ᠻᠦᠢᠳᠢᠴᠢ (Quidditch)

Quidditch ᠪᠣᠯ ᠪᠠᠭ᠎ᠠ ᠪᠠᠷ ᠲᠣᠭᠯᠠᠳᠠᠭ ᠰᠫᠣᠷᠲ ᠲᠣᠭᠯᠠᠭᠠᠮ ᠶᠤᠮ᠃

ᠵᠣᠬᠢᠶᠠᠯᠴᠢ ᠬᠠᠲᠤᠭ ᠲᠠᠢ J. K. Rowling ‍ᠤᠨ ᠪᠢᠴᠢᠭᠰᠡᠨ ᠤᠷᠠᠨ ᠰᠡᠳᠬᠢᠮᠵᠢᠲᠦ ᠲᠤᠭᠤᠵᠢ᠂ ᠮᠥᠨ ᠰᠡᠳᠦᠪ ᠢᠶᠡᠷ ᠪᠦᠲᠦᠭᠡᠭᠰᠡᠨ ᠴᠤᠪᠤᠷᠠᠯ ᠰᠡᠭᠦᠳᠡᠷ ᠵᠦᠵᠦᠭᠡ ᠳᠦ ᠭᠠᠷᠳᠠᠭ ᠰᠢᠳᠢᠲᠦ ᠰᠫᠣᠷᠲ ᠲᠣᠭᠯᠠᠭᠠᠮ ᠠᠭᠠᠳ ᠨᠢᠰᠳᠡᠭ ᠰᠢᠭᠦᠷ ᠤᠨᠠᠵᠤ ᠲᠣᠭᠯᠠᠳᠠᠭ.〔Quidditch. https᠄//www.oed.com/search/dictionary/?scope=Entries᠊q=Quidditch Oxford Englsih Dictionary 2017〕

᠎᠎

ᠲᠣᠭᠯᠠᠭᠠᠮ ᠤᠨ ᠵᠣᠷᠢᠯᠭ᠎ᠠ

Quidditch ᠲᠣᠭᠯᠠᠭᠠᠮ ᠤᠨ ᠵᠣᠷᠢᠯᠭ᠎ᠠ ᠪᠣᠯ ᠥᠷᠢᠰᠦᠯᠳᠦᠭᠴᠢ ᠪᠠᠭ᠎ᠠ ᠠᠴᠠ ᠪᠠᠨ ᠢᠯᠡᠭᠦᠦ ᠣᠨᠣᠭ᠎ᠠ ᠠᠪᠬᠤ.〔Quidditch 2022/06/28. https᠄//sportsmatik.com/sports/quidditch/about〕

ᠪᠠᠭᠤᠤ ᠳᠤ ᠣᠨᠣᠭ᠎ᠠ ᠠᠪᠬᠤ ᠶᠢᠨ ᠲᠤᠯᠠᠳᠠ Quaffle ᠬᠡᠮᠡᠬᠦ ᠰᠢᠷᠢᠨ ᠪᠥᠮᠪᠥᠭᠡ ᠶᠢ ᠥᠷᠢᠰᠦᠯᠳᠦᠭᠴᠢ ᠪᠠᠭ ᠤᠨ ᠴᠠᠭᠠᠷᠠᠭ ᠲᠤ ᠤᠷᠤᠭᠤᠯᠬᠤ ᠠᠭᠠᠳ ᠡᠨᠡ ᠨᠢ ᠨᠢᠭᠡ ᠣᠷᠣᠭᠤᠯᠬᠤ ᠳᠤ 10 ᠣᠨᠣᠭ᠎ᠠ ᠪᠠᠶᠢᠨ᠎ᠠ᠃ ᠮᠥᠨ ᠠᠯᠲᠠᠨ ᠱᠤᠩᠭᠤᠭᠤᠷ ᠢ (Golden Snitch) ᠪᠠᠷᠢᠵᠤ ᠴᠢᠳᠠᠪᠠᠯ 150 ᠣᠨᠣᠭ᠎ᠠ ᠠᠪᠳᠠᠭ᠃

