠮᠫᠦ᠋ᠯᠰ ᠢ ᠦᠢᠮᠡᠴᠡᠭᠦᠯᠳᠡᠭ ᠪᠠ ᠢᠮᠫᠦ᠋ᠯᠰ ᠢ ᠬᠡᠮᠵᠢᠭᠰᠡᠨ ᠢᠶᠡᠷ ᠨᠢ ᠪᠠᠶᠢᠷᠢᠰᠢᠯ ᠢ ᠪᠤᠰᠠᠨᠢᠭᠤᠯᠳᠠᠭ᠃ ᠡᠶᠢᠨᠬᠦᠦ ᠬᠡᠮᠵᠢᠯᠲᠡ ᠶᠢᠨ ᠨᠠᠷᠢᠪᠴᠢᠯᠠᠯ ᠬᠢᠵᠠᠭᠠᠷᠯᠠᠭᠳᠠᠵᠤ ᠪᠠᠶᠢᠭᠠ ᠨᠢ ᠪᠥᠭᠡᠮᠡᠰ ᠦᠨ ᠳᠣᠯᠭᠢᠶᠠᠯᠢᠭ ᠴᠢᠨᠠᠷ᠂ ᠬᠠᠶᠢᠽᠧᠨᠪᠧᠷᠭᠢ ᠶᠢᠨ ᠲᠣᠳᠣᠷᠬᠠᠢ ᠦᠭᠡᠢ ᠶᠢᠨ ᠵᠠᠷᠴᠢᠮ ᠢᠶᠠᠷ ᠨᠥᠬᠦᠴᠡᠯᠳᠦᠳᠡᠭ᠃[2]
3᠃ ᠳᠠᠪᠬᠤᠴᠠᠯᠠ᠄ ᠪᠥᠭᠡᠮ ᠨᠢ ᠨᠢᠭᠡᠨ ᠵᠡᠷᠭᠡ ᠥᠭᠡᠷᠡ ᠥᠭᠡᠷᠡ ᠮᠠᠭᠠᠳᠯᠠᠯ ᠲᠠᠢ ᠣᠯᠠᠨ ᠥᠪᠡᠷ ᠲᠥᠯᠦᠪ ᠲᠦ ᠣᠷᠣᠰᠢᠵᠤ ᠪᠣᠯᠤᠨᠠ᠂ ᠡᠭᠦᠨ ᠢ ᠳᠠᠪᠬᠤᠴᠠᠯ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠡᠯᠧᠻᠲ᠋ᠷᠣᠨ ᠨᠢ ᠳᠡᠭᠡᠭᠰᠢ ᠪᠠ ᠳᠣᠭᠣᠭᠰᠢ ᠰᠫᠢᠨ ᠪᠦᠬᠦᠢ ᠲᠥᠯᠥᠪ ᠦᠳ ᠦᠨ ᠳᠠᠪᠬᠤᠴᠠᠯ ᠳᠤ ᠣᠷᠣᠰᠢᠵᠤ ᠪᠣᠯᠤᠨᠠ᠃ ᠡᠨᠡ ᠨᠢ ᠻᠸᠠᠨᠲ ᠮᠧᠬᠠᠨᠢᠭ ᠰᠣᠩᠭᠣᠳᠠᠭ ᠮᠧᠬᠠᠨᠢᠭ ᠠᠴᠠ ᠢᠯᠭᠠᠭᠠ ᠲᠠᠢ ᠪᠠᠰᠠ ᠨᠢᠭᠡ ᠦᠨᠳᠦᠰᠦᠨ ᠢᠯᠭᠠᠭᠠ ᠶᠤᠮ᠃
4. ᠣᠷᠢᠶᠠᠴᠠᠯᠳᠤᠭᠠᠨ᠄ ᠬᠣᠶᠠᠷ ᠪᠠ ᠲᠡᠭᠦᠨ ᠡᠴᠡ ᠳᠡᠭᠡᠭᠰᠢ ᠪᠥᠭᠡᠮᠡᠰ ᠬᠠᠷᠢᠯᠴᠠᠨ ᠻᠸᠠᠨᠲ ᠣᠷᠢᠶᠠᠴᠠᠯᠳᠤᠭᠠᠨ ᠳᠤ ᠣᠷᠣᠰᠢᠵᠤ ᠪᠣᠯᠬᠤ ᠪᠥᠭᠡᠳ ᠡᠨᠡ ᠨᠢ ᠲᠡᠳᠡᠭᠡᠷ ᠦᠨ ᠰᠢᠨᠵᠢ ᠴᠢᠨᠠᠷ ᠨᠢ ᠬᠠᠷᠢᠯᠴᠠᠨ ᠬᠠᠮᠢᠶᠠᠷᠤᠯᠲᠠᠢ ᠭᠡᠰᠡᠨ ᠦᠭᠡ ᠶᠤᠮ᠃ ᠣᠷᠢᠶᠠᠴᠠᠯᠳᠤᠭᠠᠨ ᠳᠠᠬᠢ ᠪᠥᠭᠡᠮᠡᠰ ᠦᠨ ᠨᠢᠭᠡ ᠶᠢᠨ ᠨᠢ ᠦᠵᠡᠭᠦᠯᠦᠯᠲᠡ ᠶᠢ ᠬᠡᠮᠵᠢᠬᠦ ᠳᠦ ᠬᠣᠭᠣᠷᠣᠨᠳᠣ ᠶᠢᠨ ᠵᠠᠶᠢᠨ ᠠᠴᠠ ᠦᠯᠦ ᠬᠠᠮᠢᠶᠠᠷᠤᠨ ᠨᠥᠭᠥᠭᠡ ᠪᠥᠭᠡᠮ ᠦᠨ ᠦᠵᠡᠭᠦᠯᠦᠯᠲᠡ ᠳᠦ ᠭᠱᠠᠨ ᠵᠠᠭᠤᠷᠠ ᠨᠥᠯᠦᠭᠡᠯᠡᠵᠦ ᠪᠣᠯᠤᠨᠠ᠃
