"ᠬᠢᠮᠡᠯ ᠣᠶᠤᠨ"-ны өөр хувилбарууд

'''ᠬᠢᠮᠡᠯ ᠣᠶᠤᠨ''' (AI) ᠭᠡᠳᠡᠭ ᠢᠨᠦ ᠬᠦᠮᠦᠨ ᠦ ᠣᠶᠤᠨ ᠤᠬᠠᠭᠠᠨ ᠤ ᠦᠢᠯᠡ ᠶᠠᠪᠤᠴᠠ ᠶᠢ ᠮᠠᠱᠢᠨ᠂ ᠢᠯᠠᠩᠭᠤᠶ᠎ᠠ ᠻᠣᠮᠫᠢᠶᠦ᠋ᠲ᠋ᠧᠷ ᠦᠨ^computer ᠰᠢᠰᠲ᠋ᠧᠮ ᠢᠢᠡᠷ ᠵᠠᠭᠪᠤᠷᠴᠢᠯᠠᠨ ᠭᠦᠢᠴᠡᠳᠬᠠᠭᠦᠯᠬᠦ ᠠᠵᠢᠯᠯᠠᠭ᠎ᠠ ᠶᠤᠮ᠃ ᠬᠢᠮᠡᠯ ᠣᠶᠤᠨ ‍ᠦ ᠬᠡᠷᠡᠭᠯᠡᠭᠡᠨ ᠳᠦ ᠮᠡᠷᠭᠡᠵᠢᠯ ᠦᠨ ᠰᠢᠰᠲ᠋ᠧᠮ᠂ ᠬᠡᠯᠡ ᠶᠠᠷᠢᠶ᠎ᠠ ᠪᠣᠯᠤᠨ ᠪᠢᠴᠢᠭ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ᠂ ᠶᠠᠷᠢᠶ᠎ᠠ ᠲᠠᠨᠢᠬᠤ᠂ ᠮᠠᠱᠢᠨ ᠤ ᠬᠠᠷᠠᠭ᠎ᠠ ᠵᠡᠷᠭᠡ ᠣᠷᠣᠨ᠎ᠠ᠃<ref name=":0">Ed Burns, Nicole Laskowski, Linda Tucci. What is artificial intelligence (AI)? ᠬᠠᠨᠳᠤᠭᠰᠠᠨ 2022/02/12. TechTarget. https://www.techtarget.com/searchenterpriseai/definition/AI-Artificial-Intelligence</ref>  

ᠬᠢᠮᠡᠯ ᠣᠶᠤᠨ ᠨᠢ ᠮᠥᠨ ᠬᠦᠮᠦᠨ ᠦ ᠣᠶᠤᠨ ᠤᠬᠠᠭᠠᠨ ᠱᠠᠭᠠᠷᠳᠠᠳᠠᠭ ᠠᠵᠢᠯ ᠡᠭᠦᠷᠭᠡ ᠭᠦᠢᠴᠡᠳᠭᠡᠬᠦ ᠴᠢᠳᠠᠪᠤᠷᠢ ᠲᠠᠢ ᠤᠬᠠᠭᠠᠯᠢᠭ ᠮᠠᠱᠢᠨ ᠪᠦᠲᠦᠭᠡᠬᠦ ᠳᠦ ᠴᠢᠭᠯᠡᠭᠰᠡᠨ ᠻᠣᠮᠫᠢᠶᠦ᠋ᠲ᠋ᠧᠷ ᠦᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠠᠯᠪᠤᠷᠢ ᠶᠤᠮ᠃<ref name=":3">Artificial Intelligence. ᠬᠠᠨᠳᠤᠭᠰᠠᠨ 2022/02/12. Built In.https://builtin.com/artificial-intelligence</ref>

ᠪᠠᠶ᠋ᠢᠭᠠᠯᠢ ᠢᠢᠨ ᠣᠶᠤᠨ ᠬᠦᠮᠦᠨ ᠬᠢᠭᠡᠳ ᠪᠤᠰᠤᠳ ᠠᠮᠢᠲᠠᠳ ᠲᠤ ᠢᠯᠡᠷᠡᠳᠡᠭ ᠪᠣᠯ ᠬᠢᠮᠡᠯ ᠣᠶᠤᠨ ᠨᠢ ᠮᠠᠱᠢᠨ ᠨᠤᠭᠤᠳ ᠤᠨ ᠠᠵᠢᠯᠯᠠᠭᠠᠨ ‍ᠳᠤ ᠲᠤᠰᠬᠠᠯ ‍ᠢᠢᠨ ᠣᠯᠳᠠᠭ᠃  

<br><br>

'''ᠠᠯᠭ᠌ᠣᠷᠢᠲ᠋ᠮ ᠤᠳ ᠲᠡᠭᠦᠯᠳᠡᠷᠵᠢᠭᠰᠡᠨ᠃'''<br>  

ᠤᠷᠢᠳᠤ ᠡᠮᠦᠨ᠎ᠡ ᠰᠠᠭᠤᠷᠢ ᠲᠦᠪᠰᠢᠨ ᠦ ᠠᠯᠭ᠌ᠣᠷᠢᠲ᠋ᠮ ᠤᠳ ᠨᠢ ᠻᠣᠮᠫᠢᠶᠦ᠋ᠲ᠋ᠧᠷ ᠲᠦ  ᠬᠢᠬᠦ ᠦᠢᠯᠡᠳᠦᠯ ᠲᠤᠰ ᠪᠦᠷᠢ ᠶᠢ ᠠᠯᠬᠤᠮ ᠠᠯᠬᠤᠮ ᠢᠢᠠᠷ ᠵᠢᠭᠠᠵᠤ ᠥᠭᠳᠡᠭ ᠪᠠᠶ᠋ᠢᠪᠠ᠃ ᠡᠳᠦᠭᠡ ᠠᠯᠭ᠌ᠣᠷᠢᠲ᠋ᠮ ᠤᠳ ᠮᠠᠰᠢ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠵᠤ ᠮᠠᠱᠢᠨ ᠰᠤᠷᠤᠯᠴᠠᠬᠤᠢ᠂ ᠻᠣᠮᠫᠢᠶᠦ᠋ᠲ᠋ᠧᠷ ᠪᠡᠶ᠎ᠡ ᠳᠠᠭᠠᠭᠠᠨ ᠰᠤᠷᠤᠯᠴᠠᠬᠤ ᠪᠣᠯᠤᠮᠵᠢ ᠶᠢ ᠪᠦᠷᠢᠳᠦᠭᠦᠯᠦᠭᠰᠡᠨ᠃ ᠡᠮᠦᠨ᠎ᠡ ᠨᠢ ᠮᠠᠱᠢᠨ ᠰᠤᠷᠤᠯᠴᠠᠬᠤ ᠠᠯᠭ᠌ᠣᠷᠢᠲ᠋ᠮ ᠪᠦᠲᠦᠭᠡᠬᠦ ᠪᠠᠶ᠋ᠢᠲᠤᠭᠠᠢ ᠮᠠᠱᠢᠨ ᠰᠤᠷᠤᠯᠴᠠᠬᠤᠢ ᠳᠤ ᠬᠡᠷᠡᠭᠯᠡᠭᠳᠡᠬᠦ ᠬᠠᠩᠭᠠᠯᠲᠠ ᠲᠠᠢ ᠬᠡᠮᠵᠢᠶᠡᠨ ᠦ ᠥᠭᠭᠥᠭᠳᠡᠯ ᠪᠠᠶ᠋ᠢᠭᠠᠳᠦᠢ᠃<ref>The 3 Forces that Brought AI to Life (And Why it’s Only Now Changing the World). 2017/12/15.  <nowiki>https://blog.cloudfactory.com/3-forces-brought-ai-to-life</nowiki></ref>

