ᠶᠠᠲᠤᠭ ᠊ᠠ᠋
ᠶᠠᠲᠤᠭᠠ ᠪᠣᠯ ᠲᠣᠪᠰᠢᠭᠤᠷ ᠲᠤ ᠬᠥᠭᠵᠢᠮ ᠦᠨ ᠠᠩᠭᠢᠯᠠᠯ᠂ ᠴᠢᠪᠬᠠᠳᠠᠰᠤᠲᠤ ᠬᠥᠭᠵᠢᠮ ᠦᠨ ᠠᠢ ᠳᠤ ᠪᠠᠭᠲᠠᠳᠠᠭ ᠬᠥᠭᠵᠢᠮ ᠦᠨ ᠵᠢᠮᠰᠡᠭ ᠶᠤᠮ᠃ ᠶᠠᠲᠤᠭᠠ ᠨᠢ ᠭᠦᠳᠦᠭᠦᠷ ᠤᠷᠲᠤ ᠬᠠᠪᠲᠠᠭᠠᠢ᠂ ᠰᠡᠭᠦᠯ ᠬᠡᠰᠡᠭ ᠨᠢ ᠭᠠᠵᠠᠷ ᠲᠤᠯᠤᠭᠰᠠᠨ᠂ ᠡᠪᠦᠳᠦᠭ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠵᠤ ᠬᠥᠭᠵᠢᠮᠳᠡᠬᠦ ᠳᠦ ᠵᠣᠷᠢᠭᠤᠯᠤᠭᠳᠠᠭᠰᠠᠨ ᠪᠠᠶᠢᠳᠠᠭ᠃ ᠶᠠᠲᠤᠭᠠ ᠬᠥᠭᠵᠢᠮ ᠦᠨ ᠪᠤᠰᠤᠳ ᠠᠷᠠᠳ ᠤᠨ ᠬᠥᠭᠵᠢᠮ ᠦᠨ ᠵᠢᠮᠰᠡᠭ ᠦᠳ ᠡᠴᠡ ᠢᠯᠭᠠᠭᠳᠠᠬᠤ ᠣᠨᠴᠠᠯᠢᠭ ᠨᠢ ᠬᠥᠭ ᠳᠠᠭᠤᠷᠢᠰᠬᠠᠯ ᠤᠨ ᠬᠤᠪᠢ ᠳᠤ ᠫᠧᠨ᠋ᠲ᠋ᠠᠲ᠋ᠣᠨᠢᠻ (ᠲᠠᠪᠤᠨ ᠡᠭᠡᠰᠢᠭ) ᠬᠥᠭ ᠢᠶᠡᠷ ᠬᠥᠭᠯᠡᠭᠳᠡᠳᠡᠭ᠃ ᠶᠠᠲᠤᠭᠠ ᠶᠢ ᠬᠥᠭᠵᠢᠮᠳᠡᠬᠦ ᠳᠦ ᠪᠡᠨ ᠰᠠᠨᠳᠠᠯᠢ ᠳᠡᠭᠡᠷᠡ ᠰᠠᠭᠤᠵᠤ᠂ ᠪᠠᠷᠠᠭᠤᠨ ᠡᠪᠦᠳᠦᠭ ᠳᠡᠭᠡᠷᠡ ᠪᠡᠨ ᠲᠣᠯᠣᠭᠠᠢ ᠶᠢ ᠨᠢ᠂ ᠶᠡᠬᠡ ᠪᠡᠶᠡ ᠶᠢ ᠵᠡᠭᠦᠨ ᠡᠪᠦᠭᠡᠨ ᠳᠡᠭᠡᠭᠦᠷ ᠳᠠᠪᠠᠭᠤᠯᠤᠨ᠂ ᠳ᠋ᠣᠣ ᠳᠤ ᠦᠵᠦᠭᠦᠷ ᠢ ᠭᠠᠵᠠᠷ ᠲᠤ ᠲᠠᠯᠪᠢᠵᠤ ᠬᠥᠭᠵᠢᠮᠳᠡᠳᠡᠭ᠃ ᠶᠠᠲᠤᠭᠠ ᠶᠢᠨ ᠴᠢᠪᠬᠠᠳᠠᠰᠤ ᠶᠢ ᠥᠯᠥᠩᠭᠡ ᠪᠡᠷ᠂ ᠲᠡᠪᠬᠡ ᠮᠣᠳᠣ ᠶᠢ ᠵᠥᠭᠡᠯᠡᠨ ᠮᠣᠳᠣ ᠬᠤᠰᠢ ᠪᠠᠷ ᠬᠢᠳᠡᠭ᠃ ᠢᠳᠬᠠᠷᠠ ᠬᠥᠭᠵᠢᠮᠳᠡᠬᠦ ᠳᠦ ᠬᠡᠮ ᠬᠡᠮᠵᠢᠶᠡ ᠨᠢ ᠤᠳᠠᠭᠠᠨ ᠲᠦᠷᠭᠡᠨ᠂ ᠠᠶᠠ ᠬᠡᠮᠨᠡᠯ ᠶᠡᠬᠡ ᠲᠡᠢ ᠠᠶᠠᠵᠠ ᠬᠥᠭᠵᠢᠮᠳᠡᠳᠡᠭ ᠤᠴᠢᠷ ᠠᠴᠠ ᠬᠥᠭᠵᠢᠮᠳᠡᠭᠴᠢ ᠬᠦᠮᠦᠨ ᠦ ᠤᠷᠠ ᠳᠦᠢ᠂ ᠰᠣᠨᠣᠰᠬᠠᠯ᠂ ᠬᠤᠷᠤᠭᠤᠨ ᠤ ᠲᠧᠭᠨᠢᠭ ᠬᠤᠷᠳᠤᠨ ᠬᠥᠳᠡᠯᠭᠡᠭᠡᠨ ᠶᠡᠬᠡ ᠡᠭᠦᠷᠭᠡ ᠲᠡᠢ ᠪᠠᠶᠢᠳᠠᠭ᠃ ᠠᠶᠠᠯᠭᠤᠨ ᠤ ᠬᠡᠮᠨᠡᠯ ᠦᠨ ᠣᠨᠴᠠᠯᠢᠭ ᠲᠤ ᠲᠣᠬᠢᠷᠠᠭᠤᠯᠤᠨ ᠳᠠᠩ ᠳᠠᠪᠬᠤᠷ ᠨᠢᠰᠠᠯᠭᠠ᠂ ᠨᠠᠶᠢᠮᠠᠴᠠ ᠪᠠᠷ ᠲᠠᠲᠠᠬᠤ ᠲᠠᠲᠠᠯᠭᠠ᠂ ᠴᠡᠴᠡᠷᠡᠭᠡ ᠬᠢᠬᠦ ᠵᠡᠷᠭᠡ ᠲᠣᠭᠯᠠᠬᠤ ᠠᠷᠭᠠ ᠶᠢ ᠬᠡᠷᠡᠭᠯᠡᠳᠡᠭ᠃ ᠶᠠᠲᠤᠭᠠ ᠶᠢ ᠶᠠᠮᠠᠷ ᠴᠤ ᠬᠥᠭ ᠢᠶᠡᠷ ᠬᠥᠭᠯᠡᠵᠦ ᠪᠣᠯᠳᠠᠭ ᠣᠨᠴᠠᠯᠢᠭ ᠲᠠᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠻᠸᠨᠨ᠋ᠲ ᠦᠨ ᠬᠦᠷᠳ᠋ ᠍ ᠢᠶᠡᠷ ᠬᠦᠭᠵᠢᠮᠳᠡᠵᠦ ᠪᠣᠯᠤᠨᠠ᠃ ᠶᠠᠲᠤᠭᠠ ᠬᠥᠭᠵᠢᠮ ᠦᠨ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠦᠨ ᠣᠨᠴᠠᠯᠢᠭ ᠨᠢ ᠥᠪᠡᠷᠮᠢᠴᠡ ᠳᠠᠭᠤᠷᠢᠰᠤᠯ ᠪᠦᠬᠦᠢ ᠠᠷᠠᠳ ᠤᠨ ᠳᠠᠭᠤᠤ ᠬᠥᠭᠵᠢᠮ ᠪᠠᠶᠢᠳᠠᠭ ᠠᠴᠠ ᠭᠠᠳᠠᠨᠠ ᠪᠢᠢ ᠪᠦᠵᠢᠭ ᠦᠨ ᠠᠶᠠ ᠶᠢ ᠴᠤ ᠬᠠᠮᠰᠠᠷᠠᠨ ᠬᠥᠭᠵᠢᠮᠳᠡᠬᠦ ᠣᠨᠴᠠᠯᠢᠭ ᠲᠠᠢ᠃ ᠶᠠᠲᠤᠭᠠ ᠬᠥᠭᠵᠢᠮ ᠢ ᠡᠬᠢᠯᠡᠨ ᠰᠤᠷᠤᠯᠴᠠᠬᠤ ᠳᠤ ᠰᠠᠭᠤᠯᠲᠠ ᠠᠴᠠ ᠡᠬᠢᠯᠡᠭᠡᠳ ᠪᠠᠷᠢᠯ ᠲᠠᠯᠪᠢᠯᠲᠠ ᠶᠢ ᠵᠥᠪ ᠡᠵᠡᠮᠰᠢᠬᠦ ᠶᠠᠪᠤᠳᠠᠯ ᠴᠢᠬᠤᠯᠠ ᠶᠤᠮ᠃ ᠠᠩᠬᠠ ᠠᠴᠠ ᠪᠠᠨ ᠪᠤᠷᠤᠭᠤ ᠲᠠᠯᠪᠢᠯ ᠡᠵᠡᠮᠰᠢᠪᠡᠯ ᠬᠣᠵᠢᠮ ᠲᠡᠭᠦᠨ ᠢ ᠵᠠᠰᠠᠬᠤ ᠳᠤ ᠬᠦᠨᠳᠦᠷᠡᠯ ᠤᠴᠠᠷᠠᠬᠤ ᠪᠥᠭᠡᠳ ᠲᠤᠬᠠᠢ ᠶᠢᠨ ᠬᠥᠭᠵᠢᠮ ᠢ ᠴᠢᠨᠠᠭᠰᠢᠳᠠ ᠢᠷᠠᠭᠤ ᠲᠣᠳᠣ᠂ ᠭᠣᠶᠣ᠂ ᠴᠢᠬᠢᠨ ᠳᠦ ᠴᠢᠮᠡᠭ ᠲᠡᠢ ᠵᠥᠪ ᠴᠡᠪᠡᠷᠬᠡᠨ ᠳᠠᠭᠤᠤ ᠭᠠᠷᠭᠠᠨᠠ ᠭᠡᠳᠡᠭ ᠨᠢ ᠪᠡᠷᠬᠡᠰᠢᠶᠡᠯ ᠲᠡᠢ ᠪᠣᠯᠳᠠᠭ᠃ ᠶᠠᠲᠤᠭᠠ ᠬᠥᠭᠵᠢᠮ ᠢᠶᠡᠷ ᠬᠦᠭᠵᠢᠮᠳᠡᠵᠦ ᠰᠤᠷᠬᠤ ᠬᠦᠮᠦᠨ ᠪᠣᠯ ᠪᠠᠭᠤᠤ ᠶᠢ ᠪᠠᠨ ᠤᠶᠠᠨ ᠵᠥᠭᠡᠯᠡᠨ ᠪᠠᠶᠢᠯᠭᠠᠬᠤ ᠬᠤᠷᠤᠭᠤᠨ ᠤ ᠬᠥᠳᠡᠯᠭᠡᠭᠡᠨ ᠮᠠᠰᠢ ᠬᠤᠷᠳᠤᠨ᠂ ᠪᠦᠬᠦ ᠦᠶᠡᠨ ᠨᠦᠭᠦᠳ ᠢᠶᠡᠷ ᠢᠶᠡᠨ ᠴᠢᠯᠦᠭᠡᠲᠡᠢ ᠬᠥᠳᠡᠯᠵᠦ ᠪᠠᠶᠢᠬᠤ ᠶᠢᠨ ᠲᠤᠯᠠᠳᠠ ᠮᠥᠷᠥ ᠪᠠᠭᠤᠤ ᠪᠣᠯᠤᠨ ᠪᠦᠬᠦ ᠪᠡᠶᠡ ᠶᠢ ᠰᠤᠯᠠ ᠴᠢᠯᠦᠭᠡᠲᠡᠢ ᠪᠠᠶᠢᠯᠭᠠᠵᠤ᠂ ᠲᠣᠬᠣᠢ ᠶᠢ ᠪᠡᠶᠡ ᠷᠦᠦ ᠪᠡᠨ ᠲᠠᠲᠠᠵᠤ ᠰᠠᠭᠤᠬᠤ ᠶᠢ ᠬᠢᠴᠢᠶᠡᠬᠦ ᠬᠡᠷᠡᠭᠲᠡᠢ᠃ ᠶᠠᠲᠤᠭᠠ ᠬᠥᠭᠵᠢᠮ ᠨᠢ ᠪᠤᠰᠤᠳ ᠬᠥᠭᠵᠢᠮ ᠢ ᠪᠣᠳᠣᠪᠠᠯ ᠪᠡᠯᠡᠨ ᠬᠥᠭ ᠲᠡᠢ᠂ ᠬᠦᠭᠵᠢᠮᠳᠡᠵᠦ ᠰᠤᠷᠠᠬᠤ ᠳᠤ ᠠᠮᠠᠷᠬᠠᠨ᠂ ᠬᠢᠯᠪᠠᠷ ᠶᠤᠮ ᠰᠢᠭ ᠪᠣᠯᠪᠠᠴᠤ ᠰᠤᠷᠠᠬᠤ ᠳᠤ ᠨᠡᠯᠢᠶᠡᠳ ᠨᠢᠭᠲᠠ ᠨᠢᠮᠪᠠᠢ ᠠᠵᠢᠯᠯᠠᠭᠠ ᠱᠠᠭᠠᠷᠳᠠᠭᠳᠠᠳᠠᠭ᠃ ᠢᠯᠠᠩᠭᠤᠶᠠ ᠬᠥᠭ ᠪᠠᠶᠢᠩᠭᠤ ᠥᠭᠡᠷᠡᠴᠢᠯᠡᠭᠳᠡᠳᠡᠭ ᠤᠴᠢᠷ ᠮᠠᠰᠢ ᠴᠡᠪᠡᠷ ᠬᠥᠭᠯᠡᠵᠦ ᠰᠤᠷᠬᠤ ᠶᠣᠰᠣᠲᠠᠢ᠃
ᠲᠡᠦᠬᠡ
.jpg)
ᠡᠷᠲᠡᠨ ᠦ ᠰᠤᠷᠪᠤᠯᠵᠢ ᠮᠡᠳᠡᠭᠡᠨ ᠡᠴᠡ ᠦᠵᠡᠬᠦ ᠳᠦ ᠶᠠᠲᠤᠭᠠ ᠶᠢ ᠠᠩᠬᠠ ᠾᠢᠦᠩᠨᠦ ᠨᠠᠷ ᠤᠨ ᠳᠤᠮᠳᠠ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠭᠡᠬᠦ ᠮᠡᠳᠡᠭᠡ ᠪᠠᠶᠢᠬᠤ ᠪᠠ ᠡᠭᠦᠨ ᠦ ᠳᠠᠷᠠᠭᠠ ᠮᠠᠨᠳᠤᠭᠰᠠᠨ ᠰᠦᠮᠪᠦᠴᠢ ᠨᠦᠭᠦᠳ ᠶᠠᠲᠤᠭᠠ ᠬᠥᠭᠵᠢᠮ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ᠃ ᠳᠤᠮᠳᠠᠳᠤ ᠡᠷᠲᠡᠨ ᠦ ᠲᠡᠦᠬᠡ ᠶᠢᠨ ᠪᠠᠷᠢᠮᠲᠠ ᠮᠡᠳᠡᠭᠡᠯᠡᠯ ᠡᠴᠡ ᠦᠵᠡᠬᠦ ᠳᠦ ᠶᠠᠲᠤᠭᠠ ᠬᠥᠭᠵᠢᠮ ᠨᠢ 12-13 