"ᠬᠢᠮᠡᠯ ᠣᠶᠤᠨ"-ны өөр хувилбарууд

Wikibilig-с
VisualWikitext
(Layout)
б (Spelling)
191-р мөр: 191-р мөр:
ᠬᠢᠮᠡᠯ ᠣᠶᠤᠨ ᠦᠨᠡᠯᠡᠭᠡ ᠶᠢ ᠠᠦ᠋ᠲ᠋ᠣᠮᠠᠲ᠋ᠵᠢᠭᠤᠯᠵᠤ᠂ ᠪᠠᠭᠰᠢ ᠳᠤ ᠬᠢᠴᠢᠶᠡᠯ ᠢᠢᠡᠨ ᠵᠢᠭᠠᠬᠤ ᠳᠤ ᠡᠷᠴᠢ ᠬᠦᠴᠦ᠂ ᠴᠠᠭ ᠬᠤᠭᠤᠴᠠᠭ᠎ᠠ ᠪᠠᠨ ᠵᠠᠷᠤᠴᠠᠭᠤᠯᠬᠤ ᠪᠣᠯᠤᠮᠵᠢ ᠣᠯᠭᠤᠵᠤ ᠪᠣᠯᠤᠨ᠎ᠠ᠃ ᠬᠢᠮᠡᠯ ᠣᠶᠤᠨ ᠪᠦᠬᠦᠢ ᠴᠠᠲ᠋ᠪᠣᠲ ᠰᠤᠷᠤᠯᠴᠠᠭᠴᠢᠳ ᠲᠠᠢ ᠰᠤᠷᠭᠠᠯᠲᠠ ᠶᠢᠨ ᠲᠤᠰᠠᠯᠠᠭᠴᠢ ᠶᠢᠨ ᠡᠭᠦᠷᠭᠡ ᠪᠡᠷ ᠬᠠᠷᠢᠯᠴᠠᠬᠤ ᠪᠣᠯᠤᠮᠵᠢ ᠲᠠᠢ᠃
ᠬᠢᠮᠡᠯ ᠣᠶᠤᠨ ᠦᠨᠡᠯᠡᠭᠡ ᠶᠢ ᠠᠦ᠋ᠲ᠋ᠣᠮᠠᠲ᠋ᠵᠢᠭᠤᠯᠵᠤ᠂ ᠪᠠᠭᠰᠢ ᠳᠤ ᠬᠢᠴᠢᠶᠡᠯ ᠢᠢᠡᠨ ᠵᠢᠭᠠᠬᠤ ᠳᠤ ᠡᠷᠴᠢ ᠬᠦᠴᠦ᠂ ᠴᠠᠭ ᠬᠤᠭᠤᠴᠠᠭ᠎ᠠ ᠪᠠᠨ ᠵᠠᠷᠤᠴᠠᠭᠤᠯᠬᠤ ᠪᠣᠯᠤᠮᠵᠢ ᠣᠯᠭᠤᠵᠤ ᠪᠣᠯᠤᠨ᠎ᠠ᠃ ᠬᠢᠮᠡᠯ ᠣᠶᠤᠨ ᠪᠦᠬᠦᠢ ᠴᠠᠲ᠋ᠪᠣᠲ ᠰᠤᠷᠤᠯᠴᠠᠭᠴᠢᠳ ᠲᠠᠢ ᠰᠤᠷᠭᠠᠯᠲᠠ ᠶᠢᠨ ᠲᠤᠰᠠᠯᠠᠭᠴᠢ ᠶᠢᠨ ᠡᠭᠦᠷᠭᠡ ᠪᠡᠷ ᠬᠠᠷᠢᠯᠴᠠᠬᠤ ᠪᠣᠯᠤᠮᠵᠢ ᠲᠠᠢ᠃


ᠢᠷᠡᠭᠡᠳᠦᠢ ᠳᠦ ᠬᠢᠮᠡᠯ ᠣᠶᠤᠨ ᠰᠤᠷᠤᠭᠴᠢᠳ ᠲᠠᠢ ᠬᠡᠵᠢᠶ᠎ᠡ ᠴᠤ᠂ ᠬᠠᠮᠢᠭ᠎ᠠ ᠠᠴᠠ ᠴᠤ ᠬᠠᠷᠢᠴᠠᠵᠤ ᠪᠣᠯᠳᠠᠭ ᠬᠤᠪᠢ  ᠢᠢᠨ ᠸᠢᠷᠲ᠋ᠦᠠᠯ ᠰᠤᠷᠭᠠᠭᠴᠢ ᠪᠠᠷ ᠠᠵᠢᠯᠯᠠᠬᠤ ᠪᠣᠯᠤᠮᠵᠢ ᠲᠠᠢ᠃<ref>Application of AI. Javapoint. ᠬᠠᠨᠳᠤᠭᠰᠠᠨ 2022/03/31. https://www.javatpoint.com/application-of-ai</ref>
ᠢᠷᠡᠭᠡᠳᠦᠢ ᠳᠦ ᠬᠢᠮᠡᠯ ᠣᠶᠤᠨ ᠰᠤᠷᠤᠭᠴᠢᠳ ᠲᠠᠢ ᠬᠡᠵᠢᠶ᠎ᠡ ᠴᠤ᠂ ᠬᠠᠮᠢᠭ᠎ᠠ ᠠᠴᠠ ᠴᠤ ᠬᠠᠷᠢᠴᠠᠵᠤ ᠪᠣᠯᠳᠠᠭ ᠬᠤᠪᠢ  ᠢᠢᠨ ᠸᠢᠷᠲ᠋ᠦᠠᠯ ᠰᠤᠷᠭᠠᠭᠴᠢ ᠪᠠᠷ ᠠᠵᠢᠯᠯᠠᠬᠤ ᠪᠣᠯᠤᠮᠵᠢ ᠲᠠᠢ᠃<ref>Application of AI. Java T Point. ᠬᠠᠨᠳᠤᠭᠰᠠᠨ 2022/03/31. https://www.javatpoint.com/application-of-ai</ref>
<br>
<br>
<br>
<br>

22:33, 31 Гуравдугаар сар 2022-ий байдлаарх засвар

ᠬᠢᠮᠡᠯ ᠣᠶᠤᠨ (AI) ᠭᠡᠳᠡᠭ ᠢᠨᠦ ᠬᠦᠮᠦᠨ ᠦ ᠣᠶᠤᠨ ᠤᠬᠠᠭᠠᠨ ᠤ ᠦᠢᠯᠡ ᠶᠠᠪᠤᠴᠠ ᠶᠢ ᠮᠠᠱᠢᠨ᠂ ᠢᠯᠠᠩᠭᠤᠶ᠎ᠠ ᠻᠣᠮᠫᠢᠶᠦ᠋ᠲ᠋ᠧᠷ ᠦᠨcomputer ᠰᠢᠰᠲ᠋ᠧᠮ ᠢᠢᠡᠷ ᠵᠠᠭᠪᠤᠷᠴᠢᠯᠠᠨ ᠭᠦᠢᠴᠡᠳᠬᠠᠭᠦᠯᠬᠦ ᠠᠵᠢᠯᠯᠠᠭ᠎ᠠ ᠶᠤᠮ᠃ ᠬᠢᠮᠡᠯ ᠣᠶᠤᠨ ‍ᠦ ᠬᠡᠷᠡᠭᠯᠡᠭᠡᠨ ᠳᠦ ᠮᠡᠷᠭᠡᠵᠢᠯ ᠦᠨ ᠰᠢᠰᠲ᠋ᠧᠮ᠂ ᠬᠡᠯᠡ ᠶᠠᠷᠢᠶ᠎ᠠ ᠪᠣᠯᠤᠨ ᠪᠢᠴᠢᠭ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ᠂ ᠶᠠᠷᠢᠶ᠎ᠠ ᠲᠠᠨᠢᠬᠤ᠂ ᠮᠠᠱᠢᠨ ᠤ ᠬᠠᠷᠠᠭ᠎ᠠ ᠵᠡᠷᠭᠡ ᠣᠷᠣᠨ᠎ᠠ᠃[1]
ᠬᠢᠮᠡᠯ ᠣᠶᠤᠨ ᠨᠢ ᠮᠥᠨ ᠬᠦᠮᠦᠨ ᠦ ᠣᠶᠤᠨ ᠤᠬᠠᠭᠠᠨ ᠱᠠᠭᠠᠷᠳᠠᠳᠠᠭ ᠠᠵᠢᠯ ᠡᠭᠦᠷᠭᠡ ᠭᠦᠢᠴᠡᠳᠭᠡᠬᠦ ᠴᠢᠳᠠᠪᠤᠷᠢ ᠲᠠᠢ ᠤᠬᠠᠭᠠᠯᠢᠭ ᠮᠠᠱᠢᠨ ᠪᠦᠲᠦᠭᠡᠬᠦ ᠳᠦ ᠴᠢᠭᠯᠡᠭᠰᠡᠨ ᠻᠣᠮᠫᠢᠶᠦ᠋ᠲ᠋ᠧᠷ ᠦᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠠᠯᠪᠤᠷᠢ ᠶᠤᠮ᠃[2] ᠬᠢᠮᠡᠯ ᠣᠶᠤᠨ ᠨᠢ ᠻᠣᠮᠫᠢᠶᠦ᠋ᠲ᠋ᠧᠷ᠂ ᠮᠠᠱᠢᠨ ᠢ ᠠᠰᠠᠭᠤᠳᠠᠯ ᠰᠢᠢᠳᠪᠦᠷᠢᠯᠡᠬᠦ᠂ ᠰᠢᠢᠳᠪᠦᠷᠢ ᠭᠠᠷᠭᠠᠬᠤ ᠬᠦᠮᠦᠨ ᠦ ᠣᠶᠤᠨ ᠤᠬᠠᠭᠠᠨ ᠤ ᠴᠢᠳᠠᠪᠤᠷᠢ ᠶᠢ ᠳᠠᠭᠤᠷᠢᠶᠠᠯᠭᠠᠨ ᠠᠵᠢᠯᠯᠠᠭᠤᠯᠬᠤ ᠦᠢᠯᠡ ᠶᠠᠪᠤᠴᠠ ᠶᠤᠮ᠃ ᠲᠡᠢᠢᠮᠦ ᠡᠴᠡ ᠬᠢᠮᠡᠯ ᠣᠶᠤᠨ ‍ᠤ ᠰᠠᠯᠪᠤᠷᠢ ᠪᠣᠯ ᠤᠬᠠᠭᠠᠯᠢᠭ ᠮᠠᠱᠢᠨ᠂ ᠢᠯᠠᠩᠭᠤᠶ᠎ᠠ ᠤᠬᠠᠭᠠᠯᠢᠭ ᠻᠣᠮᠫᠢᠶᠦ᠋ᠲ᠋ᠧᠷ ᠦᠨ ᠫᠷᠣᠭ᠌ᠷᠠᠮprogram ᠪᠦᠲᠦᠭᠡᠬᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠢᠨ᠍ᠵᠧᠨᠧᠷᠴᠢᠯᠡᠯengineering ᠶᠤᠮ᠃ ᠻᠣᠮᠫᠢᠶᠦ᠋ᠲ᠋ᠧᠷ ᠠᠰᠢᠭᠯᠠᠨ ᠬᠦᠮᠦᠨ ᠦ ᠣᠶᠤᠨ ᠤᠬᠠᠭᠠᠨ ᠢ ᠤᠶ᠋ᠢᠯᠠᠭᠠᠬᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠲᠠᠢ ᠬᠢᠮᠡᠯ ᠣᠶᠤᠨ ᠬᠠᠮᠢᠶᠠᠷᠤᠯ ᠲᠠᠢ ᠪᠣᠯᠪᠠᠴᠤ ᠪᠢᠣᠯᠣᠭᠢ ᠶᠢᠨbiology ᠠᠷᠭ᠎ᠠ ᠨᠤᠭᠤᠳ ‍ᠢ ᠵᠠᠭᠪᠤᠷᠴᠢᠯᠠᠨ ᠠᠰᠢᠭᠯᠠᠬᠤ ᠪᠠᠷ ᠬᠢᠵᠠᠭᠠᠷᠯᠠᠭᠳᠠᠬᠤ ᠠᠯᠪᠠ ᠦᠭᠡᠢ ᠪᠢᠯᠡ᠃[3]
ᠪᠠᠶ᠋ᠢᠭᠠᠯᠢ ᠢᠢᠨ ᠣᠶᠤᠨ ᠬᠦᠮᠦᠨ ᠬᠢᠭᠡᠳ ᠪᠤᠰᠤᠳ ᠠᠮᠢᠲᠠᠳ ᠲᠤ ᠢᠯᠡᠷᠡᠳᠡᠭ ᠪᠣᠯ ᠬᠢᠮᠡᠯ ᠣᠶᠤᠨ ᠨᠢ ᠮᠠᠱᠢᠨ ᠨᠤᠭᠤᠳ ᠤᠨ ᠠᠵᠢᠯᠯᠠᠭᠠᠨ ‍ᠳᠤ ᠲᠤᠰᠬᠠᠯ ‍ᠢᠢᠨ ᠣᠯᠳᠠᠭ᠃


ᠬᠢᠮᠡᠯ ᠣᠶᠤᠨ ‍ᠤ ᠤᠷᠢᠳᠠᠴᠢ ᠨᠥᠬᠦᠴᠡᠯ


Файл:Biological-neural-networks.jpg
align: top
 ᠮᠡᠳᠡᠷᠡᠯ ‍ᠦᠨ ᠰᠦᠯᠵᠢᠶ ‍ᠡ᠋ ‍ᠢᠢ ᠵᠠᠭᠪᠤᠷᠴᠢᠯᠠᠭᠰᠠᠨ ᠵᠢᠷᠤᠭ


ᠲᠣᠭᠠᠴᠠᠭᠠᠯᠠᠨ ᠪᠣᠳᠣᠬᠤ ᠬᠦᠴᠦᠨ ᠴᠢᠳᠠᠯ ᠡᠷᠡᠰ ᠨᠡᠮᠡᠭᠳᠡᠭᠰᠡᠨ᠃
ᠲᠧᠻᠨᠣᠯᠣᠭᠢ ᠶᠢᠨ ᠶᠢᠷᠲᠢᠨᠴᠦ ᠳᠦ ᠻᠣᠮᠫᠠᠨᠢ ᠨᠤᠭᠤᠳ ᠬᠢᠮᠡᠯ ᠣᠶᠤᠨ ᠤ ᠫᠷᠣᠭ᠌ᠷᠠᠮ ᠬᠠᠩᠭᠠᠮᠵᠢ ᠶᠢᠨ ᠬᠥᠭᠵᠢᠯ ᠦᠨ ᠬᠤᠷᠳᠤᠴᠠ ᠲᠠᠢ ᠨᠡᠶ᠋ᠢᠴᠡᠭᠰᠡᠨ ᠲᠣᠭᠠᠴᠠᠭᠠᠯᠠᠯ ᠤᠨ ᠵᠠᠭᠪᠤᠷ ᠪᠦᠲᠦᠭᠡᠬᠦ ᠪᠡᠷ ᠰᠢᠷᠭᠠᠭᠤ ᠠᠵᠢᠯᠯᠠᠵᠤ ᠪᠠᠶ᠋ᠢᠨ᠎ᠠ᠃ Google ᠻᠣᠮᠫᠠᠨᠢ GPU (ᠭᠷᠠᠹᠢᠻgraphic ᠪᠣᠯᠪᠠᠰᠤᠷᠠᠭᠤᠯᠬᠤ ᠨᠢᠭᠡᠴᠡ) ᠍ ᠡᠴᠡ 15 ᠳᠠᠬᠢᠨ ᠬᠤᠷᠳᠤᠨ ᠭᠡᠭᠳᠡᠬᠦ TPU (tensor ᠪᠣᠯᠪᠠᠰᠤᠷᠠᠭᠤᠯᠬᠤ ᠨᠢᠭᠡᠴᠡ) ‍ᠢ ᠭᠠᠷᠭᠠᠯ᠎ᠠ᠃

IBM ᠻᠣᠮᠫᠠᠨᠢ Watson ᠬᠡᠮᠡᠬᠦ ᠰᠦᠫᠧᠷᠻᠣᠮᠫᠢᠶᠦ᠋ᠲ᠋ᠧᠷ ᠢᠢᠡᠨsupercomputer ᠳᠡᠮᠵᠢᠬᠦ ᠻᠸᠠᠨ᠍ᠲ ᠲᠣᠭᠠᠴᠠᠭᠠᠯᠠᠬᠤ ᠰᠢᠰᠲ᠋ᠧᠮ ᠬᠥᠭᠵᠢᠭᠦᠯᠦᠨ ᠠᠵᠢᠯᠯᠠᠵᠤ ᠪᠠᠶ᠋ᠢᠨ᠎ᠠ᠃ ᠮᠥᠨ ᠡᠭᠦᠯᠡᠨ ᠬᠠᠳᠠᠭᠠᠯᠠᠬᠤ ᠰᠠᠩ ᠬᠥᠭᠵᠢᠵᠦ᠂ ᠻᠣᠮᠫᠢᠶᠦ᠋ᠲ᠋ᠧᠷ ᠦᠨ ᠬᠦᠴᠦ ᠴᠢᠳᠠᠯ ᠡᠷᠡᠰ ᠨᠡᠮᠡᠭᠳᠡᠭᠰᠡᠨ᠃ ᠡᠳᠡᠭᠡᠷ ᠤᠬᠠᠭᠠᠯᠢᠭ ᠲᠥᠬᠥᠭᠡᠷᠦᠮᠵᠢ ᠪᠣᠯᠤᠨ ᠫᠷᠣᠭ᠌ᠷᠠᠮ ᠤᠳ ᠡᠭᠦᠯᠡᠨ ᠳᠦ ᠬᠣᠯᠪᠣᠭᠳᠣᠰᠣᠨ ᠢᠢᠠᠷ ᠨᠡᠩ ᠶᠡᠬᠡ ᠬᠡᠮᠵᠢᠶᠡᠨ ᠦ ᠥᠭᠭᠥᠭᠳᠡᠯ ᠬᠠᠳᠠᠭᠠᠯᠠᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠬᠠᠷᠢᠯᠴᠠᠨ ᠬᠣᠯᠪᠣᠭᠳᠠᠵᠤ᠂ ᠬᠠᠷᠢᠯᠴᠠᠨ ᠰᠤᠷᠤᠯᠴᠠᠬᠤ ᠪᠣᠯᠤᠮᠵᠢ ᠪᠥᠷᠢᠳᠴᠦ ᠪᠠᠶ᠋ᠢᠨ᠎ᠠ᠃
ᠲᠣᠭᠠᠨ (digital) ᠥᠭᠭᠥᠭᠳᠡᠯ ᠡᠻᠰᠫᠣᠨᠧᠨᠼᠢᠶᠠᠯexponential ᠬᠤᠷᠳᠤ ᠪᠠᠷ ᠥᠷᠭᠡᠵᠢᠵᠦ ᠪᠠᠶ᠋ᠢᠨ᠎ᠠ᠃
ᠡᠨᠡ ᠪᠣᠯ ᠶᠡᠬᠡ ᠥᠭᠭᠦᠭᠳᠡᠯ ᠶᠤᠮ᠃ ᠡᠳᠦᠷ ᠪᠦᠷᠢ ᠰᠢᠨ᠎ᠡ ᠠᠫᠫᠯᠢᠻᠧᠢᠢᠱᠨapplication᠂ ᠫᠷᠣᠼᠧᠰᠰ ᠤᠳprocess ᠪᠤᠢ ᠪᠣᠯᠵᠤ ᠪᠠᠶ᠋ᠢᠭ᠎ᠠ ᠲᠠᠢ ᠤᠶᠠᠯᠳᠤᠨ ᠥᠭᠭᠥᠭᠳᠡᠯ ᠳᠠᠮᠵᠢᠭᠤᠯᠬᠤ ᠮᠡᠳᠡᠷᠡᠭᠴᠢ᠂ ᠰᠢᠰᠲ᠋ᠧᠮ᠂ ᠲᠥᠬᠥᠭᠡᠷᠦᠮᠵᠢ ᠤᠯᠠᠮ ᠪᠦᠷ ᠣᠯᠠᠨ ᠪᠣᠯᠵᠤ ᠪᠠᠶ᠋ᠢᠨ᠎ᠠ᠃ ᠡᠨᠡᠬᠦ ᠶᠡᠬᠡ ᠥᠭᠭᠥᠭᠳᠡᠯ ᠦᠨ ᠶᠡᠬᠡᠩᠬᠢ ᠨᠢ ᠭᠡᠷᠡᠯ ᠵᠢᠷᠤᠭ ᠪᠦᠷᠢᠳᠦᠭᠦᠯᠦᠭᠴᠢ ᠲᠣᠭᠠᠨ ᠥᠭᠭᠥᠭᠳᠡᠯ ᠭᠡᠬᠦᠴᠢᠯᠡᠨ ᠪᠦᠲᠦᠴᠡ ᠦᠭᠡᠢ ᠬᠡᠯᠪᠡᠷᠢ ᠪᠡᠷ ᠪᠠᠶ᠋ᠢᠳᠠᠭ ᠠᠭᠠᠳ ᠴᠡᠭᠴᠡᠯᠡᠬᠦ᠂ ᠳ᠋ᠦᠩ ᠰᠢᠨᠵᠢᠯᠡᠭᠡ ᠬᠢᠬᠦ ᠳᠦ ᠨᠡᠩ ᠶᠠᠷᠪᠢᠭᠲᠠᠢ ᠪᠠᠶ᠋ᠢᠳᠠᠭ᠃

ᠠᠯᠭ᠌ᠣᠷᠢᠲ᠋ᠮ ᠤᠳ ᠲᠡᠭᠦᠯᠳᠡᠷᠵᠢᠭᠰᠡᠨ᠃

ᠤᠷᠢᠳᠤ ᠡᠮᠦᠨ᠎ᠡ ᠰᠠᠭᠤᠷᠢ ᠲᠦᠪᠰᠢᠨ ᠦ ᠠᠯᠭ᠌ᠣᠷᠢᠲ᠋ᠮ ᠤᠳ ᠨᠢ ᠻᠣᠮᠫᠢᠶᠦ᠋ᠲ᠋ᠧᠷ ᠲᠦ ᠬᠢᠬᠦ ᠦᠢᠯᠡᠳᠦᠯ ᠲᠤᠰ ᠪᠦᠷᠢ ᠶᠢ ᠠᠯᠬᠤᠮ ᠠᠯᠬᠤᠮ ᠢᠢᠠᠷ ᠵᠢᠭᠠᠵᠤ ᠥᠭᠳᠡᠭ ᠪᠠᠶ᠋ᠢᠪᠠ᠃ ᠡᠳᠦᠭᠡ ᠠᠯᠭ᠌ᠣᠷᠢᠲ᠋ᠮ ᠤᠳ ᠮᠠᠰᠢ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠵᠤ ᠮᠠᠱᠢᠨ ᠰᠤᠷᠤᠯᠴᠠᠬᠤᠢ᠂ ᠻᠣᠮᠫᠢᠶᠦ᠋ᠲ᠋ᠧᠷ ᠪᠡᠶ᠎ᠡ ᠳᠠᠭᠠᠭᠠᠨ ᠰᠤᠷᠤᠯᠴᠠᠬᠤ ᠪᠣᠯᠤᠮᠵᠢ ᠶᠢ ᠪᠦᠷᠢᠳᠦᠭᠦᠯᠦᠭᠰᠡᠨ᠃ ᠡᠮᠦᠨ᠎ᠡ ᠨᠢ ᠮᠠᠱᠢᠨ ᠰᠤᠷᠤᠯᠴᠠᠬᠤ ᠠᠯᠭ᠌ᠣᠷᠢᠲ᠋ᠮ ᠪᠦᠲᠦᠭᠡᠬᠦ ᠪᠠᠶ᠋ᠢᠲᠤᠭᠠᠢ ᠮᠠᠱᠢᠨ ᠰᠤᠷᠤᠯᠴᠠᠬᠤᠢ ᠳᠤ ᠬᠡᠷᠡᠭᠯᠡᠭᠳᠡᠬᠦ ᠬᠠᠩᠭᠠᠯᠲᠠ ᠲᠠᠢ ᠬᠡᠮᠵᠢᠶᠡᠨ ᠦ ᠥᠭᠭᠥᠭᠳᠡᠯ ᠪᠠᠶ᠋ᠢᠭᠠᠳᠦᠢ᠃[4]
ᠮᠠᠱᠢᠨ ᠰᠤᠷᠤᠯᠴᠠᠬᠤᠢ᠂ ᠭᠦᠨ ᠰᠤᠷᠤᠯᠴᠠᠬᠤᠢ ᠶᠢᠨ ᠠᠬᠢᠴᠠ ᠳᠡᠪᠰᠢᠯ ᠲᠧᠻᠨᠣᠯᠣᠭᠢ ᠶᠢᠨ ᠰᠠᠯᠪᠤᠷᠢ ᠪᠦᠷᠢ ᠳᠦ ᠫᠠᠷᠠᠳ᠋ᠢᠭ᠌ᠮ ᠤᠨ ᠰᠢᠯᠵᠢᠯᠲᠡ ᠠᠪᠴᠢᠷᠠᠵᠤ ᠪᠠᠶ᠋ᠢᠨ᠎ᠠ᠃[2]
ᠮᠠᠱᠢᠨ ᠰᠤᠷᠤᠯᠴᠠᠬᠤᠢ (machine learning) ᠨᠢ ᠬᠢᠮᠡᠯ ᠣᠶᠤᠨ ᠤ ᠠᠷᠭ᠎ᠠ ᠤᠳ ᠤᠨ ᠨᠢᠭᠡᠨ ᠠᠢ ᠶᠤᠮ᠃ ᠡᠨᠡ ᠠᠷᠭ᠎ᠠ ᠨᠢ ᠠᠰᠠᠭᠤᠳᠠᠯ ᠢ ᠰᠢᠭᠤᠳ ᠰᠢᠢᠳᠪᠦᠷᠢᠯᠡᠬᠦ᠂ ᠪᠣᠳᠣᠯᠭ᠎ᠠ ᠶᠢ ᠰᠢᠭᠤᠳ ᠪᠣᠳᠣᠬᠤ ᠪᠢᠰᠢ᠂ ᠬᠠᠷᠢᠨ ᠲᠥᠰᠲᠡᠢ ᠣᠯᠠᠨ ᠪᠣᠳᠣᠯᠭ᠎ᠠ᠂ ᠠᠰᠠᠭᠤᠳᠠᠯ ᠤᠨ ᠰᠢᠢᠳᠦᠯ ᠦᠳ ᠢ ᠲᠦᠰᠢᠭᠯᠡᠨ ᠰᠤᠷᠤᠯᠴᠠᠬᠤ ᠳᠤ ᠣᠷᠣᠰᠢᠨ᠎ᠠ᠃ ᠡᠶ᠋ᠢᠮᠦ ᠠᠷᠭ᠎ᠠ ᠨᠤᠭᠤᠳ ᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠳᠤ ᠪᠠᠨ ᠮᠠᠲ᠋ᠾᠧᠮᠠᠲ᠋ᠢᠻ ᠰᠲ᠋ᠠᠲ᠋ᠢᠰᠲ᠋ᠢᠻ ᠤᠨstatistics ᠠᠷᠭ᠎ᠠ ᠨᠤᠭᠤᠳ᠂ ᠲᠣᠭᠠᠨ ᠤ ᠪᠣᠯᠤᠨ ᠮᠠᠲ᠋ᠾᠧᠮᠠᠲ᠋ᠢᠻ ᠠᠨᠠᠯᠢᠽ ᠶᠢᠨanalysis ᠠᠷᠭ᠎ᠠ ᠨᠤᠭᠤᠳ᠂ ᠣᠨᠣᠪᠴᠢᠯᠠᠯ ᠤᠨ ᠠᠷᠭ᠎ᠠ ᠨᠤᠭᠤᠳ᠂ ᠮᠠᠭᠠᠳᠯᠠᠯ ᠤᠨ ᠣᠨᠣᠯ᠂ ᠭᠷᠠᠹ ᠤᠳ ᠤᠨ ᠣᠨᠣᠯ᠂ ᠲᠣᠭᠠᠨ (digital) ᠬᠡᠯᠪᠡᠷᠢ ᠲᠡᠢ ᠥᠭᠭᠥᠭᠳᠡᠯ ᠲᠡᠢ ᠠᠵᠢᠯᠯᠠᠬᠤ ᠶᠠᠩᠵᠤ ᠪᠦᠷᠢ ᠶᠢᠨ ᠠᠷᠭᠠᠴᠢᠯᠠᠯ ᠢ ᠠᠰᠢᠭᠯᠠᠳᠠᠭ᠃
ᠭᠦᠨ ᠰᠤᠷᠤᠯᠴᠠᠬᠤᠢ (deep learning) ᠨᠢ ᠮᠠᠱᠢᠨ ᠰᠤᠷᠤᠯᠴᠠᠬᠤᠢ ᠶᠢᠨ ᠠᠷᠭ᠎ᠠ ᠤᠳ ᠤᠨ ᠴᠣᠭᠴᠠ ᠪᠥᠭᠡᠳ ᠲᠣᠳᠣᠷᠬᠠᠢ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠠᠯᠭ᠌ᠣᠷᠢᠲ᠋ᠮ ᠤᠳ ᠲᠤ ᠪᠤᠰᠤ ᠬᠠᠷᠢᠨ ᠲᠥᠯᠦᠭᠡᠯᠡᠭᠦᠯᠦᠨ ᠲᠥᠰᠥᠭᠡᠯᠡᠬᠦ ᠳᠦ ᠰᠤᠷᠤᠯᠴᠠᠬᠤ ᠳᠤ ᠲᠦᠰᠢᠭᠯᠡᠳᠡᠭ᠃ ᠰᠤᠷᠤᠯᠴᠠᠬᠤ ᠶᠠᠪᠤᠴᠠ ᠨᠢ ᠪᠠᠭᠰᠢ ᠲᠠᠢ᠂ ᠵᠠᠷᠢᠮ ᠬᠡᠰᠡᠭ ᠲᠦ ᠪᠡᠨ ᠪᠠᠭᠰᠢ ᠲᠠᠢ᠂ ᠪᠠᠭᠰᠢ ᠦᠭᠡᠢ᠂ ᠮᠥᠨ ᠪᠠᠲᠤᠳᠬᠠᠬᠤ ᠠᠵᠢᠯᠯᠠᠭ᠎ᠠ ᠲᠠᠢ ᠶᠠᠪᠤᠭᠳᠠᠵᠤ ᠪᠣᠯᠤᠨ᠎ᠠ᠃ ᠭᠦᠨ ᠰᠤᠷᠤᠯᠴᠠᠬᠤᠢ ᠨᠢ ᠮᠡᠳᠡᠷᠡᠯ ᠦᠨ ᠵᠢᠶᠡᠨ ᠳᠦ ᠰᠠᠭᠤᠷᠢᠯᠠᠳᠠᠭ᠃
ᠮᠡᠳᠡᠷᠡᠯ ᠦᠨ ᠰᠦᠯᠵᠢᠶ᠎ᠡ (neural network) ᠨᠢ ᠪᠢᠣᠯᠣᠭᠢ ᠶᠢᠨ ᠮᠡᠳᠡᠷᠡᠯ ᠦᠨ ᠰᠦᠯᠵᠢᠶ᠎ᠡ᠃ ᠬᠢᠮᠡᠯ ᠮᠡᠳᠡᠷᠡᠯ ᠦᠨ ᠰᠦᠯᠵᠢᠶ᠎ᠡ ᠨᠢ ᠬᠢᠮᠡᠯ ᠮᠡᠳᠡᠷᠡᠯ ᠨᠧᠦᠷᠣᠨneuron᠂ ᠵᠠᠩᠭᠢᠯᠠᠭ᠎ᠠ ᠨᠤᠭᠤᠳ ᠠᠴᠠ ᠪᠥᠷᠢᠳᠦᠨ᠎ᠡ᠃[5] ᠮᠡᠳᠡᠷᠡᠯ ᠦᠨ ᠰᠦᠯᠵᠢᠶ᠎ᠡ ᠬᠦᠮᠦᠨ᠂ ᠠᠮᠢᠲᠠᠨ ᠤ ᠲᠠᠷᠢᠬᠢᠨ ᠤ ᠪᠦᠲᠦᠴᠡ ᠪᠣᠯᠬᠤ ᠪᠢᠣᠯᠣᠭᠢ ᠶᠢᠨ ᠮᠡᠳᠡᠷᠡᠯ ᠦᠨ ᠰᠦᠯᠶᠡᠨ ᠦ ᠵᠠᠷᠴᠢᠮ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠲᠣᠭᠠᠴᠠᠭᠠᠯᠠᠯ ᠤᠨ ᠰᠢᠰᠲ᠋ᠧᠮ ᠶᠤᠮ᠃ ᠡᠶ᠋ᠢᠮᠦ ᠰᠢᠰᠲ᠋ᠧᠮ ᠲᠣᠳᠣᠷᠬᠠᠢ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠫᠷᠣᠭ᠌ᠷᠠᠮᠴᠢᠯᠠᠯ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠡᠷ ᠠᠯᠢᠪᠠ ᠠᠵᠢᠯ ᠡᠭᠦᠷᠭᠡ ᠶᠢ ᠭᠦᠢᠴᠡᠳᠭᠡᠬᠦ ᠳᠦ ᠰᠤᠷᠤᠯᠴᠠᠳᠠᠭ᠃ ᠬᠢᠮᠡᠯ ᠣᠶᠤᠨ ᠳᠤ ᠲᠤᠰᠬᠠᠶ᠋ᠢᠯᠠᠨ ᠵᠣᠷᠢᠭᠤᠯᠤᠭᠳᠠᠭᠰᠠᠨ Lisp᠂ Prolog᠂ TensorFlow ᠭᠡᠬᠦ ᠵᠡᠷᠭᠡ ᠮᠠᠰᠢ ᠣᠯᠠᠨ ᠫᠷᠣᠭ᠌ᠷᠠᠮᠴᠢᠯᠠᠯ ᠤᠨ ᠬᠡᠯᠡ ᠪᠦᠲᠦᠭᠡᠭᠳᠡᠭᠰᠡᠨ᠃ ᠬᠢᠮᠡᠯ ᠣᠶᠤᠨ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠲᠧᠻᠨᠢᠭ ᠬᠠᠩᠭᠠᠮᠵᠢ ᠠᠴᠠ ᠬᠢᠮᠡᠯ ᠣᠶᠤᠨ ᠬᠤᠷᠳᠤᠰᠬᠠᠭᠤᠷ (AI accelerator)᠂ ᠮᠡᠳᠡᠷᠡᠯ ᠦᠨ ᠪᠦᠲᠦᠴᠡ ᠲᠡᠢ ᠲᠣᠭᠠᠴᠠᠭᠠᠯᠠᠯ (neuromorphic computing) ᠵᠡᠷᠭᠡ ᠶᠢ ᠳᠤᠷᠠᠳᠴᠤ ᠪᠣᠯᠤᠨ᠎ᠠ᠃

ᠠᠵᠢᠯᠯᠠᠭ᠎ᠠ


align: top
 ᠭᠦᠨ ᠰᠤᠷᠤᠯᠴᠠᠬᠤᠢ ‍ᠳᠤ ᠳᠦᠷᠰᠦ ‍ᠢᠢ ᠬᠡᠶ᠋ᠢᠰᠪᠦᠷᠢᠯᠡᠯ ‍ᠦᠨ ᠣᠯᠠᠨᠯᠢᠭ ᠳᠠᠪᠬᠤᠷᠭ᠎ᠠ ᠳ᠋ᠤ ᠲᠥᠯᠦᠭᠡᠯᠡᠨ ᠦᠵᠡᠭᠦᠯᠦᠭᠰᠡᠨ ᠢᠨᠦ


ᠬᠢᠮᠡᠯ ᠣᠶᠤᠨᠲᠤ ᠰᠢᠰᠲ᠋ᠧᠮ ᠦᠳ ᠨᠢ ᠶᠡᠬᠡ ᠬᠡᠮᠵᠢᠶᠡᠨ ᠦ ᠥᠭᠭᠥᠭᠳᠡᠯ ᠦᠨ ᠪᠠᠭᠴᠠ ᠨᠤᠭᠤᠳ ᠢ ᠤᠬᠠᠭᠠᠯᠢᠭ᠂ ᠳᠠᠪᠲᠠᠯᠲᠠ ᠲᠠᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠯᠭ᠌ᠣᠷᠢᠲ᠋ᠮ ᠤᠳ ᠲᠠᠢalgorithm ᠬᠣᠣᠰᠯᠠᠭᠤᠯᠵᠤ᠂ ᠳ᠋ᠦ᠋ᠩ ᠰᠢᠨᠵᠢᠯᠡᠭᠡ ᠬᠢᠵᠦ ᠪᠤᠢ ᠥᠭᠭᠥᠭᠳᠡᠯ ᠦᠨ ᠬᠡᠪ ᠰᠢᠨᠵᠢ᠂ ᠣᠨᠴᠠᠯᠢᠭ ᠠᠴᠠ ᠰᠤᠷᠤᠯᠴᠠᠬᠤ ᠵᠠᠮ ᠢᠢᠠᠷ ᠠᠵᠢᠯᠯᠠᠳᠠᠭ᠃

ᠬᠢᠮᠡᠯ ᠣᠶᠤᠨᠲᠤ ᠰᠢᠰᠲ᠋ᠧᠮ ᠨᠢ ᠥᠭᠭᠥᠭᠳᠡᠯ ᠪᠣᠯᠪᠠᠰᠤᠷᠠᠭᠤᠯᠬᠤ ᠮᠥᠴᠡᠯᠭᠡ ᠪᠦᠷᠢ ᠳᠦ ᠪᠡᠨ ᠥᠪᠡᠷ ᠦᠨ ᠭᠦᠢᠴᠡᠳᠬᠡᠯ ᠢ ᠲᠤᠷᠰᠢᠵᠤ᠂ ᠬᠡᠮᠵᠢᠵᠦ᠂ ᠨᠡᠮᠡᠯᠲᠡ ᠮᠡᠳᠡᠯᠭᠡ᠂ ᠲᠤᠷᠰᠢᠯᠭ᠎ᠠ ᠪᠤᠢ ᠪᠣᠯᠭᠠᠨ ᠬᠤᠷᠠᠮᠲᠤᠯᠠᠭᠤᠯᠵᠤ ᠪᠠᠶ᠋ᠢᠳᠠᠭ᠃

ᠬᠢᠮᠡᠯ ᠣᠶᠤᠨ ᠬᠡᠵᠢᠶ᠎ᠡ ᠴᠤ ᠠᠮᠤᠷᠠᠬᠤ ᠱᠠᠭᠠᠷᠳᠠᠯᠭ᠎ᠠ ᠦᠭᠡᠢ ᠲᠤᠯᠠ ᠮᠢᠩᠭ᠎ᠠ ᠮᠢᠩᠭᠠᠨ᠂ ᠪᠦᠷ ᠰᠠᠶ᠋ᠢ ᠰᠠᠶ᠋ᠢ ᠵᠣᠷᠢᠯᠲᠠᠲᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠶᠢ ᠮᠠᠰᠢ ᠬᠤᠷᠳᠤᠨ ᠭᠦᠢᠴᠡᠳᠭᠡᠵᠦ᠂ ᠠᠬᠠᠷ ᠪᠣᠭᠣᠨᠢ ᠬᠤᠭᠤᠴᠠᠭᠠᠨ ᠳᠤ ᠶᠡᠬᠡ ᠵᠦᠢᠯ ᠳᠦ ᠰᠤᠷᠤᠯᠴᠠᠵᠤ᠂ ᠭᠦᠢᠴᠡᠳᠭᠡᠬᠦ ᠪᠡᠷ ᠰᠤᠷᠭᠠᠭᠰᠠᠨ ᠵᠦᠢᠯᠡᠰ ᠲᠦ ᠨᠡᠩ ᠴᠢᠳᠠᠪᠤᠷᠢᠯᠢᠭ ᠪᠣᠯᠵᠤ ᠲᠡᠭᠦᠯᠳᠡᠷᠰᠢᠳᠡᠭ᠃

ᠭᠡᠬᠦ ᠳᠦ ᠪᠡᠨ ᠬᠢᠮᠡᠯ ᠣᠶᠤᠨ ᠬᠡᠷᠬᠢᠨ ᠠᠵᠢᠯᠯᠠᠳᠠᠭ ᠢ ᠤᠶ᠋ᠢᠯᠠᠭᠠᠬᠤ ᠨᠢ ᠬᠢᠮᠡᠯ ᠣᠶᠤᠨ ᠻᠣᠮᠫᠢᠶᠦ᠋ᠲ᠋ᠧᠷ ᠦᠨ ᠨᠢᠭᠡᠨ ᠫᠷᠣᠭ᠌ᠷᠠᠮ ᠲᠡᠳᠦᠢ ᠪᠢᠰᠢ ᠬᠠᠷᠢᠨ ᠪᠦᠬᠦᠯᠢ ᠪᠦᠲᠦᠨ ᠰᠠᠯᠪᠤᠷᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠭᠡᠳᠡᠭ ᠢ ᠣᠶ᠋ᠢᠯᠠᠭᠠᠬᠤ ᠠᠴᠠ ᠡᠬᠢᠯᠡᠨ᠎ᠡ᠃

ᠬᠢᠮᠡᠯ ᠣᠶᠤᠨ ᠰᠤᠳᠤᠯᠤᠯ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠵᠣᠷᠢᠯᠭ᠎ᠠ ᠨᠢ ᠬᠦᠮᠦᠨ ᠦ ᠦᠢᠯᠡ ᠠᠵᠢᠯᠯᠠᠭ᠎ᠠ ᠶᠢ ᠵᠠᠭᠪᠤᠷᠴᠢᠯᠠᠬᠤ ᠴᠢᠳᠠᠪᠤᠷᠢ ᠲᠠᠢ᠂ ᠶᠠᠷᠪᠢᠭ ᠲᠠᠢ ᠡᠭᠡᠳᠡᠷᠡᠭᠡ ᠲᠡᠢ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠳᠦ ᠬᠦᠮᠦᠨ ‍ᠦ ᠬᠢ ᠯᠦᠭᠡ ᠠᠳᠠᠯᠢ ᠰᠡᠳᠬᠢᠨ ᠪᠣᠳᠣᠬᠤ ᠦᠢᠯᠡ ᠶᠠᠪᠤᠴᠠ ᠶᠢ ᠠᠰᠢᠭᠯᠠᠳᠠᠭ ᠻᠣᠮᠫᠢᠶᠦ᠋ᠲ᠋ᠧᠷ ᠦᠨ ᠰᠢᠰᠲ᠋ᠧᠮ ᠪᠤᠢ ᠪᠣᠯᠭᠠᠬᠤ ᠳᠤ ᠣᠷᠣᠰᠢᠨ᠎ᠠ᠃

ᠡᠨᠡᠬᠦ ᠵᠣᠷᠢᠯᠭ᠎ᠠ ᠶᠢ ᠬᠡᠷᠡᠭᠵᠢᠭᠦᠯᠬᠦ ᠶᠢᠨ ᠲᠤᠯᠠᠳᠠ ᠬᠢᠮᠡᠯ ᠣᠶᠤᠨᠲᠤ ᠰᠢᠰᠲ᠋ᠧᠮ ᠦᠳ ᠨᠢ ᠪᠦᠬᠦ ᠲᠥᠷᠦᠯ ᠦᠨ ᠲᠧᠭᠨᠢᠭ ᠠᠷᠭᠠᠴᠢᠯᠠᠯ᠂ ᠦᠢᠯᠡ ᠶᠠᠪᠤᠴᠠ ᠬᠢᠭᠡᠳ ᠥᠷᠭᠡᠨ ᠣᠯᠠᠨ ᠲᠥᠷᠦᠯ ᠦᠨ ᠲᠧᠻᠨᠣᠯᠣᠭᠢ ᠶᠢ ᠠᠰᠢᠭᠯᠠᠨ᠎ᠠ᠃[6]
ᠬᠢᠮᠡᠯ ᠣᠶᠤᠨ ᠤ ᠰᠢᠰᠲ᠋ᠧᠮ ᠦᠳ ᠨᠢ ᠶᠡᠬᠡ ᠬᠡᠮᠵᠢᠶᠡᠨ ᠦ ᠰᠤᠷᠭᠠᠯᠲᠠ ᠶᠢᠨ ᠥᠭᠭᠥᠭᠳᠡᠯ ᠢ ᠪᠣᠯᠪᠰᠤᠷᠤᠭᠤᠯᠵᠤ᠂ ᠥᠭᠭᠥᠭᠳᠡᠯ ᠳᠦ ᠪᠤᠢ ᠬᠠᠮᠢᠶᠠᠷᠤᠯ᠂ ᠵᠦᠢ ᠲᠣᠭᠲᠠᠯ ᠤᠳ ᠢ ᠰᠢᠨᠵᠢᠯᠡᠵᠦ᠂ ᠲᠡᠳᠡᠭᠡᠷ ᠲᠦ ᠳᠤᠯᠳᠤᠶ᠋ᠢᠳᠤᠨ ᠢᠷᠡᠭᠡᠳᠦᠢ ᠶᠢᠨ ᠲᠥᠯᠦᠪ ᠪᠠᠶ᠋ᠢᠳᠠᠯ ᠢ ᠲᠠᠭᠠᠮᠠᠭᠯᠠᠳᠠᠭ᠃ ᠡᠶ᠋ᠢᠮᠦ ᠠᠷᠭ᠎ᠠ ᠪᠠᠷ᠂ ᠪᠢᠴᠢᠪᠦᠷᠢ ‍ᠢᠢᠨ ᠴᠠᠲ ᠤᠨchat ᠣᠯᠠᠨ ᠵᠢᠱᠢᠶ᠎ᠡ ᠪᠡᠷ ᠴᠡᠨᠡᠭᠯᠡᠭᠳᠡᠭᠰᠡᠨ ᠴᠠᠲ᠋ᠪᠣᠲchatbot ᠶᠠᠭ ᠬᠦᠮᠦᠨ ᠬᠣᠭᠣᠷᠣᠨᠳᠣ ᠶᠢᠨ ᠬᠠᠷᠢᠯᠴᠠᠭ᠎ᠠ ᠡᠭᠦᠰᠬᠡᠵᠦ ᠰᠤᠷᠬᠤ᠂ ᠳᠦᠷᠰᠦ ᠲᠠᠨᠢᠬᠤ ᠬᠡᠷᠡᠭᠰᠡᠯ ᠣᠯᠠᠨ ᠰᠠᠶ᠎ᠠ ᠵᠢᠱᠢᠭ ᠳᠦᠷᠰᠦ ᠶᠢ ᠨᠢᠭᠲᠠᠯᠠᠨ ᠦᠵᠡᠬᠦ ᠵᠠᠮ ᠢᠢᠠᠷ ᠵᠢᠷᠤᠭ ᠳᠡᠭᠡᠷᠡᠬᠢ ᠵᠦᠢᠯᠡᠰ ᠢ ᠢᠯᠭᠠᠨ ᠲᠣᠳᠣᠷᠬᠠᠶ᠋ᠢᠯᠠᠵᠤ᠂ ᠳᠦᠷᠰᠦᠯᠡᠵᠦ ᠰᠤᠷᠬᠤ ᠪᠣᠯᠤᠮᠵᠢ ᠲᠠᠢ᠃

ᠬᠢᠮᠡᠯ ᠣᠶᠤᠨ ᠫᠷᠣᠭ᠌ᠷᠠᠮᠴᠢᠯᠠᠯ ᠨᠢ ᠰᠡᠳᠬᠢᠬᠦᠢ ᠶᠢᠨ ᠭᠤᠷᠪᠠᠨ ᠴᠢᠳᠠᠪᠤᠷᠢ ᠶᠢ ᠣᠨᠢᠯᠠᠳᠠᠭ᠄ ᠰᠤᠷᠤᠯᠴᠠᠬᠤ᠂ ᠡᠷᠭᠢᠴᠡᠭᠦᠯᠬᠦ᠂ ᠥᠪᠡᠷ ᠢ ᠪᠡᠨ ᠵᠠᠰᠠᠬᠤ᠃

ᠰᠤᠷᠤᠯᠴᠠᠬᠤ ᠦᠢᠯᠡ ᠶᠠᠪᠤᠴᠠ᠄ ᠬᠢᠮᠡᠯ ᠣᠶᠤᠨ ᠫᠷᠣᠭ᠌ᠷᠠᠮᠴᠢᠯᠠᠯ ᠤᠨ ᠡᠨᠡ ᠰᠠᠯᠠᠭ᠎ᠠ ᠨᠢ ᠥᠭᠭᠥᠭᠳᠡᠯ ᠣᠯᠵᠤ ᠠᠪᠬᠤ᠂ ᠥᠭᠭᠥᠭᠳᠡᠯ ᠢ ᠬᠡᠷᠬᠢᠨ ᠠᠰᠢᠭ ᠲᠠᠢ ᠮᠡᠳᠡᠭᠡᠯᠡᠯ ᠳᠦ ᠤᠷᠪᠠᠭᠤᠯᠬᠤ ᠳᠦᠷᠢᠮ ᠢ ᠵᠣᠬᠢᠶᠠᠬᠤ ᠳᠤ ᠴᠢᠭᠯᠡᠭᠳᠡᠳᠡᠭ᠃ ᠠᠯᠭ᠌ᠣᠷᠢᠲ᠋ᠮ ᠬᠡᠮᠡᠬᠦ ᠲᠡᠷᠡ ᠳᠦᠷᠢᠮ ᠦᠳ ᠨᠢ ᠲᠣᠳᠣᠷᠬᠠᠢ ᠠᠵᠢᠯ ᠢ ᠬᠡᠷᠬᠢᠨ ᠭᠦᠢᠴᠡᠳᠭᠡᠬᠦ ᠠᠯᠬᠤᠮ ᠠᠯᠬᠤᠮᠴᠢᠯᠠᠭᠰᠠᠨ ᠵᠢᠭᠠᠪᠤᠷᠢ ᠶᠢ ᠲᠣᠭᠠᠴᠠᠭᠠᠯᠠᠬᠤ ᠲᠥᠬᠥᠭᠡᠷᠦᠮᠵᠢ ᠳᠦ ᠥᠭᠳᠡᠭ᠃

ᠡᠷᠭᠢᠴᠡᠭᠦᠯᠬᠦ ᠦᠢᠯᠡ ᠶᠠᠪᠤᠴᠠ᠄ ᠬᠢᠮᠡᠯ ᠣᠶᠤᠨ ᠫᠷᠣᠭ᠌ᠷᠠᠮᠴᠢᠯᠠᠯ ᠤᠨ ᠡᠨᠡ ᠰᠠᠯᠠᠭ᠎ᠠ ᠨᠢ ᠬᠦᠰᠡᠭᠰᠡᠨ ᠦᠷ᠎ᠡ ᠳ᠋ᠦ᠋ᠩ ᠳᠦ ᠬᠦᠷᠬᠦ ᠵᠥᠪ ᠠᠯᠭ᠌ᠣᠷᠢᠲ᠋ᠮ ᠢ ᠰᠣᠩᠭᠣᠬᠤ ᠳᠤ ᠴᠢᠭᠯᠡᠳᠡᠭ᠃

ᠥᠪᠡᠷ ᠢ ᠪᠡᠨ ᠵᠠᠰᠠᠬᠤ ᠦᠢᠯᠡ ᠶᠠᠪᠤᠴᠠ᠄ ᠬᠢᠮᠡᠯ ᠣᠶᠤᠨ ᠫᠷᠣᠭ᠌ᠷᠠᠮᠴᠢᠯᠠᠯ ᠤᠨ ᠡᠨᠡ ᠰᠠᠯᠠᠭ᠎ᠠ ᠨᠢ ᠠᠯᠭ᠌ᠣᠷᠢᠲ᠋ᠮ ᠤᠳ ᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠨᠠᠷᠢᠪᠴᠢᠯᠠᠨ ᠲᠡᠭᠦᠰᠦᠷᠡᠭᠦᠯᠵᠦ᠂ ᠪᠠᠶ᠋ᠢᠵᠤ ᠪᠣᠯᠬᠤ ᠬᠠᠮᠤᠭ ᠤᠨ ᠦᠨᠡᠨ ᠵᠥᠪ ᠦᠷ᠎ᠡ ᠳ᠋ᠦ᠋ᠩ ᠭᠠᠷᠭᠠᠬᠤ ᠨᠥᠬᠥᠴᠡᠯ ᠢ ᠪᠦᠷᠢᠳᠦᠭᠦᠯᠬᠦ ᠳᠦ ᠴᠢᠭᠯᠡᠳᠡᠭ᠃[1]

ᠲᠥᠷᠦᠯ

ᠬᠠᠷᠢᠭᠤ ᠦᠢᠯᠡᠳᠦᠭᠴᠢ ᠲᠥᠬᠥᠭᠡᠷᠦᠮᠵᠢ

ᠬᠠᠷᠢᠭᠤ ᠦᠢᠯᠡᠳᠦᠭᠴᠢ ᠲᠥᠬᠥᠭᠡᠷᠦᠮᠵᠢ ᠨᠦᠭᠦᠳ (Reactive Machine) ᠰᠠᠭᠤᠷᠢ ᠦᠢᠯᠡᠳᠦᠯ ᠦᠳ ᠢ ᠭᠦᠢᠴᠡᠳᠭᠡᠳᠡᠭ᠃ ᠡᠨᠡ ᠲᠦᠪᠰᠢᠨ ᠦ ᠬᠢᠮᠡᠯ ᠣᠶᠤᠨ ᠬᠠᠮᠤᠭ ᠤᠨ ᠡᠩ ᠦᠨ ᠨᠢ ᠶᠤᠮ᠃ ᠬᠠᠷᠢᠭᠤ ᠦᠢᠯᠡᠳᠦᠭᠴᠢ ᠲᠥᠬᠥᠭᠡᠷᠦᠮᠵᠢ ᠨᠢ ᠲᠣᠳᠣᠷᠬᠠᠢ ᠣᠷᠴᠠ ᠨᠤᠭᠣᠳ ᠳᠤ ᠲᠣᠳᠣᠷᠬᠠᠢ ᠭᠠᠷᠴᠠ ᠪᠠᠷ ᠬᠠᠷᠢᠭᠤᠯᠳᠠᠭ᠃ ᠰᠤᠷᠤᠯᠴᠠᠬᠤ ᠠᠵᠢᠯᠯᠠᠭ᠎ᠠ ᠶᠠᠪᠤᠭᠳᠠᠬᠤ ᠦᠭᠡᠢ᠃ ᠡᠨᠡ ᠪᠣᠯ ᠬᠢᠮᠡᠯ ᠣᠶᠤᠨ ᠤ ᠠᠩᠬᠠᠳᠠᠭᠴᠢ ᠱᠠᠲᠤ ᠶᠤᠮ᠃ ᠬᠦᠮᠦᠨ ᠦ ᠨᠢᠭᠤᠷ ‍ᠤᠨ ᠳᠦᠷᠰᠦ ᠶᠢ ᠣᠷᠣᠴᠠ ᠪᠣᠯᠭᠠᠨ ᠠᠪᠴᠤ ᠨᠢᠭᠤᠷ ‍ᠢ ᠲᠣᠭᠣᠷᠢᠭᠤᠯᠤᠨ ᠳᠥᠷᠪᠡᠯᠵᠢᠨ ᠳᠦᠷᠰᠦ ᠡᠭᠦᠰᠬᠡᠨ ᠲᠣᠳᠣᠷᠬᠠᠶ᠋ᠢᠯᠠᠬᠤ ᠬᠡᠷᠡᠭᠰᠡᠯ ᠨᠢ ᠡᠩ ᠦᠨ᠂ ᠬᠠᠷᠢᠭᠤ ᠦᠢᠯᠡᠳᠦᠭᠴᠢ ᠲᠥᠬᠥᠭᠡᠷᠦᠮᠵᠢ ᠶᠤᠮ᠃ ᠬᠢᠮᠡᠯ ᠣᠶᠤᠨ ᠤ ᠡᠨᠡ ᠲᠥᠷᠥᠯ ᠨᠢ ᠶᠠᠮᠪᠠᠷ ᠴᠤ ᠣᠷᠣᠴᠠ ᠶᠢ ᠬᠠᠳᠠᠭᠠᠯᠠᠬᠤ ᠦᠭᠡᠢ᠂ ᠶᠠᠮᠠᠷ ᠴᠤ ᠰᠤᠷᠤᠯᠴᠠᠬᠤ ᠦᠢᠯᠡᠳᠦᠯ ᠭᠦᠢᠴᠡᠳᠭᠡᠬᠦ ᠦᠭᠡᠢ᠃ ᠮᠠᠱᠢᠨ ᠤ ᠰᠤᠷᠤᠯᠴᠠᠬᠤᠢ ᠶᠢᠨ ᠰᠲ᠋ᠠᠲ᠋ᠢᠻ ᠵᠠᠭᠪᠤᠷ ᠤᠳ ᠨᠢ ᠮᠥᠨ ᠬᠠᠷᠢᠭᠤ ᠦᠢᠯᠡᠳᠦᠭᠴᠢ ᠲᠥᠬᠥᠭᠡᠷᠦᠮᠵᠢ ᠶᠤᠮ᠃ ᠲᠡᠳᠡᠭᠡᠷ ᠦᠨ ᠠᠷᠻᠢᠲ᠋ᠧᠻᠲ᠋ᠦ᠋ᠷ ᠨᠢ ᠬᠠᠮᠤᠭ ᠤᠨ ᠡᠩ ᠦᠨ ᠪᠥᠭᠡᠳ ᠲᠡᠳᠡᠭᠡᠷ ᠢ ᠸᠧᠪ ᠳᠡᠭᠡᠷᠡᠬᠢ GitHub ᠰᠠᠩ ᠠᠴᠠ ᠣᠯᠵᠤ ᠪᠣᠯᠤᠨ᠎ᠠ᠃ ᠡᠳᠡᠭᠡᠷ ᠵᠠᠭᠪᠤᠷ ᠤᠳ ᠢ ᠬᠢᠯᠪᠠᠷᠬᠠᠨ ᠲᠠᠲᠠᠵᠤ ᠠᠪᠴᠤ᠂ ᠨᠠᠶ᠋ᠢᠮᠠᠭᠠᠯᠴᠠᠵᠤ᠂ ᠳᠠᠮᠵᠢᠭᠤᠯᠵᠤ᠂ ᠬᠥᠭᠵᠢᠭᠦᠯᠦᠭᠴᠢ ᠶᠢᠨ ᠬᠡᠷᠡᠭᠰᠡᠯ ᠦᠨ ᠬᠥᠮᠥᠷᠭᠡ ᠳᠦ ᠠᠴᠢᠶᠠᠯᠠᠵᠤ ᠪᠣᠯᠤᠨ᠎ᠠ᠃[7]

ᠬᠡᠮᠵᠢᠶᠡᠲᠦ ᠣᠢ ᠲᠠᠢ


align: top
 ᠥᠪᠡᠷ ‍ᠢᠢᠡᠨ ᠵᠢᠯᠤᠭᠤᠳᠤᠯᠭᠠᠲᠤ ᠲᠡᠭᠡᠭᠡᠪᠦᠷᠢ ‍ᠢᠢᠨ ᠬᠡᠷᠡᠭᠰᠡᠯ


ᠬᠡᠮᠵᠢᠶᠡᠲᠦ ᠣᠢ ᠲᠠᠢ (Limited Memory) ᠬᠢᠮᠡᠯ ᠣᠶᠤᠨ ᠨᠢ ᠥᠩᠭᠡᠷᠡᠭᠰᠡᠨ ᠡᠴᠡ ᠰᠤᠷᠤᠯᠴᠠᠵᠤ᠂ ᠦᠢᠯᠡᠳᠦᠯ᠂ ᠥᠭᠭᠥᠭᠳᠡᠯ ᠦᠳ ᠢ ᠠᠵᠢᠭᠯᠠᠬᠤ ᠵᠠᠮ ᠢᠢᠠᠷ ᠲᠤᠷᠰᠢᠯᠭ᠎ᠠ ᠶᠢᠨ ᠮᠡᠳᠡᠯᠭᠡ ᠬᠤᠷᠠᠮᠲᠤᠯᠠᠭᠤᠯᠳᠠᠭ᠃ ᠡᠨᠡ ᠲᠥᠷᠥᠯ ᠦᠨ ᠬᠢᠮᠡᠯ ᠣᠶᠤᠨ ᠤᠷᠢᠳᠴᠢᠯᠠᠵᠤ ᠫᠷᠣ᠌ᠭ᠌ᠷᠠᠮᠴᠢᠯᠠᠭᠳᠠᠭᠰᠠᠨ ᠮᠡᠳᠡᠭᠡᠯᠡᠯ ᠢ ᠠᠵᠢᠭᠯᠠᠯᠲᠠ ᠶᠢᠨ ᠲᠡᠦᠬᠡᠨ ᠥᠭᠭᠥᠭᠳᠡᠯ ᠲᠡᠢ ᠬᠣᠣᠰᠯᠠᠭᠤᠯᠤᠨ ᠠᠰᠢᠭᠯᠠᠵᠤ ᠤᠷᠢᠳᠴᠢᠯᠠᠭᠰᠠᠨ ᠲᠠᠭᠠᠮᠠᠭᠯᠠᠯ ᠳᠡᠪᠰᠢᠭᠦᠯᠵᠦ᠂ ᠠᠩᠭᠢᠯᠠᠯ ᠤᠨ ᠨᠠᠷᠢᠨ ᠲᠥᠪᠡᠭᠲᠡᠢ ᠠᠵᠢᠯᠯᠠᠪᠤᠷᠢ  ᠢᠢ ᠭᠦᠢᠴᠡᠳᠭᠡᠳᠡᠭ᠃ ᠬᠡᠮᠵᠢᠶᠡᠲᠦ ᠣᠢ ᠲᠠᠢ ᠬᠢᠮᠡᠯ ᠣᠶᠤᠨ ᠪᠣᠯ ᠥᠨᠥ ᠴᠠᠭ ᠲᠤ ᠬᠠᠮᠤᠭ ᠤᠨ ᠲᠦᠭᠡᠮᠡᠯ ᠬᠡᠷᠡᠭᠯᠡᠭᠳᠡᠵᠦ ᠪᠤᠢ ᠬᠢᠮᠡᠯ ᠣᠶᠤᠨ ᠤ ᠲᠥᠷᠥᠯ ᠪᠢᠯᠡ᠃ ᠵᠢᠱᠢᠶᠡᠯᠡᠪᠡᠯ᠂ ᠪᠡᠶ᠎ᠡ ᠳᠠᠭᠠᠭᠰᠠᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ ᠨᠢ ᠬᠡᠮᠵᠢᠶᠡᠲᠦ ᠣᠢ ᠲᠠᠢ ᠬᠢᠮᠡᠯ ᠣᠶᠤᠨ ᠤ ᠲᠤᠰᠠᠯᠠᠮᠵᠢ ᠲᠠᠢ ᠪᠠᠷ ᠪᠤᠰᠤᠳ ᠮᠠᠱᠢᠨ ᠤ ᠬᠤᠷᠳᠤ᠂ ᠴᠢᠭᠯᠡᠯ ᠢ ᠠᠵᠢᠭᠯᠠᠵᠤ᠂ ᠵᠠᠮ ᠤᠨ ᠪᠠᠶ᠋ᠢᠳᠠᠯ ᠢ ᠲᠠᠩᠳᠠᠵᠤ᠂ ᠵᠣᠬᠢᠴᠠᠨ ᠶᠠᠪᠤᠳᠠᠭ᠃ ᠢᠷᠡᠵᠦ ᠪᠤᠢ ᠥᠭᠭᠥᠭᠳᠡᠯ ᠢ ᠰᠢᠨᠵᠢᠯᠡᠨ ᠤᠶ᠋ᠢᠯᠠᠭᠠᠬᠤ ᠡᠨᠡᠬᠦ ᠠᠵᠢᠯᠯᠠᠭ᠎ᠠ ᠠᠶᠤᠯ ᠦᠭᠡᠢ ᠵᠣᠷᠴᠢᠬᠤ ᠨᠥᠬᠥᠴᠡᠯ ᠢ ᠪᠦᠷᠢᠳᠦᠭᠦᠯᠵᠦ ᠪᠠᠶ᠋ᠢᠨ᠎ᠠ᠃ ᠭᠡᠬᠦ ᠳᠦ ᠪᠡᠨ ᠬᠡᠮᠵᠢᠶ᠎ᠡ ᠳᠦ ᠣᠢ ᠳᠤ ᠬᠢᠮᠡᠯ ᠣᠶᠤᠨ ᠨᠢ ᠪᠠᠰᠠ ᠯᠠ ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠭᠡᠳᠡᠭ ᠢ ᠨᠡᠷ᠎ᠡ ᠨᠢ ᠴᠤ ᠥᠪᠡᠷ ᠢᠢᠡᠨ ᠬᠡᠯᠡᠵᠦ ᠪᠠᠶ᠋ᠢᠨ᠎ᠠ᠃ ᠥᠪᠡᠷ ᠢᠢᠡᠨ ᠵᠢᠯᠣᠭᠣᠳᠤᠯᠭᠠᠳᠤ ᠲᠡᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ ᠦᠨ ᠠᠰᠢᠭᠯᠠᠵᠤ ᠪᠠᠶ᠋ᠢᠭ᠎ᠠ ᠮᠡᠳᠡᠭᠡᠯᠡᠯ ᠨᠢ ᠲᠦᠷ ᠪᠥᠭᠡᠳ ᠮᠠᠱᠢᠨ ᠤ ᠤᠷᠲᠤ ᠬᠤᠭᠤᠴᠠᠭᠠᠨ ᠤ ᠰᠠᠨᠠᠬᠤ ᠣᠢ ᠳᠤ ᠬᠠᠳᠠᠭᠠᠯᠠᠭᠳᠠᠳᠠᠭ ᠦᠭᠡᠢ᠃[8]