ᠮᠠᠱᠢᠨ ᠰᠤᠷᠤᠯᠴᠠᠬᠤᠢ᠂ ᠭᠦᠨ ᠰᠤᠷᠤᠯᠴᠠᠬᠤᠢ ᠶᠢᠨ ᠠᠬᠢᠴᠠ ᠳᠡᠪᠰᠢᠯ ᠲᠧᠻᠨᠣᠯᠣᠭᠢ ᠶᠢᠨ ᠰᠠᠯᠪᠤᠷᠢ ᠪᠦᠷᠢ ᠳᠦ ᠫᠠᠷᠠᠳ᠋ᠢᠭ᠌ᠮ ᠤᠨ ᠰᠢᠯᠵᠢᠯᠲᠡ ᠠᠪᠴᠢᠷᠠᠵᠤ ᠪᠠᠶ᠋ᠢᠨ᠎ᠠ᠃<ref name=":3" /><br>

'''ᠮᠠᠱᠢᠨ ᠰᠤᠷᠤᠯᠴᠠᠬᠤᠢ''' (machine learning) ᠨᠢ ᠬᠢᠮᠡᠯ ᠣᠶᠤᠨ ᠤ ᠠᠷᠭ᠎ᠠ ᠤᠳ ᠤᠨ ᠨᠢᠭᠡᠨ ᠠᠢ ᠶᠤᠮ᠃ ᠡᠨᠡ ᠠᠷᠭ᠎ᠠ ᠨᠢ ᠠᠰᠠᠭᠤᠳᠠᠯ ᠢ ᠰᠢᠭᠤᠳ ᠰᠢᠢᠳᠪᠦᠷᠢᠯᠡᠬᠦ᠂ ᠪᠣᠳᠣᠯᠭ᠎ᠠ ᠶᠢ ᠰᠢᠭᠤᠳ ᠪᠣᠳᠣᠬᠤ ᠪᠢᠰᠢ᠂ ᠬᠠᠷᠢᠨ ᠲᠥᠰᠲᠡᠢ ᠣᠯᠠᠨ ᠪᠣᠳᠣᠯᠭ᠎ᠠ᠂ ᠠᠰᠠᠭᠤᠳᠠᠯ ᠤᠨ ᠰᠢᠢᠳᠦᠯ ᠦᠳ ᠢ ᠲᠦᠰᠢᠭᠯᠡᠨ ᠰᠤᠷᠤᠯᠴᠠᠬᠤ ᠳᠤ ᠣᠷᠣᠰᠢᠨ᠎ᠠ᠃ ᠡᠶ᠋ᠢᠮᠦ ᠠᠷᠭ᠎ᠠ ᠨᠤᠭᠤᠳ ᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠳᠤ ᠪᠠᠨ ᠮᠠᠲ᠋ᠾᠧᠮᠠᠲ᠋ᠢᠻ ᠰᠲ᠋ᠠᠲ᠋ᠢᠰᠲ᠋ᠢᠻ ᠤᠨ^statistics ᠠᠷᠭ᠎ᠠ ᠨᠤᠭᠤᠳ᠂ ᠲᠣᠭᠠᠨ ᠤ ᠪᠣᠯᠤᠨ ᠮᠠᠲ᠋ᠾᠧᠮᠠᠲ᠋ᠢᠻ ᠠᠨᠠᠯᠢᠽ ᠶᠢᠨ^analysis ᠠᠷᠭ᠎ᠠ ᠨᠤᠭᠤᠳ᠂ ᠣᠨᠣᠪᠴᠢᠯᠠᠯ ᠤᠨ ᠠᠷᠭ᠎ᠠ ᠨᠤᠭᠤᠳ᠂ ᠮᠠᠭᠠᠳᠯᠠᠯ ᠤᠨ ᠣᠨᠣᠯ᠂ ᠭᠷᠠᠹ ᠤᠳ ᠤᠨ ᠣᠨᠣᠯ᠂ ᠲᠣᠭᠠᠨ (digital) ᠬᠡᠯᠪᠡᠷᠢ ᠲᠡᠢ ᠥᠭᠭᠥᠭᠳᠡᠯ ᠲᠡᠢ ᠠᠵᠢᠯᠯᠠᠬᠤ ᠶᠠᠩᠵᠤ ᠪᠦᠷᠢ ᠶᠢᠨ ᠠᠷᠭᠠᠴᠢᠯᠠᠯ ᠢ ᠠᠰᠢᠭᠯᠠᠳᠠᠭ᠃<br>

ᠮᠡᠳᠡᠷᠡᠯ ᠦᠨ ᠰᠦᠯᠵᠢᠶ᠎ᠡ ᠬᠦᠮᠦᠨ᠂ ᠠᠮᠢᠲᠠᠨ ᠤ ᠲᠠᠷᠢᠬᠢᠨ ᠤ ᠪᠦᠲᠦᠴᠡ ᠪᠣᠯᠬᠤ ᠪᠢᠣᠯᠣᠭᠢ ᠶᠢᠨ ᠮᠡᠳᠡᠷᠡᠯ ᠦᠨ ᠰᠦᠯᠶᠡᠨ ᠦ ᠵᠠᠷᠴᠢᠮ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠲᠣᠭᠠᠴᠠᠭᠠᠯᠠᠯ ᠤᠨ ᠰᠢᠰᠲ᠋ᠧᠮ ᠶᠤᠮ᠃ ᠡᠶ᠋ᠢᠮᠦ ᠰᠢᠰᠲ᠋ᠧᠮ ᠲᠣᠳᠣᠷᠬᠠᠢ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠫᠷᠣᠭ᠌ᠷᠠᠮᠴᠢᠯᠠᠯ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠡᠷ ᠠᠯᠢᠪᠠ ᠠᠵᠢᠯ ᠡᠭᠦᠷᠭᠡ ᠶᠢ ᠭᠦᠢᠴᠡᠳᠭᠡᠬᠦ ᠳᠦ ᠰᠤᠷᠤᠯᠴᠠᠳᠠᠭ᠃

ᠬᠢᠮᠡᠯ ᠣᠶᠤᠨ ᠳᠤ ᠲᠤᠰᠬᠠᠶ᠋ᠢᠯᠠᠨ ᠵᠣᠷᠢᠭᠤᠯᠤᠭᠳᠠᠭᠰᠠᠨ Lisp᠂ Prolog᠂ TensorFlow ᠭᠡᠬᠦ ᠵᠡᠷᠭᠡ ᠮᠠᠰᠢ ᠣᠯᠠᠨ ᠫᠷᠣᠭ᠌ᠷᠠᠮᠴᠢᠯᠠᠯ ᠤᠨ ᠬᠡᠯᠡ ᠪᠦᠲᠦᠭᠡᠭᠳᠡᠭᠰᠡᠨ᠃ ᠬᠢᠮᠡᠯ ᠣᠶᠤᠨ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠲᠧᠻᠨᠢᠭ ᠬᠠᠩᠭᠠᠮᠵᠢ ᠠᠴᠠ ᠬᠢᠮᠡᠯ ᠣᠶᠤᠨ ᠬᠤᠷᠳᠤᠰᠬᠠᠭᠤᠷ (AI accelerator)᠂ ᠮᠡᠳᠡᠷᠡᠯ ᠦᠨ ᠪᠦᠲᠦᠴᠡ ᠲᠡᠢ ᠲᠣᠭᠠᠴᠠᠭᠠᠯᠠᠯ (neuromorphic computing) ᠵᠡᠷᠭᠡ ᠶᠢ ᠳᠤᠷᠠᠳᠴᠤ ᠪᠣᠯᠤᠨ᠎ᠠ᠃

==ᠠᠵᠢᠯᠯᠠᠭ᠎ᠠ==

<br>

ᠡᠨᠡᠬᠦ ᠵᠣᠷᠢᠯᠭ᠎ᠠ ᠶᠢ ᠬᠡᠷᠡᠭᠵᠢᠭᠦᠯᠬᠦ ᠶᠢᠨ ᠲᠤᠯᠠᠳᠠ ᠬᠢᠮᠡᠯ ᠣᠶᠤᠨᠲᠤ ᠰᠢᠰᠲ᠋ᠧᠮ ᠦᠳ ᠨᠢ ᠪᠦᠬᠦ ᠲᠥᠷᠦᠯ ᠦᠨ ᠲᠧᠭᠨᠢᠭ ᠠᠷᠭᠠᠴᠢᠯᠠᠯ᠂ ᠦᠢᠯᠡ ᠶᠠᠪᠤᠴᠠ ᠬᠢᠭᠡᠳ ᠥᠷᠭᠡᠨ ᠣᠯᠠᠨ ᠲᠥᠷᠦᠯ ᠦᠨ ᠲᠧᠻᠨᠣᠯᠣᠭᠢ ᠶᠢ ᠠᠰᠢᠭᠯᠠᠨ᠎ᠠ᠃<ref>CSU Global. How does AI actually work? 2021/08/09. https://csuglobal.edu/blog/how-does-artificial-intelligence-actually-work</ref>

ᠬᠢᠮᠡᠯ ᠣᠶᠤᠨ ᠤ ᠰᠢᠰᠲ᠋ᠧᠮ ᠦᠳ ᠨᠢ ᠶᠡᠬᠡ ᠬᠡᠮᠵᠢᠶᠡᠨ ᠦ ᠰᠤᠷᠭᠠᠯᠲᠠ ᠶᠢᠨ ᠥᠭᠭᠥᠭᠳᠡᠯ ᠢ ᠪᠣᠯᠪᠰᠤᠷᠤᠭᠤᠯᠵᠤ᠂ ᠥᠭᠭᠥᠭᠳᠡᠯ ᠳᠦ ᠪᠤᠢ ᠬᠠᠮᠢᠶᠠᠷᠤᠯ᠂ ᠵᠦᠢ ᠲᠣᠭᠲᠠᠯ ᠤᠳ ᠢ ᠰᠢᠨᠵᠢᠯᠡᠵᠦ᠂ ᠲᠡᠳᠡᠭᠡᠷ ᠲᠦ ᠳᠤᠯᠳᠤᠶ᠋ᠢᠳᠤᠨ ᠢᠷᠡᠭᠡᠳᠦᠢ ᠶᠢᠨ ᠲᠥᠯᠦᠪ ᠪᠠᠶ᠋ᠢᠳᠠᠯ ᠢ ᠲᠠᠭᠠᠮᠠᠭᠯᠠᠳᠠᠭ᠃ ᠡᠶ᠋ᠢᠮᠦ ᠠᠷᠭ᠎ᠠ ᠪᠠᠷ᠂ ᠪᠢᠴᠢᠪᠦᠷᠢ ‍ᠢᠢᠨ ᠴᠠᠲ ᠤᠨ^chat ᠣᠯᠠᠨ ᠵᠢᠱᠢᠶ᠎ᠡ ᠪᠡᠷ ᠴᠡᠨᠡᠭᠯᠡᠭᠳᠡᠭᠰᠡᠨ ᠴᠠᠲ᠋ᠪᠣᠲ^chatbot ᠶᠠᠭ ᠬᠦᠮᠦᠨ ᠬᠣᠭᠣᠷᠣᠨᠳᠣ ᠶᠢᠨ ᠬᠠᠷᠢᠯᠴᠠᠭ᠎ᠠ ᠡᠭᠦᠰᠬᠡᠵᠦ ᠰᠤᠷᠬᠤ᠂ ᠳᠦᠷᠰᠦ ᠲᠠᠨᠢᠬᠤ ᠬᠡᠷᠡᠭᠰᠡᠯ ᠣᠯᠠᠨ ᠰᠠᠶ᠎ᠠ ᠵᠢᠱᠢᠭ ᠳᠦᠷᠰᠦ ᠶᠢ ᠨᠢᠭᠲᠠᠯᠠᠨ ᠦᠵᠡᠬᠦ ᠵᠠᠮ ᠢᠢᠠᠷ ᠵᠢᠷᠤᠭ ᠳᠡᠭᠡᠷᠡᠬᠢ ᠵᠦᠢᠯᠡᠰ ᠢ ᠢᠯᠭᠠᠨ ᠲᠣᠳᠣᠷᠬᠠᠶ᠋ᠢᠯᠠᠵᠤ᠂ ᠳᠦᠷᠰᠦᠯᠡᠵᠦ ᠰᠤᠷᠬᠤ ᠪᠣᠯᠤᠮᠵᠢ ᠲᠠᠢ᠃

'''ᠡᠷᠭᠢᠴᠡᠭᠦᠯᠬᠦ ᠦᠢᠯᠡ ᠶᠠᠪᠤᠴᠠ'''᠄ ᠬᠢᠮᠡᠯ ᠣᠶᠤᠨ ᠫᠷᠣᠭ᠌ᠷᠠᠮᠴᠢᠯᠠᠯ ᠤᠨ ᠡᠨᠡ ᠰᠠᠯᠠᠭ᠎ᠠ ᠨᠢ ᠬᠦᠰᠡᠭᠰᠡᠨ ᠦᠷ᠎ᠡ ᠳ᠋ᠦ᠋ᠩ ᠳᠦ ᠬᠦᠷᠬᠦ ᠵᠥᠪ ᠠᠯᠭ᠌ᠣᠷᠢᠲ᠋ᠮ ᠢ ᠰᠣᠩᠭᠣᠬᠤ ᠳᠤ ᠴᠢᠭᠯᠡᠳᠡᠭ᠃