5᠃ ᠻᠸᠠᠨᠲᠴᠢᠯᠠᠯ᠄ ᠡᠨᠧᠷᠭᠢ ᠶᠢᠨ ᠲᠦᠪᠰᠢᠨ ᠭᠡᠬᠦ ᠵᠡᠷᠭᠡ ᠪᠥᠭᠡᠮᠡᠰ ᠦᠨ ᠲᠣᠳᠣᠷᠬᠠᠢ ᠴᠢᠨᠠᠷ ᠤᠳ ᠨᠢ ᠵᠥᠪᠬᠡᠨ ᠱᠠᠲᠤᠯᠠᠯᠲᠠ ᠪᠤᠶᠤ ᠪᠠᠭᠴᠠ ᠤᠳᠬᠠ ᠶᠢ ᠠᠪᠴᠤ ᠪᠣᠯᠤᠨᠠ᠃ ᠲᠤᠬᠠᠶᠢᠯᠠᠪᠠᠯ ᠭᠡᠷᠡᠯ ᠹᠣᠲ᠋ᠣᠨ ᠭᠡᠳᠡᠭ ᠰᠠᠯᠤᠩᠭᠢᠳᠠ ᠪᠠᠭᠴᠠ ᠨᠤᠭᠤᠳ ᠲᠤ ᠢᠯᠭᠠᠷᠠᠬᠤ᠂ ᠰᠢᠩᠭᠡᠭᠡᠭᠳᠡᠬᠦ ᠭᠡᠬᠦ ᠮᠡᠲᠦ ᠦᠵᠡᠭᠳᠡᠯ ᠦᠳ ᠢᠶᠡᠷ ᠢᠯᠡᠷᠡᠳᠡᠭ᠃
ᠻᠸᠠᠨᠲ ᠤᠨ ᠰᠢᠰᠲ᠋ᠧᠮ ᠦᠨ ᠶᠠᠪᠤᠴᠠ ᠶᠢ ᠱᠷᠥᠳᠢᠩᠭᠧᠷ ᠦᠨ ᠲᠡᠭᠰᠢᠳᠬᠡᠯ ᠢᠶᠡᠷ ᠳᠦᠷᠰᠦᠯᠡᠳᠡᠭ ᠪᠥᠭᠡᠳ ᠡᠨᠡ ᠨᠢ ᠳᠣᠯᠭᠢᠶᠠᠨ ᠤ ᠹᠦᠨᠻᠼ ᠦᠨ ᠬᠤᠪᠢᠰᠤᠯ ᠢ ᠴᠠᠭ ᠬᠤᠭᠤᠴᠠᠭᠠᠨ ᠤ ᠬᠠᠮᠢᠶᠠᠷᠤᠯ ᠢᠶᠠᠷ ᠳᠦᠷᠰᠦᠯᠡᠳᠡᠭ᠃
ᠻᠸᠠᠨᠲ ᠮᠧᠬᠠᠨᠢᠭ ᠨᠢ ᠻᠸᠠᠨᠲ ᠲᠣᠭᠠᠴᠠᠭᠠᠯᠠᠯ᠂ ᠻᠷᠢᠫᠲ᠋ᠣᠭ᠍ᠷᠠᠹ᠂ ᠮᠠᠲ᠋ᠧᠷᠢᠶᠠᠯ ᠰᠤᠳᠤᠯᠤᠯ ᠭᠡᠬᠦ ᠵᠡᠷᠭᠡ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠲᠧᠭᠨᠣᠯᠣᠭᠢ ᠶᠢᠨ ᠥᠷᠭᠡᠨ ᠬᠦᠷᠢᠶᠡᠨ ᠦ ᠬᠡᠷᠡᠭᠯᠡᠭᠡᠨ ᠳᠦ ᠵᠠᠶᠢᠯᠠᠰᠢ ᠦᠭᠡᠢ ᠱᠠᠭᠠᠷᠳᠠᠯᠭᠠ ᠲᠠᠢ ᠻᠸᠠᠨᠲ ᠲᠦᠪᠰᠢᠨ ᠳᠦ ᠮᠠᠲ᠋ᠧᠷᠢ ᠪᠠ ᠡᠨᠧᠷᠭᠢ ᠶᠢᠨ ᠵᠠᠩ ᠲᠥᠯᠦᠪ ᠢ ᠣᠶᠢᠯᠠᠭᠠᠬᠤ ᠬᠦᠷᠢᠶᠡ ᠶᠢ ᠪᠦᠷᠢᠳᠦᠭᠦᠯᠳᠡᠭ᠃
ᠨᠡᠷ ᠡ᠋ ᠲᠣᠮᠢᠶᠠᠯᠠᠯ
ᠡᠬᠢ ᠰᠤᠷᠪᠤᠯᠵᠢ
- ↑ C.R.Nave. Wave-Particle Duality. HyperPhysics 2016. Department of Physics and Astronomy. Georgia State University. http://hyperphysics.phy-astr.gsu.edu/hbase/mod1.html
- ↑ Jan Hilgevoord, Jos Uffink. The Uncertainty Principle. The Stanford Encyclopedia of Philosophy 2016. https://plato.stanford.edu/entries/qt-uncertainty/