ᠰᠡᠳᠬᠢᠯ ᠦᠨ ᠣᠨᠣᠯ

ᠰᠡᠳᠬᠢᠯ ᠦᠨ ᠣᠨᠣᠯ (Theory of Mind) ᠣᠳᠣᠬᠠᠨ ᠳᠤ ᠪᠠᠨ ᠵᠥᠪᠬᠡᠨ ᠣᠨᠣᠯ ᠤᠨ ᠱᠠᠲᠤᠨ ᠳᠤ ᠪᠠᠢᠢᠨ᠎ᠠ᠃ ᠪᠢᠳᠡ ᠬᠢᠮᠡᠯ ᠣᠶᠤᠨ ᠤ ᠡᠨᠡᠬᠦ ᠳᠠᠷᠤᠭ᠎ᠠ ᠶᠢᠨ ᠲᠦᠪᠰᠢᠨ ᠳᠦ ᠬᠦᠷᠬᠦ ᠳᠦ ᠱᠠᠭᠠᠷᠳᠠᠯᠭ᠎ᠠ ᠲᠠᠢ ᠲᠧᠻᠨᠣᠯᠣᠭᠢ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠴᠢᠳᠠᠪᠬᠢ ᠳᠤ ᠬᠠᠷᠠᠬᠠᠨ ᠬᠦᠷᠦᠭᠡᠳᠦᠢ ᠪᠠᠶ᠋ᠢᠭ᠎ᠠ᠃ ᠡᠨᠡᠬᠦ ᠦᠵᠡᠯ ᠪᠠᠷᠢᠮᠲᠠᠯᠠᠯ ᠨᠢ ᠪᠤᠰᠤᠳ ᠠᠮᠢᠳᠤ ᠪᠡᠶᠡᠲᠦ ᠨᠤᠭᠦᠳ ᠴᠤ ᠪᠣᠳᠣᠯ ᠰᠠᠨᠠᠭ᠎ᠠ᠂ ᠰᠡᠳᠬᠢᠯ ᠬᠥᠳᠡᠯᠦᠯ ᠲᠡᠢ ᠪᠠᠶ᠋ᠢᠳᠠᠭ᠂ ᠲᠡᠷᠡ ᠨᠢ ᠦᠢᠯᠡ ᠪᠠᠶ᠋ᠢᠳᠠᠯ ᠳᠤ ᠨᠢ ᠨᠥᠯᠦᠭᠡᠯᠡᠵᠦ ᠪᠠᠶ᠋ᠢᠳᠠᠭ ᠭᠡᠰᠡᠨ ᠰᠡᠳᠬᠢᠯ ᠵᠦᠢ ᠶᠢᠨ ᠦᠨᠳᠦᠰᠦᠯᠡᠯ ᠳᠦ ᠰᠠᠭᠤᠷᠢᠯᠠᠳᠠᠭ᠃ ᠡᠨᠡ ᠨᠢ ᠬᠢᠮᠡᠯ ᠣᠶᠤᠨ ᠳᠤ ᠲᠥᠬᠥᠭᠡᠷᠦᠮᠵᠢ ᠶᠢᠨ ᠬᠤᠪᠢ ᠳᠤ ᠬᠦᠮᠦᠨ᠂ ᠠᠳᠤᠭᠤᠰᠤ᠂ ᠪᠤᠰᠤᠳ ᠲᠥᠬᠥᠭᠡᠷᠦᠮᠵᠢ ᠨᠤᠭᠦᠳ ᠲᠦ ᠶᠠᠮᠠᠷ ᠮᠡᠳᠡᠷᠡᠮᠵᠢ᠂ ᠰᠡᠳᠬᠢᠭᠳᠡᠯ ᠲᠥᠷᠦᠵᠦ ᠪᠠᠶ᠋ᠢᠭ᠎ᠠ ᠶᠢ ᠤᠬᠠᠭᠠᠷᠠᠵᠤ᠂ ᠥᠪᠡᠷ ᠲᠡᠢ ᠪᠡᠨ ᠵᠢᠱᠢᠨ ᠡᠷᠭᠢᠴᠡᠭᠦᠯᠦᠨ ᠲᠣᠳᠣᠷᠬᠠᠶ᠋ᠢᠯᠠᠵᠤ᠂ ᠲᠡᠷᠬᠦᠦ ᠮᠡᠳᠡᠭᠡᠯᠡᠯ ᠳᠦ ᠪᠡᠨ ᠲᠦᠰᠢᠭᠯᠡᠨ ᠪᠡᠶ᠎ᠡ ᠳᠠᠭᠠᠭᠰᠠᠨ ᠰᠢᠢᠳᠪᠦᠷᠢ ᠭᠠᠷᠤᠭᠠᠨ᠎ᠠ ᠭᠡᠰᠡᠨ ᠦᠭᠡ᠃ ᠴᠤᠬᠤᠮ ᠳᠠᠭᠠᠨ ᠮᠠᠱᠢᠨ ᠨᠤᠭᠤᠳ 《ᠰᠡᠳᠬᠢᠯ》 ᠭᠡᠰᠡᠨ ᠣᠶ᠋ᠢᠯᠠᠭᠠᠯᠲᠠ᠂ ᠰᠢᠢᠳᠪᠦᠷᠢ ᠭᠠᠷᠭᠠᠬᠤ ᠦᠶ᠎ᠡ ᠶᠢᠨ ᠰᠡᠳᠬᠢᠯ ᠬᠥᠳᠡᠯᠦᠯ ᠦᠨ ᠬᠡᠯᠪᠡᠯᠵᠡᠯ᠂ ᠪᠤᠰᠤᠳ ᠰᠡᠳᠬᠢᠯ ᠵᠦᠢ ᠶᠢᠨ ᠪᠠᠷᠢᠮᠲᠠᠯᠠᠯ ᠤᠳ ᠤᠨ ᠴᠣᠭᠴᠠ ᠶᠢ ᠣᠶ᠋ᠢᠯᠠᠭᠠᠵᠤ᠂ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠬᠦᠮᠦᠨ ᠪᠠ ᠬᠢᠮᠡᠯ ᠣᠶᠤᠨ ᠤ ᠬᠣᠭᠣᠷᠣᠨᠳᠣ ᠬᠣᠶᠠᠷ ᠴᠢᠭ ᠲᠦ ᠬᠠᠷᠢᠯᠴᠠᠭ᠎ᠠ ᠶᠢ ᠪᠤᠢ ᠪᠣᠯᠭᠠᠬᠤ ᠶᠣᠰᠣᠲᠠᠢ᠃[2]

ᠥᠪᠡᠷ ᠢ ᠪᠡᠨ ᠮᠡᠳᠡᠮᠰᠡᠷᠯᠡᠭᠴᠢ

ᠬᠢᠮᠡᠯ ᠣᠶᠤᠨ ᠤ ᠬᠠᠮᠤᠭ ᠤᠨ ᠳᠡᠪᠰᠢᠯᠲᠡᠲᠦ ᠲᠥᠷᠥᠯ ᠪᠣᠯ ᠥᠪᠡᠷ ᠢ ᠪᠡᠨ ᠮᠡᠳᠡᠮᠰᠡᠷᠯᠡᠭᠴᠢ (Self Aware) ᠬᠢᠮᠡᠯ ᠣᠶᠤᠨ ᠶᠤᠮ᠃ ᠲᠥᠬᠥᠭᠡᠷᠦᠮᠵᠢ ᠨᠤᠭᠦᠳ ᠥᠪᠡᠷᠰᠡᠳ ᠦᠨ ᠰᠡᠳᠬᠢᠯ ᠳᠣᠭᠳᠣᠯᠤᠯ ᠪᠣᠯᠤᠨ ᠣᠷᠴᠢᠨ ᠤ ᠪᠠᠨ ᠪᠣᠳᠠᠭᠠᠯᠢ ᠨᠤᠭᠤᠳ ᠤᠨ ᠰᠡᠳᠬᠢᠯ ᠬᠥᠳᠡᠯᠦᠯ ᠢ ᠮᠡᠳᠡᠷᠡᠳᠡᠭ ᠪᠣᠯᠤᠭᠰᠠᠨ ᠢᠢᠠᠷ ᠬᠦᠮᠦᠨ ᠲᠡᠢ ᠲᠥᠰ ᠲᠡᠢ ᠤᠬᠠᠮᠰᠠᠷ᠂ ᠣᠶᠤᠨ ᠤᠬᠠᠭᠠᠨ ᠲᠠᠢ ᠪᠣᠯᠤᠨ᠎ᠠ᠃ ᠡᠨᠡ ᠲᠥᠷᠥᠯ ᠦᠨ ᠬᠢᠮᠡᠯ ᠣᠶᠤᠨ ᠨᠢ ᠬᠦᠰᠡᠯ᠂ ᠬᠡᠷᠡᠭᠴᠡᠭᠡ᠂ ᠰᠡᠳᠬᠢᠯ ᠬᠥᠳᠡᠯᠦᠯ ᠲᠡᠢ ᠪᠠᠢᠢᠬᠤ ᠪᠣᠯᠤᠨ᠎ᠠ᠃ ᠡᠨᠡ ᠲᠥᠷᠥᠯ ᠦᠨ ᠬᠢᠮᠡᠯ ᠣᠶᠤᠨ ᠲᠠᠢ ᠲᠥᠬᠥᠭᠡᠷᠦᠮᠵᠢ ᠨᠢ ᠥᠪᠡᠷ ᠦᠨ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠬᠥᠳᠡᠯᠦᠯ᠂ ᠰᠡᠳᠬᠢᠴᠡ ᠶᠢᠨ ᠲᠥᠯᠥᠪ ᠪᠠᠶ᠋ᠢᠳᠠᠯ ᠢ ᠤᠬᠠᠮᠰᠠᠷᠯᠠᠳᠠᠭ ᠪᠠᠶ᠋ᠢᠬᠤ ᠪᠣᠯᠤᠨ᠎ᠠ᠃ ᠥᠪᠡᠷ ᠢ ᠪᠡᠨ ᠮᠡᠳᠡᠮᠰᠡᠷᠯᠡᠬᠦ ᠬᠢᠮᠡᠯ ᠣᠶᠤᠨ ᠨᠢ ᠪᠤᠰᠤᠳ ᠲᠥᠷᠥᠯ ᠦᠨ ᠬᠢᠮᠡᠯ ᠣᠶᠤᠨ ᠤ ᠬᠤᠪᠢ ᠳᠤ ᠪᠣᠯᠤᠮᠵᠢ ᠦᠭᠡᠢ ᠰᠡᠳᠬᠢᠯᠭᠡ ᠲᠡᠢ ᠪᠠᠶ᠋ᠢᠨ᠎ᠠ ("ᠨᠢᠭᠡ ᠡᠲᠡᠭᠡᠳ ᠮᠢᠨᠦ ᠵᠠᠮ ᠢ ᠬᠥᠨᠳᠡᠯᠢᠰᠴᠦ ᠤᠷᠳᠤᠭᠤᠷ ᠳᠠᠭᠠᠷᠢᠭᠰᠠᠨ ᠳᠤ ᠮᠢᠨᠦ ᠠᠭᠤᠷ ᠬᠦᠷᠦᠭᠡᠳ ᠪᠠᠢᠢᠨ᠎ᠠ" ᠭᠡᠬᠦ ᠮᠡᠲᠦ)᠃ ᠪᠢᠳᠡ ᠡᠶ᠋ᠢᠮᠦ ᠲᠥᠷᠥᠯ ᠦᠨ ᠪᠣᠯᠪᠠᠰᠤᠷᠠᠩᠭᠤᠢ ᠬᠢᠮᠡᠯ ᠣᠶᠤᠨ ᠢ ᠬᠠᠷᠠᠬᠠᠨ ᠬᠥᠭᠵᠢᠭᠦᠯᠦᠭᠡᠳᠦᠢ᠂ ᠲᠡᠶ᠋ᠢᠮᠦ ᠲᠦᠪᠰᠢᠨ ᠦ ᠬᠢᠮᠡᠯ ᠣᠶᠤᠨ ᠢ ᠳᠡᠮᠵᠢᠬᠦ ᠲᠧᠻᠨᠢᠭ ᠬᠠᠩᠭᠠᠮᠵᠢ᠂ ᠠᠯᠭ᠌ᠣᠷᠢᠲ᠋ᠮ ᠣᠳᠣ ᠪᠠᠷ ᠪᠦᠲᠦᠭᠡᠭᠳᠡᠭᠡᠳᠦᠢ ᠪᠠᠶ᠋ᠢᠨ᠎ᠠ᠃[8]

ᠲᠡᠭᠦᠨᠴᠢᠯᠡᠨ ᠬᠢᠮᠡᠯ ᠣᠶᠤᠨ ᠢ

ᠨᠠᠷᠢᠨ ᠬᠢᠮᠡᠯ ᠣᠶᠤᠨ (Artificial Narrow Intelligence)᠂

ᠶᠡᠷᠦᠩᠬᠡᠢ ᠬᠢᠮᠡᠯ ᠣᠶᠤᠨ (Artificial General Intelligence)᠂

ᠳᠡᠭᠡᠳᠦ ᠬᠢᠮᠡᠯ ᠣᠶᠤᠨ (Artificial Super Intelligence)

ᠭᠡᠵᠦ ᠠᠩᠭᠢᠯᠠᠳᠠᠭ ᠪᠠᠶ᠋ᠢᠨ᠎ᠠ᠃

ᠨᠠᠷᠢᠨ ᠬᠢᠮᠡᠯ ᠣᠶᠤᠨ

ᠨᠠᠷᠢᠨ ᠬᠢᠮᠡᠯ ᠣᠶᠤᠨ ᠭᠡᠳᠡᠭ ᠦᠨ "ᠨᠠᠷᠢᠨ" ᠭᠡᠳᠡᠭ ᠨᠢ ᠢᠪᠴᠤᠤ ᠭᠡᠰᠡᠨ ᠤᠳᠬ᠎ᠠ ᠪᠠᠷ ᠬᠡᠷᠡᠭᠯᠡᠭᠳᠡᠵᠦ ᠪᠠᠶ᠋ᠢᠨ᠎ᠠ᠃ ᠥᠭᠡᠷ᠎ᠡ ᠪᠡᠷ ᠬᠡᠯᠡᠪᠡᠯ ᠲᠣᠳᠣᠷᠬᠠᠢ ᠴᠢᠭᠯᠡᠯ ᠦᠨ ᠠᠵᠢᠯ ᠡᠭᠦᠷᠭᠡ ᠶᠢ ᠯᠠ ᠭᠦᠢᠴᠡᠳᠭᠡᠨ᠎ᠡ᠃ ᠵᠣᠷᠢᠭᠤᠯᠤᠯᠲᠠ ᠪᠤᠰᠤ ᠶᠢᠨ ᠠᠵᠢᠯ ᠡᠭᠦᠷᠭᠡ ᠭᠦᠢᠴᠡᠳᠭᠡᠬᠦ ᠪᠣᠯᠤᠮᠵᠢ ᠦᠭᠡᠢ᠃ ᠲᠡᠭᠦᠨᠴᠢᠯᠡᠨ ᠰᠤᠯᠠ ᠬᠢᠮᠡᠯ (Weak Artificial Intelligence) ᠣᠶᠤᠨ ᠭᠡᠳᠡᠭ᠃ ᠮᠠᠱᠢᠨ ᠤ ᠬᠠᠷᠠᠭ᠎ᠠ᠂ ᠬᠡᠯᠡ ᠪᠢᠴᠢᠭ ᠪᠣᠯᠪᠠᠰᠤᠷᠠᠭᠤᠯᠬᠤ᠂ ᠶᠠᠷᠢᠶ᠎ᠠ ᠲᠠᠨᠢᠬᠤ᠂ ᠴᠢᠷᠠᠢ ᠲᠠᠨᠢᠬᠤ ᠨᠢ ᠪᠦᠭᠦᠳᠡ ᠨᠠᠷᠢᠨ ᠬᠢᠮᠡᠯ ᠣᠶᠤᠨ᠃ ᠥᠪᠡᠷ ᠢᠢᠡᠨ ᠵᠢᠯᠣᠭᠣᠳᠤᠯᠭᠠᠳᠤ ᠲᠡᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ ᠴᠤ ᠡᠨᠡ ᠠᠩᠭᠢᠯᠠᠯ ᠳᠤ ᠪᠠᠭᠳᠠᠨ᠎ᠠ᠃ ᠢᠯᠡᠭᠦᠦ ᠲᠣᠳᠣᠷᠬᠠᠢ ᠬᠡᠯᠡᠪᠡᠯ ᠥᠪᠡᠷ ᠢᠢᠡᠨ ᠵᠢᠯᠣᠭᠣᠳᠤᠯᠭᠠᠳᠤ ᠲᠡᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ ᠨᠢ ᠬᠡᠳᠦ ᠬᠡᠳᠦᠨ ᠨᠠᠷᠢᠨ ᠬᠢᠮᠡᠯ ᠣᠶᠤᠨ ᠤ ᠵᠣᠬᠢᠴᠠᠯᠳᠤᠨ ᠬᠠᠮᠲᠤᠷᠠᠭᠰᠠᠨ ᠠᠵᠢᠯᠯᠠᠭᠠᠨ ᠳᠤ ᠰᠠᠭᠤᠷᠢᠯᠠᠳᠠᠭ᠃[9] ᠣᠳᠣ ᠪᠠᠷ ᠬᠦᠮᠦᠨ ᠲᠥᠷᠦᠯᠬᠢᠲᠡᠨ ᠡᠨᠡ ᠲᠥᠷᠦᠯ ᠦᠨ ᠬᠢᠮᠡᠯ ᠣᠶᠤᠨ ᠪᠦᠲᠦᠭᠡᠵᠦ ᠠᠰᠢᠭᠯᠠᠵᠤ ᠪᠠᠶ᠋ᠢᠭ᠎ᠠ᠃

ᠶᠡᠷᠦᠩᠬᠡᠢ ᠬᠢᠮᠡᠯ ᠣᠶᠤᠨ

ᠶᠡᠷᠦᠩᠬᠡᠢ ᠬᠢᠮᠡᠯ ᠣᠶᠤᠨ ᠪᠠ ᠳᠡᠭᠡᠳᠦ ᠬᠢᠮᠡᠯ ᠣᠶᠤᠨ ᠢ ᠮᠥᠨ ᠬᠦᠴᠦᠲᠡᠢ ᠬᠢᠮᠡᠯ ᠣᠶᠤᠨ (Strong Artificial Intelligence)᠂ ᠭᠦᠨ ᠬᠢᠮᠡᠯ ᠣᠶᠤᠨ (Deep Artificial Intelligence) ᠭᠡᠵᠦ ᠨᠡᠷᠡᠶ᠋ᠢᠳᠳᠡᠭ᠃ ᠶᠡᠷᠦᠩᠬᠡᠢ ᠬᠢᠮᠡᠯ ᠣᠶᠤᠨ ᠨᠢ ᠬᠦᠮᠦᠨ ᠦ ᠣᠶᠤᠨ ᠤ ᠴᠢᠳᠠᠪᠤᠷᠢ ᠲᠠᠢ ᠳᠦᠢᠴᠡᠬᠦᠶ᠋ᠢᠴᠡ ᠪᠠᠶ᠋ᠢᠨ᠎ᠠ᠃ ᠡᠨᠡ ᠲᠦᠪᠰᠢᠨ ᠦ ᠬᠢᠮᠡᠯ ᠣᠶᠤᠨ ᠬᠦᠮᠦᠨ ᠦ ᠣᠶᠤᠨ ᠤᠬᠠᠭᠠᠨ᠂ ᠵᠠᠩ ᠪᠠᠶ᠋ᠢᠳᠠᠯ᠂ ᠰᠤᠷᠤᠯᠴᠠᠬᠤᠢ᠂ ᠰᠡᠳᠬᠢᠨ ᠪᠣᠳᠣᠵᠤ ᠠᠰᠠᠭᠤᠳᠠᠯ ᠰᠢᠢᠳᠪᠦᠷᠢᠯᠡᠬᠦ ᠴᠢᠳᠠᠪᠤᠷᠢ ᠶᠢ ᠲᠥᠰᠥᠭᠡᠯᠡᠨ ᠠᠭᠤᠯᠠᠭᠰᠠᠨ ᠪᠠᠶ᠋ᠢᠨ᠎ᠠ᠃ ᠲᠤᠬᠠᠢ ᠶᠢᠨ ᠣᠷᠴᠢᠨ ᠨᠥᠬᠥᠴᠡᠯ ᠳᠤ ᠬᠦᠮᠦᠨ ᠡᠴᠡ ᠢᠯᠭᠠᠰᠢ ᠦᠭᠡᠢ ᠪᠠᠶ᠋ᠢᠳᠠᠯ ᠢᠢᠠᠷ ᠰᠡᠳᠬᠢᠵᠦ᠂ ᠣᠶ᠋ᠢᠯᠠᠭᠠᠵᠤ᠂ ᠦᠢᠯᠡᠳᠦᠨ᠎ᠡ᠃[10] ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠣᠳᠣ ᠪᠠᠷ ᠡᠶ᠋ᠢᠮᠦ ᠲᠦᠪᠰᠢᠨ ᠦ ᠬᠢᠮᠡᠯ ᠣᠶᠤᠨ ᠪᠦᠲᠦᠭᠡᠭᠡᠳᠦᠢ ᠪᠠᠶ᠋ᠢᠨ᠎ᠠ᠃

ᠳᠡᠭᠡᠳᠦ ᠬᠢᠮᠡᠯ ᠣᠶᠤᠨ

ᠳᠡᠭᠡᠳᠦ ᠬᠢᠮᠡᠯ ᠣᠶᠤᠨ ᠨᠢ ᠬᠦᠮᠦᠨ ᠦ ᠬᠢ ᠡᠴᠡ ᠢᠯᠡᠭᠦᠦ ᠴᠢᠳᠠᠪᠬᠢ᠂ ᠴᠢᠳᠠᠮᠵᠢ ᠲᠠᠢ ᠪᠠᠶ᠋ᠢᠨ᠎ᠠ᠃[10] ᠣᠻᠰᠹᠣᠷᠳ᠋ ᠍ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠡᠷᠳᠡᠮᠲᠡᠨ᠂ ᠬᠢᠮᠡᠯ ᠣᠶᠤᠨ ᠤ ᠮᠡᠷᠭᠡᠵᠢᠯᠲᠡᠨ ᠨᠢᠻᠻ ᠪᠣᠰᠲ᠋ᠷᠣᠮNick Bostrom ᠍ ᠤᠨ ᠬᠡᠯᠡᠭᠰᠡᠨ ᠢᠢᠡᠷ ᠬᠢᠮᠡᠯ ᠣᠶᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠡᠳᠬᠢᠯᠭᠡ᠂ ᠶᠡᠷᠦᠩᠬᠡᠢ ᠪᠢᠯᠢᠭ ᠪᠢᠯᠢᠭᠦᠨ᠂ ᠨᠡᠶ᠋ᠢᠭᠡᠮᠰᠢᠬᠦᠢ ᠶᠢᠨ ᠴᠢᠳᠠᠪᠤᠷᠢ ᠵᠡᠷᠭᠡ ᠪᠦᠬᠦ ᠰᠠᠯᠪᠤᠷᠢ ᠳᠤ ᠬᠦᠮᠦᠨ ᠦ ᠬᠠᠮᠤᠭ ᠤᠨ ᠰᠢᠯᠢᠳᠡᠭ ᠣᠶᠤᠨ ᠤᠬᠠᠭᠠᠨ ᠠᠴᠠ ᠴᠤ ᠢᠯᠡᠭᠦᠦ ᠳᠠᠪᠠᠭᠤ ᠪᠣᠯᠤᠭᠰᠠᠨ ᠦᠶ᠎ᠡ ᠳᠦ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠬᠢᠮᠡᠯ ᠳᠡᠭᠡᠳᠦ ᠣᠶᠤᠨ ᠢ ᠪᠦᠲᠦᠭᠡᠭᠰᠡᠨ ᠭᠡᠵᠦ ᠦᠵᠡᠬᠦ ᠠᠵᠤ᠃

ᠵᠠᠷᠢᠮ ᠲᠣᠭᠠᠴᠠᠭ᠎ᠠ ᠪᠠᠷ ᠶᠡᠷᠦᠩᠬᠡᠢ ᠬᠢᠮᠡᠯ ᠣᠶᠤᠨ ᠡᠴᠡ ᠳᠡᠭᠡᠳᠦ ᠬᠢᠮᠡᠯ ᠣᠶᠤᠨ ᠳᠤ ᠬᠦᠷᠬᠦ ᠬᠤᠭᠤᠴᠠᠭ᠎ᠠ ᠮᠠᠰᠢ ᠠᠬᠠᠷ ᠪᠠᠶ᠋ᠢᠬᠤ ᠭᠡᠨ᠎ᠡ᠃ ᠬᠡᠳᠦᠬᠡᠨ ᠰᠠᠷ᠎ᠠ᠂ ᠳᠣᠯᠣᠭ᠎ᠠ ᠬᠣᠨᠣᠭ᠂ ᠡᠰᠡᠪᠡᠯ ᠨᠢᠳᠦ ᠢᠷᠮᠡᠬᠦ ᠶᠢᠨ ᠵᠠᠭᠤᠷ᠎ᠠ ᠲᠣᠬᠢᠶᠠᠯᠳᠣᠬᠤ ᠪᠥᠭᠡᠳ ᠴᠢᠨᠠᠭᠰᠢᠳᠠ ᠭᠡᠷᠡᠯ ᠦᠨ ᠬᠤᠷᠳᠤ ᠪᠠᠷ ᠬᠤᠪᠢᠰᠤᠨ᠎ᠡ᠃ ᠴᠢᠨᠠᠭᠰᠢ ᠶᠠᠭᠤ ᠪᠣᠯᠬᠤ ᠶᠢ ᠬᠡᠨ ᠴᠤ ᠬᠡᠯᠡᠵᠦ ᠮᠡᠳᠡᠰᠢ ᠦᠭᠡᠢ᠃ ᠰᠲ᠋ᠧᠹᠧᠨ ᠾᠣᠻᠢᠩStephen Hawking ᠵᠡᠷᠭᠡ ᠵᠠᠷᠢᠮ ᠡᠷᠳᠡᠮᠲᠡᠳ ᠬᠢᠮᠡᠯ ᠣᠶᠤᠨ ᠤᠬᠠᠭᠠᠨ ᠢ ᠪᠥᠷᠢᠨ ᠬᠥᠭᠵᠢᠭᠦᠯᠦᠭᠰᠡᠨ ᠢᠢᠡᠷ ᠬᠦᠮᠦᠨ ᠲᠥᠷᠦᠯᠬᠢᠲᠡᠨ ᠦ ᠲᠡᠭᠦᠰᠬᠡᠯ ᠢᠷᠡᠵᠦ ᠪᠣᠯᠵᠣᠰᠢ ᠦᠭᠡᠢ ᠭᠡᠵᠦ ᠦᠵᠡᠭᠰᠡᠨ ᠪᠠᠶ᠋ᠢᠨ᠎ᠠ᠃ Google ᠍ ᠤᠨ ᠳ᠋ᠧᠮᠢᠰ ᠾᠠᠰᠰᠠᠪᠢᠰDemis Hassabis ᠲᠡᠷᠢᠭᠦᠲᠡᠨ ᠪᠤᠰᠤᠳ ᠬᠦᠮᠦᠰ ᠬᠢᠮᠡᠯ ᠣᠶᠤᠨ ᠬᠡᠳᠦᠢ ᠤᠬᠠᠭᠠᠯᠢᠭ ᠪᠣᠯᠬᠤ ᠲᠤᠰᠤᠮ ᠬᠦᠮᠦᠰ ᠪᠠᠶ᠋ᠢᠭᠠᠯᠢ ᠣᠷᠴᠢᠨ ᠢᠢᠠᠨ ᠠᠪᠤᠷᠠᠬᠤ᠂ ᠡᠪᠡᠳᠴᠢᠨ ᠡᠮᠭᠡᠭ ᠢ ᠠᠨᠠᠭᠠᠬᠤ᠂ ᠣᠭᠲᠠᠷᠭᠤᠢ ᠶᠢᠷᠲᠢᠨᠴᠦ ᠶᠢ ᠰᠤᠳᠤᠯᠬᠤ᠂ ᠥᠪᠡᠷ ᠢ ᠪᠡᠨ ᠲᠠᠨᠢᠨ ᠮᠡᠳᠡᠬᠦ ᠳᠦ ᠴᠠᠭᠯᠠᠰᠢ ᠦᠭᠡᠢ ᠲᠤᠰᠠᠲᠠᠢ ᠪᠠᠶ᠋ᠢᠬᠤ ᠪᠣᠯᠤᠨ᠎ᠠ ᠭᠡᠵᠦ ᠢᠲᠡᠭᠡᠳᠡᠭ ᠪᠠᠶ᠋ᠢᠨ᠎ᠠ᠃[9]

ᠬᠡᠷᠡᠭᠯᠡᠭᠡ

1. ᠣᠳᠣᠨ ᠣᠷᠣᠨ ᠳᠤ

ᠬᠢᠮᠡᠯ ᠣᠶᠤᠨ ᠶᠢᠷᠲᠢᠨᠴᠦ ᠶᠢᠨ ᠨᠠᠷᠢᠨ ᠲᠥᠪᠡᠭ ᠲᠡᠢ ᠠᠰᠠᠭᠤᠳᠠᠯ ᠤᠳ ᠤᠨ ᠵᠠᠩᠭᠢᠯᠠᠭ᠎ᠠ ‍ᠢᠢ ᠲᠠᠢᠢᠯᠠᠬᠤ ᠳᠦ ᠮᠠᠰᠢ ᠲᠤᠰᠠᠲᠠᠢ ᠪᠠᠶ᠋ᠢᠵᠤ ᠴᠢᠳᠠᠨ᠎ᠠ᠃ ᠬᠢᠮᠡᠯ ᠣᠶᠤᠨ ᠤ ᠲᠧᠻᠨᠣᠯᠣᠭᠢ ᠨᠢ ᠶᠢᠷᠲᠢᠨᠴᠦ ᠶᠢᠨ ᠵᠦᠢ ᠲᠣᠭᠲᠠᠯ᠂ ᠭᠠᠷᠤᠯ ᠡᠭᠦᠰᠦᠯ ᠢ ᠣᠶ᠋ᠢᠯᠠᠭᠠᠬᠤ ᠳᠤ ᠬᠡᠷᠡᠭᠲᠡᠢ ᠪᠠᠶ᠋ᠢᠵᠤ ᠪᠣᠯᠤᠨ᠎ᠠ᠃

2. ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠰᠠᠯᠪᠤᠷᠢ ᠳᠤ

ᠰᠡᠭᠦᠯ ᠦᠨ ᠲᠠᠪᠤ ᠠᠴᠠ ᠠᠷᠪᠠᠨ ᠵᠢᠯ ᠦᠨ ᠬᠤᠭᠤᠴᠠᠭᠠᠨ ᠳᠤ ᠬᠢᠮᠡᠯ ᠣᠶᠤᠨ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠰᠠᠯᠪᠤᠷᠢ ᠳᠤ ᠦᠷ᠎ᠡ ᠠᠰᠢᠭ ᠲᠠᠢ ᠨᠢ ᠨᠣᠲᠠᠯᠠᠭᠳᠠᠵᠤ᠂ ᠡᠨᠡ ᠰᠠᠯᠪᠤᠷᠢ ᠳᠠᠬᠢ ᠨᠥᠯᠥᠭᠡᠯᠡᠯ ᠨᠢ ᠨᠡᠮᠡᠭᠳᠡᠵᠦ ᠪᠠᠶ᠋ᠢᠨ᠎ᠠ᠃ ᠬᠢᠮᠡᠯ ᠣᠶᠤᠨ ᠠᠰᠢᠭᠯᠠᠵᠤ ᠪᠣᠭᠣᠨᠢ ᠬᠤᠭᠤᠴᠠᠭᠠᠨ ᠳᠤ ᠣᠨᠣᠰᠢᠯᠠᠭ᠎ᠠ ᠬᠢᠵᠦ ᠪᠠᠶ᠋ᠢᠨ᠎ᠠ᠃ ᠬᠢᠮᠡᠯ ᠣᠶᠤᠨ ᠡᠮᠴᠢ ᠨᠠᠷ ᠲᠤ ᠣᠨᠣᠰᠢ ᠲᠠᠯᠪᠢᠬᠤ ᠳᠤ ᠲᠤᠰᠠᠯᠠᠵᠤ᠂ ᠡᠪᠡᠳᠴᠢᠲᠡᠨ ᠬᠦᠨᠳᠦᠷᠡᠭᠰᠡᠨ ᠦᠶ᠎ᠡ ᠳᠦ ᠮᠡᠳᠡᠭᠡᠯᠡᠬᠦ ᠪᠣᠯᠤᠮᠵᠢ ᠲᠠᠢ ᠪᠥᠭᠡᠳ ᠢᠩᠭᠢᠭᠰᠡᠨ ᠢᠢᠡᠷ ᠡᠮᠨᠡᠯᠭᠡ ᠳᠦ ᠬᠡᠪᠲᠡᠬᠦ ᠡᠴᠡ ᠨᠢ ᠡᠮᠦᠨ᠎ᠡ ᠡᠮᠴᠢ ᠨᠠᠷ ᠮᠡᠷᠭᠡᠵᠢᠯ ᠦᠨ ᠲᠤᠰᠠᠯᠠᠮᠵᠢ ᠬᠦᠷᠭᠡᠬᠦ ᠪᠣᠯᠤᠮᠵᠢ ᠪᠥᠷᠢᠳᠴᠦ ᠪᠠᠶ᠋ᠢᠨ᠎ᠠ᠃