==ᠲᠥᠷᠦᠯ==

ᠬᠠᠷᠢᠭᠤ ᠦᠢᠯᠡᠳᠦᠭᠴᠢ ᠲᠥᠬᠥᠭᠡᠷᠦᠮᠵᠢ ᠨᠦᠭᠦᠳ (Reactive Machine) ᠰᠠᠭᠤᠷᠢ ᠦᠢᠯᠡᠳᠦᠯ ᠦᠳ ᠢ ᠭᠦᠢᠴᠡᠳᠭᠡᠳᠡᠭ᠃ ᠡᠨᠡ ᠲᠦᠪᠰᠢᠨ ᠦ ᠬᠢᠮᠡᠯ ᠣᠶᠤᠨ ᠬᠠᠮᠤᠭ ᠤᠨ ᠡᠩ ᠦᠨ ᠨᠢ ᠶᠤᠮ᠃ ᠬᠠᠷᠢᠭᠤ ᠦᠢᠯᠡᠳᠦᠭᠴᠢ ᠲᠥᠬᠥᠭᠡᠷᠦᠮᠵᠢ ᠨᠢ ᠲᠣᠳᠣᠷᠬᠠᠢ ᠣᠷᠴᠠ ᠨᠤᠭᠣᠳ ᠳᠤ ᠲᠣᠳᠣᠷᠬᠠᠢ ᠭᠠᠷᠴᠠ ᠪᠠᠷ ᠬᠠᠷᠢᠭᠤᠯᠳᠠᠭ᠃ ᠰᠤᠷᠤᠯᠴᠠᠬᠤ ᠠᠵᠢᠯᠯᠠᠭ᠎ᠠ ᠶᠠᠪᠤᠭᠳᠠᠬᠤ ᠦᠭᠡᠢ᠃ ᠡᠨᠡ ᠪᠣᠯ ᠬᠢᠮᠡᠯ ᠣᠶᠤᠨ ᠤ ᠠᠩᠬᠠᠳᠠᠭᠴᠢ ᠱᠠᠲᠤ ᠶᠤᠮ᠃ ᠬᠦᠮᠦᠨ ᠦ ᠨᠢᠭᠤᠷ ‍ᠤᠨ ᠳᠦᠷᠰᠦ ᠶᠢ ᠣᠷᠣᠴᠠ ᠪᠣᠯᠭᠠᠨ ᠠᠪᠴᠤ ᠨᠢᠭᠤᠷ ‍ᠢ ᠲᠣᠭᠣᠷᠢᠭᠤᠯᠤᠨ ᠳᠥᠷᠪᠡᠯᠵᠢᠨ ᠳᠦᠷᠰᠦ ᠡᠭᠦᠰᠬᠡᠨ ᠲᠣᠳᠣᠷᠬᠠᠶ᠋ᠢᠯᠠᠬᠤ ᠬᠡᠷᠡᠭᠰᠡᠯ ᠨᠢ ᠡᠩ ᠦᠨ᠂ ᠬᠠᠷᠢᠭᠤ ᠦᠢᠯᠡᠳᠦᠭᠴᠢ ᠲᠥᠬᠥᠭᠡᠷᠦᠮᠵᠢ ᠶᠤᠮ᠃ ᠬᠢᠮᠡᠯ ᠣᠶᠤᠨ ᠤ ᠡᠨᠡ ᠲᠥᠷᠥᠯ ᠨᠢ ᠶᠠᠮᠪᠠᠷ ᠴᠤ ᠣᠷᠣᠴᠠ ᠶᠢ ᠬᠠᠳᠠᠭᠠᠯᠠᠬᠤ ᠦᠭᠡᠢ᠂ ᠶᠠᠮᠠᠷ ᠴᠤ ᠰᠤᠷᠤᠯᠴᠠᠬᠤ ᠦᠢᠯᠡᠳᠦᠯ ᠭᠦᠢᠴᠡᠳᠭᠡᠬᠦ ᠦᠭᠡᠢ᠃

ᠮᠠᠱᠢᠨ ᠤ ᠰᠤᠷᠤᠯᠴᠠᠬᠤᠢ ᠶᠢᠨ ᠰᠲ᠋ᠠᠲ᠋ᠢᠻ ᠵᠠᠭᠪᠤᠷ ᠤᠳ ᠨᠢ ᠮᠥᠨ ᠬᠠᠷᠢᠭᠤ ᠦᠢᠯᠡᠳᠦᠭᠴᠢ ᠲᠥᠬᠥᠭᠡᠷᠦᠮᠵᠢ ᠶᠤᠮ᠃ ᠲᠡᠳᠡᠭᠡᠷ ᠦᠨ ᠠᠷᠻᠢᠲ᠋ᠧᠻᠲ᠋ᠦ᠋ᠷ ᠨᠢ ᠬᠠᠮᠤᠭ ᠤᠨ ᠡᠩ ᠦᠨ ᠪᠥᠭᠡᠳ ᠲᠡᠳᠡᠭᠡᠷ ᠢ ᠸᠧᠪ ᠳᠡᠭᠡᠷᠡᠬᠢ GitHub ᠰᠠᠩ ᠠᠴᠠ ᠣᠯᠵᠤ ᠪᠣᠯᠤᠨ᠎ᠠ᠃ ᠡᠳᠡᠭᠡᠷ ᠵᠠᠭᠪᠤᠷ ᠤᠳ ᠢ ᠬᠢᠯᠪᠠᠷᠬᠠᠨ ᠲᠠᠲᠠᠵᠤ ᠠᠪᠴᠤ᠂ ᠨᠠᠶ᠋ᠢᠮᠠᠭᠠᠯᠴᠠᠵᠤ᠂ ᠳᠠᠮᠵᠢᠭᠤᠯᠵᠤ᠂ ᠬᠥᠭᠵᠢᠭᠦᠯᠦᠭᠴᠢ ᠶᠢᠨ ᠬᠡᠷᠡᠭᠰᠡᠯ ᠦᠨ ᠬᠥᠮᠥᠷᠭᠡ ᠳᠦ ᠠᠴᠢᠶᠠᠯᠠᠵᠤ ᠪᠣᠯᠤᠨ᠎ᠠ᠃<ref>Jonathan Johnson. 4 Types of Artificial Intelligence. 2020/06/08. BMC. https://www.bmc.com/blogs/artificial-intelligence-types/#:~:text=These%20three%20types%20are%3A,Artificial%20Super%20Intelligence</ref>

=== ᠬᠡᠮᠵᠢᠶᠡᠲᠦ ᠣᠢ ᠲᠠᠢ ===

<br>

ᠵᠢᠱᠢᠶᠡᠯᠡᠪᠡᠯ᠂ ᠪᠡᠶ᠎ᠡ ᠳᠠᠭᠠᠭᠰᠠᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ ᠨᠢ ᠬᠡᠮᠵᠢᠶᠡᠲᠦ ᠣᠢ ᠲᠠᠢ ᠬᠢᠮᠡᠯ ᠣᠶᠤᠨ ᠤ ᠲᠤᠰᠠᠯᠠᠮᠵᠢ ᠲᠠᠢ ᠪᠠᠷ ᠪᠤᠰᠤᠳ ᠮᠠᠱᠢᠨ ᠤ ᠬᠤᠷᠳᠤ᠂ ᠴᠢᠭᠯᠡᠯ ᠢ ᠠᠵᠢᠭᠯᠠᠵᠤ᠂ ᠵᠠᠮ ᠤᠨ ᠪᠠᠶ᠋ᠢᠳᠠᠯ ᠢ ᠲᠠᠩᠳᠠᠵᠤ᠂ ᠵᠣᠬᠢᠴᠠᠨ ᠶᠠᠪᠤᠳᠠᠭ᠃ ᠢᠷᠡᠵᠦ ᠪᠤᠢ ᠥᠭᠭᠥᠭᠳᠡᠯ ᠢ ᠰᠢᠨᠵᠢᠯᠡᠨ ᠤᠶ᠋ᠢᠯᠠᠭᠠᠬᠤ ᠡᠨᠡᠬᠦ ᠠᠵᠢᠯᠯᠠᠭ᠎ᠠ ᠠᠶᠤᠯ ᠦᠭᠡᠢ ᠵᠣᠷᠴᠢᠬᠤ ᠨᠥᠬᠥᠴᠡᠯ ᠢ ᠪᠦᠷᠢᠳᠦᠭᠦᠯᠵᠦ ᠪᠠᠶ᠋ᠢᠨ᠎ᠠ᠃