ᠲᠠᠯᠠᠪᠠᠢ

Quidditch ‍ᠦᠨ ᠲᠠᠯᠠᠪᠠᠢ ᠨᠢ ᠥᠨᠳᠥᠷ ᠬᠡᠷᠡᠮ ᠢᠶᠡᠷ ᠬᠦᠷᠢᠶᠡᠯᠡᠭᠰᠡᠨ ᠲᠣᠮᠣᠬᠠᠨ ᠵᠤᠶᠢᠪᠠᠩ ᠬᠡᠯᠪᠡᠷᠢ ᠶᠢᠨ ᠲᠠᠯᠠᠪᠠᠢ ᠪᠠᠶᠢᠨ᠎ᠠ᠃ ᠲᠣᠭᠯᠠᠭᠴᠢᠳ ᠡᠨᠡᠬᠦ ᠲᠠᠯᠠᠪᠠᠢ ᠶᠢᠨ ᠬᠦᠷᠢᠶᠡᠨ ᠡᠴᠡ ᠬᠠᠯᠢᠬᠤ ᠦᠭᠡᠢ ᠲᠣᠭᠯᠠᠬᠤ ᠶᠣᠰᠣᠲᠠᠢ᠂ ᠬᠠᠷᠢᠨ ᠬᠡᠳᠦᠢ ᠥᠨᠳᠥᠷ ᠲᠦ ᠨᠢᠰᠴᠦ ᠲᠣᠭᠯᠠᠬᠤ ᠨᠢ ᠬᠢᠵᠠᠭᠠᠷ ᠦᠭᠡᠢ᠃ ᠲᠣᠭᠯᠠᠯᠲᠠᠳ ᠲᠠᠺᠲ᠋ᠢᠺ᠂ ᠠᠷᠭ᠎ᠠ ᠮᠡᠬᠡ ᠶᠢᠨ ᠱᠠᠭᠠᠷᠳᠠᠯᠭ᠎ᠠ ᠪᠠᠷ ᠨᠡᠩ ᠥᠨᠳᠥᠷ ᠲᠦ ᠬᠥᠷᠴᠢ᠂ ᠡᠭᠦᠯᠡᠨ ᠳᠤᠮᠳᠠ ᠣᠷᠣᠵᠤ ᠳᠡᠭᠦᠯᠡᠬᠦ ᠶᠢ ᠴᠤ ᠵᠥᠪᠰᠢᠶᠡᠷᠡᠳᠡᠭ᠃

ᠲᠠᠯᠠᠪᠠᠢ ᠶᠢᠨ ᠬᠣᠶᠠᠷ ᠡᠰᠡᠷᠡᠭ ᠲᠠᠯ᠎ᠠ ᠳᠤ ᠥᠨᠳᠥᠷ ᠱᠣᠩ ᠳᠤ ᠪᠡᠬᠢᠯᠡᠭᠰᠡᠨ ᠪᠣᠰᠤᠭ᠎ᠠ ᠪᠠᠶᠢᠷᠢᠯᠠᠯ ᠲᠠᠢ ᠭᠤᠷᠪᠠ ᠭᠤᠷᠪᠠᠨ ᠴᠠᠭᠠᠷᠭ ᠪᠠᠶᠢᠨ᠎ᠠ.〔Quidditch Pitch. https᠄//www.wizardingworld.com/fact-file/locations/quidditch-pitch Wizarding World ᠬᠠᠨᠳᠤᠭᠰᠠᠨ 2023/09/23〕

ᠬᠡᠷᠡᠮ ᠦᠨ ᠬᠢᠷ᠎ᠠ᠂ ᠳᠣᠲᠣᠷ᠎ᠠ ᠬᠡᠰᠡᠭ ᠲᠦ ᠥᠷᠢᠵᠦ ᠵᠠᠰᠠᠭᠰᠠᠨ ᠰᠠᠭᠤᠳᠠᠯ᠂ ᠠᠰᠠᠷ ᠲᠡᠷᠢᠭᠦᠲᠡᠨ ᠳᠦ ᠦᠵᠡᠭᠴᠢ᠂ ᠬᠥᠭᠵᠢᠶᠡᠨ ᠳᠡᠮᠵᠢᠭᠴᠢᠳ ᠰᠠᠭᠤᠵᠤ ᠲᠣᠭᠯᠠᠯᠲᠠ ᠶᠢ ᠰᠡᠳᠬᠢᠯ ᠳᠣᠭᠳᠣᠯᠤᠨ ᠦᠵᠡᠵᠦ ᠰᠣᠨᠢᠷᠬᠠᠨ᠎ᠠ᠃

ᠬᠡᠷᠡᠭᠰᠡᠯ

• Quaffle (ᠰᠢᠷᠢᠨ ᠪᠥᠮᠪᠥᠭᠡ)

• Bludgers (ᠲᠡᠮᠦᠷ ᠪᠥᠮᠪᠥᠭᠡ)

• Snitch (ᠱᠤᠩᠭᠤᠭᠤᠷ)

• ᠨᠢᠰᠳᠡᠭ ᠰᠢᠭᠦᠷ

• ᠴᠣᠬᠢᠭᠤᠷ〔https᠄//www.cornellcollege.edu/intramurals/PDFs/Quidditch%20Rules.pdf%20for%20IM.pdf 1᠂ 2 ᠳ᠋ᠤᠭᠠᠷ ᠲᠠᠯ ᠠ〕

‍ ᠨᠢᠰᠳᠡᠭ ᠰᠢᠭᠦᠷ ᠨᠢ ᠰᠢᠳᠢᠲᠡᠨ ᠬᠢᠭᠡᠳ ᠰᠢᠮᠡᠨ ᠨᠤᠭᠤᠳ ᠤᠨ ᠨᠢᠭᠡᠨ ᠲᠥᠷᠥᠯ ᠦᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ. Quidditch ᠲᠡᠮᠡᠴᠡᠭᠡᠨ ᠳᠦ ᠰᠢᠭᠦᠷ ᠤᠨᠠᠵᠤ ᠲᠣᠭᠯᠠᠳᠠᠭ ᠲᠤᠯᠠ ᠨᠡᠩ ᠠᠶᠤᠯ ᠲᠠᠢ ᠪᠣᠯᠪᠠᠴᠤ ᠣᠯᠠᠨ ᠢᠶᠠᠷ ᠢᠶᠠᠨ ᠮᠠᠰᠢᠳᠠ ᠰᠣᠨᠢᠷᠬᠠᠳᠠᠭ᠂ ᠨᠡᠶᠢᠲᠡ ᠪᠡᠷ ᠢᠶᠡᠨ ᠳᠤᠷ᠎ᠠ ᠰᠣᠨᠢᠷᠬᠠᠯ ᠲᠠᠢ ᠰᠫᠣᠷᠲ ᠤᠨ ᠲᠥᠷᠥᠯ ᠶᠤᠮ᠃ ᠰᠫᠣᠷᠲ ᠤᠨ ᠨᠢᠰᠳᠡᠭ ᠰᠢᠭᠦᠷ ᠨᠢ ᠣᠯᠠᠨ ᠮᠠᠷᠺ᠂ ᠵᠠᠭᠪᠤᠷ ᠢᠶᠠᠷ ᠪᠦᠲᠦᠭᠡᠭᠳᠡᠳᠡᠭ ᠡᠴᠡ ᠬᠠᠮᠤᠭ ᠤᠨ ᠠᠯᠳᠠᠷᠲᠠᠢ᠂ ᠬᠤᠷᠳᠤ᠂ ᠬᠦᠴᠢ ᠪᠡᠷ ᠰᠢᠯᠭᠠᠷᠠᠭᠰᠠᠨ ᠨᠢ Nimbus 2000᠂ Nimbus 2001᠂ Firebolt ᠶᠤᠮ᠃ ᠡᠨᠡ ᠭᠤᠷᠪᠠ ᠠᠴᠠ Firebolt ᠨᠢ ᠬᠠᠮᠤᠭ ᠤᠨ ᠬᠤᠷᠳᠤ ᠲᠠᠢ ᠠᠭᠠᠳ ᠣᠳᠣ ᠪᠠᠷ ᠵᠠᠬ᠎ᠠ ᠵᠡᠭᠡᠯᠢ ᠳᠦ ᠭᠠᠷᠤᠭᠠᠳ ᠪᠠᠶᠢᠭ᠎ᠠ ᠤᠷᠤᠯᠳᠤᠭᠠᠨ ᠤ ᠰᠢᠭᠦᠷᠡᠨ ᠨᠦᠭᠦᠳ ᠳᠣᠲᠣᠷ᠎ᠠ ᠬᠠᠮᠤᠭ ᠤᠨ ᠬᠤᠷᠳᠤᠨ᠂ ᠬᠠᠮᠤᠭ ᠤᠨ ᠦᠨᠡᠲᠡᠢ ᠨᠢ ᠪᠢᠯᠡ.〔Brady Macdonald. Let’s go on a virtual shopping spree at Universal’s new Wizarding World. https᠄//www.latimes.com/travel/themeparks/la-trb-wizarding-world-shops-universal-studios-hollywood-20160324-story.html Los Angeles Times 2016/03/24〕

‍ ᠰᠢᠷᠢᠨ ᠪᠥᠮᠪᠥᠭᠡ ‍ᠶ᠋᠋ᠢᠡᠷ (Quaffle) ᠳᠣᠪᠲᠣᠯᠤᠭᠴᠢ᠂ ᠬᠠᠮᠠᠭᠠᠯᠠᠭᠴᠢ ᠨᠠᠷ ᠲᠣᠭᠯᠠᠨ᠎ᠠ᠃ ᠡᠨᠡ ᠪᠥᠮᠪᠥᠭᠡ ᠶᠢᠨ ᠳᠣᠪᠲᠣᠯᠤᠭᠴᠢ ᠨᠢ ᠡᠰᠡᠷᠡᠭ ᠲᠠᠯ᠎ᠠ ᠶᠢᠨ ᠴᠠᠭᠠᠷᠠᠭ ᠲᠤ ᠣᠷᠣᠭᠤᠯᠬᠤ ᠪᠠᠷ ᠲᠣᠭᠯᠠᠵᠤ᠂ ᠬᠠᠮᠠᠭᠠᠯᠠᠭᠴᠢ ᠨᠢ ᠪᠠᠭ ᠤᠨ ᠢᠶᠠᠨ ᠴᠠᠭᠠᠷᠢᠭ ᠢ ᠬᠠᠮᠠᠭᠠᠯᠠᠨ᠎ᠠ᠃

