Засварлах: Монголын газрын гадаргын геологийн түүх (хэсэгчилэн)

==ᠻᠧᠮᠪᠷᠢ ᠊ᠢᠢᠨ  ᠡᠮᠦᠨᠡᠬᠢ ᠪᠠ ᠡᠷᠲᠡ ᠲᠥᠷᠥᠮᠡᠯ ᠊ᠦᠨ ᠦᠶ᠎ᠡ ᠱᠠᠲᠤ==
<span style="writing-mode: horizontal-tb; ">[[Файл:Map Geological Mongolia.jpg|thumb|<center><span style="writing-mode: vertical-lr; "><div style="text-align:left">ᠮᠣᠩᠭᠣᠯ<br>ᠣᠷᠣᠨ ᠊ᠤ<br>ᠭᠧᠣᠯᠣᠭᠢ ᠊ᠢᠢᠨ<br>ᠵᠢᠷᠤᠭ</div>]]</span>
ᠻᠧᠮᠪᠷᠢ ᠊ᠢᠢᠨ  ᠡᠮᠦᠨᠡᠬᠢ ᠪᠠ ᠡᠬᠡ ᠲᠥᠷᠥᠮᠡᠯ᠂ ᠠᠩᠬ᠎ᠠ ᠲᠥᠷᠥᠮᠡᠯ ᠊ᠦᠨ ᠡᠷᠢᠨ ᠨ᠊ᠦᠭᠦᠳ ᠊ᠦᠨ ᠬᠤᠷᠠᠳᠠᠰᠤ ᠲᠤᠰ ᠣᠷᠣᠨ ᠊ᠳᠤ ᠵᠥᠪᠬᠡᠨ ᠬᠥᠪᠰᠥᠭᠥᠯ ᠨᠠᠭᠤᠷ ᠊ᠤᠨ ᠣᠷᠴᠢᠮ᠂ ᠬᠠᠩᠭᠠᠢ ᠪᠣᠯᠤᠨ ᠠᠯᠲᠠᠢ ᠊ᠢᠢᠨ ᠨᠢᠷᠤᠭᠤᠨ ᠊ᠤ ᠪᠠᠷᠠᠭᠤᠨ ᠬᠡᠰᠡᠭ ᠲᠦ ᠪᠠᠭ᠎ᠠ ᠲᠠᠯᠠᠪᠠᠢ ᠊ᠢᠢ ᠡᠵᠡᠯᠡᠨ ᠴᠥᠭᠡᠬᠡᠨ ᠲᠠᠷᠬᠠᠵᠠᠢ᠃ ᠬᠠᠷᠢᠨ ᠡᠷᠲᠡ ᠲᠥᠷᠥᠮᠡᠯ ᠊ᠦᠨ ᠡᠷᠢᠨ ᠊ᠦ ᠬᠤᠷᠠᠳᠠᠰᠤ ᠶᠡᠬᠡ ᠲᠦᠭᠡᠭᠡᠮᠡᠯ ᠪᠥᠭᠡᠳ ᠢᠯᠠᠩᠭᠤᠶ᠎ᠠ ᠮᠣᠩᠭᠣᠯ ᠊ᠤᠨ ᠲᠥᠪ᠂ ᠪᠠᠷᠠᠭᠤᠨ ᠪᠠ ᠪᠠᠷᠠᠭᠤᠨ ᠬᠣᠶᠢᠳᠤ ᠬᠠᠭᠠᠰ ᠲᠤ ᠣᠷᠴᠢᠨ ᠦᠶ᠎ᠡ ᠊ᠢᠢᠨ ᠭᠠᠳᠠᠷᠭᠤ ᠊ᠳᠤ ᠡ᠊ᠨᠳᠡ ᠲᠡᠨᠳᠡ ᠦᠭᠡᠢ ᠢᠯᠡ ᠭᠠᠷᠤᠭᠰᠠᠨ ᠪᠠᠶᠢᠨ᠎ᠠ᠃ ᠻᠧᠮᠪᠷᠢ ᠊ᠢᠢᠨ  ᠡᠮᠦᠨᠡᠬᠢ ᠦᠶ᠎ᠡ ᠊ᠢᠢᠨ ᠬᠤᠷᠠᠳᠠᠰᠤ ᠳᠤᠷᠠᠳᠤᠭᠰᠠᠨ ᠨᠤᠲᠤᠭ ᠲᠤ ᠲᠠᠯᠠᠰᠲᠤ᠂ ᠵᠠᠨᠠᠷ᠂ ᠱᠣᠬᠣᠢ ᠊ᠢᠢᠨ ᠴᠢᠯᠠᠭᠤ᠂ ᠭᠨᠧᠢᠰ ᠵᠡᠷᠭᠡ ᠬᠤᠪᠢᠷᠠᠮᠠᠯ ᠴᠢᠯᠠᠭᠤᠯᠢᠭ ᠡᠴᠠ ᠪᠦᠲᠦᠭᠰᠡᠨ ᠊ᠢ ᠦᠵᠡᠬᠦ ᠊ᠳᠦ ᠭᠧᠣᠰᠢᠨᠻᠯᠢᠨᠠᠯ ᠬᠣᠲᠣᠰ ᠲᠤ ᠬᠤᠷᠠᠮᠲᠤᠯᠠᠭᠳᠠᠭᠰᠠᠨ ᠪᠠᠶᠢᠪᠠ᠃ ᠲᠡᠷᠡ ᠭᠧᠣᠰᠢᠨᠻᠯᠢᠨᠠᠯ ᠮᠣᠩᠭᠣᠯ ᠣᠷᠣᠨ ᠊ᠤ ᠪᠠᠷᠠᠭᠤᠨ ᠬᠣᠶᠢᠳᠤ ᠪᠠ ᠬᠤᠶᠢᠳᠤ ᠬᠡᠰᠡᠭ ᠊ᠢ ᠡᠵᠡᠯᠡᠵᠦ ᠪᠠᠶᠢᠭᠠᠳ ᠠᠩᠬ᠎ᠠ ᠲᠥᠷᠥᠮᠡᠯ ᠊ᠦᠨ ᠡᠷᠢᠨ ᠊ᠦ ᠰᠡᠭᠦᠯᠴᠢ ᠪᠡᠷ ᠠᠭᠤᠯᠠ ᠲᠣᠭᠲᠠᠬᠤ ᠬᠥᠳᠡᠯᠭᠡᠭᠡᠨ ᠊ᠢᠢᠡᠷ ᠶᠡᠬᠡᠬᠡᠨ ᠠᠲᠤᠷᠢᠶᠠᠲᠠᠨ ᠳᠡᠭᠡᠭᠰᠢ ᠡᠷᠭᠦᠭᠳᠡᠵᠡᠢ᠃ ᠡᠷᠲᠡ ᠲᠥᠷᠥᠮᠡᠯ ᠊ᠦᠨ ᠡᠷᠢᠨ ᠡᠬᠢᠯᠡᠬᠦ ᠊ᠳᠦ ᠤᠭ ᠭᠠᠵᠠᠷ ᠳᠠᠬᠢᠨ ᠬᠣᠲᠣᠶᠢᠵᠤ ᠭᠧᠣᠰᠢᠨᠻᠯᠢᠨᠠᠯ ᠊ᠤᠨ ᠨᠥᠬᠥᠴᠡᠯ ᠊ᠳᠦ ᠣᠷᠣᠭᠰᠠᠨ ᠪᠥᠭᠡᠳ ᠻᠧᠮᠪᠷᠢ᠂ ᠣᠷᠳᠣᠸᠢᠻ᠂ ᠭᠠᠯᠪᠠ ᠨᠤᠭᠤᠳ ᠊ᠲᠤ ᠤᠭ ᠬᠣᠲᠣᠶᠢᠯᠲᠠ ᠵᠢᠭᠳᠡ ᠪᠢᠰᠢ ᠶᠠᠪᠤᠭᠳᠠᠭᠰᠠᠨ ᠪᠣᠯᠪᠠᠴᠤ ᠭᠧᠣᠰᠢᠨᠻᠯᠢᠨᠠᠯ ᠊ᠤᠨ ᠨᠡᠶᠢᠲᠡ ᠬᠦᠷᠢᠶ᠎ᠡ ᠵᠡᠭᠦᠨ ᠲᠡᠢᠢᠰᠢ ᠪᠣᠯᠬᠤ ᠲᠤᠰᠤᠮ ᠤᠷᠤᠭᠰᠢ ᠪᠠᠨ ᠲᠡᠯᠡᠵᠦ ᠪᠠᠶᠢᠪᠠ᠃ ᠰᠡᠯᠤᠷ ᠊ᠤᠨ ᠭᠠᠯᠪᠠ ᠊ᠢᠢᠨ ᠦᠶ᠎ᠡ ᠊ᠳᠦ ᠮᠣᠩᠭᠣᠯ ᠊ᠤᠨ ᠪᠠᠷᠠᠭᠤᠨ ᠬᠣᠶᠢᠳᠤ ᠪᠠ ᠬᠣᠶᠢᠳᠤ ᠨᠤᠲᠤᠭ ᠻᠠᠯᠧᠳᠣᠨ ᠊ᠤ ᠠᠲᠤᠷᠢᠶᠠᠲᠤ ᠪᠥᠰᠡ ᠪᠥᠷᠢᠯᠳᠦᠨ ᠲᠣᠭᠲᠠᠵᠤ ᠨᠡᠯᠢᠶᠡᠳ ᠬᠡᠰᠡᠭ ᠨᠢ ᠲᠠᠪᠴᠠᠩ ᠊ᠤᠨ ᠪᠠᠶᠢᠳᠠᠯ ᠲᠠᠢ ᠪᠣᠯᠤᠭᠰᠠᠨ᠃ ᠰᠡᠯᠤᠷ ᠊ᠤᠨ ᠭᠠᠯᠪᠠ ᠡᠴᠠ ᠡᠬᠢᠯᠡᠵᠦ ᠭᠧᠣᠰᠢᠨᠻᠯᠢᠨᠠᠯ ᠤᠷᠤᠭᠰᠢ ᠊ᠪᠠᠨ᠂ ᠵᠡᠭᠦᠨ ᠲᠡᠢᠢᠰᠢ ᠊ᠪᠡᠨ ᠶᠡᠬᠡᠬᠡᠨ ᠲᠦᠷᠢᠭᠳᠡᠵᠦ ᠲᠠᠷᠬᠠᠭᠰᠠᠨ ᠲᠤᠰ ᠣᠷᠣᠨ ᠊ᠤ ᠪᠤᠰᠤᠳ ᠨᠤᠲᠤᠭ ᠊ᠢ ᠨᠡᠶᠢᠲᠡ ᠊ᠳᠦ ᠨᠢ ᠬᠠᠮᠤᠷᠤᠭᠰᠠᠨ ᠪᠠᠶᠢᠨ᠎ᠠ᠃ ᠡᠶᠢᠮᠦ ᠶᠡᠬᠡ ᠬᠡᠮᠵᠢᠶᠡᠨ ᠊ᠦ ᠭᠧᠣᠰᠢᠨᠻᠯᠢᠨᠠᠯ ᠳᠧᠸᠣᠨ ᠭᠠᠯᠪᠠ ᠊ᠳᠤ ᠦᠷᠭᠦᠯᠵᠢᠯᠡᠨ᠂ ᠶᠠᠪᠤᠭᠠᠨ ᠊ᠳᠠᠭᠠᠨ ᠪᠠᠭᠠᠰᠴᠤ᠂ ᠻᠠᠷᠪᠣᠨ ᠭᠠᠯᠪᠠ ᠊ᠳᠤ ᠮᠣᠩᠭᠣᠯ ᠊ᠤᠨ ᠪᠠᠷᠠᠭᠤᠨ ᠬᠣᠶᠢᠳᠤ ᠬᠠᠭᠠᠰ ᠲᠡᠷᠡ ᠠᠶᠠᠷ ᠊ᠢᠶᠠᠨ ᠲᠠᠪᠴᠠᠩ ᠊ᠤᠨ ᠪᠠᠶᠢᠳᠠᠯ ᠊ᠳᠤ ᠣᠷᠣᠵᠠᠢ᠃ ᠫᠧᠷᠮᠢ ᠭᠠᠯᠪᠠ ᠊ᠳᠤ ᠭᠧᠣᠰᠢᠨᠻᠯᠢᠨᠠᠯ ᠊ᠤᠨ ᠭᠣᠷᠢᠮ ᠮᠠᠨ ᠊ᠤ ᠣᠷᠣᠨ ᠊ᠤ ᠵᠥᠪᠬᠡᠨ ᠳᠤᠮᠳᠠ ᠬᠡᠰᠡᠭ ᠲᠦ ᠵᠤᠷᠪᠤᠰ ᠭᠠᠵᠠᠷ ᠨᠣᠶᠠᠷᠬᠠᠵᠤ ᠪᠠᠶᠢᠭᠰᠠᠨ ᠪᠣᠯᠪᠠᠴᠤ ᠲᠡᠷᠡ ᠭᠠᠵᠠᠷ ᠨᠡᠶᠢᠲᠡ ᠊ᠳᠦ ᠊ᠪᠡᠨ ᠨᠢᠭᠡ ᠬᠣᠲᠣᠰ ᠲᠤ ᠪᠠᠶᠢᠭᠠᠳᠦᠢ᠂ ᠪᠠᠭ᠎ᠠ ᠬᠡᠮᠵᠢᠶᠡᠨ ᠊ᠦ ᠬᠡᠳᠦ ᠬᠡᠳᠦᠨ ᠬᠣᠲᠠᠰ ᠊ᠤᠨ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠵᠠᠢ᠃ ᠢᠩᠭᠢᠭᠡᠳ ᠫᠧᠷᠮᠢ ᠊ᠢᠢᠨ ᠡᠴᠦᠰ ᠊ᠢᠢᠡᠷ ᠭᠧᠣᠰᠢᠨᠻᠯᠢᠨᠠᠯ ᠭᠣᠷᠢᠮ ᠵᠣᠩᠬᠢᠯᠠᠬᠤ ᠪᠠᠨ ᠪᠦᠷᠢᠮᠥᠰᠦᠨ ᠪᠣᠯᠢᠵᠤ ᠲᠤᠰ ᠣᠷᠣᠨ ᠊ᠳᠤ ᠨᠡᠶᠢᠲᠡ ᠊ᠳᠦ ᠊ᠪᠡᠨ ᠡᠬᠡ ᠭᠠᠵᠠᠷ ᠊ᠤᠨ ᠭᠣᠷᠢᠮ ᠵᠣᠩᠬᠢᠯᠠᠬᠤ ᠪᠣᠯᠤᠭᠰᠠᠨ᠃ ᠭᠧᠣᠰᠢᠨᠻᠯᠢᠨᠠᠯ ᠊ᠤᠨ ᠬᠥᠭᠵᠢᠯ ᠬᠤᠪᠢᠷᠠᠯ ᠊ᠳᠤ ᠰᠢᠭᠤᠳ ᠨᠥᠯᠥᠭᠡᠯᠡᠯ ᠪᠣᠯᠤᠭᠰᠠᠨ ᠵᠦᠢᠯ ᠨᠢ ᠬᠤᠷᠳᠤᠰ ᠲᠣᠭᠲᠠᠪᠤᠷᠢᠲᠠᠢ ᠨᠥᠬᠥᠴᠡᠯ ᠊ᠳᠦ ᠬᠤᠷᠠᠮᠲᠤᠯᠠᠭᠳᠠᠵᠤ ᠪᠠᠢᠢᠭᠠᠳᠦᠢ ᠬᠠᠷᠢᠨ ᠲᠧᠻᠲ᠋ᠣᠨᠢᠻ ᠬᠥᠳᠡᠯᠭᠡᠭᠡᠨ ᠦᠷᠭᠦᠯᠵᠢ ᠶᠠᠪᠤᠭᠳᠠᠵᠤ ᠬᠤᠷᠠᠳᠠᠰᠤ ᠊ᠢᠢ ᠠᠲᠤᠷᠢᠶᠠᠳᠠᠭᠤᠯᠬᠤ᠂ ᠭᠠᠵᠠᠷ ᠊ᠢ ᠳᠡᠭᠡᠭᠰᠢ ᠡᠷᠭᠦᠬᠦ᠂ ᠳᠣᠭᠣᠭᠰᠢ ᠬᠣᠲᠣᠶᠢᠯᠭᠠᠬᠤ ᠶᠠᠪᠤᠳᠠᠯ ᠪᠣᠯᠵᠤ ᠪᠠᠶᠢᠨ᠎ᠠ᠃ ᠲᠧᠻᠲ᠋ᠣᠨᠢᠻ ᠬᠥᠳᠡᠯᠭᠡᠭᠡᠨ ᠊ᠢᠢᠡᠷ ᠡᠷᠭᠦᠯᠲᠡ ᠰᠠᠭᠤᠯᠲᠠ ᠣᠷᠣᠨ ᠴᠠᠭ ᠲᠤ ᠵᠢᠭᠳᠡ ᠦᠭᠡᠢ ᠶᠠᠪᠤᠭᠳᠠᠵᠤ ᠨᠢᠭᠡ ᠭᠠᠯᠪᠠ ᠊ᠳᠤ ᠭᠧᠣᠰᠢᠨᠻᠯᠢᠨᠠᠯ ᠊ᠤᠨ ᠪᠦᠰᠡ ᠊ᠢᠢᠨ ᠳᠣᠲᠣᠷ᠎ᠠ ᠭᠧᠣᠰᠢᠨᠻᠯᠢᠨᠠᠯ ᠭᠦᠳᠦᠭᠦᠷ ᠪᠤᠢ ᠪᠣᠯᠬᠤ᠂ ᠳᠠᠯᠠᠢ ᠭᠦᠨ ᠭᠦᠶᠦᠬᠡᠨ ᠪᠠᠶᠢᠬᠤ ᠶᠠᠪᠤᠳᠠᠯ ᠲᠦᠭᠡᠭᠡᠮᠡᠯ ᠪᠠᠶᠢᠭᠰᠠᠨ ᠊ᠤ ᠤᠯᠠᠮ ᠡᠴᠠ ᠳᠠᠯᠠᠢ ᠊ᠢᠢᠨ ᠬᠤᠷᠳᠤᠰᠤᠨ ᠊ᠤ ᠵᠡᠷᠭᠡᠴᠡᠭᠡ ᠡᠬᠡ ᠭᠠᠵᠠᠷ ᠊ᠤᠨ ᠬᠤᠷᠳᠤᠰ ᠬᠤᠷᠠᠮᠲᠤᠯᠠᠭᠳᠠᠬᠤ᠂ ᠬᠤᠷᠳᠤᠰᠤᠨ ᠊ᠤ ᠵᠤᠵᠠᠭᠠᠨ ᠨᠢᠮᠭᠡᠨ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠪᠣᠯᠵᠠᠢ᠃ ᠴᠢᠯᠠᠭᠤᠯᠢᠭ ᠠᠲᠤᠷᠢᠶᠠᠲᠤᠵᠤ᠂ ᠦᠶ᠎ᠡ ᠳᠠᠪᠬᠤᠷᠭ᠎ᠠ ᠊ᠢᠢᠨ ᠣᠷᠣᠰᠢᠯ ᠊ᠳᠤ ᠥᠭᠡᠷᠡᠴᠢᠯᠡᠭᠳᠡᠵᠦ᠂ ᠵᠠᠷᠢᠮ ᠭᠠᠯᠪᠠ ᠊ᠢᠢᠨ ᠬᠤᠷᠳᠤᠰᠤᠨ ᠊ᠤ ᠦᠶ᠎ᠡ ᠳᠠᠪᠬᠤᠷᠭ᠎ᠠ ᠡᠭᠴᠡ ᠪᠣᠰᠤᠭ᠎ᠠ ᠪᠣᠯᠤᠭᠰᠠᠨ ᠴᠤ ᠪᠠᠶᠢᠳᠠᠭ᠃ ᠡᠭᠦᠨ ᠊ᠦ ᠨᠥᠭᠥᠭᠡ ᠲᠠᠯ᠎ᠠ ᠪᠠᠷ ᠠᠲᠤᠷᠢᠶᠠᠲᠤᠬᠤ ᠦᠢᠯᠡ ᠶᠠᠪᠤᠴᠠ ᠊ᠢᠢᠨ ᠰᠠᠴᠠᠭᠤ ᠭᠠᠯᠲᠤ ᠠᠭᠤᠯᠠ ᠊ᠢᠢᠨ ᠠᠵᠢᠯᠯᠠᠭ᠎ᠠ ᠢᠳᠡᠪᠬᠢᠵᠢᠵᠦ ᠠᠩ ᠴᠠᠪ ᠊ᠢᠶᠠᠷ ᠮᠠ᠊ᠭᠮᠠ ᠊ᠢᠢᠨ ᠴᠢᠯᠠᠭᠤᠯᠢᠭ ᠨᠡᠪᠲᠡᠷᠡᠨ ᠣᠷᠣᠵᠤ ᠢᠷᠡᠬᠦ᠂ ᠪᠣᠷᠵᠢᠨ ᠰᠢᠷᠭᠤᠮᠠᠯ ᠴᠢᠯᠠᠭᠤᠯᠢᠭ ᠶᠡᠬᠡ ᠪᠠᠭ᠎ᠠ ᠬᠡᠮᠵᠢᠶ᠎ᠡ ᠪᠡᠷ ᠲᠣᠭᠲᠠᠬᠤ ᠂ ᠭᠠᠯᠲᠤ ᠠᠭᠤᠯᠠ ᠊ᠢᠢᠨ ᠭᠣᠯᠣᠮᠲᠠ ᠮᠠᠶᠢᠭ ᠊ᠤᠨ ᠣᠷᠭᠢᠯᠠᠯᠲᠠ ᠪᠣᠯᠬᠤ ᠦᠵᠡᠭᠳᠡᠯ ᠪᠠᠭ᠎ᠠ ᠦᠭᠡᠢ ᠶᠠᠪᠤᠭᠳᠠᠵᠠᠢ᠃ ᠡᠷᠢᠨ ᠭᠠᠯᠪᠠ ᠨᠤᠭᠤᠳ ᠳᠠᠬᠢ ᠲᠧᠻᠲ᠋ᠣᠨᠢᠻ ᠬᠥᠳᠡᠯᠭᠡᠭᠡᠨ ᠳᠣᠲᠣᠷ᠎ᠠ ᠡᠴᠠ ᠻᠧᠮᠪᠷᠢ ᠊ᠢᠢᠨ  ᠡᠬᠢᠨ᠂ ᠣᠷᠳᠣᠸᠢᠻ 2 ᠊ᠦᠨ ᠵᠠᠭᠠᠭ ᠳᠡᠭᠡᠷ᠎ᠡ ᠪᠣᠯᠤᠭᠰᠠᠨ ᠰᠠᠯᠠᠶᠢᠷ ᠊ᠤᠨ ᠠᠲᠤᠷᠢᠶᠠᠰᠢᠯ ᠊ᠤᠨ ᠬᠥᠳᠡᠯᠭᠡᠭᠡᠨ᠂ ᠣᠷᠳᠣᠸᠢᠻ ᠊ᠤᠨ ᠡᠴᠦᠰ᠂ ᠰᠡᠯᠦ᠋ᠷ ᠊ᠤᠨ ᠡᠬᠢᠨ ᠊ᠳᠦ ᠪᠣᠯᠤᠭᠰᠠᠨ ᠻᠠᠯᠧᠳᠣᠨ ᠊ᠤ ᠬᠥᠳᠡᠯᠭᠡᠭᠡᠨ᠂ ᠻᠠᠷᠪᠣᠨ ᠊ᠤ ᠡᠬᠢᠨ ᠦᠶ᠎ᠡ ᠊ᠢᠢᠨ ᠳᠠᠷᠠᠭᠠᠬᠠᠨ ᠮᠥᠨ ᠫᠧᠷᠮᠢ ᠊ᠢᠢᠨ ᠭᠠᠯᠪᠠ ᠊ᠢᠢᠨ ᠰᠡᠭᠦᠯᠴᠢ ᠪᠡᠷ ᠪᠣᠯᠤᠭᠰᠠᠨ ᠭᠧᠷᠼᠢᠨ ᠊ᠤ ᠠᠲᠤᠷᠢᠶᠠᠲᠤ ᠬᠥᠳᠡᠯᠭᠡᠭᠡᠨ ᠨᠡᠩ ᠬᠦᠴᠦᠲᠡᠢ ᠶᠠᠪᠤᠭᠳᠠᠭᠰᠠᠨ ᠤᠴᠢᠷ ᠭᠧᠣᠰᠢᠨᠻᠯᠢᠨᠠᠯ ᠪᠣᠯᠤᠨ ᠬᠠᠭᠤᠷᠠᠢ ᠭᠠᠵᠠᠷ ᠊ᠤᠨ ᠲᠠᠷᠬᠠᠯᠲᠠᠨ ᠊ᠳᠤ ᠢᠯᠡᠷᠬᠡᠢ ᠨᠥᠯᠥᠭᠡ ᠦᠵᠡᠭᠦᠯᠦᠭᠰᠡᠨ᠃ ᠰᠠᠯᠠᠶᠢᠷ ᠪᠣᠯᠤᠨ ᠻᠠᠯᠧᠳᠣᠨ ᠊ᠤ ᠠᠲᠤᠷᠢᠶᠠᠰᠢᠯ ᠊ᠢᠢᠠᠷ ᠬᠥᠪᠰᠥᠭᠥᠯ ᠣᠷᠴᠢᠮ᠂ ᠬᠠᠩᠭᠠᠢ ᠊ᠢᠢᠨ ᠠᠭᠤᠯᠠᠷᠬᠠᠭ ᠨᠤᠲᠤᠭ ᠊ᠤᠨ ᠪᠠᠷᠠᠭᠤᠨ ᠬᠣᠶᠢᠳᠤ ᠬᠠᠭᠠᠰ ᠳ.ᠲ.ᠳ ᠭᠠᠷᠴᠤ ᠬᠠᠭᠤᠷᠠᠢ ᠭᠠᠵᠠᠷ ᠪᠣᠯᠤᠭᠠᠳ ᠡᠷᠲᠡ ᠲᠥᠷᠥᠮᠡᠯ ᠊ᠦᠨ ᠡᠷᠢᠨ ᠊ᠦ 2 ᠊ᠳᠦᠭᠠᠷ ᠬᠠᠭᠠᠰ ᠊ᠤᠨ ᠲᠤᠷᠰᠢᠳᠠ ᠬᠠᠭᠤᠷᠠᠢ ᠭᠠᠵᠠᠷ ᠬᠡᠪ ᠊ᠢᠢᠡᠷ ᠪᠠᠶᠢᠵᠠᠢ᠃ ᠭᠧᠷᠼᠢᠨ ᠊ᠦ ᠲᠧᠻᠲ᠋ᠣᠨᠢᠻ ᠬᠥᠳᠡᠯᠭᠡᠭᠡᠨ ᠊ᠦ ᠠᠩᠬᠠᠳᠤᠭᠠᠷ ᠦᠶ᠎ᠡ ᠱᠠᠲᠤᠨ ᠊ᠳᠤ ᠬᠠᠭᠤᠷᠠᠢ ᠭᠠᠵᠠᠷ ᠊ᠤᠨ ᠬᠡᠮᠵᠢᠶ᠎ᠡ ᠤᠯᠠᠮ ᠨᠡᠮᠡᠭᠳᠡᠵᠦ᠂ 2 ᠊ᠳᠦᠭᠠᠷ ᠦᠶ᠎ᠡ ᠱᠠᠲᠤᠨ ᠡᠴᠠ ᠡᠬᠢᠯᠡᠵᠦ ᠮᠣᠩᠭᠣᠯ ᠣᠷᠣᠨ ᠊ᠤ ᠨᠡᠶᠢᠲᠡ ᠨᠤᠲᠤᠭ ᠡᠴᠠ ᠳᠠᠯᠠᠢ ᠪᠦᠷᠢᠮᠥᠰᠦᠨ ᠲᠦᠷᠢᠭᠳᠡᠨ ᠦᠭᠡᠢ ᠪᠣᠯᠵᠤ ᠬᠠᠭᠤᠷᠠᠢ ᠭᠠᠵᠠᠷ ᠲᠣᠭᠲᠠᠵᠠᠢ᠃ ( ᠸ.ᠭ᠃ ᠸᠠᠰᠢᠯᠢᠶᠧᠹ) ᠫᠧᠷᠮᠢ ᠭᠠᠯᠪᠠ ᠊ᠢᠢᠨ ᠭᠧᠣᠰᠢᠨᠻᠯᠢᠨᠠᠯ ᠭᠧᠷᠼᠢᠨ ᠊ᠤ ᠬᠥᠳᠡᠯᠭᠡᠭᠡᠨ ᠊ᠳᠦ ᠠᠪᠲᠠᠭᠳᠠᠵᠤ ᠬᠤᠷᠠᠳᠠᠰᠤ ᠴᠢᠯᠠᠭᠤᠯᠢᠭ ᠠᠲᠤᠷᠢᠶᠠᠲᠤᠵᠤ ᠬᠠᠭᠤᠷᠠᠢ ᠭᠠᠵᠠᠷ ᠲᠣᠭᠲᠠᠭᠰᠠᠨ ᠊ᠢᠶᠠᠷ ᠮᠣᠩᠭᠣᠯ- ᠠᠯᠲᠠᠢ᠂ ᠬᠠᠩᠭᠠᠢ᠂ ᠬᠡᠨᠲᠡᠢ ᠊ᠢᠢᠨ ᠨᠢᠷᠤᠭᠤ᠂ ᠮᠣᠩᠭᠣᠯ ᠊ᠤᠨ ᠳᠣᠷᠣᠨᠠᠲᠤ ᠬᠠᠭᠠᠰ ᠊ᠳᠠᠬᠢ ᠠᠭᠤᠯᠠᠰ ᠊ᠤᠨ ᠡᠬᠢ ᠰᠠᠭᠤᠷᠢ ᠠᠩᠬ᠎ᠠ ᠲᠠᠯᠪᠢᠭᠳᠠᠵᠤ᠂ ᠣᠷᠴᠢᠨ ᠦᠶ᠎ᠡ ᠊ᠢᠢᠨ ᠠᠭᠤᠯᠠ ᠵᠦᠢ ᠊ᠢᠢᠨ ᠲᠣᠭᠲᠠᠯᠴᠠᠭ᠎ᠠ ᠳᠦᠷᠢ ᠲᠥᠷᠬᠥ ᠬᠡᠯᠪᠡᠷᠢᠵᠢᠨ ᠲᠣᠭᠲᠠᠵᠤ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ ᠮᠣᠩᠭᠣᠯ ᠣᠷᠣᠨ ᠊ᠤ ᠨᠤᠲᠤᠭ ᠲᠤ ᠡᠷᠲᠡ ᠲᠥᠷᠥᠮᠡᠯ ᠊ᠦᠨ ᠡᠷᠢᠨ ᠊ᠦ ᠲᠤᠷᠰᠢ ᠪᠠᠶᠢᠭᠰᠠᠨ ᠭᠧᠣᠰᠢᠨᠻᠯᠢᠨᠠᠯ ᠊ᠤᠨ ᠬᠣᠶᠢᠳᠤ ᠲᠠᠯ᠎ᠠ ᠊ᠳᠤ ᠰᠢᠪᠢᠷᠢ ᠊ᠢᠢᠨ ᠲᠠᠪᠴᠠᠩ᠂ ᠤᠷᠢᠳᠤ ᠲᠠᠯ᠎ᠠ ᠊ᠳᠤ ᠵᠡᠭᠦᠨ ᠭᠠᠷ ᠣᠷᠣᠨ ᠊ᠤ ᠲᠠᠷᠠᠮᠴᠠᠭ᠂ ᠬᠢᠲᠠᠳ ᠊ᠤᠨ ᠲᠠᠪᠴᠠᠩ ᠪᠠᠶᠢᠷᠢᠯᠠᠭᠰᠠᠨ ᠪᠣᠯᠬᠣ ᠪᠠᠷ ᠲᠧᠻᠲ᠋ᠣᠨᠢᠻ ᠬᠥᠳᠡᠯᠭᠡᠭᠡᠨ ᠲᠡᠳᠡᠭᠡᠷ ᠲᠦ ᠡᠷᠲᠡ ᠬᠠᠲᠠᠭᠤᠵᠢᠭᠰᠠᠨ ᠭᠠᠵᠠᠷ ᠊ᠤᠨ ᠨᠥᠯᠥᠭᠡ ᠪᠡᠷ ᠬᠤᠷᠠᠳᠠᠰᠤ ᠴᠢᠯᠠᠭᠤᠯᠢᠭ ᠊ᠤᠨ ᠲᠣᠳᠣᠷᠬᠠᠶᠢᠯᠠᠵᠤ ᠴᠢᠭ᠌ ᠪᠠᠷᠢᠵᠤ ᠠᠲᠤᠷᠢᠶᠠᠰᠢᠭᠤᠯᠵᠤ ᠪᠠᠶᠢᠪᠠ᠃ <br><br>