Chimee
ᠨᠡᠢᠢᠲᠡᠯᠡᠯ ᠦᠨ ᠨᠡᠷ ᠡ᠋
ᠳᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ ᠴᠠᠬᠢᠮ ᠬᠡᠷᠡᠭᠯᠡᠭᠡᠨ ᠦ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠨᠤᠭᠦᠳ ᠬᠡᠮᠵᠢᠶᠡᠨ ᠦ ᠬᠤᠪᠢ ᠳᠤ ᠤᠯᠠᠮ ᠠᠪᠰᠠᠷᠬᠠᠨ᠂ ᠬᠦᠴᠦᠨ ᠴᠢᠳᠠᠯ ᠥᠨᠳᠥᠷ ᠪᠣᠯᠵᠤ ᠪᠠᠶᠢᠭᠠ ᠢᠢ ᠲᠠ ᠪᠢᠳᠡ ᠪᠦᠬᠦᠨ ᠰᠠᠢᠢᠨ ᠮᠡᠳᠡᠮᠦᠢ᠃ ᠡᠭᠦᠨ ᠲᠡᠢ ᠬᠣᠯᠪᠣᠭᠠ ᠲᠠᠢ ᠪᠠᠷ ᠭᠠᠷ ᠤᠲᠠᠰᠤ ᠳᠡᠭᠡᠷᠡ ᠮᠣᠩᠭᠣᠯ ᠪᠢᠴᠢᠭ ᠢᠶᠡᠷ ᠪᠢᠴᠢᠬᠦ ᠶᠠᠮᠪᠠᠷ ᠠᠫᠫ ᠬᠡᠷᠡᠭᠯᠡᠳᠡᠭ ᠲᠠᠯᠠ ᠪᠠᠷ ᠥᠪᠡᠷ ᠢᠶᠡᠨ ᠬᠡᠷᠡᠭᠯᠡᠵᠦ ᠦᠵᠡᠭᠰᠡᠨ ᠦ ᠦᠨᠳᠦᠰᠦᠨ ᠳᠡᠭᠡᠷᠡ ᠰᠠᠨᠠᠭᠠ᠂ ᠵᠥᠪᠯᠡᠮᠵᠢ ᠥᠭᠬᠦᠶ ᠡ᠃ ᠡᠨᠡ ᠪᠢᠴᠢᠪᠦᠷᠢ ᠶᠢ ᠮᠥᠨ ᠯᠠ ᠭᠠᠷ ᠤᠲᠠᠰᠤᠨ ᠳᠡᠭᠡᠷᠡ ᠬᠢᠭᠰᠡᠨ ᠪᠢᠯᠡ᠃ ᠰᠡᠭᠦᠯ ᠦᠨ ᠦᠶᠡ ᠳᠦ ᠬᠦᠮᠦᠰ ᠭᠠᠷ ᠤᠲᠠᠰᠤ ᠶᠢ ᠥᠷᠭᠡᠨ ᠬᠡᠷᠡᠭᠯᠡᠳᠡᠭ ᠪᠣᠯᠤᠭᠰᠠᠨ ᠪᠣᠯᠪᠠᠴᠤ ᠮᠣᠩᠭᠣᠯ ᠪᠢᠴᠢᠭ ᠦᠨ ᠭᠠᠷ ᠪᠤᠶᠤ keyboard ᠍ ᠪᠠᠨ ᠰᠣᠩᠭᠣᠵᠤ ᠮᠡᠳᠡᠬᠦ ᠦᠭᠡᠢ᠂ ᠬᠠᠶᠢᠵᠤ ᠣᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠭᠠ ᠪᠠᠶᠢᠳᠠᠯ ᠠᠵᠢᠭᠯᠠᠭᠳᠠᠳᠠᠭ᠃ ᠣᠳᠣ ᠪᠠᠷ ᠨᠢᠭᠡ ᠦᠶ ᠡ ᠪᠡᠨ ᠪᠣᠳᠣᠪᠠᠯ ᠡᠶᠢᠮᠦ ᠭᠠᠷ ᠤᠲᠠᠰᠤᠨ ᠤ ᠭᠠᠷ ᠪᠠᠰᠠ ᠴᠤ ᠦᠭᠡᠢ ᠬᠡᠳᠦ ᠬᠡᠳᠦ ᠪᠠᠶᠢᠨᠠ ᠃ ᠡᠭᠦᠨ ᠳᠦ Keyswift᠂ Munkhgal᠂ Chimee ᠭᠡᠬᠦ ᠮᠡᠲᠦ ᠃ ᠮᠢᠨᠦ ᠬᠤᠪᠢ ᠳᠤ Chimee ᠠᠫᠫ ᠢ ᠬᠡᠷᠡᠭᠯᠡᠵᠦ ᠪᠠᠶᠢᠨᠠ᠃ ᠳᠣᠣᠷᠠᠬᠢ ᠲᠠᠨᠢᠯᠴᠠᠭᠤᠯᠭᠠ ᠨᠢ ᠳᠡᠭᠡᠷᠡ ᠳᠤᠷᠢᠳᠠᠭᠰᠠᠨ ᠪᠤᠰᠤᠳ ᠬᠣᠶᠠᠷ ᠠᠫᠫ ᠲᠠᠢ ᠬᠠᠷᠢᠴᠠᠭᠤᠯᠤᠭᠰᠠᠨ ᠪᠥᠭᠡᠳ ᠵᠥᠪᠬᠡᠨ ᠬᠡᠷᠡᠭᠯᠡᠭᠴᠢ ᠶᠢᠨ ᠡᠭᠦᠳᠡᠨ ᠡᠴᠡ ᠬᠠᠨᠳᠤᠭᠰᠠᠨ ᠪᠣᠯᠤᠨᠠ᠃ ᠤᠭ ᠠᠫᠫ ᠦᠨ ᠳᠠᠪᠠᠭᠤ ᠲᠠᠯᠠ ᠪᠣᠯᠤᠨ ᠳᠤᠲᠠᠭᠳᠠᠯ ᠲᠠᠢ ᠲᠠᠯᠠ ᠶᠢ ᠲᠠ ᠪᠦᠬᠦᠨ ᠳᠦ ᠲᠠᠨᠢᠯᠴᠠᠭᠤᠯᠤᠶᠠ᠄ -ᠳᠠᠪᠠᠭᠤ ᠲᠠᠯᠠ ᠨᠤᠭᠤᠳ᠄ ᠡᠨᠡᠬᠦ ᠠᠫᠫ ᠨᠢ ᠪᠤᠰᠤᠳ ᠠᠫᠫ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠳᠤ ᠭᠠᠷ ᠳᠡᠭᠡᠷᠡᠬᠢ ᠦᠰᠦᠭ ᠦᠨ ᠪᠠᠶᠢᠷᠢᠯᠠᠯ ᠪᠣᠰᠤᠭᠠ ᠬᠠᠷᠠᠭᠳᠤᠴᠠ ᠲᠠᠢ ᠨᠢ ᠲᠠᠭᠠᠲᠠᠢ ᠡᠪᠲᠡᠢ ᠪᠠᠶᠢᠳᠠᠭ᠃ ᠴᠢᠮᠡᠭᠡ ᠠᠫᠫ ᠢ ᠰᠠᠭᠤᠯᠭᠠᠭᠰᠠᠨ ᠢᠶᠠᠷ ᠨᠢᠭᠡ ᠠᠫᠫ ᠪᠤᠶᠤ ᠭᠠᠷ ᠳᠡᠭᠡᠷᠡ ᠭᠤᠷᠪᠠᠨ ᠥᠭᠡᠷᠡ ᠴᠠᠭᠠᠨ ᠲᠣᠯᠣᠭᠠᠢ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠳᠠᠪᠠᠭᠤ ᠲᠠᠯᠠ ᠲᠠᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠻᠢᠷᠢᠯ᠂ ᠯᠠᠲ᠋ᠢᠨ᠂ ᠮᠣᠩᠭᠣᠯ ᠪᠢᠴᠢᠭ ᠭᠡᠰᠡᠨ ᠦᠭᠡ ᠶᠤᠮ᠃ ᠡᠭᠦᠪᠡᠷ ᠢᠶᠡᠨ ᠣᠯᠠᠨ ᠠᠫᠫ ᠲᠠᠲᠠᠬᠤ ᠱᠠᠭᠠᠷᠳᠠᠯᠭᠠ ᠦᠭᠡᠢ (ᠵᠢᠷᠤᠭ ᠨᠢᠭᠡ) ᠪᠣᠯᠭᠠᠵᠤ ᠪᠠᠢᠢᠨᠠ᠃
ᠮᠣᠩᠭᠣᠯ ᠪᠢᠴᠢᠭ ᠳᠡᠮᠵᠢᠬᠦ ᠦᠭᠡᠢ ᠤᠷᠴᠢᠨ ᠳᠤ ᠡᠰᠡᠪᠡᠯ ᠬᠡᠷᠡᠭᠯᠡᠵᠦ ᠪᠤᠢ ᠲᠥᠬᠥᠭᠡᠷᠦᠮᠵᠢ ᠮᠣᠩᠭᠣᠯ ᠪᠢᠴᠢᠭ ᠢᠶᠡᠷ ᠪᠢᠴᠢᠭᠰᠡᠨ ᠵᠦᠢᠯ ᠢ ᠬᠦᠯᠢᠶᠡᠨ ᠠᠪᠤᠭᠴᠢ ᠨᠢ ᠤᠩᠰᠢᠬᠤ ᠪᠣᠯᠤᠮᠵᠢ ᠦᠭᠡᠢ ᠨᠥᠬᠥᠴᠡᠯ ᠳᠦ ᠴᠢᠮᠡᠭᠡ ᠳᠡᠭᠡᠷᠡ ᠡᠴᠡ ᠪᠢᠴᠢᠭᠰᠡᠨ ᠪᠢᠴᠢᠪᠦᠷᠢ ᠰᠢᠭᠤᠳ ᠵᠢᠷᠤᠭ ᠬᠡᠯᠪᠡᠷᠢ ᠳᠦ ᠰᠢᠯᠵᠢᠵᠦ ᠬᠦᠷᠡᠳᠡᠭ᠃ (ᠵᠢᠷᠤᠭ ᠬᠣᠶᠠᠷ)
ᠮᠥᠨ ᠵᠢᠵᠢᠭ ᠵᠢᠷᠤᠭᠲᠤ ᠮᠣᠩᠭᠣᠯ ᠪᠢᠴᠢᠭ ᠦᠨ ᠵᠢᠵᠢᠭ ᠪᠢᠴᠢᠪᠦᠷᠢ ᠲᠠᠶᠢᠯᠪᠤᠷᠢ ᠣᠷᠣᠭᠤᠯᠬᠤ ᠵᠡᠷᠭᠡ ᠳᠦ ᠠᠰᠢᠭᠯᠠᠨᠠ᠃ ᠮᠥᠨ ᠥᠨᠥ ᠶᠢᠨ ᠢᠨᠲ᠋ᠧᠷᠨᠧᠲ ᠣᠷᠴᠢᠨ ᠳᠤ ᠤᠷᠳᠤ ᠬᠥᠷᠰᠢ ᠳᠦ ᠪᠤᠢ ᠮᠣᠩᠭᠣᠯᠴᠤᠳ ᠮᠠᠨᠢ ᠪᠢᠳᠡᠨ ᠲᠡᠢ ᠬᠠᠷᠢᠴᠠᠭᠤᠯᠬᠤ ᠳᠤ ᠬᠠᠲᠠᠭᠤᠬᠠᠨ ᠬᠡᠯᠡᠬᠦ ᠳᠦ ᠲᠣᠯᠣᠭᠠᠢ ᠢᠯᠡᠭᠦᠦ ᠬᠥᠭᠵᠢᠭᠦᠯᠵᠤ ᠪᠠᠶᠢᠨᠠ ᠭᠡᠳᠡᠭ ᠢ ᠳᠤᠷᠠᠳᠤᠭᠤᠰᠢ ᠲᠠᠢ ᠃ ᠡᠭᠦᠨ ᠡᠴᠡ ᠡᠭᠦᠳᠦᠭᠡᠳ ᠥᠪᠥᠷ ᠮᠣᠩᠭᠣᠯᠴᠤᠳ ᠤᠨ ᠴᠠᠬᠢᠮ ᠤᠷᠴᠢᠨ ᠳᠤ ᠨᠡᠶᠢᠲᠡᠯᠡᠭᠰᠡᠨ ᠵᠦᠢᠯ ᠢ ᠴᠠᠭ ᠬᠡᠮᠨᠡᠬᠦ ᠡᠭᠦᠳᠡᠨ ᠡᠴᠡ ᠬᠠᠭᠤᠯᠬᠤ ᠲᠣᠬᠢᠶᠠᠯᠳᠤᠯ ᠭᠠᠷᠬᠤ ᠳᠤ ᠴᠢᠮᠡᠭᠡ ᠠᠫᠫ ᠶᠦᠨᠢᠻᠣᠳ᠋ ᠤᠷᠤᠭᠤ ᠬᠥᠷᠪᠡᠭᠦᠯᠬᠦ ᠪᠣᠯᠤᠮᠵᠢ ᠲᠠᠢ᠃ -ᠳᠤᠲᠠᠭᠳᠠᠯ᠄ ᠲᠧᠻᠨᠣᠯᠣᠭᠢ ᠶᠢᠨ ᠡᠷᠴᠢᠮ ᠲᠡᠶ ᠬᠥᠭᠵᠢᠯ ᠦᠨ ᠥᠨᠦ ᠦᠶᠡ ᠳᠦ ᠵᠠᠷᠢᠮ ᠲᠣᠬᠢᠶᠠᠯᠳᠤᠯ ᠳᠤ ᠦᠭᠡ ᠰᠠᠨᠠᠯ ᠪᠣᠯᠭᠠᠬᠤ ᠹᠦᠨ᠍ᠻᠴᠢ ᠪᠠᠶᠢᠬᠤ ᠦᠭᠡᠢ ᠨᠢ ᠦᠭᠡ ᠢᠢ ᠥᠪᠡᠷ ᠢᠶᠡᠨ ᠵᠠᠪᠠᠯ ᠪᠦᠲᠦᠨ ᠪᠢᠴᠢᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠣᠯᠳᠠᠭ ᠨᠢ ᠴᠠᠭ ᠵᠢᠭᠠᠬᠠᠨ ᠠᠯᠳᠠᠬᠤ ᠲᠠᠯᠠ ᠲᠠᠢ᠃ ᠭᠡᠬᠦ ᠳᠦ ᠪᠡᠨ ᠤᠷᠢᠳᠤ ᠨᠢ ᠪᠢᠴᠢᠵᠦ ᠪᠠᠶᠢᠭᠰᠠᠨ ᠦᠭᠡ ᠨᠦᠭᠦᠳ ᠢ ᠬᠠᠳᠠᠭᠠᠯᠠᠵᠤ ᠰᠣᠩᠭᠣᠯᠲᠠ ᠮᠠᠶ᠋ᠢᠭ ᠢᠶᠠᠷ ᠭᠠᠷᠭᠠᠵᠤ ᠢᠷᠡᠳᠡᠭ ᠴᠤ ᠡᠨᠡ ᠨᠢ ᠪᠠᠰᠠ ᠤᠴᠢᠷ ᠳᠤᠲᠠᠭᠳᠠᠯ ᠲᠠᠢ᠃ ᠡᠨᠡ ᠨᠢ ᠤᠷᠢᠳᠤ ᠨᠢ ᠠᠯᠳᠠᠭᠠ ᠲᠠᠢ ᠪᠢᠴᠢᠭᠰᠡᠨ ᠪᠣᠯ ᠠᠯᠳᠠᠭᠠ ᠲᠠᠢ ᠦᠭᠡ ᠰᠠᠨᠠᠯ ᠪᠣᠯᠭᠠᠨᠠ ᠃ ᠦᠭᠡ ᠶᠢᠨ ᠬᠤᠪᠢᠷᠠᠭᠰᠠᠨ ᠰᠣᠩᠭᠣᠯᠲᠠ ᠪᠠᠶᠢᠬᠤ ᠦᠭᠡᠢ᠃ ᠢᠨ᠍ᠲ᠋ᠧᠷᠨᠧᠲ ᠤᠷᠴᠢᠨ ᠳᠤ ᠬᠠᠶᠢᠯᠲᠠ ᠬᠢᠬᠦ 《Search》 ᠲᠣᠪᠴᠢ ᠪᠠᠶᠢᠬᠤ ᠦᠭᠡᠢ ᠲᠤᠯᠠ ᠤᠭ ᠭᠠᠷ ᠢ ᠠᠰᠢᠭᠯᠠᠬᠤ ᠦᠶᠡ ᠳᠦ ᠪᠡᠨ ᠵᠠᠪᠠᠯ ᠤᠲᠠᠰᠤᠨ ᠤ ᠦᠨᠳᠦᠰᠦᠨ ᠭᠠᠷ ᠢ ᠰᠣᠩᠭᠣᠵᠤ ᠪᠠᠶᠢᠵᠤ ᠬᠠᠶᠢᠯᠲᠠ ᠬᠢᠬᠦ ᠳᠦ ᠬᠦᠷᠴᠦ ᠪᠠᠢᠢᠨᠠ ᠃
ᠡᠴᠦᠰ ᠲᠦ ᠨᠢ ᠬᠡᠯᠬᠦ ᠳᠦ ᠲᠤᠰ ᠬᠡᠷᠡᠭᠯᠡᠭᠦᠷ ᠢ ᠪᠢ ᠵᠥᠪᠬᠡᠨ ᠬᠡᠷᠡᠭᠯᠡᠭᠴᠢ ᠪᠥᠭᠡᠳ ᠶᠠᠮᠪᠠᠷ ᠨᠢᠭᠡ ᠰᠡᠵᠢᠮ ᠢᠶᠡᠷ ᠲᠤᠰ ᠬᠥᠭᠵᠢᠭᠦᠯᠦᠭᠴᠢ ᠢᠢ ᠰᠤᠷᠲᠠᠯᠴᠢᠯᠠᠭᠠᠳᠦᠢ ᠪᠣᠯᠤᠨᠠ᠃ ᠲᠤᠬᠠᠢ ᠶᠢᠨ ᠬᠡᠷᠡᠭᠯᠡᠭᠦᠷ ᠢ ᠬᠥᠭᠵᠢᠭᠦᠯᠦᠭᠴᠢ ᠨᠢ ᠤᠯᠠᠮ ᠰᠠᠶᠢᠵᠢᠷᠠᠭᠤᠯᠤᠨᠠ ᠭᠡᠳᠡᠭ ᠲᠦ ᠢᠲᠡᠭᠡᠯ ᠲᠡᠢ ᠪᠠᠶᠢᠨᠠ ᠃ ᠮᠥᠨ ᠬᠡᠷᠡᠭᠯᠡᠭᠴᠢ ᠲᠠ ᠪᠦᠬᠦᠨ ᠥᠪᠡᠷ ᠢᠶᠡᠨ ᠬᠡᠷᠡᠭᠯᠡᠵᠦ ᠦᠵᠡᠭᠡᠳ ᠥᠪᠡᠷ ᠲᠦ ᠲᠣᠬᠢᠶᠠᠯᠳᠤᠵᠤ ᠪᠠᠶᠢᠭᠠ ᠠᠰᠠᠭᠤᠳᠠᠯ ᠢᠶᠠᠨ ᠬᠥᠭᠵᠢᠭᠦᠯᠦᠭᠴᠢ ᠨᠠᠷ ᠲᠤ ᠤᠯᠠᠮᠵᠢᠯᠠᠪᠠᠯ ᠤᠯᠠᠮ ᠰᠠᠢᠢᠵᠢᠷᠠᠭᠤᠯᠬᠤ ᠦᠨᠠ ᠲᠡᠢ ᠬᠤᠪᠢ ᠨᠡᠮᠡᠷᠢ ᠪᠣᠯᠬᠤ ᠪᠤᠶ ᠵᠠ᠃