‍ ᠲᠡᠮᠦᠷ ᠪᠥᠮᠪᠥᠭᠡ (Bludgers) ᠨᠢ ᠰᠢᠪᠰᠢᠯᠭᠡ ᠪᠡᠷ ᠬᠥᠷᠴᠢ ᠲᠣᠭᠯᠠᠭᠠᠮ ᠳᠤ ᠤᠷᠤᠬᠤ ᠪᠠ ᠲᠣᠭᠯᠠᠯᠲᠠ ᠶᠢᠨ ᠳᠤᠮᠳᠠᠭᠤᠷ ᠮᠠᠰᠢ ᠬᠤᠷᠳᠤᠨ ᠪᠥᠭᠡᠳ ᠲᠤᠩ ᠳᠣᠭᠰᠢᠨ ᠰᠢᠷᠦᠭᠦᠨ ᠱᠤᠩᠭᠤᠨ ᠳᠡᠭᠦᠯᠢᠵᠦ᠂ ᠲᠣᠭᠯᠠᠭᠴᠢᠳ ᠢ ᠴᠣᠬᠢᠨ ᠤᠨᠠᠭᠠᠵᠤ ᠲᠣᠭᠯᠠᠯᠲᠠ ᠠᠴᠠ ᠭᠠᠷᠭᠠᠬᠤ ᠵᠣᠷᠢᠭᠤᠯᠤᠯᠲᠠ ᠲᠠᠢ᠃ ᠴᠣᠬᠢᠭᠴᠢ ᠳᠤ ᠲᠡᠭᠦᠨ ᠢ ᠴᠣᠬᠢᠭᠤᠷ ᠢᠶᠠᠷ ᠢᠶᠠᠨ ᠴᠣᠬᠢᠵᠤ ᠪᠠᠭ ᠤᠨ ᠭᠡᠰᠢᠭᠦᠳ ᠢᠶᠡᠨ ᠬᠠᠮᠠᠭᠠᠯᠠᠨ᠎ᠠ᠃ ᠲᠣᠭᠯᠠᠯᠲᠠᠳ ᠬᠣᠶᠠᠷ ᠲᠡᠮᠦᠷ ᠪᠥᠮᠪᠥᠭᠡ ᠣᠷᠣᠨ᠎ᠠ᠃

‍ ᠱᠤᠩᠭᠤᠭᠤᠷ (Snitch) ᠨᠢ ᠬᠣᠶᠠᠷ ᠳᠠᠯᠠᠪᠴᠢ ᠲᠠᠢ᠂ ᠬᠤᠰᠢᠭ᠎ᠠ ᠶᠢᠨ ᠴᠢᠨᠡᠭᠡ ᠬᠡᠮᠵᠢᠶ᠎ᠡ ᠲᠡᠢ ᠵᠢᠵᠢᠭ ᠠᠯᠲᠠᠨ ᠪᠥᠮᠪᠥᠭᠡ ᠶᠤᠮ᠃ ᠲᠣᠭᠯᠠᠯᠲᠠ ᠶᠢᠨ ᠲᠠᠯᠠᠪᠠᠢ ᠳᠡᠭᠡᠭᠦᠷ ᠰᠢᠪᠰᠢᠯᠭᠡ ᠪᠡᠷ ᠬᠥᠷᠴᠢ᠂ ᠨᠢᠰᠴᠦ᠂ ᠱᠤᠩᠭᠤᠬᠤ ᠪᠠ ᠬᠡᠨ ᠳᠦ ᠴᠤ ᠪᠠᠷᠢᠭᠳᠠᠬᠤ ᠦᠭᠡᠢ ᠵᠢᠭᠤᠳᠠᠬᠤ ᠪᠣᠯᠪᠠᠴᠤ ᠲᠣᠭᠯᠠᠯᠲᠠ ᠶᠢᠨ ᠣᠷᠣᠨ ᠵᠠᠢ ᠬᠢᠵᠠᠭᠠᠷ ᠠᠴᠠ ᠭᠠᠷᠬᠤ ᠦᠭᠡᠢ᠃

‍ ᠴᠣᠬᠢᠭᠤᠷ ᠨᠢ ᠪᠣᠭᠣᠨᠢᠬᠠᠨ ᠮᠣᠳᠣᠨ ᠴᠣᠬᠢᠭᠤᠷ ᠪᠠᠶᠢᠨ᠎ᠠ᠃

‍ ᠴᠠᠭᠠᠷᠭ᠄ ᠲᠠᠯᠠᠪᠠᠢ ᠶᠢᠨ ᠬᠣᠶᠠᠷ ᠡᠰᠡᠷᠡᠭ ᠲᠠᠯ᠎ᠠ ᠳᠤ ᠥᠨᠳᠥᠷ ᠱᠣᠩ ᠳᠤ ᠪᠡᠬᠢᠯᠡᠭᠰᠡᠨ ᠪᠣᠰᠤᠭ᠎ᠠ ᠪᠠᠶᠢᠷᠢᠯᠠᠯ ᠲᠠᠢ ᠭᠤᠷᠪᠠ ᠭᠤᠷᠪᠠᠨ ᠴᠠᠭᠠᠷᠭ ᠪᠠᠶᠢᠨ᠎ᠠ᠃ ᠳᠤᠮᠳᠠ ᠲᠠᠯ᠎ᠠ ᠶᠢᠨ ᠴᠠᠭᠠᠷᠭ ᠨᠢ ᠬᠠᠮᠤᠭ ᠤᠨ ᠥᠨᠳᠥᠷ ᠱᠣᠩ ᠳᠤ᠂ ᠪᠠᠷᠠᠭᠤᠨ ᠲᠠᠯ᠎ᠠ ᠶᠢᠨ ᠴᠠᠭᠠᠷᠭ ᠬᠠᠮᠤᠭ ᠤᠨ ᠨᠠᠮ ᠱᠣᠩ ᠳᠤ ᠪᠠᠶᠢᠨ᠎ᠠ᠃ ᠭᠡᠬᠦ ᠳᠦ ᠪᠡᠨ ᠵᠥᠪᠬᠡᠨ ᠨᠢᠰᠳᠡᠭ ᠰᠢᠭᠦᠷ ᠢᠶᠡᠷ ᠬᠥᠷᠴᠢ ᠬᠦᠷᠬᠦ ᠥᠨᠳᠥᠷ ᠲᠦ ᠪᠠᠶᠢᠨ᠎ᠠ᠃

