ᠨᠢᠩᠵᠢᠪᠠᠳᠭᠠᠷ᠂ ᠰᠠᠩᠵᠢᠮᠢᠲᠤᠪ ᠊ᠤᠨ
ᠰᠠᠩᠵᠢᠮᠢᠲᠤᠪ ᠤᠨ ᠨᠢᠩᠵᠢᠪᠠᠳᠭᠠᠷ
ᠨᠠᠮᠲᠠᠷ
ᠰᠠᠩᠵᠢᠮᠢᠲᠤᠪ ᠤᠨ ᠨᠢᠩᠵᠢᠪᠠᠳᠭᠠᠷ ᠠᠷᠤᠬᠠᠩᠭᠠᠢ ᠠᠢᠢᠮᠠᠭ ᠦ᠋ᠨ ᠶᠡᠬᠡ ᠲᠠᠮᠢᠷ ᠰᠤᠮᠤ ᠶ᠋ᠢᠨ ᠨᠤᠲᠤᠭ ᠲᠤ 1924 ᠣᠨ ᠳ᠋ᠦ ᠰᠡᠬᠡᠭᠡᠲᠡᠨ ᠲᠦᠰᠢᠮᠡᠯ ᠦ᠋ᠨ ᠭᠡᠷ ᠲᠦ ᠮᠡᠨᠳᠦᠯᠡᠵᠦ᠂ 1942 ᠣᠨ ᠳ᠋ᠤ ᠮᠣᠩᠭᠣᠯ ᠤᠯᠤᠰ ᠦ᠋ᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠲᠣᠭ ᠠ᠋ ᠹᠢᠽᠢᠻ ᠦ᠋ᠨ ᠲᠢᠩᠬᠢᠮ ᠳ᠋ᠦ ᠡᠯᠰᠡᠨ 1946 ᠣᠨ ᠳ᠋ᠤ ᠲᠡᠭᠦᠰᠦᠭᠡᠳ᠂ 1947 ᠣᠨ ᠳ᠋ᠤ ᠯᠣᠮᠣᠨᠣᠰᠣᠹ ᠦ᠋ᠨ ᠨᠡᠷᠡᠮᠵᠢᠲᠦ ᠮᠣᠰᠻᠸᠠ ᠶ᠋ᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢ ᠳᠦᠭᠦᠷᠭᠡᠵᠡᠢ᠃ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠭᠡᠭᠡᠳ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ ᠳ᠋ᠤ ᠯᠧᠻᠲᠣᠷ ᠦ᠋ᠨ ᠲᠣᠪᠴᠢᠶᠠᠨ ᠤ ᠡᠷᠬᠢᠯᠡᠭᠴᠢ ᠶ᠋ᠢᠨ ᠠᠵᠢᠯ ᠢ ᠬᠠᠰᠢᠵᠤ᠂ ᠮ᠂ᠤ᠂ᠶᠡ᠊᠂ᠰᠤ᠊᠂ ᠳ᠋ᠤ ᠪᠠᠭᠰᠢᠯᠠᠵᠤ ᠪᠠᠢᠢᠪᠠ᠃ 1956-1957 ᠣᠨ ᠳ᠋ᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠻᠳᠧᠮᠢ ᠶ᠋ᠢᠨ ᠬᠠᠷᠢᠶ ᠠ᠋ ᠣᠳᠣᠨ ᠣᠷᠤᠨ ᠤ ᠣᠷᠭᠢᠯ ᠢ ᠪᠠᠢᠢᠭᠤᠯᠬᠤ ᠠᠵᠢᠯ ᠢ ᠭᠠᠷᠳᠠᠨ ᠬᠢᠵᠦ᠂ ᠠᠩᠬᠠᠨ ᠤ ᠵᠠᠬᠢᠷᠤᠯ ᠶ᠋ᠢᠠᠷ ᠨᠢ ᠠᠵᠢᠯᠯᠠᠵᠤ ᠪᠠᠢᠢᠪᠠ᠃[1] ᠲᠥᠷᠦ᠂ ᠨᠡᠢᠢᠢᠭᠡᠮ ᠦ᠋ᠨ ᠵᠢᠳᠬᠦᠯᠲᠡᠨ ᠳᠠ᠊᠂ ᠲᠡᠮᠦᠷ-ᠸᠴᠢᠷ 1962 ᠣᠨ ᠳ᠋ᠤ ᠴᠢᠩᠭᠢᠰ ᠬᠠᠭᠠᠨ ᠤ ᠮᠡᠨᠳᠦᠯᠡᠭᠰᠡᠨ ᠤ ᠣᠢ ᠶ᠋ᠢ ᠲᠡᠮᠳᠡᠭᠯᠡᠵᠦ᠂ ᠬᠡᠨᠲᠡᠢ ᠠᠢᠢᠮᠠᠭ ᠲᠤ ᠬᠥᠰᠢᠶ ᠠ᠋ ᠪᠣᠰᠬᠠᠭᠤᠯᠵᠤ᠂ ᠮᠠᠷᠻ ᠬᠢᠯᠭᠡᠭᠰᠡᠨ ᠤ ᠪᠡᠨ ᠲᠥᠯᠦᠭᠡ ᠦᠨᠳᠦᠰᠦᠨ ᠤ ᠦᠵᠡᠯᠲᠡᠨ᠂ ᠤᠯᠤᠰ ᠲᠥᠷᠦ ᠶ᠋ᠢᠨ ᠨᠣᠴᠣᠲᠠᠢ ᠬᠡᠷᠡᠭᠲᠡᠨ ᠬᠡᠮᠡᠨ ᠬᠥᠪᠰᠦᠭᠦᠯ ᠠᠢᠢᠮᠠᠭ ᠦ᠋ᠨ ᠬᠠᠩᠬ ᠠ᠋ ᠰᠤᠮᠤ ᠪᠤᠶᠤ ᠮᠣᠩᠭᠣᠯ ᠦ᠋ᠨ ᠬᠠᠮᠤᠭ ᠦ᠋ᠨ ᠤᠮᠠᠷ ᠠ᠋ ᠴᠡᠭ ᠲᠦ ᠴᠥᠯᠡᠭᠳᠡᠵᠦᠬᠦᠢ᠃[2] ᠰᠠ᠊᠂ ᠨᠢᠩᠵᠢᠪᠠᠳᠭᠠᠷ ᠤᠯᠤᠰ ᠲᠥᠷᠦ ᠶ᠋ᠢᠨ ᠬᠡᠷᠡᠭ ᠲᠦ ᠬᠡᠯᠮᠡᠭᠳᠡᠵᠦ ᠴᠥᠯᠡᠭᠳᠡᠭᠰᠡᠨ ᠬᠠᠨᠢ ᠪᠠᠨ ᠳᠠᠭᠠᠵᠤ ᠳᠤᠷᠠ ᠲᠠᠢ ᠠᠵᠢᠯ ᠶ᠋᠋ᠢᠠᠨ ᠣᠷᠬᠢᠨ ᠶᠠᠪᠤᠬᠤ ᠳᠤ ᠪᠠᠨ᠄《ᠲᠡᠮᠦᠷ-ᠸᠴᠢᠷ ᠲᠥᠷᠦ ᠳ᠋ᠦ ᠠᠯᠳᠠᠭᠠ ᠯᠠ ᠪᠢᠵᠡ᠂ ᠲᠥᠷᠬᠦᠮ ᠳ᠋ᠦ ᠪᠡᠨ ᠠᠯᠳᠠᠭᠰᠠᠨ ᠪᠢᠰᠢ᠂ ᠪᠢ ᠶᠠᠪᠤᠵᠤ ᠴᠠᠢ ᠶ᠋ᠢ ᠨᠢ ᠴᠢᠨᠠᠨ ᠠ᠋》 ᠬᠡᠮᠡᠭᠰᠡᠨ ᠭᠡᠬᠦ ᠳᠣᠮᠤᠭ ᠶᠠᠷᠢᠶ ᠠ᠋ ᠪᠠᠢᠢᠳᠠᠭ᠃ ᠲᠡᠢᠢᠨᠬᠦ 20 ᠭᠠᠷᠤᠢ ᠵᠢᠯ (1965–1990) ᠦᠨᠳᠦᠰᠦᠨ ᠮᠡᠷᠭᠡᠵᠢᠯ ᠡᠴᠡ ᠪᠡᠨ ᠬᠥᠨᠳᠡᠢᠢᠷᠡᠵᠦ᠂ 1965-1968 ᠣᠨ ᠳ᠋ᠤ ᠬᠥᠪᠰᠦᠭᠦᠯ ᠠᠢᠢᠮᠠᠭ ᠦ᠋ᠨ ᠬᠠᠩᠬ ᠠ᠋ ᠰᠤᠮᠤᠨ ᠳ᠋ᠤ ᠪᠠᠭ ᠠ᠋ ᠰᠤᠷᠭᠠᠭᠤᠯᠢ ᠳ᠋ᠤ ᠪᠠᠭᠰᠢᠯᠠᠵᠤ᠂ 1968–1985 ᠣᠨ ᠳ᠋ᠤ ᠳᠠᠷᠬᠠᠨ ᠬᠣᠲᠠ ᠶ᠋ᠢᠨ ᠫᠣᠯᠢᠲ᠋ᠧᠻᠨᠢᠻᠦᠮ ᠳ᠋ᠤ ᠪᠠᠭᠰᠢᠯᠠᠵᠤ ᠪᠠᠢᠢᠪᠠ᠃[3] ᠳᠠ᠊᠂ ᠲᠡᠮᠦᠷ-ᠸᠴᠢᠷ ᠦ᠋ᠨ ᠭᠡᠷ ᠪᠦᠯᠢ 1985 ᠣᠨ ᠳ᠋ᠤ ᠤᠯᠠᠭᠠᠨᠪᠠᠭᠠᠲᠤᠷ ᠲᠤ ᠰᠢᠯᠵᠢᠨ ᠢᠷᠡᠬᠦ ᠬᠦᠰᠡᠯᠲᠡ ᠶ᠋ᠢ ᠮᠣᠩᠭᠣᠯ ᠠᠷᠠᠳ ᠦ᠋ᠨ ᠬᠤᠪᠢᠰᠬᠠᠯᠲᠤ ᠨᠠᠮ ᠦ᠋ᠨ ᠲᠥᠪ ᠬᠣᠷᠢᠶᠠᠨ ᠳ᠋ᠤ ᠢᠯᠡᠭᠡᠭᠰᠡᠨ ᠪᠠᠢᠢᠳᠠᠭ᠃ ᠡᠷᠭᠦᠳᠡᠯ ᠵᠥᠪᠰᠢᠶᠡᠷᠡᠭᠳᠡᠵᠦ᠂ ᠰᠠ᠊᠂ ᠨᠢᠩᠵᠢᠪᠠᠳᠭᠠᠷ ᠣᠷᠤᠨ ᠰᠠᠭᠤᠴᠠ᠂ ᠠᠵᠢᠯ ᠲᠥᠷᠦᠯ ᠬᠥᠭᠡᠭᠡᠴᠡᠯᠳᠦᠬᠦ ᠪᠡᠷ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠣᠷᠤᠬᠤ ᠪᠠᠷ ᠶᠠᠪᠤᠭᠰᠠᠨ ᠬᠣᠢᠢᠭᠤᠷ ᠨᠢ ᠭᠡᠷ ᠲᠦ ᠪᠡᠨ ᠭᠠᠭᠴᠠ ᠪᠠᠷ ᠦᠯᠳᠡᠭᠰᠡᠨ ᠳᠠ᠊᠂ ᠲᠡᠮᠦᠷ-ᠸᠴᠢᠷ ᠦ᠋ᠨ ᠠᠮᠢ ᠨᠠᠰᠤ ᠶ᠋ᠢ ᠪᠦᠷᠢᠯᠭᠡᠭᠰᠡᠨ ᠪᠠᠢᠢᠨ ᠠ᠋᠃[4][5] ᠰᠠ᠊᠂ ᠨᠢᠩᠵᠢᠪᠠᠳᠭᠠᠷ 1990 ᠣᠨ ᠡᠴᠡ ᠥᠪᠡᠷ ᠦ᠋ᠨ ᠪᠠᠢᠢᠭᠤᠯᠤᠭᠰᠠᠨ ᠣᠳᠤᠨ ᠣᠷᠤᠨ ᠰᠤᠳᠤᠯᠠᠯ ᠦ᠋ᠨ ᠣᠷᠭᠢᠯ ᠳ᠋ᠤ ᠪᠠᠨ ᠡᠷᠭᠢᠨ ᠢᠷᠡᠵᠦ᠂ ᠠᠮᠢᠳᠤᠷᠠᠯ ᠦ᠋ᠨ ᠶ᠋ᠢᠠᠨ ᠰᠡᠭᠦᠯᠴᠢ ᠶ᠋ᠢᠨ ᠮᠥᠴᠢ ᠶ᠋ᠢ ᠬᠦᠷᠲᠡᠯ ᠠ᠋ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠠᠵᠢᠯ ᠶ᠋ᠢᠠᠨ ᠬᠢᠭᠰᠡᠭᠡᠷ ᠪᠠᠢᠢᠵᠤᠬᠤᠢ᠃ ᠲᠡᠷᠡ ᠪᠡᠷ ᠭᠠᠳᠠᠭᠠᠳᠤ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠮᠡᠷᠭᠡᠵᠢᠯ ᠨᠢᠭᠡᠲᠦ ᠨᠥᠬᠦᠳ ᠳ᠋ᠦ ᠪᠡᠨ ᠥᠨᠳᠦᠷ ᠦᠨᠡᠯᠡᠭᠳᠡᠭᠰᠡᠨ ᠭᠠᠷᠮᠠᠭᠠᠢ ᠰᠤᠳᠤᠯᠤᠭᠠᠴᠢ ᠪᠠᠢᠢᠵᠡᠢ᠃[6]
ᠲᠦᠯᠬᠢᠭᠦᠷ ᠦᠭᠡᠰ
ᠡᠬᠢ ᠰᠤᠷᠪᠤᠯᠵᠢ
- ↑ Арын сайхан хангайн алдартнууд http://arkhangai.mn/index.php?newsid=7000
- ↑ https://news.mn/r/675044/
- ↑ Арын сайхан хангайн алдартнууд http://arkhangai.mn/index.php?newsid=7000
- ↑ https://news.mn/r/675044/
- ↑ http://www.bolod.mn/News/54790.html
- ↑ Арын сайхан хангайн алдартнууд http://arkhangai.mn/index.php?newsid=7000