ᠭᠡᠬᠦ ᠳᠦ ᠪᠡᠨ ᠬᠡᠮᠵᠢᠶ᠎ᠡ ᠳᠦ ᠣᠢ ᠳᠤ ᠬᠢᠮᠡᠯ ᠣᠶᠤᠨ ᠨᠢ ᠪᠠᠰᠠ ᠯᠠ ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠭᠡᠳᠡᠭ ᠢ ᠨᠡᠷ᠎ᠡ ᠨᠢ ᠴᠤ ᠥᠪᠡᠷ ᠢᠢᠡᠨ ᠬᠡᠯᠡᠵᠦ ᠪᠠᠶ᠋ᠢᠨ᠎ᠠ᠃ ᠥᠪᠡᠷ ᠢᠢᠡᠨ ᠵᠢᠯᠣᠭᠣᠳᠤᠯᠭᠠᠳᠤ ᠲᠡᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ ᠦᠨ ᠠᠰᠢᠭᠯᠠᠵᠤ ᠪᠠᠶ᠋ᠢᠭ᠎ᠠ ᠮᠡᠳᠡᠭᠡᠯᠡᠯ ᠨᠢ ᠲᠦᠷ ᠪᠥᠭᠡᠳ ᠮᠠᠱᠢᠨ ᠤ ᠤᠷᠲᠤ ᠬᠤᠭᠤᠴᠠᠭᠠᠨ ᠤ ᠰᠠᠨᠠᠬᠤ ᠣᠢ ᠳᠤ ᠬᠠᠳᠠᠭᠠᠯᠠᠭᠳᠠᠳᠠᠭ ᠦᠭᠡᠢ᠃<ref name=":4">Bernard Marr. Understanding the 4 Types of Artificial Intelligence (AI). 2021/05/09. Linked In. https://www.linkedin.com/pulse/understanding-4-types-artificial-intelligence-ai-bernard-marr</ref>

=== ᠰᠡᠳᠬᠢᠯ ᠦᠨ ᠣᠨᠣᠯ ===

ᠰᠡᠳᠬᠢᠯ ᠦᠨ ᠣᠨᠣᠯ (Theory of Mind) ᠣᠳᠣᠬᠠᠨ ᠳᠤ ᠪᠠᠨ ᠵᠥᠪᠬᠡᠨ ᠣᠨᠣᠯ ᠤᠨ ᠱᠠᠲᠤᠨ ᠳᠤ ᠪᠠᠢᠢᠨ᠎ᠠ᠃ ᠪᠢᠳᠡ ᠬᠢᠮᠡᠯ ᠣᠶᠤᠨ ᠤ ᠡᠨᠡᠬᠦ ᠳᠠᠷᠤᠭ᠎ᠠ ᠶᠢᠨ ᠲᠦᠪᠰᠢᠨ ᠳᠦ ᠬᠦᠷᠬᠦ ᠳᠦ ᠱᠠᠭᠠᠷᠳᠠᠯᠭ᠎ᠠ ᠲᠠᠢ ᠲᠧᠻᠨᠣᠯᠣᠭᠢ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠴᠢᠳᠠᠪᠬᠢ ᠳᠤ ᠬᠠᠷᠠᠬᠠᠨ ᠬᠦᠷᠦᠭᠡᠳᠦᠢ ᠪᠠᠶ᠋ᠢᠭ᠎ᠠ᠃

ᠡᠨᠡᠬᠦ ᠦᠵᠡᠯ ᠪᠠᠷᠢᠮᠲᠠᠯᠠᠯ ᠨᠢ ᠪᠤᠰᠤᠳ ᠠᠮᠢᠳᠤ ᠪᠡᠶᠡᠲᠦ ᠨᠤᠭᠦᠳ ᠴᠤ ᠪᠣᠳᠣᠯ ᠰᠠᠨᠠᠭ᠎ᠠ᠂ ᠰᠡᠳᠬᠢᠯ ᠬᠥᠳᠡᠯᠦᠯ ᠲᠡᠢ ᠪᠠᠶ᠋ᠢᠳᠠᠭ᠂ ᠲᠡᠷᠡ ᠨᠢ ᠦᠢᠯᠡ ᠪᠠᠶ᠋ᠢᠳᠠᠯ ᠳᠤ ᠨᠢ ᠨᠥᠯᠦᠭᠡᠯᠡᠵᠦ ᠪᠠᠶ᠋ᠢᠳᠠᠭ ᠭᠡᠰᠡᠨ ᠰᠡᠳᠬᠢᠯ ᠵᠦᠢ ᠶᠢᠨ ᠦᠨᠳᠦᠰᠦᠯᠡᠯ ᠳᠦ ᠰᠠᠭᠤᠷᠢᠯᠠᠳᠠᠭ᠃ ᠡᠨᠡ ᠨᠢ ᠬᠢᠮᠡᠯ ᠣᠶᠤᠨ ᠳᠤ ᠲᠥᠬᠥᠭᠡᠷᠦᠮᠵᠢ ᠶᠢᠨ ᠬᠤᠪᠢ ᠳᠤ ᠬᠦᠮᠦᠨ᠂ ᠠᠳᠤᠭᠤᠰᠤ᠂ ᠪᠤᠰᠤᠳ ᠲᠥᠬᠥᠭᠡᠷᠦᠮᠵᠢ ᠨᠤᠭᠦᠳ ᠲᠦ ᠶᠠᠮᠠᠷ ᠮᠡᠳᠡᠷᠡᠮᠵᠢ᠂ ᠰᠡᠳᠬᠢᠭᠳᠡᠯ ᠲᠥᠷᠦᠵᠦ ᠪᠠᠶ᠋ᠢᠭ᠎ᠠ ᠶᠢ ᠤᠬᠠᠭᠠᠷᠠᠵᠤ᠂ ᠥᠪᠡᠷ ᠲᠡᠢ ᠪᠡᠨ ᠵᠢᠱᠢᠨ ᠡᠷᠭᠢᠴᠡᠭᠦᠯᠦᠨ ᠲᠣᠳᠣᠷᠬᠠᠶ᠋ᠢᠯᠠᠵᠤ᠂ ᠲᠡᠷᠬᠦᠦ ᠮᠡᠳᠡᠭᠡᠯᠡᠯ ᠳᠦ ᠪᠡᠨ ᠲᠦᠰᠢᠭᠯᠡᠨ ᠪᠡᠶ᠎ᠡ ᠳᠠᠭᠠᠭᠰᠠᠨ ᠰᠢᠢᠳᠪᠦᠷᠢ ᠭᠠᠷᠤᠭᠠᠨ᠎ᠠ ᠭᠡᠰᠡᠨ ᠦᠭᠡ᠃ ᠴᠤᠬᠤᠮ ᠳᠠᠭᠠᠨ ᠮᠠᠱᠢᠨ ᠨᠤᠭᠤᠳ 《ᠰᠡᠳᠬᠢᠯ》 ᠭᠡᠰᠡᠨ ᠣᠶ᠋ᠢᠯᠠᠭᠠᠯᠲᠠ᠂ ᠰᠢᠢᠳᠪᠦᠷᠢ ᠭᠠᠷᠭᠠᠬᠤ ᠦᠶ᠎ᠡ ᠶᠢᠨ ᠰᠡᠳᠬᠢᠯ ᠬᠥᠳᠡᠯᠦᠯ ᠦᠨ ᠬᠡᠯᠪᠡᠯᠵᠡᠯ᠂ ᠪᠤᠰᠤᠳ ᠰᠡᠳᠬᠢᠯ ᠵᠦᠢ ᠶᠢᠨ ᠪᠠᠷᠢᠮᠲᠠᠯᠠᠯ ᠤᠳ ᠤᠨ ᠴᠣᠭᠴᠠ ᠶᠢ ᠣᠶ᠋ᠢᠯᠠᠭᠠᠵᠤ᠂ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠬᠦᠮᠦᠨ ᠪᠠ ᠬᠢᠮᠡᠯ ᠣᠶᠤᠨ ᠤ ᠬᠣᠭᠣᠷᠣᠨᠳᠣ ᠬᠣᠶᠠᠷ ᠴᠢᠭ ᠲᠦ ᠬᠠᠷᠢᠯᠴᠠᠭ᠎ᠠ ᠶᠢ ᠪᠤᠢ ᠪᠣᠯᠭᠠᠬᠤ ᠶᠣᠰᠣᠲᠠᠢ᠃<ref name=":3" />  