ᠪᠠᠭ ᠤᠨ ᠪᠦᠷᠢᠯᠳᠦᠬᠦᠨ

Quidditch ᠲᠣᠭᠯᠠᠭᠠᠮ ᠤᠨ ᠪᠠᠭ ᠲᠤᠰ ᠪᠦᠷᠢ 7 ᠭᠡᠰᠢᠭᠦᠨ ᠲᠡᠢ ᠪᠠᠶᠢᠨ᠎ᠠ᠃

ᠪᠠᠭ ᠨᠢ ᠨᠢᠭᠡ ᠠᠩᠭᠤᠴᠢ (Seeker)᠂ ᠨᠢᠭᠡ ᠬᠠᠮᠠᠭᠠᠯᠠᠭᠴᠢ (Keeper)᠂ ᠬᠣᠶᠠᠷ ᠴᠣᠬᠢᠭᠴᠢ (Beater)᠂ ᠭᠤᠷᠪᠠᠨ ᠳᠣᠪᠲᠣᠯᠤᠭᠴᠢ (Chaser) ᠪᠥᠷᠢᠳᠦᠨ᠎ᠡ᠃ ᠡᠳᠡᠭᠡᠷ ᠨᠢ ᠲᠤᠰ ᠲᠤᠰ ᠤᠨ ᠡᠭᠦᠷᠭᠡ ᠲᠡᠢ.〔Fandom. Quidditch Team. https᠄//harrypotter.fandom.com/wiki/Quidditch᠎team Harry Potter Wiki 2023/09/05〕

‍ ᠳᠣᠪᠲᠣᠯᠤᠭᠴᠢᠳ ᠨᠢ ᠰᠢᠷᠢᠨ ᠪᠥᠮᠪᠥᠭᠡ ᠶᠢ ᠪᠠᠷᠢᠵᠤ ᠠᠪᠴᠤ᠂ ᠠᠯᠠᠳᠠᠯ ᠦᠭᠡᠢ ᠠᠪᠴᠤ ᠶᠠᠪᠤᠵᠤ᠂ ᠥᠷᠢᠰᠦᠯᠳᠦᠭᠴᠢ ᠪᠠᠭ ᠤᠨ ᠭᠤᠷᠪᠠᠨ ᠴᠠᠭᠠᠷᠢᠭ ᠤᠨ ᠠᠯᠢ ᠨᠢᠭᠡᠨ ᠳᠦ ᠣᠷᠣᠭᠤᠯᠤᠨ ᠪᠠᠭᠲᠠᠭ᠎ᠠ ᠣᠨᠣᠭ᠎ᠠ ᠠᠪᠬᠤ ᠡᠭᠦᠷᠭᠡ ᠲᠡᠢ᠃ ᠳᠣᠪᠲᠣᠯᠤᠭᠴᠢᠳ ᠪᠡᠶ᠎ᠡ ᠪᠡᠶᠡᠳᠡᠭᠡ ᠪᠥᠮᠪᠥᠭᠡ ᠳᠠᠮᠵᠢᠭᠤᠯᠵᠤ ᠪᠣᠯᠬᠤ ᠴᠤ ᠣᠨᠣᠭᠣᠨ ᠤ ᠪᠥᠰᠡ ᠳᠦ ᠬᠣᠶᠠᠷ ᠢᠶᠠᠷ ᠢᠶᠠᠨ᠂ ᠡᠰᠡᠪᠡᠯ ᠭᠤᠷᠪᠠᠭᠤᠯᠠ ᠪᠠᠨ ᠨᠢᠭᠡᠨ ᠵᠡᠷᠭᠡ ᠨᠡᠪᠲᠡᠷᠡᠴᠢ ᠪᠣᠯᠬᠤ ᠦᠭᠡᠢ᠃