ᠳᠤᠭᠠᠷ ᠳᠦᠭᠡᠷ ᠵᠠᠭᠤᠨ ᠤ ᠦᠶᠡ ᠳᠦ ᠮᠣᠩᠭᠣᠯ ᠨᠤᠲᠤᠭ ᠢᠶᠠᠷ ᠨᠡᠯᠢᠶᠡᠳ ᠲᠠᠷᠬᠠᠨ ᠬᠥᠭᠵᠢᠵᠦ ᠪᠠᠶᠢᠭᠰᠠᠨ ᠪᠠ ᠢᠯᠠᠩᠭᠤᠶᠠ ᠬᠠᠭᠠᠳ ᠤᠨ ᠥᠷᠭᠥᠭᠡ ᠣᠷᠣᠳ ᠲᠤ ᠮᠠᠰᠢ ᠣᠯᠠᠨ ᠵᠦᠢᠯ ᠦᠨ ᠶᠠᠲᠤᠭᠠ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠮᠡᠳᠡᠭᠡ ᠪᠠᠶᠢᠨᠠ᠃ ᠲᠤᠬᠠᠶᠢᠯᠠᠪᠠᠯ ᠬᠠᠭᠠᠨ ᠤ ᠣᠷᠳᠣᠨ ᠳᠤ᠄ ᠶᠤᠸᠠᠨ ᠤᠯᠤᠰ ᠤᠨ ᠰᠤᠳᠤᠷ ᠤᠨ 69-71 ᠳᠦᠭᠡᠷ ᠳᠡᠪᠲᠡᠷ ᠦᠨ ᠳᠣᠲᠣᠷᠠ᠄ 《ᠠᠬᠤᠢ ᠶᠠᠲᠤᠭᠠ᠂ ᠲᠥᠷᠥ ᠶᠢᠨ ᠶᠠᠲᠤᠭᠠ᠂ ᠶᠠᠲᠤᠭᠠᠯᠢᠭᠠ᠂ ᠲᠥᠷᠥ ᠶᠢᠨ ᠶᠡᠬᠡ ᠶᠠᠲᠤᠭᠠ᠂ ᠪᠠᠭᠠ ᠶᠠᠲᠤᠭᠠ᠂ ᠴᠠᠯ ᠶᠠᠲᠤᠭᠠ》 ᠭᠡᠬᠦ ᠵᠡᠷᠭᠡ ᠣᠯᠠᠨ ᠢ ᠨᠡᠷᠡᠯᠡᠳᠡᠭ ᠪᠠᠶᠢᠨᠠ᠃ ᠲᠡᠭᠦᠨᠴᠢᠯᠡᠨ 17-18 ᠳᠤᠭᠠᠷ ᠵᠠᠭᠤᠨ ᠤ ᠦᠶᠡᠰ ᠡᠬᠢᠯᠡᠨ ᠰᠦᠮᠡ ᠬᠡᠶᠢᠳ ᠦᠨ ᠨᠣᠮ ᠤᠨ ᠨᠠᠶᠢᠷ ᠪᠣᠯᠤᠨ ᠪᠢᠰᠢᠯᠭᠠᠯ ᠤᠨ ᠳᠠᠭᠤᠤ ᠪᠤᠶᠤ ᠣᠶᠤᠨ ᠤᠬᠠᠭᠠᠨ ᠬᠥᠭᠵᠢᠭᠦᠯᠬᠦ ᠳᠠᠭᠤᠤ ᠭᠦᠷᠦ ᠳᠠᠭᠤᠨ ᠤ ᠠᠶᠠᠯᠭᠤ ᠶᠢ ᠤᠶᠠᠩᠭᠠᠯᠠᠭᠤᠯᠤᠨ ᠬᠥᠭᠵᠢᠮᠳᠡᠳᠡᠭ ᠪᠠᠶᠢᠭᠰᠠᠨ ᠲᠠᠯᠠ ᠪᠠᠷ ᠡᠬᠡ ᠪᠢᠴᠢᠭ ᠦᠨ ᠰᠤᠷᠪᠤᠯᠵᠢ ᠣᠯᠳᠠᠭᠰᠠᠨ ᠪᠣᠯᠤᠨᠠ᠃ ᠬᠠᠷᠢᠨ 19-20 ᠳᠤᠭᠠᠷ ᠵᠠᠭᠤᠨ ᠤ ᠦᠶᠡᠰ ᠶᠠᠲᠤᠭᠠ ᠬᠥᠭᠵᠢᠮ ᠢ ᠴᠥᠭᠡᠭᠦᠯᠡ ᠨᠠᠶᠢᠷᠠᠯ ᠬᠥᠭᠵᠢᠮ ᠦᠨ ᠲᠥᠷᠥᠯ ᠵᠦᠢᠯ ᠳᠦ ᠣᠷᠣᠭᠤᠯᠤᠨ ᠥᠷᠥᠨᠡᠲᠦ ᠶᠢᠨ ᠬᠥᠭᠵᠢᠮ ᠦᠨ ᠰᠣᠩᠭᠣᠳᠠᠭ ᠵᠣᠬᠢᠶᠠᠯ ᠪᠦᠲᠦᠭᠡᠯ᠂ ᠪᠠ ᠢᠯᠠᠩᠭᠤᠶᠠ 20 ᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠦᠶᠡᠰ ᠰᠤᠷᠭᠠᠯᠲᠠ ᠰᠤᠷᠲᠠᠯᠴᠢᠯᠠᠭᠠᠨ ᠤ ᠪᠣᠯᠤᠨ ᠭᠣᠴᠣᠯᠠᠯ᠂ ᠬᠣᠷᠰᠢᠯ᠂ ᠭᠤᠷᠪᠠᠯ᠂ ᠳᠥᠷᠪᠡᠯ ᠪᠣᠯᠤᠨ ᠠᠷᠠᠳ ᠤᠨ ᠴᠥᠭᠡᠭᠦᠯᠡ ᠬᠥᠭᠵᠢᠮ ᠦᠨ ᠬᠠᠮᠲᠤᠯᠢᠭ ᠲᠠᠪᠤᠯ᠂ ᠵᠢᠷᠭᠤᠭᠤᠯᠠ᠂ ᠴᠥᠭᠡᠭᠦᠯᠡ ᠳᠠᠩ ᠶᠠᠲᠤᠭᠠ ᠶᠢᠨ ᠴᠢᠭᠤᠯᠭᠠ᠂ ᠰᠢᠳᠤᠷᠭᠤ ᠶᠠᠲᠤᠭᠠ ᠶᠢᠨ ᠴᠢᠭᠤᠯᠭᠠ᠂ ᠠᠷᠠᠳ ᠤᠨ ᠶᠡᠬᠡ ᠨᠠᠶᠢᠷᠠᠯ ᠬᠥᠭᠵᠢᠮᠡ ᠪᠣᠯᠤᠨ ᠲᠠᠶᠢᠰᠠᠨ ᠤ ᠺᠣᠨᠼᠧᠷᠲ ᠤᠨ ᠬᠥᠲᠥᠯᠪᠦᠷᠢ ᠳᠦ ᠥᠷᠭᠡᠨ ᠢᠶᠡᠷ ᠣᠷᠣᠭᠤᠯᠤᠭᠰᠠᠨ ᠪᠣᠯᠤᠨᠠ᠃
ᠲᠦᠯᠬᠢᠭᠦᠷ
ᠦᠭᠡᠰ[edit]
үндэсний хөгжим, ардын хөгжим, ятга
ᠡᠬᠡ ᠰᠤᠷᠪᠤᠯᠵᠢ
ᠤᠷᠠᠯᠢᠭ ᠰᠠᠢᠢᠲ
ᠯᠤ᠊᠂ᠡᠷᠳᠡᠨᠢᠴᠢᠮᠡᠭ᠃ ᠤᠯᠠᠮᠵᠢᠯᠠᠯᠲᠤ ᠮᠣᠩᠭᠣᠯ ᠶᠠᠲᠤᠭᠠ ᠶᠢᠨ ᠲᠡᠦᠬᠡ ᠡᠴᠡ