=== ᠥᠪᠡᠷ ᠢ ᠪᠡᠨ ᠮᠡᠳᠡᠮᠰᠡᠷᠯᠡᠭᠴᠢ ===

ᠬᠢᠮᠡᠯ ᠣᠶᠤᠨ ᠤ ᠬᠠᠮᠤᠭ ᠤᠨ ᠳᠡᠪᠰᠢᠯᠲᠡᠲᠦ ᠲᠥᠷᠥᠯ ᠪᠣᠯ ᠥᠪᠡᠷ ᠢ ᠪᠡᠨ [[Мэдэмсэр|ᠮᠡᠳᠡᠮᠰᠡᠷᠯᠡᠭᠴᠢ]] (Self Aware) ᠬᠢᠮᠡᠯ ᠣᠶᠤᠨ ᠶᠤᠮ᠃ ᠲᠥᠬᠥᠭᠡᠷᠦᠮᠵᠢ ᠨᠤᠭᠦᠳ ᠥᠪᠡᠷᠰᠡᠳ ᠦᠨ ᠰᠡᠳᠬᠢᠯ ᠳᠣᠭᠳᠣᠯᠤᠯ ᠪᠣᠯᠤᠨ ᠣᠷᠴᠢᠨ ᠤ ᠪᠠᠨ ᠪᠣᠳᠠᠭᠠᠯᠢ ᠨᠤᠭᠤᠳ ᠤᠨ ᠰᠡᠳᠬᠢᠯ ᠬᠥᠳᠡᠯᠦᠯ ᠢ ᠮᠡᠳᠡᠷᠡᠳᠡᠭ ᠪᠣᠯᠤᠭᠰᠠᠨ ᠢᠢᠠᠷ ᠬᠦᠮᠦᠨ ᠲᠡᠢ ᠲᠥᠰ ᠲᠡᠢ ᠤᠬᠠᠮᠰᠠᠷ᠂ ᠣᠶᠤᠨ ᠤᠬᠠᠭᠠᠨ ᠲᠠᠢ ᠪᠣᠯᠤᠨ᠎ᠠ᠃ ᠡᠨᠡ ᠲᠥᠷᠥᠯ ᠦᠨ ᠬᠢᠮᠡᠯ ᠣᠶᠤᠨ ᠨᠢ ᠬᠦᠰᠡᠯ᠂ ᠬᠡᠷᠡᠭᠴᠡᠭᠡ᠂ ᠰᠡᠳᠬᠢᠯ ᠬᠥᠳᠡᠯᠦᠯ ᠲᠡᠢ ᠪᠠᠢᠢᠬᠤ ᠪᠣᠯᠤᠨ᠎ᠠ᠃

ᠡᠨᠡ ᠲᠥᠷᠥᠯ ᠦᠨ ᠬᠢᠮᠡᠯ ᠣᠶᠤᠨ ᠲᠠᠢ ᠲᠥᠬᠥᠭᠡᠷᠦᠮᠵᠢ ᠨᠢ ᠥᠪᠡᠷ ᠦᠨ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠬᠥᠳᠡᠯᠦᠯ᠂ ᠰᠡᠳᠬᠢᠴᠡ ᠶᠢᠨ ᠲᠥᠯᠥᠪ ᠪᠠᠶ᠋ᠢᠳᠠᠯ ᠢ ᠤᠬᠠᠮᠰᠠᠷᠯᠠᠳᠠᠭ ᠪᠠᠶ᠋ᠢᠬᠤ ᠪᠣᠯᠤᠨ᠎ᠠ᠃ ᠥᠪᠡᠷ ᠢ ᠪᠡᠨ ᠮᠡᠳᠡᠮᠰᠡᠷᠯᠡᠬᠦ ᠬᠢᠮᠡᠯ ᠣᠶᠤᠨ ᠨᠢ ᠪᠤᠰᠤᠳ ᠲᠥᠷᠥᠯ ᠦᠨ ᠬᠢᠮᠡᠯ ᠣᠶᠤᠨ ᠤ ᠬᠤᠪᠢ ᠳᠤ ᠪᠣᠯᠤᠮᠵᠢ ᠦᠭᠡᠢ ᠰᠡᠳᠬᠢᠯᠭᠡ ᠲᠡᠢ ᠪᠠᠶ᠋ᠢᠨ᠎ᠠ ("ᠨᠢᠭᠡ ᠡᠲᠡᠭᠡᠳ ᠮᠢᠨᠦ ᠵᠠᠮ ᠢ ᠬᠥᠨᠳᠡᠯᠢᠰᠴᠦ ᠤᠷᠳᠤᠭᠤᠷ ᠳᠠᠭᠠᠷᠢᠭᠰᠠᠨ ᠳᠤ ᠮᠢᠨᠦ ᠠᠭᠤᠷ ᠬᠦᠷᠦᠭᠡᠳ ᠪᠠᠢᠢᠨ᠎ᠠ" ᠭᠡᠬᠦ ᠮᠡᠲᠦ)᠃

ᠪᠢᠳᠡ ᠡᠶ᠋ᠢᠮᠦ ᠲᠥᠷᠥᠯ ᠦᠨ ᠪᠣᠯᠪᠠᠰᠤᠷᠠᠩᠭᠤᠢ ᠬᠢᠮᠡᠯ ᠣᠶᠤᠨ ᠢ ᠬᠠᠷᠠᠬᠠᠨ ᠬᠥᠭᠵᠢᠭᠦᠯᠦᠭᠡᠳᠦᠢ᠂ ᠲᠡᠶ᠋ᠢᠮᠦ ᠲᠦᠪᠰᠢᠨ ᠦ ᠬᠢᠮᠡᠯ ᠣᠶᠤᠨ ᠢ ᠳᠡᠮᠵᠢᠬᠦ ᠲᠧᠻᠨᠢᠭ ᠬᠠᠩᠭᠠᠮᠵᠢ᠂ ᠠᠯᠭ᠌ᠣᠷᠢᠲ᠋ᠮ ᠣᠳᠣ ᠪᠠᠷ ᠪᠦᠲᠦᠭᠡᠭᠳᠡᠭᠡᠳᠦᠢ ᠪᠠᠶ᠋ᠢᠨ᠎ᠠ᠃<ref name=":4" />

ᠲᠡᠭᠦᠨᠴᠢᠯᠡᠨ ᠬᠢᠮᠡᠯ ᠣᠶᠤᠨ ᠢ

ᠭᠡᠵᠦ ᠠᠩᠭᠢᠯᠠᠳᠠᠭ ᠪᠠᠶ᠋ᠢᠨ᠎ᠠ᠃

=== ᠨᠠᠷᠢᠨ ᠬᠢᠮᠡᠯ ᠣᠶᠤᠨ ===

ᠨᠠᠷᠢᠨ ᠬᠢᠮᠡᠯ ᠣᠶᠤᠨ ᠭᠡᠳᠡᠭ ᠦᠨ "ᠨᠠᠷᠢᠨ" ᠭᠡᠳᠡᠭ ᠨᠢ ᠢᠪᠴᠤᠤ ᠭᠡᠰᠡᠨ ᠤᠳᠬ᠎ᠠ ᠪᠠᠷ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠨ᠎ᠠ᠃ ᠥᠭᠡᠷ᠎ᠡ ᠪᠡᠷ ᠬᠡᠯᠡᠪᠡᠯ ᠲᠣᠳᠣᠷᠬᠠᠢ ᠴᠢᠭᠯᠡᠯ ᠦᠨ ᠠᠵᠢᠯ ᠡᠭᠦᠷᠭᠡ ᠶᠢ ᠯᠠ ᠭᠦᠢᠴᠡᠳᠭᠡᠨ᠎ᠡ᠃ ᠵᠣᠷᠢᠭᠤᠯᠤᠯᠲᠠ ᠪᠤᠰᠤ ᠶᠢᠨ ᠠᠵᠢᠯ ᠡᠭᠦᠷᠭᠡ ᠭᠦᠢᠴᠡᠳᠭᠡᠬᠦ ᠪᠣᠯᠤᠮᠵᠢ ᠦᠭᠡᠢ᠃ ᠲᠡᠭᠦᠨᠴᠢᠯᠡᠨ ᠰᠤᠯᠠ ᠬᠢᠮᠡᠯ (Weak Artificial Intelligence) ᠣᠶᠤᠨ ᠭᠡᠳᠡᠭ᠃

ᠮᠠᠱᠢᠨ ᠤ ᠬᠠᠷᠠᠭ᠎ᠠ᠂ ᠬᠡᠯᠡ ᠪᠢᠴᠢᠭ ᠪᠣᠯᠪᠠᠰᠤᠷᠠᠭᠤᠯᠬᠤ᠂ ᠶᠠᠷᠢᠶ᠎ᠠ ᠲᠠᠨᠢᠬᠤ᠂ ᠴᠢᠷᠠᠢ ᠲᠠᠨᠢᠬᠤ ᠨᠢ ᠪᠦᠭᠦᠳᠡ ᠨᠠᠷᠢᠨ ᠬᠢᠮᠡᠯ ᠣᠶᠤᠨ᠃

ᠥᠪᠡᠷ ᠢᠢᠡᠨ ᠵᠢᠯᠣᠭᠣᠳᠤᠯᠭᠠᠳᠤ ᠲᠡᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ ᠴᠤ ᠡᠨᠡ ᠠᠩᠭᠢᠯᠠᠯ ᠳᠤ ᠪᠠᠭᠳᠠᠨ᠎ᠠ᠃ ᠢᠯᠡᠭᠦᠦ ᠲᠣᠳᠣᠷᠬᠠᠢ ᠬᠡᠯᠡᠪᠡᠯ ᠥᠪᠡᠷ ᠢᠢᠡᠨ ᠵᠢᠯᠣᠭᠣᠳᠤᠯᠭᠠᠳᠤ ᠲᠡᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ ᠨᠢ ᠬᠡᠳᠦ ᠬᠡᠳᠦᠨ ᠨᠠᠷᠢᠨ ᠬᠢᠮᠡᠯ ᠣᠶᠤᠨ ᠤ ᠵᠣᠬᠢᠴᠠᠯᠳᠤᠨ ᠬᠠᠮᠲᠤᠷᠠᠭᠰᠠᠨ ᠠᠵᠢᠯᠯᠠᠭᠠᠨ ᠳᠤ ᠰᠠᠭᠤᠷᠢᠯᠠᠳᠠᠭ᠃<ref name=":1">Ben Dickson. What is Narrow, General and Super Artificial Intelligence. TechTalks. 2017/05/12. https᠄//bdtechtalks.com/2017/05/12/what-is-narrow-general-and-super-artificial-intelligence</ref> ᠣᠳᠣ ᠪᠠᠷ ᠬᠦᠮᠦᠨ ᠲᠥᠷᠦᠯᠬᠢᠲᠡᠨ ᠡᠨᠡ ᠲᠥᠷᠦᠯ ᠦᠨ ᠬᠢᠮᠡᠯ ᠣᠶᠤᠨ ᠪᠦᠲᠦᠭᠡᠵᠦ ᠠᠰᠢᠭᠯᠠᠵᠤ ᠪᠠᠶ᠋ᠢᠭ᠎ᠠ᠃

=== ᠶᠡᠷᠦᠩᠬᠡᠢ ᠬᠢᠮᠡᠯ ᠣᠶᠤᠨ ===

ᠶᠡᠷᠦᠩᠬᠡᠢ ᠬᠢᠮᠡᠯ ᠣᠶᠤᠨ ᠪᠠ ᠳᠡᠭᠡᠳᠦ ᠬᠢᠮᠡᠯ ᠣᠶᠤᠨ ᠢ ᠮᠥᠨ ᠬᠦᠴᠦᠲᠡᠢ ᠬᠢᠮᠡᠯ ᠣᠶᠤᠨ (Strong Artificial Intelligence)᠂ ᠭᠦᠨ ᠬᠢᠮᠡᠯ ᠣᠶᠤᠨ (Deep Artificial Intelligence) ᠭᠡᠵᠦ ᠨᠡᠷᠡᠶ᠋ᠢᠳᠳᠡᠭ᠃

ᠶᠡᠷᠦᠩᠬᠡᠢ ᠬᠢᠮᠡᠯ ᠣᠶᠤᠨ ᠨᠢ ᠬᠦᠮᠦᠨ ᠦ ᠣᠶᠤᠨ ᠤ ᠴᠢᠳᠠᠪᠤᠷᠢ ᠲᠠᠢ ᠳᠦᠢᠴᠡᠬᠦᠶ᠋ᠢᠴᠡ ᠪᠠᠶ᠋ᠢᠨ᠎ᠠ᠃ ᠡᠨᠡ ᠲᠦᠪᠰᠢᠨ ᠦ ᠬᠢᠮᠡᠯ ᠣᠶᠤᠨ ᠬᠦᠮᠦᠨ ᠦ ᠣᠶᠤᠨ ᠤᠬᠠᠭᠠᠨ᠂ ᠵᠠᠩ ᠪᠠᠶ᠋ᠢᠳᠠᠯ᠂ ᠰᠤᠷᠤᠯᠴᠠᠬᠤᠢ᠂ ᠰᠡᠳᠬᠢᠨ ᠪᠣᠳᠣᠵᠤ ᠠᠰᠠᠭᠤᠳᠠᠯ ᠰᠢᠢᠳᠪᠦᠷᠢᠯᠡᠬᠦ ᠴᠢᠳᠠᠪᠤᠷᠢ ᠶᠢ ᠲᠥᠰᠥᠭᠡᠯᠡᠨ ᠠᠭᠤᠯᠠᠭᠰᠠᠨ ᠪᠠᠶ᠋ᠢᠨ᠎ᠠ᠃ ᠲᠤᠬᠠᠢ ᠶᠢᠨ ᠣᠷᠴᠢᠨ ᠨᠥᠬᠥᠴᠡᠯ ᠳᠤ ᠬᠦᠮᠦᠨ ᠡᠴᠡ ᠢᠯᠭᠠᠰᠢ ᠦᠭᠡᠢ ᠪᠠᠶ᠋ᠢᠳᠠᠯ ᠢᠢᠠᠷ ᠰᠡᠳᠬᠢᠵᠦ᠂ ᠣᠶ᠋ᠢᠯᠠᠭᠠᠵᠤ᠂ ᠦᠢᠯᠡᠳᠦᠨ᠎ᠡ᠃<ref name=":2">Eban Escott. What are the 3 types of AI? A guide to narrow, general, and super artificial intelligence. 2017/10/24. CodeBots. https://codebots.com/artificial-intelligence/the-3-types-of-ai-is-the-third-even-possible</ref> ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠣᠳᠣ ᠪᠠᠷ ᠡᠶ᠋ᠢᠮᠦ ᠲᠦᠪᠰᠢᠨ ᠦ ᠬᠢᠮᠡᠯ ᠣᠶᠤᠨ ᠪᠦᠲᠦᠭᠡᠭᠡᠳᠦᠢ ᠪᠠᠶ᠋ᠢᠨ᠎ᠠ᠃

=== ᠳᠡᠭᠡᠳᠦ ᠬᠢᠮᠡᠯ ᠣᠶᠤᠨ ===

ᠳᠡᠭᠡᠳᠦ ᠬᠢᠮᠡᠯ ᠣᠶᠤᠨ ᠨᠢ ᠬᠦᠮᠦᠨ ᠦ ᠬᠢ ᠡᠴᠡ ᠢᠯᠡᠭᠦᠦ ᠴᠢᠳᠠᠪᠬᠢ᠂ ᠴᠢᠳᠠᠮᠵᠢ ᠲᠠᠢ ᠪᠠᠶ᠋ᠢᠨ᠎ᠠ᠃<ref name=":2" /> ᠣᠻᠰᠹᠣᠷᠳ᠋ ᠍ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠡᠷᠳᠡᠮᠲᠡᠨ᠂ ᠬᠢᠮᠡᠯ ᠣᠶᠤᠨ ᠤ ᠮᠡᠷᠭᠡᠵᠢᠯᠲᠡᠨ ᠨᠢᠻᠻ ᠪᠣᠰᠲ᠋ᠷᠣᠮ^{Nick Bostrom} ᠍ ᠤᠨ ᠬᠡᠯᠡᠭᠰᠡᠨ ᠢᠢᠡᠷ ᠬᠢᠮᠡᠯ ᠣᠶᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠡᠳᠬᠢᠯᠭᠡ᠂ ᠶᠡᠷᠦᠩᠬᠡᠢ ᠪᠢᠯᠢᠭ ᠪᠢᠯᠢᠭᠦᠨ᠂ ᠨᠡᠶ᠋ᠢᠭᠡᠮᠰᠢᠬᠦᠢ ᠶᠢᠨ ᠴᠢᠳᠠᠪᠤᠷᠢ ᠵᠡᠷᠭᠡ ᠪᠦᠬᠦ ᠰᠠᠯᠪᠤᠷᠢ ᠳᠤ ᠬᠦᠮᠦᠨ ᠦ ᠬᠠᠮᠤᠭ ᠤᠨ ᠰᠢᠯᠢᠳᠡᠭ ᠣᠶᠤᠨ ᠤᠬᠠᠭᠠᠨ ᠠᠴᠠ ᠴᠤ ᠢᠯᠡᠭᠦᠦ ᠳᠠᠪᠠᠭᠤ ᠪᠣᠯᠤᠭᠰᠠᠨ ᠦᠶ᠎ᠡ ᠳᠦ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠬᠢᠮᠡᠯ ᠳᠡᠭᠡᠳᠦ ᠣᠶᠤᠨ ᠢ ᠪᠦᠲᠦᠭᠡᠭᠰᠡᠨ ᠭᠡᠵᠦ ᠦᠵᠡᠬᠦ ᠠᠵᠤ᠃

== ᠬᠡᠷᠡᠭᠯᠡᠭᠡ ==

1. '''ᠣᠳᠣᠨ ᠣᠷᠣᠨ ᠳᠤ'''

ᠢᠷᠡᠭᠡᠳᠦᠢ ᠳᠦ ᠬᠢᠮᠡᠯ ᠣᠶᠤᠨ ᠰᠤᠷᠤᠭᠴᠢᠳ ᠲᠠᠢ ᠬᠡᠵᠢᠶ᠎ᠡ ᠴᠤ᠂ ᠬᠠᠮᠢᠭ᠎ᠠ ᠠᠴᠠ ᠴᠤ ᠬᠠᠷᠢᠴᠠᠵᠤ ᠪᠣᠯᠳᠠᠭ ᠬᠤᠪᠢ  ᠢᠢᠨ ᠸᠢᠷᠲ᠋ᠦᠠᠯ ᠰᠤᠷᠭᠠᠭᠴᠢ ᠪᠠᠷ ᠠᠵᠢᠯᠯᠠᠬᠤ ᠪᠣᠯᠤᠮᠵᠢ ᠲᠠᠢ᠃<ref>Application of AI. Javapoint. ᠬᠠᠨᠳᠤᠭᠰᠠᠨ 2022/03/31. https://www.javatpoint.com/application-of-ai</ref>

==ᠨᠡᠷ ‍ᠡ᠋ ᠲᠣᠮᠢᠶᠠᠯᠠᠯ==

ᠬᠢᠮᠡᠯ ᠣᠶᠤᠨ - artificial intelligence - искусственный интеллект

ᠳᠦᠷᠰᠦ ᠲᠠᠨᠢᠬᠤ - facial recognition - распознавание  лиц

<br><br>

==ᠡᠬᠢ ᠰᠤᠷᠪᠤᠯᠵᠢ==

<div style="writing-mode: horizontal-tb; "><References/>

[[Ангилал:ᠲᠧᠻᠨᠣᠯᠣᠭᠢ]]