‍ ᠬᠣᠶᠠᠷ ᠴᠣᠬᠢᠭᠴᠢ ᠨᠢ ᠪᠠᠭ ᠤᠨ ᠭᠡᠰᠢᠭᠦᠳ ᠢ ᠪᠡᠨ ᠲᠤᠩ ᠰᠢᠷᠦᠭᠦᠨ ᠱᠤᠩᠭᠤᠨ ᠢᠷᠡᠵᠦ ᠴᠣᠬᠢᠵᠤ ᠤᠨᠠᠭᠠᠬᠤ ᠬᠥᠳᠡᠯᠭᠡᠭᠡᠨᠲᠡᠢ Bludger ᠬᠡᠮᠡᠬᠦ ᠬᠠᠷ᠎ᠠ ᠲᠡᠮᠦᠷ ᠪᠥᠮᠪᠥᠭᠡ ᠡᠴᠡ ᠬᠠᠮᠠᠭᠠᠯᠠᠨ᠎ᠠ᠃ ᠲᠡᠳᠡ ᠪᠣᠭᠣᠨᠢ ᠴᠣᠬᠢᠭᠤᠷ ᠲᠠᠢ᠂ ᠲᠡᠭᠦᠪᠡᠷ ᠢᠶᠡᠨ ᠲᠡᠮᠦᠷ ᠪᠥᠮᠪᠥᠭᠡ ᠶᠢ ᠪᠠᠭ ᠤᠨ ᠭᠡᠰᠢᠭᠦᠳ ᠡᠴᠡ ᠪᠡᠨ ᠬᠣᠯᠠᠳᠠᠭᠤᠯᠤᠨ ᠴᠤᠬᠢᠬᠤ ᠪᠠ ᠡᠰᠡᠷᠡᠭ ᠪᠠᠭ ᠤᠨ ᠭᠡᠰᠢᠭᠦᠳ ᠦᠨ ᠵᠦᠭ ᠴᠣᠬᠢᠵᠤ ᠢᠯᠡᠭᠡᠨ᠎ᠡ᠃

‍ ᠬᠠᠮᠠᠭᠠᠯᠠᠭᠴᠢ ᠨᠢ ᠥᠷᠢᠰᠦᠯᠳᠦᠭᠴᠢ ᠪᠠᠭ ᠤᠨ ᠲᠠᠮᠢᠷᠴᠢᠳ ᠤᠨ ᠣᠷᠣᠭᠤᠯᠬᠤ ᠪᠠᠷ ᠰᠢᠳᠡᠭᠰᠡᠨ ᠪᠥᠮᠪᠥᠭᠡ ᠡᠴᠡ ᠥᠪᠡᠷ ᠦᠨ ᠪᠠᠭ ᠤᠨ ᠴᠠᠭᠠᠷᠢᠭ ᠢ ᠬᠠᠮᠠᠭᠠᠯᠠᠨ᠎ᠠ᠃

‍ ᠠᠩᠭᠤᠴᠢ ᠨᠢ ᠬᠠᠮᠤᠭ ᠤᠨ ᠴᠢᠬᠤᠯᠠ ᠬᠡᠷᠡᠭᠰᠡᠯ ᠪᠣᠯᠬᠤ ᠠᠯᠲᠠᠨ ᠱᠤᠩᠭᠤᠭᠤᠷ ᠢ ᠡᠯᠳᠡᠭ ᠭᠦᠢᠴᠡᠵᠦ᠂ ᠰᠢᠭᠦᠷᠡᠨ ᠪᠠᠷᠢᠬᠤ ᠡᠭᠦᠷᠭᠡ ᠲᠡᠢ᠃

ᠪᠠᠭ ᠤᠳ ᠤᠨ ᠪᠦᠷᠢᠯᠳᠦᠬᠦᠨ ᠨᠢ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠣᠯᠢᠮᠠᠭ ᠪᠠᠶᠢᠵᠤ ᠪᠣᠯᠤᠨ᠎ᠠ᠃

ᠨᠠᠰᠤᠨ ᠤ ᠳ᠋ᠣᠣ ᠳᠤ ᠬᠢᠵᠠᠭᠠᠷ ᠤᠨ ᠲᠤᠬᠠᠢ ᠳᠤ ᠠᠷᠪᠠᠨ ᠨᠢᠭᠡᠨ ᠨᠠᠰᠤᠲᠠᠢ ᠬᠡᠦᠬᠡᠳ ᠪᠠᠭ ᠤᠨ ᠪᠦᠷᠢᠯᠳᠦᠬᠦᠨ ᠳᠦ ᠣᠷᠣᠵᠤ ᠲᠣᠭᠯᠠᠵᠤ ᠪᠣᠯᠤᠨ᠎ᠠ᠃ ᠪᠠᠭ ᠤᠳ ᠤᠨ ᠪᠦᠷᠢᠯᠳᠦᠬᠦᠨ ᠳᠦ 11 ᠪᠣᠯᠤᠨ ᠲᠡᠭᠦᠨ ᠡᠴᠡ ᠳᠡᠭᠡᠭᠰᠢ ᠶᠠᠮᠠᠷ ᠴᠤ ᠨᠠᠰᠤᠨ ᠤ ᠲᠠᠮᠢᠷᠴᠢᠳ ᠬᠣᠯᠢᠯᠳᠤᠨ ᠣᠷᠣᠵᠤ ᠪᠣᠯᠳᠠᠭ᠃

