Засварлах: ᠵᠦᠢᠯᠡᠰ ᠊ᠦᠨ ᠢᠨ᠍ᠲ᠋ᠧᠷᠨᠧᠲ (хэсэгчилэн)

== ᠡᠷᠦᠰᠳᠡᠯ ᠦᠭᠡᠢ ᠠᠵᠢᠯᠯᠠᠭ᠎ᠠ ==
ᠪᠦᠬᠦ ᠵᠦᠢᠯ ᠢᠨᠦ ᠰᠦᠯᠵᠢᠶᠡᠨ ᠳᠦ ᠬᠣᠯᠪᠣᠭᠳᠠᠳᠠᠭ ᠶᠢᠷᠲᠢᠨᠴᠦ ᠳ᠋ᠦ ᠳᠠᠭᠤ ᠬᠣᠭᠣᠯᠠᠢ ᠪᠠᠷ᠂ ᠲᠡᠷᠡ ᠪᠠᠶ᠋ᠢᠲᠤᠭᠠᠢ ᠨᠢᠭᠤᠷ ᠲᠠᠨᠢᠭᠤᠯᠤᠨ ᠡᠴᠦᠰ ᠦᠨ ᠲᠥᠬᠥᠭᠡᠷᠦᠮᠵᠢ ᠶᠢ ᠠᠵᠢᠯᠯᠠᠭᠤᠯᠳᠠᠭ ᠲᠤᠯᠠ ᠡᠶ᠋ᠢᠮᠦ ᠨᠥᠬᠥᠴᠡᠯ ᠳᠦ ᠠᠶᠤᠯ ᠦᠭᠡᠢ ᠪᠠᠶ᠋ᠢᠳᠠᠯ ᠤᠨ ᠠᠰᠠᠭᠤᠳᠠᠯ ᠢ ᠵᠠᠶ᠋ᠢᠯᠠᠰᠢ ᠦᠭᠡᠢ ᠠᠩᠬᠠᠷᠠᠬᠤ ᠱᠠᠭᠠᠷᠳᠠᠯᠭ᠎ᠠ ᠲᠠᠢ ᠪᠣᠯᠤᠨ᠎ᠠ᠃
<br>
ᠵᠦᠢᠯᠡᠰ ᠦᠨ ᠢᠨ᠍ᠲ᠋ᠧᠷᠨᠧᠲ ᠦᠨ ᠤᠷᠴᠢᠨ ᠳᠤ ᠬᠣᠶᠠᠷ ᠲᠥᠷᠥᠯ ᠦᠨ ᠠᠶᠤᠯ ᠡᠷᠦᠰᠳᠡᠯ ᠤᠴᠠᠷᠠᠵᠤ ᠪᠣᠯᠤᠨ᠎ᠠ᠄
<br>
ᠨᠢᠭᠡ ᠳ᠋ᠦᠭᠡᠷ ᠲᠦ᠂ ᠲᠥᠬᠥᠭᠡᠷᠦᠮᠵᠢ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠬᠡᠷᠡᠭᠯᠡᠭᠡ ᠲᠡᠢ ᠰᠢᠭᠤᠳ ᠬᠣᠯᠪᠣᠭ᠎ᠠ ᠲᠠᠢ ᠡᠷᠦᠰᠳᠡᠯ᠂ ᠲᠤᠬᠠᠶ᠋ᠢᠯᠠᠪᠠᠯ᠂ ᠬᠡᠲᠦ ᠬᠠᠯᠠᠬᠤ᠂ ᠴᠠᠬᠢᠯᠭᠠᠨ ᠴᠤᠬᠢᠬᠤ᠂ ᠳᠠᠭᠤ ᠴᠢᠮᠡᠭᠡᠨ ᠦ ᠠᠶᠤᠯ ᠭᠡᠬᠦ ᠮᠡᠲᠦ᠃ ᠡᠭᠦᠨ ᠳᠡᠭᠡᠷ᠎ᠡ ᠵᠦᠢᠯᠡᠰ ᠦᠨ ᠢᠨ᠍ᠲ᠋ᠧᠷᠨᠧᠲ ᠦᠨ ᠬᠣᠯᠪᠣᠯᠲᠠ ᠣᠷᠣᠵᠤ ᠢᠷᠡᠬᠦᠶ ‍ᠡ᠋ ᠳᠡᠭᠡᠷ᠎ᠡ ᠳᠤᠷᠠᠳᠤᠭᠰᠠᠨ ᠲᠥᠷᠥᠯ ᠦᠨ ᠡᠷᠦᠰᠳᠡᠯ ᠦᠨ ᠳᠠᠪᠲᠠᠮᠵᠢ ᠨᠡᠮᠡᠭᠳᠡᠵᠦ ᠪᠣᠯᠤᠨ᠎ᠠ᠃ ᠠᠯᠤᠰ ᠠᠴᠠ ᠤᠳᠤᠷᠢᠳᠤᠨ ᠠᠵᠢᠯᠯᠠᠭᠤᠯᠬᠤ ᠵᠡᠷᠭᠡ ᠢᠨᠦ ᠳᠡᠭᠡᠷᠡᠬᠢ ᠲᠥᠷᠥᠯ ᠦᠨ ᠠᠶᠤᠯ ᠡᠷᠦᠰᠳᠡᠯ ᠢ ᠹᠢᠽᠢᠻ ᠣᠷᠣᠨ ᠵᠠᠢ ᠶᠢᠨ ᠬᠢᠵᠠᠭᠠᠷ ᠦᠭᠡᠢ ᠪᠣᠯᠭᠠᠨ᠎ᠠ ᠭᠡᠰᠡᠨ ᠦᠭᠡ᠃ ᠵᠢᠱᠢᠶᠡᠯᠡᠪᠡᠯ᠂ ᠴᠠᠬᠢᠮ ᠵᠤᠤᠬ᠎ᠠ ᠶᠢ ᠠᠯᠤᠰ ᠠᠴᠠ ᠠᠰᠠᠭᠠᠬᠤ᠂ ᠤᠨᠲᠠᠷᠠᠭᠠᠬᠤ ᠪᠣᠯᠤᠮᠵᠢ ᠲᠠᠢ ᠦᠶ᠎ᠡ ᠳᠦ᠂ ᠳᠡᠷᠭᠡᠳᠡ ᠨᠢ ᠬᠢᠨᠠᠬᠤ ᠬᠦᠮᠦᠨ ᠦᠭᠡᠢ ᠲᠣᠬᠢᠶᠠᠯᠳᠤᠯ ᠳᠤ ᠠᠯᠳᠠᠭ᠎ᠠ ᠲᠠᠢ ᠻᠣᠮᠠᠨ᠍ᠳ᠋ ᠬᠦᠯᠢᠶᠡᠨ ᠠᠪᠤᠪᠠᠯ ᠠᠶᠤᠯ ᠡᠷᠦᠰᠳᠡᠯ ᠡᠭᠦᠰᠦᠨ᠎ᠡ᠃
<br>
ᠬᠣᠶᠠᠷ ᠳ᠋ᠤᠭᠠᠷ ᠲᠤ᠂ ᠲᠥᠬᠥᠭᠡᠷᠦᠮᠵᠢ ᠪᠣᠯᠤᠨ ᠲᠡᠭᠦᠨ ᠦ ᠠᠵᠢᠯᠯᠠᠭ᠎ᠠ ᠲᠠᠢ ᠳᠠᠮ ᠬᠣᠯᠪᠣᠭ᠎ᠠ ᠲᠠᠢ -- ᠵᠦᠢᠯᠡᠰ ᠦᠨ ᠢᠨ᠍ᠲ᠋ᠧᠷᠨᠧᠲ ᠢ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠢᠢᠡᠷ ᠡᠭᠦᠰᠬᠦ ᠠᠶᠤᠯ ᠡᠷᠦᠰᠳᠡᠯ᠃ ᠡᠶ᠋ᠢᠮᠦ ᠡᠷᠦᠰᠳᠡᠯ ᠤᠴᠠᠷᠠᠭᠰᠠᠨ ᠢᠢᠠᠷ ᠦᠷ᠎ᠡ ᠨᠥᠯᠥᠭᠡ ᠢᠨᠦ ᠥᠮᠴᠢ ᠬᠥᠷᠥᠩᠭᠡ᠂ ᠮᠡᠳᠡᠭᠡᠯᠡᠯ ᠦᠨ ᠠᠯᠳᠠᠭᠳᠠᠯ ᠵᠡᠷᠭᠡ ᠨᠣᠴᠤᠲᠠᠢ ᠲᠦᠪᠰᠢᠨ ᠦ ᠬᠣᠬᠢᠷᠠᠯ ᠳᠤ ᠬᠦᠷᠭᠡᠵᠦ ᠪᠣᠯᠤᠨ᠎ᠠ᠃ ᠵᠢᠱᠢᠶ᠎ᠡ ᠨᠢ᠂ ᠠᠮᠧᠷᠢᠻᠠ ᠶᠢᠨ ᠨᠢᠭᠡᠳᠦᠭᠰᠡᠨ ᠤᠯᠤᠰ ᠤᠨ ᠵᠡᠭᠦᠨ ᠤᠮᠠᠷᠠᠳᠤ ᠬᠡᠰᠡᠭ ᠲᠦ ᠴᠠᠰᠤᠲᠠᠢ ᠡᠪᠦᠯ ᠢᠢᠡᠷ ᠠᠮᠠᠷᠠᠯᠲᠠ ᠳᠤ ᠶᠠᠪᠤᠭᠠᠳ ᠡᠵᠡᠭᠦᠢ ᠪᠠᠶ᠋ᠢᠭ᠎ᠠ ᠠᠶ᠋ᠢᠯ ᠤᠨ ᠭᠠᠷᠠᠵᠢ<sup>garage</sup> ᠶ᠋ᠢᠨ ᠤᠬᠠᠭᠠᠯᠢᠭ ᠬᠠᠭᠠᠯᠭ᠎ᠠ ᠣᠩᠭᠣᠶ᠋ᠢᠯᠭᠠᠭᠤᠷ ᠪᠤᠷᠤᠭᠤ ᠠᠵᠢᠯᠯᠠᠭᠠᠳ᠂ ᠲᠦᠭᠵᠢᠶ᠎ᠡ ᠶᠢ ᠲᠠᠶ᠋ᠢᠯᠠᠴᠢᠬᠠᠵᠤ ᠪᠣᠯᠤᠨ᠎ᠠ᠃<ref name=":5">Ang Zhu. Hazards and Safety Requirements of Internet of Things (IoT). 2018/09/11. Intertek. https᠄//www.intertek.com/blog/2018-09-11-iot</ref>
<br>
ᠰᠠᠶᠢᠬᠠᠨ ᠻᠠᠯᠢᠹᠣᠷᠨᠢ ᠶᠢᠨ<sup>California</sup> ᠷᠢᠸᠧᠷᠰᠠᠶ᠋ᠢ‍ᠳ᠋ ᠎‍ᠤᠨ<sup>Riveside </sup>᠎ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠳᠤᠯᠤᠭᠠᠴᠢᠳ ᠰᠢᠰᠲ᠋ᠧᠮ ᠢ ᠡᠷᠦᠰᠳᠡᠯ ᠲᠡᠢ ᠲᠥᠯᠥᠪ ᠲᠦ ᠬᠦᠷᠭᠡᠵᠦ ᠪᠣᠯᠵᠣᠰᠢ ᠦᠭᠡᠢ ᠦᠢᠯᠡ ᠶᠠᠪᠤᠳᠠᠯ ᠤᠳ ᠢ ᠲᠣᠳᠣᠷᠬᠠᠶ᠋ᠢᠯᠠᠬᠤ ᠵᠠᠮ ᠢᠢᠠᠷ "ᠬᠠᠷᠢᠯᠴᠠᠭᠠᠨ ᠤ ᠲᠦᠪᠰᠢᠨ ᠦ" ᠠᠯᠳᠠᠭ᠎ᠠ ᠨᠤᠭᠤᠳ ᠢ ᠢᠯᠡᠷᠡᠭᠦᠯᠬᠦ IotSan ᠬᠡᠮᠡᠬᠦ ᠰᠢᠨ᠎ᠡ ᠰᠢᠰᠲ᠋ᠧᠮ ᠢ ᠰᠠᠨᠠᠯ ᠪᠣᠯᠭᠠᠪᠠ<ref>Dang Tu Nguyen. IoTSan: Fortifying the Safety of IoT Systems. 2018/10/22. Cornell University. https://arxiv.org/abs/1810.09551</ref>᠃
<br>
ᠵᠦᠢᠯᠡᠰ ᠦᠨ ᠢᠨ᠍ᠲ᠋ᠧᠷᠨᠧᠲ ᠦᠨ ᠠᠶᠤᠯ ᠦᠭᠡᠢ ᠪᠠᠶ᠋ᠢᠳᠠᠯ ᠤᠨ ᠦᠨᠡᠯᠡᠭᠡ ᠢᠨᠦ 20 ᠍ ᠳᠦᠭᠠᠷ ᠵᠠᠭᠤᠨ ᠤ ᠲᠡᠭᠦᠰᠬᠡᠯ ᠳᠦ ᠦᠢᠯᠡᠳᠪᠦᠷᠢᠯᠡᠯ ᠦᠨ ᠤᠷᠴᠢᠨ ᠳᠤ ᠪᠤᠢ ᠪᠣᠯᠤᠭᠰᠠᠨ ᠹᠦᠨ᠍ᠻᠼᠢᠶᠤᠨᠠᠯ<sup>functional</sup> ᠠᠶᠤᠯ ᠦᠭᠡᠢ ᠪᠠᠶ᠋ᠢᠳᠠᠯ ᠲᠠᠢ ᠨᠢᠭᠲᠠ ᠤᠶᠠᠯᠳᠤᠬᠤ ᠲᠥᠯᠥᠪ ᠲᠡᠢ ᠪᠠᠶ᠋ᠢᠨ᠎ᠠ᠃ ᠣᠯᠠᠨ ᠤᠯᠤᠰ ᠤᠨ ᠪᠣᠯᠤᠨ ᠪᠥᠰᠡ ᠨᠤᠲᠤᠭ ᠤᠨ ᠰᠲ᠋ᠠᠨ᠍ᠳᠠᠷᠳ᠋ ᠲᠤ IEC61508 ᠴᠤᠪᠤᠷᠠᠯ᠂ ISO26262 ᠴᠤᠪᠤᠷᠠᠯ᠂ ISO12100᠂ ISO13849 ᠴᠤᠪᠤᠷᠠᠯ᠂ IEC60730-1 ᠴᠤᠪᠤᠷᠠᠯ᠂ UL5500᠂ CSA Z434 ᠴᠤᠪᠤᠷᠠᠯ᠂ ANSI B11 ᠴᠤᠪᠤᠷᠠᠯ ᠣᠷᠣᠨ᠎ᠠ᠃