3. ᠲᠣᠭᠯᠠᠭᠠᠮ ᠤᠨ ᠰᠠᠯᠪᠤᠷᠢ ᠳᠤ

ᠬᠢᠮᠡᠯ ᠣᠶᠤᠨ ᠲᠣᠭᠯᠠᠭᠠᠮ ᠤᠨ ᠰᠠᠯᠪᠤᠷᠢ ᠳᠤ ᠨᠥᠯᠦᠭᠡᠯᠡᠵᠦ ᠪᠠᠶ᠋ᠢᠨ᠎ᠠ᠃ ᠬᠢᠮᠡᠯ ᠣᠶᠤᠨ ᠰᠢᠲᠠᠷ᠎ᠠ ᠭᠡᠬᠦ ᠮᠡᠲᠦ ᠣᠯᠠᠨ ᠲᠣᠭᠠᠨ ᠤ ᠪᠣᠯᠤᠮᠵᠢᠲᠤ ᠰᠣᠩᠭᠤᠯᠲᠠ ᠨᠤᠭᠤᠳ ᠢ ᠪᠣᠳᠣᠬᠤ ᠱᠠᠭᠠᠷᠳᠠᠯᠭ᠎ᠠ ᠲᠠᠢ ᠰᠲᠷᠠᠲ᠋ᠧᠭᠢ ᠶᠢᠨ ᠲᠣᠭᠯᠠᠭᠠᠮ ᠤᠳ ᠢ ᠲᠣᠭᠯᠠᠵᠤ ᠴᠢᠳᠠᠵᠤ ᠪᠠᠢᠢᠨ᠎ᠠ᠃

4. ᠰᠠᠩᠬᠦᠦ ᠳᠦ

ᠬᠢᠮᠡᠯ ᠣᠶᠤᠨ ᠪᠣᠯᠤᠨ ᠰᠠᠩᠬᠦᠦ ᠶᠢᠨ ᠰᠠᠯᠪᠤᠷᠢ ᠬᠣᠭᠣᠷᠣᠨᠳᠣ ᠪᠠᠨ ᠰᠠᠶ᠋ᠢᠲᠤᠷ ᠵᠣᠬᠢᠷᠠᠨ᠎ᠠ᠃ ᠰᠠᠩᠬᠦᠦ ᠶᠢᠨ ᠰᠠᠯᠪᠤᠷᠢ ᠨᠢ ᠠᠦ᠋ᠲ᠋ᠣᠮᠠᠲ᠋ᠵᠢᠯᠳᠠ᠂ ᠴᠠᠲ᠋ᠪᠣᠲ᠂ ᠵᠣᠬᠢᠴᠠᠬᠤ ᠣᠶᠤᠨ᠂ ᠠᠯᠭ᠌ᠣᠷᠢᠲ᠋ᠾᠮ ᠠᠷᠠᠯᠵᠢᠶ᠎ᠠ᠂ ᠮᠠᠱᠢᠨ ᠰᠤᠷᠤᠯᠴᠠᠬᠤᠢ ᠶᠢ ᠰᠠᠩᠬᠦᠦ ᠶᠢᠨ ᠦᠢᠯᠡ ᠠᠵᠢᠯᠯᠠᠭᠠᠨ ᠳᠤ ᠨᠡᠪᠲᠡᠷᠡᠭᠦᠯᠵᠦ ᠪᠠᠶ᠋ᠢᠨ᠎ᠠ᠃

5. ᠥᠭᠭᠥᠭᠳᠡᠯ ᠦᠨ ᠠᠶᠤᠯ ᠦᠭᠡᠢ ᠪᠠᠶ᠋ᠢᠳᠠᠯ

ᠮᠡᠳᠡᠭᠡᠯᠡᠯ ᠦᠨ ᠠᠶᠤᠯ ᠦᠭᠡᠢ ᠪᠠᠶ᠋ᠢᠳᠠᠯ ᠨᠢ ᠻᠣᠮᠫᠠᠨᠢ ᠪᠦᠷᠢ ᠶᠢᠨ ᠬᠤᠪᠢ ᠳᠤ ᠠᠮᠢᠨ ᠴᠢᠬᠤᠯᠠ ᠪᠥᠭᠡᠳ ᠳ᠋ᠢᠵᠢᠲ᠋ᠠᠯ ᠶᠢᠷᠲᠢᠨᠴᠦ ᠳᠦ ᠻᠢᠪᠧᠷ ᠬᠠᠯᠳᠠᠯᠭ᠎ᠠ ᠮᠠᠰᠢ ᠬᠤᠷᠳᠤᠴᠠ ᠲᠠᠢ ᠳᠡᠪᠵᠢᠵᠦ ᠪᠠᠶ᠋ᠢᠨ᠎ᠠ᠃ ᠬᠢᠮᠡᠯ ᠣᠶᠤᠨ ᠪᠠᠶ᠋ᠢᠭᠤᠯᠤᠯᠭ᠎ᠠ ᠶᠢᠨ ᠥᠭᠭᠥᠭᠳᠡᠯ ᠮᠡᠳᠡᠭᠡᠯᠡᠯ ᠢ ᠢᠯᠡᠭᠦᠦ ᠨᠠᠶ᠋ᠢᠳᠠᠪᠤᠷᠢᠲᠠᠢ᠂ ᠠᠶᠤᠯ ᠦᠭᠡᠢ ᠬᠠᠮᠠᠭᠠᠯᠠᠬᠤ ᠳᠤ ᠲᠤᠰᠠᠯᠠᠵᠤ ᠪᠣᠯᠤᠨ᠎ᠠ᠃ ᠵᠢᠱᠢᠶᠡᠯᠡᠪᠡᠯ᠂ AEG bot᠂ AI2 Platform ‍ᠢ ᠫᠷᠣᠭ᠌ᠷᠠᠮ ᠬᠠᠩᠭᠠᠮᠵᠢ ᠳ᠋ᠠᠬᠢ ᠠᠯᠳᠠᠭ᠎ᠠ᠂ ᠻᠢᠪᠧᠷ ᠬᠠᠯᠳᠠᠯᠭ᠎ᠠ ᠶᠢ ᠣᠨᠣᠪᠴᠢᠲᠠᠢ ᠢᠯᠡᠷᠡᠭᠦᠯᠬᠦ ᠳᠤ ᠠᠰᠢᠭᠯᠠᠳᠠᠭ᠃

6. ᠨᠡᠶ᠋ᠢᠭᠡᠮ ᠤᠨ ᠰᠦᠯᠵᠢᠶᠡᠨ ᠳᠦ

Facebook᠂ Twitter᠂ Snapchat ᠵᠡᠷᠭᠡ ᠣᠯᠠᠨ ᠨᠡᠶ᠋ᠢᠲᠡ ᠶᠢᠨ ᠬᠠᠷᠢᠯᠴᠠᠭᠠᠨ ᠤ ᠰᠠᠶ᠋ᠢᠲ  ‍ᠤᠳ ᠳᠠᠬᠢ ᠣᠯᠠᠨ ᠲᠡᠷᠪᠤᠮ ᠬᠡᠷᠡᠭᠯᠡᠭᠴᠢ ᠶᠢᠨ ᠮᠡᠳᠡᠭᠡᠯᠡᠯ ‍ᠢ ᠮᠠᠰᠢ ᠣᠨᠣᠪᠴᠢᠲᠠᠢ ᠠᠷᠭ᠎ᠠ ᠬᠡᠯᠪᠡᠷᠢ ᠪᠡᠷ ᠬᠠᠳᠠᠭᠠᠯᠠᠬᠤ᠂ ᠤᠳᠤᠷᠢᠳᠬᠤ ᠱᠠᠭᠠᠷᠳᠠᠯᠭ᠎ᠠ ᠲᠠᠢ ᠪᠠᠶ᠋ᠢᠳᠠᠭ᠃ ᠬᠢᠮᠡᠯ ᠣᠶᠤᠨ ᠨᠢ ᠠᠰᠤᠷᠤ ᠶᠡᠬᠡ ᠬᠡᠮᠵᠢᠶᠡᠨ ᠦ ᠥᠭᠭᠥᠭᠳᠡᠯ ᠢ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠵᠤ᠂ ᠤᠳᠤᠷᠢᠳᠬᠤ ᠪᠣᠯᠤᠮᠵᠢ ᠲᠠᠢ᠃ ᠬᠢᠮᠡᠯ ᠣᠶᠤᠨ ᠶᠡᠬᠡ ᠬᠡᠮᠵᠢᠶᠡᠨ ‍ᠦ ᠥᠭᠭᠥᠭᠳᠡᠯ ᠳᠦ ᠳ᠋ᠦ᠋ᠩ ᠰᠢᠨᠵᠢᠯᠡᠭᠡ ᠬᠢᠵᠦ ᠬᠠᠮᠤᠭ ᠤᠨ ᠰᠡᠭᠦᠯ ᠦᠨ ᠦᠶ᠎ᠡ ᠶᠢᠨ ᠴᠢᠭ ᠬᠠᠨᠳᠤᠯᠭ᠎ᠠ᠂ ᠥᠪᠡᠷ ᠥᠪᠡᠷ ᠬᠡᠷᠡᠭᠯᠡᠭᠴᠢᠳ ᠦᠨ ᠬᠡᠷᠡᠭᠴᠡᠭᠡ ᠰᠣᠨᠢᠷᠬᠠᠯ ᠢ ᠲᠣᠳᠣᠷᠬᠠᠶ᠋ᠢᠯᠠᠳᠠᠭ᠃

7. ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ‍ᠳᠤ

ᠬᠢᠮᠡᠯ ᠣᠶᠤᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠰᠠᠯᠪᠤᠷᠢ ᠳᠤ ᠤᠯᠠᠮ ᠪᠦᠷᠢ ᠡᠷᠢᠯᠲᠡ ᠲᠡᠢ ᠪᠣᠯᠵᠤ ᠪᠠᠶ᠋ᠢᠨ᠎ᠠ᠃ ᠬᠢᠮᠡᠯ ᠣᠶᠤᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠬᠡᠯᠡᠯᠴᠡᠭᠡ ᠬᠢᠬᠦ ᠡᠴᠡ ᠡᠬᠢᠯᠡᠭᠡᠳ ᠵᠣᠴᠢᠳ ᠪᠠᠭᠤᠳᠠᠯ᠂ ᠨᠢᠰᠦᠯᠭᠡ᠂ ᠠᠶᠠᠯᠠᠯ ᠤᠨ ᠬᠠᠮᠤᠭ ᠤᠨ ᠰᠣᠨᠢᠷᠬᠠᠯ ᠲᠠᠢ ᠵᠠᠮᠨᠠᠯ ᠢ ᠦᠢᠯᠡᠴᠢᠯᠡᠭᠦᠯᠦᠭᠴᠢᠳ ᠲᠦ ᠰᠠᠨᠠᠯ ᠪᠣᠯᠭᠠᠬᠤ ᠵᠡᠷᠭᠡ ᠠᠶᠠᠯᠠᠯ ᠲᠠᠢ ᠬᠣᠯᠪᠣᠭ᠎ᠠ ᠲᠠᠢ ᠲᠥᠷᠥᠯ ᠪᠦᠷᠢ ᠶᠢᠨ ᠠᠵᠢᠯ ᠢ ᠬᠢᠬᠦ ᠴᠢᠳᠠᠪᠤᠷᠢ ᠲᠠᠢ᠃ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠰᠠᠯᠪᠠᠷ ᠤᠳ ᠦᠢᠯᠡᠴᠢᠯᠡᠭᠦᠯᠦᠭᠴᠢᠳ ᠦᠨ ᠬᠦᠰᠡᠯᠲᠡ ᠳᠦ ᠰᠢᠭᠤᠷᠬᠠᠢ ᠬᠠᠷᠢᠭᠤᠯᠤᠨ᠂ ᠬᠦᠮᠦᠨ ᠰᠢᠭ ᠬᠠᠷᠢᠴᠠᠬᠤ ᠬᠢᠮᠡᠯ ᠣᠶᠤᠨ ᠢᠢᠠᠷ ᠠᠵᠢᠯᠯᠠᠳᠠᠭ ᠴᠠᠲ᠋ᠪᠣᠲ ᠠᠰᠢᠭᠯᠠᠵᠤ ᠪᠠᠶ᠋ᠢᠨ᠎ᠠ᠃

8. ᠲᠡᠭᠡᠭᠡᠪᠦᠷᠢ ᠳᠦ

ᠠᠦ᠋ᠲ᠋ᠣ᠋ ᠲᠡᠭᠡᠭᠡᠪᠦᠷᠢ ᠶᠢᠨ ᠰᠠᠯᠪᠤᠷᠢ ᠬᠡᠷᠡᠭᠯᠡᠭᠴᠢᠳ ᠲᠦ ᠪᠡᠨ ᠢᠯᠡᠭᠦᠦ ᠦᠢᠯᠡᠴᠢᠯᠡᠭᠡ ᠬᠦᠷᠭᠡᠬᠦ ᠪᠡᠷ ᠸᠢᠷᠲ᠋ᠦᠠᠯ ᠲᠤᠰᠠᠯᠠᠬᠤ ᠬᠡᠷᠡᠭᠯᠡᠵᠦ ᠪᠠᠶ᠋ᠢᠨ᠎ᠠ᠃ ᠵᠢᠱᠢᠶᠡᠯᠡᠪᠡᠯ᠂ Tesla ᠤᠬᠠᠭᠠᠯᠢᠭ ᠸᠢᠷᠲᠤᠠᠯ ᠲᠤᠰᠠᠯᠠᠬᠤ TeslaBot ᠍ ᠢ ᠨᠡᠪᠲᠡᠷᠡᠭᠦᠯᠦᠭᠰᠡᠨ᠃

ᠶᠠᠩᠵᠤ ᠪᠦᠷᠢ ᠶᠢᠨ ᠦᠢᠯᠡᠳᠪᠦᠷᠢ ᠨᠦᠭᠦᠳ ᠠᠶᠠᠯᠠᠯ ᠢ ᠤᠯᠠᠮ ᠴᠤ ᠠᠶᠤᠯ ᠦᠭᠡᠢ᠂ ᠨᠠᠶ᠋ᠢᠳᠠᠪᠤᠷᠢᠲᠠᠢ ᠪᠣᠯᠭᠠᠬᠤ ᠠᠦ᠋ᠲ᠋ᠣᠮᠠᠲ ᠵᠢᠯᠣᠭᠣᠳᠤᠯᠭ᠎ᠠ ᠲᠠᠢ ᠮᠠᠱᠢᠨ ᠬᠥᠭᠵᠢᠭᠦᠯᠵᠦ ᠪᠠᠶ᠋ᠢᠨ᠎ᠠ᠃

9. ᠷᠣᠪᠣᠲ᠋ᠢᠻ

align: top
 ᠬᠦᠮᠦᠨ ᠳᠦᠷᠰᠦᠲᠦ ᠷᠣᠪᠣᠲ ᠰᠣᠫᠾᠢᠶ ‍ᠠ᠋


ᠬᠢᠮᠡᠯ ᠣᠶᠤᠨ ᠷᠣᠪᠣᠲ ᠲᠧᠻᠨᠣᠯᠣᠭᠢ ᠳ᠋ᠤ ᠣᠨᠴᠤᠭᠤᠢ ᠡᠭᠦᠷᠭᠡ ᠲᠡᠢ᠃ ᠶᠡᠷᠦᠩᠬᠡᠢ ᠳᠦ ᠪᠡᠨ ᠷᠣᠪᠣᠲ ᠤᠳ ᠢ ᠠᠯᠢᠪᠠ ᠳᠠᠪᠲᠠᠭᠳᠠᠬᠤ ᠳᠠᠭᠠᠭᠠᠯᠭᠠᠪᠤᠷᠢ ᠶᠢ ᠭᠦᠢᠴᠡᠳᠭᠡᠬᠦ ᠪᠡᠷ ᠫᠷᠣᠭ᠌ᠷᠠᠮᠴᠢᠯᠠᠳᠠᠭ ᠪᠣᠯᠪᠠᠴᠤ ᠬᠢᠮᠡᠯ ᠣᠶᠤᠨ ᠤ ᠲᠤᠰᠠᠯᠠᠮᠵᠢ ᠲᠠᠢ ᠪᠠᠷ ᠤᠷᠢᠳᠴᠢᠯᠠᠨ ᠫᠷᠣᠭ᠌ᠷᠠᠮᠴᠢᠯᠠᠯ ᠳᠤ ᠦᠯᠦ ᠳᠤᠯᠳᠤᠶ᠋ᠢᠳᠤᠨ  ᠥᠪᠡᠷ ᠦᠨ ᠲᠤᠷᠰᠢᠯᠭ᠎ᠠ ᠪᠠᠷ ᠢᠢᠠᠨ ᠦᠢᠯᠡ ᠠᠵᠢᠯᠯᠠᠭ᠎ᠠ ᠭᠦᠢᠴᠡᠳᠭᠡᠬᠦ ᠴᠢᠳᠠᠪᠤᠷᠢ ᠲᠠᠢ ᠤᠬᠠᠭᠠᠯᠢᠭ ᠷᠣᠪᠣᠲ ᠪᠦᠲᠦᠭᠡᠵᠦ ᠪᠣᠯᠤᠨ᠎ᠠ᠃

ᠬᠦᠮᠦᠨ ᠳᠦᠷᠰᠦᠲᠦ (humanoid) ᠷᠣᠪᠣᠲ  ᠤᠳ ᠨᠢ ᠬᠢᠮᠡᠯ ᠣᠶᠤᠨ ᠤ ᠲᠣᠳᠣ ᠲᠣᠮᠣᠷᠠᠭᠤᠨ ᠵᠢᠱᠢᠶ᠎ᠡ ᠶᠤᠮ᠃ ᠰᠠᠶ᠋ᠢᠬᠠᠨ ᠡᠷᠢᠻᠠErica᠂ ᠰᠣᠫᠾᠢᠶ᠎ᠠSophia ᠬᠡᠮᠡᠬᠦ ᠤᠬᠠᠭᠠᠯᠢᠭ ᠷᠣᠪᠣᠲ ᠪᠦᠲᠦᠭᠡᠭᠳᠡᠭᠰᠡᠨ ᠪᠥᠭᠡᠳ ᠬᠦᠮᠦᠨ ᠰᠢᠭ ᠶᠠᠷᠢᠶ᠎ᠠ᠂ ᠦᠢᠯᠡ ᠪᠠᠶ᠋ᠢᠳᠠᠯ ᠲᠠᠢ ᠶᠤᠮ᠃

10. ᠴᠡᠩᠭᠡᠭᠡᠨ ᠦ ᠰᠠᠯᠪᠤᠷᠢ ᠳᠤ

ᠬᠢᠮᠡᠯ ᠣᠶᠤᠨ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠬᠡᠷᠡᠭᠯᠡᠭᠡ Netflix᠂ Amazon ᠵᠡᠷᠭᠡ ᠦᠢᠯᠡᠴᠢᠯᠡᠭᠡᠨ ᠳᠦ ᠨᠡᠪᠲᠡᠷᠡᠭᠡᠳ ᠪᠠᠶ᠋ᠢᠨ᠎ᠠ. ᠡᠳᠡᠭᠡᠷ ᠦᠢᠯᠡᠴᠢᠯᠡᠭᠡ ᠨᠢ ML/AI ᠠᠯᠭ᠌ᠣᠷᠢᠲ᠋ᠾᠮ ᠤᠳ ᠲᠤ ᠲᠦᠰᠢᠭᠯᠡᠨ ᠬᠥᠲᠥᠯᠪᠦᠷᠢ ᠡᠰᠡᠪᠡᠯ ᠦᠵᠡᠪᠦᠷᠢ ᠶᠢ ᠰᠠᠨᠠᠯ ᠪᠣᠯᠭᠠᠨ ᠬᠠᠷᠠᠭᠤᠯᠳᠠᠭ᠃

11. ᠬᠥᠳᠡᠭᠡ ᠠᠵᠤ ᠠᠬᠤᠢ ᠳᠤ

ᠬᠥᠳᠡᠭᠡ ᠠᠵᠤ ᠠᠬᠤᠢ ᠪᠣᠯ ᠬᠠᠮᠤᠭ ᠤᠨ ᠰᠠᠶ᠋ᠢᠨ ᠦᠷ᠎ᠡ ᠳ᠋ᠦ᠋ᠩ ᠳᠦ ᠬᠦᠷᠡᠬᠦ ᠶᠢᠨ ᠲᠤᠯᠠᠳᠠ ᠶᠠᠩᠵᠤ ᠪᠦᠷᠢ ᠶᠢᠨ ᠨᠥᠭᠡᠴᠡ᠂ ᠬᠥᠳᠡᠯᠮᠦᠷᠢ᠂ ᠮᠥᠩᠭᠥ᠂ ᠴᠠᠭ ᠬᠤᠭᠤᠴᠠᠭ᠎ᠠ ᠱᠠᠭᠠᠷᠳᠠᠳᠠᠭ ᠰᠠᠯᠪᠤᠷᠢ ᠶᠤᠮ᠃ ᠡᠳᠦᠭᠡ ᠬᠥᠳᠡᠭᠡ ᠠᠵᠤ ᠠᠬᠤᠢ ᠳ᠋ᠢᠵᠢᠲᠠᠯ᠎ ᠪᠣᠯᠵᠤ᠂ ᠬᠢᠮᠡᠯ ᠣᠶᠤᠨ ᠡᠨᠡ ᠰᠠᠯᠪᠤᠷᠢ ᠳᠤ ᠣᠷᠣᠵᠤ ᠢᠷᠡᠵᠦ ᠪᠠᠶ᠋ᠢᠨ᠎ᠠ᠃ ᠬᠥᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠰᠠᠯᠪᠤᠷᠢ ᠬᠢᠮᠡᠯ ᠣᠶᠤᠨ  ᠢ ᠬᠥᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠷᠣᠪᠣᠲ ᠲᠧᠻᠨᠣᠯᠣᠭᠢ᠂ ᠲᠠᠷᠢᠮᠠᠯ ᠤᠨ ᠬᠢᠨᠠᠯᠲᠠ᠂ ᠤᠷᠢᠳᠴᠢᠯᠠᠨ ᠲᠠᠭᠠᠮᠠᠭᠯᠠᠬᠤ ᠰᠢᠨᠵᠢᠯᠡᠭᠡᠨ ᠳᠦ ᠠᠰᠢᠭᠯᠠᠵᠤ ᠪᠠᠶ᠋ᠢᠨ᠎ᠠ᠃

12. ᠴᠠᠬᠢᠮ ᠬᠤᠳᠠᠯᠳᠤᠭᠠᠨ ᠳᠤ

ᠬᠢᠮᠡᠯ ᠣᠶᠤᠨ ᠨᠢ ᠴᠠᠬᠢᠮ ᠬᠤᠳᠠᠯᠳᠤᠭᠠᠨ ᠤ ᠰᠠᠯᠪᠤᠷᠢ ᠳᠤ ᠥᠷᠢᠰᠥᠯᠳᠥᠬᠦ ᠳᠠᠪᠠᠭᠤ ᠲᠠᠯ᠎ᠠ ᠶᠢ ᠪᠤᠢ ᠪᠣᠯᠭᠠᠵᠤ ᠪᠠᠶ᠋ᠢᠭ᠎ᠠ ᠪᠥᠭᠡᠳ ᠡᠨᠡ ᠲᠥᠷᠥᠯ ᠦᠨ ᠪᠢᠽᠢᠨᠧᠰ ᠲᠦ ᠤᠯᠠᠮ ᠪᠦᠷᠢ ᠡᠷᠢᠯᠲᠡ ᠲᠡᠢ ᠪᠣᠯᠵᠤ ᠪᠠᠶ᠋ᠢᠨ᠎ᠠ᠃ ᠬᠢᠮᠡᠯ ᠣᠶᠤᠨ ᠨᠢ ᠬᠤᠳᠠᠯᠳᠤᠨ ᠠᠪᠤᠭᠴᠢᠳ ᠲᠤ ᠵᠣᠬᠢᠬᠤ ᠬᠡᠮᠵᠢᠶ᠎ᠡ᠂ ᠥᠩᠭᠡ᠂ ᠪᠷᠠᠨ᠍ᠳ᠋ ‍ᠤᠨbrand ᠪᠦᠲᠦᠭᠡᠭᠳᠡᠬᠦᠨ ᠢᠢᠡᠨ ᠣᠯᠬᠤ ᠳᠤ ᠨᠢ ᠲᠤᠰᠠᠯᠠᠳᠠᠭ᠃

13. ᠪᠣᠯᠪᠠᠰᠤᠷᠠᠯ ᠳᠤ

ᠬᠢᠮᠡᠯ ᠣᠶᠤᠨ ᠦᠨᠡᠯᠡᠭᠡ ᠶᠢ ᠠᠦ᠋ᠲ᠋ᠣᠮᠠᠲ᠋ᠵᠢᠭᠤᠯᠵᠤ᠂ ᠪᠠᠭᠰᠢ ᠳᠤ ᠬᠢᠴᠢᠶᠡᠯ ᠢᠢᠡᠨ ᠵᠢᠭᠠᠬᠤ ᠳᠤ ᠡᠷᠴᠢ ᠬᠦᠴᠦ᠂ ᠴᠠᠭ ᠬᠤᠭᠤᠴᠠᠭ᠎ᠠ ᠪᠠᠨ ᠵᠠᠷᠤᠴᠠᠭᠤᠯᠬᠤ ᠪᠣᠯᠤᠮᠵᠢ ᠣᠯᠭᠤᠵᠤ ᠪᠣᠯᠤᠨ᠎ᠠ᠃ ᠬᠢᠮᠡᠯ ᠣᠶᠤᠨ ᠪᠦᠬᠦᠢ ᠴᠠᠲ᠋ᠪᠣᠲ ᠰᠤᠷᠤᠯᠴᠠᠭᠴᠢᠳ ᠲᠠᠢ ᠰᠤᠷᠭᠠᠯᠲᠠ ᠶᠢᠨ ᠲᠤᠰᠠᠯᠠᠭᠴᠢ ᠶᠢᠨ ᠡᠭᠦᠷᠭᠡ ᠪᠡᠷ ᠬᠠᠷᠢᠯᠴᠠᠬᠤ ᠪᠣᠯᠤᠮᠵᠢ ᠲᠠᠢ᠃

ᠢᠷᠡᠭᠡᠳᠦᠢ ᠳᠦ ᠬᠢᠮᠡᠯ ᠣᠶᠤᠨ ᠰᠤᠷᠤᠭᠴᠢᠳ ᠲᠠᠢ ᠬᠡᠵᠢᠶ᠎ᠡ ᠴᠤ᠂ ᠬᠠᠮᠢᠭ᠎ᠠ ᠠᠴᠠ ᠴᠤ ᠬᠠᠷᠢᠴᠠᠵᠤ ᠪᠣᠯᠳᠠᠭ ᠬᠤᠪᠢ  ᠢᠢᠨ ᠸᠢᠷᠲ᠋ᠦᠠᠯ ᠰᠤᠷᠭᠠᠭᠴᠢ ᠪᠠᠷ ᠠᠵᠢᠯᠯᠠᠬᠤ ᠪᠣᠯᠤᠮᠵᠢ ᠲᠠᠢ᠃[11]

ᠨᠡᠷ ‍ᠡ᠋ ᠲᠣᠮᠢᠶᠠᠯᠠᠯ

ᠬᠢᠮᠡᠯ ᠣᠶᠤᠨ - artificial intelligence - искусственный интеллект

ᠮᠡᠷᠭᠡᠵᠢᠯ ᠦᠨ ᠰᠢᠰᠲ᠋ᠧᠮ - expert system - экспертная система

ᠬᠡᠯᠡ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ - natural language procesing - обработка естественного языка

ᠶᠠᠷᠢᠶ᠎ᠠ ᠲᠠᠨᠢᠬᠤ - speech recognition - распознавание речи

ᠮᠠᠱᠢᠨ ᠰᠤᠷᠤᠯᠴᠠᠬᠤᠢ - machine learning - машинное обучение

ᠮᠠᠱᠢᠨ ᠬᠠᠷᠠᠭ᠎ᠠ - machine vision - машинное зрение

ᠭᠦᠨ ᠰᠤᠷᠤᠯᠴᠠᠬᠤᠢ - deep learning - глубокое обучение

ᠬᠢᠮᠡᠯ ᠮᠡᠳᠡᠷᠡᠯ ‍ᠦᠨ ᠰᠦᠯᠵᠢᠶ ‍ᠡ᠋ - artificial neural network - искусственная нейронная сеть

ᠬᠠᠷᠢᠭᠤ ᠦᠢᠯᠡᠳᠦᠭᠴᠢ ᠲᠥᠬᠦᠭᠡᠷᠦᠮᠵᠢ - reactive machine - реактивная машина

ᠬᠡᠮᠵᠢᠶᠡᠲᠦ ᠣᠢ - limited memory - ограниченная память

ᠰᠡᠳᠬᠢᠯ ‍ᠦᠨ ᠣᠨᠤᠯ - theory of mind - теория разума

ᠥᠪᠡᠷ ‍ᠢ ᠪᠡᠨ ᠮᠡᠳᠡᠮᠰᠡᠷᠯᠡᠭᠴᠢ - self-aware - самосознающий ИИ

ᠨᠠᠷᠢᠨ ᠬᠢᠮᠡᠯ ᠣᠶᠤᠨ - narrow AI - слабый ИИ

ᠶᠡᠷᠦᠩᠬᠡᠢ ᠬᠢᠮᠡᠯ ᠣᠶᠤᠨ - general AI - общий ИИ

ᠳᠡᠭᠡᠳᠦ ᠬᠢᠮᠡᠯ ᠣᠶᠤᠨ - artificial super intelligence - искусственный сверхинтеллект

ᠳᠦᠷᠰᠦ ᠲᠠᠨᠢᠬᠤ - facial recognition - распознавание лиц

ᠡᠬᠢ ᠰᠤᠷᠪᠤᠯᠵᠢ

  1. ↑ 1.0 1.1 Ed Burns, Nicole Laskowski, Linda Tucci. What is artificial intelligence (AI)? ᠬᠠᠨᠳᠤᠭᠰᠠᠨ 2022/02/12. TechTarget. https://www.techtarget.com/searchenterpriseai/definition/AI-Artificial-Intelligence
  2. ↑ 2.0 2.1 2.2 Artificial Intelligence. ᠬᠠᠨᠳᠤᠭᠰᠠᠨ 2022/02/12. Built In.https://builtin.com/artificial-intelligence
  3. ↑ Artificial Intelligence (AI). By: IBM Cloud Education, 3 June 2020. IBM. https://www.ibm.com/cloud/learn/what-is-artificial-intelligence
  4. ↑ The 3 Forces that Brought AI to Life (And Why it’s Only Now Changing the World). 2017/12/15. https://blog.cloudfactory.com/3-forces-brought-ai-to-life
  5. ↑ J.J.Hopfield (1982). Neural networks and physical systems with emergent collective computational abilities. Proc. Natl. Acad. Sci. USA
  6. ↑ CSU Global. How does AI actually work? 2021/08/09. https://csuglobal.edu/blog/how-does-artificial-intelligence-actually-work
  7. ↑ Jonathan Johnson. 4 Types of Artificial Intelligence. 2020/06/08. BMC. https://www.bmc.com/blogs/artificial-intelligence-types/#:~:text=These%20three%20types%20are%3A,Artificial%20Super%20Intelligence
  8. ↑ 8.0 8.1 Bernard Marr. Understanding the 4 Types of Artificial Intelligence (AI). 2021/05/09. Linked In. https://www.linkedin.com/pulse/understanding-4-types-artificial-intelligence-ai-bernard-marr
  9. ↑ 9.0 9.1 Ben Dickson. What is Narrow, General and Super Artificial Intelligence. TechTalks. 2017/05/12. https᠄//bdtechtalks.com/2017/05/12/what-is-narrow-general-and-super-artificial-intelligence
  10. ↑ 10.0 10.1 Eban Escott. What are the 3 types of AI? A guide to narrow, general, and super artificial intelligence. 2017/10/24. CodeBots. https://codebots.com/artificial-intelligence/the-3-types-of-ai-is-the-third-even-possible
  11. ↑ Application of AI. Java T Point. ᠬᠠᠨᠳᠤᠭᠰᠠᠨ 2022/03/31. https://www.javatpoint.com/application-of-ai
"https://wikibilig.mn/index.php?title=ᠬᠢᠮᠡᠯ_ᠣᠶᠤᠨ&oldid=2994" хуудаснаас авсан