ᠲᠡᠮᠡᠴᠡᠭᠡᠨ ᠳᠦ ᠬᠣᠵᠢᠬᠤ

Quidditch ᠲᠣᠭᠯᠠᠭᠠᠮ ᠳᠤ ᠠᠯᠲᠠᠨ ᠱᠤᠩᠭᠤᠭᠤᠷ ᠢ ᠲᠦᠷᠦᠭᠦᠯᠡᠵᠦ ᠰᠢᠭᠦᠷᠡᠭᠰᠡᠨ ᠪᠠᠭ ᠬᠣᠵᠢᠳᠠᠭ ᠭᠡᠰᠡᠨ ᠡᠨᠳᠡᠭᠦᠦ ᠣᠶᠢᠯᠠᠭᠠᠯᠲᠠ ᠲᠦᠭᠡᠮᠡᠯ ᠪᠠᠶᠢᠳᠠᠭ᠃ ᠡᠨᠡᠬᠦ ᠰᠫᠣᠷᠲ ᠤᠨ ᠲᠥᠷᠥᠯ ᠳᠦ ᠢᠯᠡᠭᠦᠦ ᠥᠨᠳᠥᠷ ᠣᠨᠣᠭ᠎ᠠ ᠲᠠᠢ ᠪᠠᠭ ᠬᠣᠵᠢᠳᠠᠭ᠃ 〔https᠄//www.cornellcollege.edu/intramurals/PDFs/Quidditch%20Rules.pdf%20for%20IM.pdf 2 ᠳ᠋ᠤᠭᠠᠷ ᠲᠠᠯ ᠠ〕

ᠳᠣᠪᠲᠣᠯᠤᠭᠴᠢ ᠡᠰᠡᠷᠡᠭ ᠪᠠᠭ ᠤᠨ ᠴᠠᠭᠠᠷᠠᠭ ᠲᠤ ᠪᠥᠮᠪᠥᠭᠡ ᠣᠷᠣᠭᠤᠯᠤᠭᠰᠠᠨ ᠢᠶᠠᠷ ᠪᠠᠭ ᠲᠤ ᠨᠢ 10 ᠣᠨᠣᠭ᠎ᠠ ᠨᠡᠮᠡᠭᠳᠡᠳᠡᠭ ᠪᠣᠯ ᠠᠩᠭᠤᠴᠢ ᠱᠤᠩᠭᠤᠭᠤᠷ ᠢ ᠰᠢᠭᠦᠷᠡᠭᠰᠡᠨ ᠢᠶᠡᠷ ᠪᠠᠭᠲᠠᠭ᠎ᠠ 150 ᠣᠨᠣᠭ᠎ᠠ ᠠᠪᠴᠢᠷᠠᠳᠠᠭ᠃ ᠲᠡᠶᠢᠮᠦ ᠡᠴᠡ ᠱᠤᠩᠭᠤᠭᠤᠷ ᠢ ᠰᠢᠭᠦᠷᠡᠭᠰᠡᠨ ᠪᠠᠭ ᠬᠣᠵᠢᠭᠴᠢ ᠪᠣᠯᠬᠤ ᠮᠠᠭᠠᠳᠯᠠᠯ ᠮᠠᠰᠢ ᠥᠨᠳᠥᠷ ᠪᠠᠶᠢᠨ᠎ᠠ᠃

Muggle Quidditch

ᠰᠢᠳᠢᠲᠡᠨ᠂ ᠰᠢᠮᠨᠤ ᠪᠤᠰᠤ᠂ ᠡᠭᠡᠯ ᠲᠥᠷᠥᠯᠬᠢᠲᠡᠨ ᠨᠦᠭᠦᠳ ᠨᠢᠰᠳᠡᠭ ᠰᠢᠭᠦᠷᠡᠨ ᠦ ᠣᠷᠣᠨ ᠳᠤ ᠲᠡᠭᠦᠨ ᠢ ᠲᠥᠯᠦᠭᠡᠯᠡᠭᠰᠡᠨ ᠶᠠᠮᠠᠷ ᠨᠢᠭᠡ ᠰᠠᠪᠠᠭ᠎ᠠ ᠬᠥᠯ ᠦᠨ ᠢᠶᠡᠨ ᠬᠣᠭᠣᠷᠣᠨᠳᠣ ᠪᠠᠨ ᠪᠠᠷᠢᠵᠤ ᠭᠦᠶᠦᠵᠦ ᠲᠣᠭᠯᠠᠳᠠᠭ. Bludger ‍ᠶ ᠬᠥᠭᠡᠷᠭᠡᠵᠦ ᠲᠣᠭᠯᠠᠯᠲᠠᠳ ᠤᠷᠤᠭᠤᠯᠬᠤ ᠰᠢᠪᠰᠢᠯᠭᠡ ᠶᠢ ᠮᠡᠳᠡᠬᠦ ᠦᠭᠡᠢ ᠲᠤᠯᠠ ᠴᠣᠬᠢᠭᠴᠢ ᠳᠤ ᠨᠢ ᠡᠰᠡᠷᠡᠭ ᠪᠠᠭ ᠤᠨ ᠢᠶᠠᠨ ᠲᠠᠮᠢᠷᠴᠢᠳ ᠢ ᠵᠥᠭᠡᠯᠡᠨ ᠭᠠᠷ ᠪᠥᠮᠪᠥᠭᠡ ᠪᠡᠷ ᠣᠨᠣᠬᠤ ᠶᠢ ᠴᠢᠷᠮᠠᠶᠢᠬᠤ ᠪᠠ ᠣᠨᠣᠭᠳᠠᠭᠰᠠᠨ ᠲᠠᠮᠢᠷᠴᠢᠨ ᠲᠡᠮᠡᠴᠡᠭᠡᠨ ᠡᠴᠡ ᠭᠠᠷᠤᠨ᠎ᠠ᠃ ᠱᠤᠩᠭᠤᠭᠤᠷ ᠢ ᠪᠠᠭ ᠤᠳ ᠤᠨ ᠠᠯᠢ ᠨᠢᠭᠡ ᠳᠦ ᠦᠯᠦ ᠬᠠᠮᠢᠶᠠᠷᠬᠤ ᠲᠠᠮᠢᠷᠴᠢᠨ ᠣᠶᠢᠮᠣᠰᠤᠨ ᠳᠤ ᠬᠢᠵᠦ ᠠᠷᠤ ᠳᠠᠭᠠᠨ ᠰᠡᠭᠦᠯ ᠮᠡᠲᠦ ᠵᠡᠭᠦᠵᠦ᠂ ᠬᠣᠶᠠᠷ ᠲᠠᠯ᠎ᠠ ᠶᠢᠨ ᠠᠩᠭᠤᠴᠢᠳ ᠠᠴᠠ ᠵᠢᠭᠤᠳᠠᠵᠤ ᠲᠣᠭᠯᠠᠨ᠎ᠠ᠃ ᠠᠩᠭᠤᠴᠢᠳ ᠲᠡᠭᠦᠨ ᠲᠡᠢ ᠬᠥᠭᠡᠭᠡᠴᠡᠯᠳᠦᠵᠦ᠂ ᠱᠤᠩᠭᠤᠭᠤᠷ ᠢ ᠱᠦᠭᠦᠷᠡᠬᠦ ᠪᠡᠷ ᠡᠯᠳᠡᠨ᠎ᠡ᠃

