Засварлах: ᠳᠠᠭᠢᠨᠢ (хэсэгчилэн)

=ᠨᠡᠷ᠎ᠡ ᠪᠦᠬᠦᠢ ᠲᠡᠭᠦᠰ ᠪᠠᠶᠠᠰᠬᠤᠯᠠᠩ ᠤᠨ ᠯᠠᠭᠱᠠᠨ ᠤ ᠳᠠᠭᠢᠨᠢᠰ=
Vajrayogini ᠪᠤᠶᠤ ᠳᠣᠷᠵᠢᠬᠠᠩᠳᠣ ᠳᠤ (ᠳᠣᠷᠵᠢᠨᠠᠯᠵᠣᠷᠮ ᠠ᠂ ᠨᠠᠷᠣᠬᠠᠵᠣᠳ) ᠳᠠᠭᠢᠨᠢ ᠶᠢ ᠠᠩᠬᠠᠯᠠᠨ ᠰᠠᠵᠠ ᠶᠢᠨ ᠶᠣᠰᠣᠨ ᠳᠤ ᠰᠢᠲᠦᠵᠦ᠂ ᠬᠣᠵᠢᠮ ᠨᠢ ᠪᠤᠰᠤᠳ ᠤᠯᠠᠮᠵᠢᠯᠠᠯ ᠳᠤ ᠰᠢᠲᠦᠬᠦ ᠪᠣᠯᠤᠭᠰᠠᠨ ᠪᠠ ᠶᠡᠬᠡᠪᠴᠢᠯᠡᠨ ᠤᠯᠠᠭᠠᠨ ᠥᠩᠭᠡ ᠶᠢᠨ ᠯᠠᠭᠱᠠᠨ ᠲᠠᠢ᠂ ᠨᠢᠭᠡ ᠮᠤᠲᠤᠷ ᠲᠤ ᠪᠠᠨ ᠣᠴᠢᠷ ᠲᠤ ᠮᠡᠰᠡ᠂ ᠨᠥᠭᠥᠭᠡ ᠮᠤᠲᠤᠷ ᠲᠤ ᠪᠠᠨ ᠳᠦᠭᠦᠷᠡᠩ ᠴᠢᠰᠤ ᠪᠦᠬᠦᠢ ᠭᠠᠪᠠᠯᠠ ᠠᠶᠠᠭ᠎ᠠ ᠡᠷᠬᠡᠰᠢᠶᠡᠭᠰᠡᠨ᠂ ᠭᠠᠪᠠᠯᠠ ᠨᠤᠭᠤᠳ ᠢᠶᠠᠷ ᠴᠢᠮᠡᠭᠰᠡᠨ ᠲᠢᠲᠢᠮ ᠢ ᠲᠡᠷᠢᠭᠦᠨ ᠡ ᠠᠰᠠᠭᠠᠭᠰᠠᠨ᠂ ᠸᠴᠢᠷᠲᠤ ᠪᠡᠷᠢᠶ᠎ᠡ ᠲᠡᠢ ᠳᠦᠷᠰᠦᠯᠡᠳᠡᠭ᠃ Vajravarahi ᠪᠤᠶᠤ ᠳᠣᠷᠵᠢᠫᠠᠭᠮᠣ ᠳᠠᠭᠢᠨᠢ ᠳᠣᠷᠵᠢᠬᠠᠩᠳᠦ ᠶᠢᠨ ᠣᠨᠴᠠᠭᠠᠢ ᠳᠦᠷᠢ ᠪᠥᠭᠡᠳ ᠻᠠᠷᠵᠦ᠋ᠳ ᠶᠢᠨ ᠤᠯᠠᠮᠵᠢᠯᠠᠯ ᠳᠤ ᠶᠡᠬᠡᠬᠡᠨ ᠰᠢᠲᠦᠳᠡᠭ ᠠᠵᠤᠭᠤ᠃ ᠳᠣᠷᠵᠢᠬᠠᠩᠳᠦ ᠲᠠᠢ ᠠᠳᠠᠯᠢ ᠤᠯᠠᠭᠠᠨ ᠥᠩᠭᠡ ᠶᠢᠨ ᠯᠠᠭᠱᠠᠨ ᠲᠠᠢ᠂ ᠪᠤᠰᠤᠳ ᠪᠡᠯᠭᠡᠳᠡᠯ ᠨᠢ ᠮᠥᠨ ᠠᠳᠠᠯᠢ ᠪᠠᠶᠢᠨ᠎ᠠ᠃ ᠬᠠᠷᠢᠨ ᠭᠠᠪᠠᠯᠠ ᠪᠠᠷ ᠴᠢᠮᠡᠭᠰᠡᠨ ᠲᠢᠲᠢᠮ ᠦᠨ ᠣᠷᠣᠢ ᠳᠤ ᠮᠡᠭᠡᠵᠢ ᠶᠢᠨ ᠲᠣᠯᠣᠭᠠᠢ ᠪᠠᠶᠢᠷᠢᠯᠠᠭᠤᠯᠤᠭᠰᠠᠨ ᠨᠢ ᠠᠳᠬᠠᠭ᠂ ᠮᠤᠩᠬᠠᠭ ᠢ ᠠᠷᠢᠯᠭᠠᠭᠰᠠᠨ ᠢ ᠪᠡᠯᠭᠡᠳᠡᠬᠦ ᠠᠵᠡᠢ᠃ ᠲᠶᠢᠨ ᠬᠦ ᠢᠯᠠᠭᠤᠭᠰᠠᠨ ᠪᠢᠯᠢᠭ ᠪᠢᠯᠢᠭᠦᠨ ᠢ ᠲᠥᠯᠦᠭᠡᠯᠡᠳᠡᠭ ᠪᠠᠶᠢᠨ᠎ᠠ᠃ Simhamukha ᠪᠤᠶᠤ ᠰᠡᠩᠭᠡ ᠳᠤᠩᠮ᠎ᠠ ᠯᠣᠪᠣᠨ ᠪᠠᠳᠮᠠᠵᠦᠩᠨᠠᠢ ᠶᠢᠨ ᠬᠤᠪᠢᠯᠤᠭᠰᠠᠨ ᠳᠠᠭᠢᠨᠢ ᠳᠦᠷᠢ ᠪᠠ ᠨᠢᠩᠮᠠ ᠶᠣᠰᠣᠨ ᠤ ᠨᠢᠭᠤᠴᠠ ᠰᠠᠩ ᠤᠨ (གཏེར་མ) ᠤᠯᠠᠮᠵᠢᠯᠠᠯ ᠳᠤ ᠣᠨᠴᠠᠭᠠᠢ ᠪᠠᠶᠢᠷᠢ ᠡᠵᠡᠯᠡᠳᠡᠭ᠃ ᠮᠠᠵᠢᠭ ᠯᠠᠪᠳ᠋ᠷᠤᠨ ᠤ ᠤᠯᠠᠮᠵᠢᠯᠠᠯ ᠤᠨ ᠽᠣᠳ ᠤᠨ ᠶᠣᠰᠣᠨ ᠳᠤ ᠬᠠᠷ᠎ᠠ ᠯᠠᠭᠱᠠᠨ ᠪᠦᠬᠦᠢ ᠲᠣᠮᠠ ᠨᠠᠭᠮᠣ ᠳᠠᠭᠢᠨᠢ ᠶᠢ ᠰᠢᠲᠦᠳᠡᠭ᠃ ᠳᠠᠷᠠᠭᠠᠬᠢ ᠲᠠᠪᠤᠨ ᠳᠠᠭᠢᠨᠢ ᠢᠵᠠᠭᠤᠷ ᠤᠨ ᠲᠠᠪᠤᠨ ᠪᠤᠷᠬᠠᠨ ᠤ ᠬᠠᠮᠲᠤ ᠵᠠᠯᠠᠷᠠᠳᠠᠭ ᠪᠠ ᠲᠠᠪᠤᠨ ᠪᠢᠯᠢᠭᠲᠦ ᠬᠠᠷᠠᠭᠠᠯᠵᠠᠳᠠᠭ ᠪᠠᠶᠢᠨ᠎ᠠ᠃ ᠲᠡᠳᠡᠨ ᠢ ᠮᠠᠨᠳᠠᠯ ᠪᠣᠯᠤᠨ ᠰᠢᠲᠦᠭᠡᠨ ᠵᠢᠷᠤᠭ ᠤᠳ ᠲᠤ ᠳᠦᠷᠰᠦᠯᠡᠵᠦ᠂ ᠲᠤᠰ ᠪᠦᠷᠢ ᠶᠢᠨ ᠷᠢᠳᠢ ᠴᠢᠳᠠᠯ ᠢ ᠪᠡᠯᠭᠡᠳᠡᠳᠡᠭ᠃ ᠪᠤᠷᠬᠠᠨ ᠳᠠᠭᠢᠨᠢ – ᠬᠥᠬᠡᠮᠳᠦᠭ ᠯᠠᠭᠱᠠᠨ ᠲᠠᠢ᠂ ᠨᠠᠰᠤᠨ ᠤ ᠬᠤᠲᠤᠭ ᠬᠠᠶᠢᠷᠠᠯᠠᠵᠤ᠂ ᠳᠠᠭᠢᠨᠢᠰ ᠤᠨ ᠣᠷᠣᠨ ᠳᠤ ᠲᠥᠷᠥᠬᠦ ᠶᠢ ᠢᠷᠦᠭᠡᠳᠡᠭ᠃ ᠸᠴᠢᠷ ᠳᠠᠭᠢᠨᠢ – ᠤᠯᠠᠭᠠᠨ ᠥᠩᠭᠡ ᠶᠢᠨ ᠯᠠᠭᠱᠠᠨ ᠲᠠᠢ᠂ ᠮᠠᠭᠤ ᠵᠠᠶᠠᠭᠠᠨ ᠳᠤ ᠤᠨᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ᠌᠃ ᠡᠷᠳᠡᠨᠢ ᠳᠠᠭᠢᠨᠢ – ᠠᠯᠲᠠᠨ ᠰᠢᠷ᠎ᠠ ᠯᠠᠭᠱᠠᠨ ᠲᠠᠢ᠂ ᠣᠷᠴᠢᠯᠠᠩ ᠳᠤ ᠡᠳ᠋ ᠪᠠᠶᠠᠯᠢᠭ ᠡᠳ᠋ᠯᠡᠭᠦᠯᠵᠦ᠂ ᠲᠠᠮᠤ ᠶᠢᠨ ᠠᠶᠤᠯ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ᠌᠃ ᠪᠠᠳᠮ᠎ᠠ ᠳᠠᠭᠢᠨᠢ – ᠶᠠᠭᠠᠨ ᠥᠩᠭᠡ ᠶᠢᠨ ᠯᠠᠭᠱᠠᠨ ᠲᠠᠢ᠂ ᠭᠤᠷᠪᠠᠨ ᠮᠠᠭᠤ ᠵᠠᠶᠠᠭᠠᠨ ᠳᠤ ᠦᠯᠦ ᠤᠨᠠᠬᠤ ᠶᠢ ᠳᠠᠭᠠᠭᠠᠨ᠎ᠠ᠃ ᠴᠠᠭᠠᠨ ᠳᠠᠭᠢᠨᠢ – ᠭᠡᠭᠡᠨ ᠴᠠᠭᠠᠨ ᠥᠩᠭᠡ ᠶᠢᠨ ᠯᠠᠭᠱᠠᠨ ᠲᠠᠢ᠂ ᠶᠢᠷᠲᠢᠨᠴᠦ ᠶᠢᠨ ᠠᠮᠵᠢᠯᠲᠠ ᠶᠢ ᠡᠳ᠋ᠯᠡᠭᠦᠯᠵᠦ᠂ ᠳᠠᠬᠢᠨ ᠬᠦᠮᠦᠨ ᠪᠣᠯᠵᠤ ᠲᠥᠷᠥᠬᠦ ᠶᠢ ᠳᠠᠭᠠᠭᠠᠨ᠎ᠠ᠃