ᠹᠦᠨ᠍ᠻᠼᠢᠶᠤᠨᠠᠯ ᠠᠶᠤᠯ ᠦᠭᠡᠢ ᠪᠠᠶ᠋ᠢᠳᠠᠯ ᠤᠨ ᠦᠨᠡᠯᠡᠭᠡ ᠲᠡᠢ ᠬᠣᠯᠪᠣᠭ᠎ᠠ ᠲᠠᠢ ᠵᠠᠩᠭᠢᠯᠠᠭ᠎ᠠ ᠠᠰᠠᠭᠤᠳᠠᠯ ᠤᠳ ᠠᠨᠤ᠄

‍ - ᠲᠥᠯᠥᠪᠯᠡᠯᠲᠡ ᠪᠠ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ

‍ - ᠠᠶᠤᠯ ᠡᠷᠦᠰᠳᠡᠯ

‍ - ᠤᠳᠤᠷᠢᠳᠤᠯᠭ᠎ᠠ ᠶᠢᠨ ᠲᠥᠯᠥᠪᠯᠡᠭᠡ

‍ - ᠠᠵᠢᠯᠯᠠᠭᠠᠨ ᠤ ᠲᠦᠪᠰᠢᠨ

‍ - ᠢᠵᠢ ᠠᠶᠤᠯ ᠦᠭᠡᠢ ᠪᠠᠶ᠋ᠢᠳᠠᠯ ᠤᠨ ᠲᠦᠪᠰᠢᠨ

‍ - ᠠᠯᠳᠠᠭ᠎ᠠ ᠭᠠᠷᠬᠤ ᠭᠣᠷᠢᠮ᠂ ᠨᠥᠯᠥᠭᠡ᠂ ᠣᠨᠣᠰᠢᠯᠠᠭ᠎ᠠ ᠰᠢᠨᠵᠢᠯᠡᠭᠡ

‍ - ᠪᠣᠯᠪᠠᠰᠤᠨ ᠬᠦᠴᠦᠨ ᠦ ᠬᠠᠷᠢᠭᠤᠴᠠᠯᠭ᠎ᠠ

‍ - ᠲᠤᠭᠤᠰᠢᠲᠠᠶ ᠪᠠᠷᠢᠮᠲᠠᠵᠢᠭᠤᠯᠤᠯᠲᠠ

ᠵᠦᠢᠯᠡᠰ ᠦᠨ ᠢᠨ᠍ᠲ᠋ᠧᠷᠨᠧᠲ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠥᠭᠵᠢᠵᠦ ᠪᠠᠶ᠋ᠢᠭ᠎ᠠ ᠥᠨᠦ ‍ᠢᠢᠨ ᠨᠥᠬᠥᠴᠡᠯ ᠳᠦ ᠠᠶᠤᠯ ᠦᠭᠡᠢ ᠶᠢᠨ ᠰᠲ᠋ᠠᠨ᠍ᠳᠠᠷᠳ᠋ ᠤᠳ ᠤᠨ ᠲᠠᠯ᠎ᠠ ᠪᠠᠷ ᠣᠶ᠋ᠢᠯᠠᠭᠠᠯᠲᠠ᠂ ᠮᠡᠳᠡᠭᠡᠯᠡᠯ ᠲᠡᠢ ᠪᠠᠶ᠋ᠢᠵᠤ᠂ ᠠᠶᠤᠯ ᠦᠭᠡᠢ ᠶᠢᠨ ᠱᠠᠭᠠᠷᠳᠠᠯᠭ᠎ᠠ ᠬᠠᠩᠭᠠᠵᠤ᠂ ᠬᠡᠷᠡᠭᠯᠡᠭᠴᠢᠳ ᠦᠨ ᠬᠡᠷᠡᠭᠴᠡᠭᠡᠨ ᠳᠦ ᠨᠡᠶ᠋ᠢᠴᠡᠵᠦ ᠠᠵᠢᠯᠯᠠᠬᠤ ᠠᠨᠤ ᠴᠢᠬᠤᠯᠠ ᠶᠤᠮ᠃<ref name=":5" />
<br><br>