ᠲᠡᠭᠦᠨᠴᠢᠯᠡᠨ ᠪᠠᠭ ᠤᠨ ᠭᠡᠰᠢᠭᠦᠳ ᠮᠣᠷᠢ ᠤᠨᠤᠵᠤ ᠲᠣᠭᠯᠠᠬᠤ᠂ ᠤᠰᠤᠨ ᠳᠤ ᠰᠡᠯᠢᠵᠦ ᠲᠣᠭᠯᠠᠬᠤ ᠲᠡᠷᠢᠭᠦᠲᠡᠨ ᠡᠯᠳᠡᠪ ᠬᠤᠪᠢᠯᠪᠤᠷᠢ ᠨᠤᠭᠤᠳ ᠵᠣᠬᠢᠶᠠᠭᠳᠠᠭᠰᠠᠨ ᠪᠠᠶᠢᠳᠠᠭ.〔Hélène Caroff. Aquasud. L〈Aquaquidditch᠂ pas si sorcier ! https᠄//www.letelegramme.fr/finistere/pont-l-abbe-29120/spanaquasudspan-laquaquidditch-pas-si-sorcier-2935497.php Le Télégramme 2017/05/23〕

Quidditch ‍ᠦᠨ ᠣᠯᠠᠨ ᠤᠯᠤᠰ ᠤᠨ ᠬᠣᠯᠪᠣᠭ᠎ᠠ 2010 ᠣᠨ ᠤ 1 ᠰᠠᠷ᠎ᠠ ᠶᠢᠨ 1 ᠲᠦ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠠᠭᠠᠳ ᠳᠡᠯᠡᠬᠡᠢ ᠶᠢᠨ ᠴᠣᠮᠣ ᠶᠢᠨ ᠲᠡᠮᠡᠴᠡᠭᠡᠨ 2010 ᠣᠨ ᠠᠴᠠ ᠡᠬᠢᠯᠡᠭᠡᠳ ᠲᠣᠭᠲᠠᠮᠠᠯ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠤ ᠪᠠᠶᠢᠨ᠎ᠠ᠃

ᠪᠠᠰᠠ ᠺᠠᠷᠲ ᠰᠤᠭᠤᠯᠳᠠᠭ ᠰᠢᠷᠡᠭᠡᠨ ᠦ ᠬᠥᠯᠭᠡᠲᠦ Quidditch ᠲᠣᠭᠯᠠᠭᠠᠮ᠂ ᠺᠣᠮᠫᠢᠶᠦ᠋ᠲ᠋ᠧᠷ ᠲᠣᠭᠯᠠᠭᠠᠮ ᠮᠠᠰᠢ ᠣᠯᠠᠨ ᠬᠡᠯᠪᠡᠷᠢ᠂ ᠬᠤᠪᠢᠯᠪᠤᠷᠢ ᠪᠠᠷ ᠭᠠᠷᠤᠭᠰᠠᠨ ᠪᠠᠶᠢᠳᠠᠭ᠃

ᠨᠡᠷ᠎ᠡ ᠲᠣᠮᠢᠶᠠᠯᠠ

ᠡᠬᠢ ᠰᠤᠷᠪᠤᠯᠵᠢ